太興 (德福廣場2期)

營業中

休息中

有一段時間無去太興，鑊鑊去都係食燒味，今次想轉下。加上一碟烧味飯成七八九十蚊，lunch嘅話，真係食唔起。点個餐蛋通，餐肉好咸，D湯仲咸。而家D人食得好清淡，咁咸港人真唔啱!

平日怕太油比較少食乾炒牛河，不過去到太興食lunch見到menu覺得好似好正，於是忍唔住叫嚟試下因為用牛河用鐵板上，上枱熱辣辣滋滋聲，牛肉都好嫩滑唔乾，食完鐵板底又唔見好多油，配埋個招牌冰鎮奶茶好正呀！值得再試👍🏻👍🏻👍🏻

食過好多間太興 未試過咁難食既九龍灣淘大店兩碟飯叫左個3拼燒味 油雞 燒肉 叉燒飯一黎到個樣都知麻麻地叉燒係陳皮咁既色 啲肉柴既硬既油雞似切雞唔入味 口感都難食得燒肉個樣ok 但食落都係硬既個飯最難受無水份 又係硬既（啲飯感差過食兩餸飯啲飯感）整體係比街市30蚊果啲燒味飯仲要差啲以前成日食太興 覺得食物穩定九龍灣淘大依間真係唔會再食九十幾蚊唔通真係食你裝修？埋單過去果陣發現 佢掛起係玻璃窗果啲叉燒 雞都係入味樣但下面有幾個盤擺住啲肉同碎件就似我地食緊果啲明顯係擺左好耐 懷疑係賣唔晒賣淨果啲俾我地自己睇相啦

下午茶餐38元，喜歡飲冰鎮奶茶而光顧，再試埋碗燒鵝粉，上始俾佢嚇親，二件燒鵝肉切開俾客，味道正常，理解食材貴如果價錢做唔到可以加多幾元，甘核突俾客，以後唔會幫襯！

⭐️ 牛角酥三文治加熱咖啡 $38呢個牛角酥三文治真係好好食，牛角酥好脆好香😗😗，入面仲有火腿、芝士、快蕃茄同生菜，餡料好豐富👀👀。雖然睇返去細細個，但實際食落去都幾飽足😄😄。牛角酥一咬落去就係超脆口，而且蕃茄同生菜都好新鮮。熱咖啡正常都好唔錯，仲係即磨咖啡，更加香濃。⭐️ 鮑汁雞翼撈公仔麵 凍檸茶 $40鮑汁嘅味道有少少甜甜嘅感覺，特別好配撈埋公仔麵食🤤🤤。公仔麵個麵質彈牙，煮得啱啱好，唔會太軟或者太硬👍🏻👍🏻。雞翼嘅份量都幾足夠，入味都唔錯。如果再加返啲辣椒油，味道更加出色😆😆。凍檸茶都係一般茶餐廳嘅水準，冰涼清爽，都好好飲😚😚。📍太興 Tai Hing九龍灣偉業街33號德福廣場2期5樓520-523號舖Shop 520-523, 5/F, Telford Plaza 2, 33 Wai Yip Street, Kowloon Bay

見咁多人去食以為啲燒鵝好好食，點知叫咗嗰燒鵝飯，同餐牌嘅相係唔一樣，貨不對辦，見到啲骨頭都有啲密集恐懼症，唔敢食。之後我去叫侍應過嚟睇，佢話係正常，你哋唔好食呢個餐係叫做明爐燒鵝飯，成疊骨頭。以後都再幫襯

太興 - 九龍灣分店今早處理完工作見有小小時間就同秘書一齊去食個靚早餐附近的吃多了就走遠一點在德福吃這家呢🔸頂級午餐肉滑蛋公仔麵午餐肉堅係兩大塊上！口感好好，唔似d好雞既大陸午餐肉我鍾意太陽蛋所以轉左公仔面不得了！雖然佢話唔係岀前一丁但我覺得好似軟硬程度適中令到我開始懷念以前日日都食公仔面既日子( 戒左半年，怕肥 )🔸牛油多士驚自己唔飽所以加左塊多士🔸冰鎮奶茶齋啡數年的我要破戒了黎到呢到都係必飲呢個！奶茶奶味唔會太重，茶味都幾岀好多時杯野放耐左，冰融左冰水同奶茶混和在一起就會變味咁樣唔單只唔會變味之餘仲可以保持冰凍落單自己掃QR code對我黎講方便但對d公公婆婆年紀大小小既人就未必咁user friendly 了有機會我會再來的推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️⭐️/⭐️⭐️⭐️⭐️⭐️🏡九龍偉業街33號德福廣場第二期5樓528-523號舖#gd.food.gd.mood#eatwithfoodiez#foodiesinternationalchat

太興下午茶選擇種類繁多，價錢唔會話好貴，大多數都係$50-60左右價錢，想要飽肚可以選擇飯類，份量唔算少，另外都可以選擇麵類，符合下午茶食量需要。🍴M16.鵝絲雪菜炆米粉 $54.00鵝肉絲都幾多，米粉唔會話太濕，整體來講算係酸甜開胃🥢M18.星州炒米 $54.00 唔會太咸太辣，青椒同紅椒都配合唔錯，仲有4.5隻大蝦🍤，性價比幾高🥤+$3 （冰鎮凍奶茶）太興奶茶最特別之處就係有碗冰放係奶茶下面，唔會因為時間久左就令奶茶味道變淡，所以每次黎太興必定要叫一杯（冰鎮凍奶茶）！而且都係加$3價錢，絕對係必定要叫！

叉燒油雞飯：全瘦叉，仲要有酸味，飯又硬枝竹豆腐火腩飯：枝竹，豆腐 完全無味，火腩不是腩肉，應該係燒豬頭尾下柵⋯⋯員工態度惡劣，叫佢換過叉燒又不情願，最後還是換了，在離枱10CM距離間丟落嚟 轉身離開永世不會再幫襯！！！！！！

昨天打風忽然多了一天假期下午跟媽媽到商場吃下午茶，失望很多快餐店都沒有開門最後去了很少幫襯的太興。招呼我倆的是位叔叔，算是有禮貌，起碼我見到久違了的侍應笑容我們隨意点了炒飯及炒河，等了一會，食物來到，賣相不錯。先講我吃的元貝炒飯，蛋色均勻粒粒分明，xo醬有少少辣，元貝都算大粒爽口，口感不錯。食下食下到碟底……竟然發現沒有甚麼油剩在碟，平常去開其它茶記，吃到最後總是剩下全碟油，這点我非常喜歡之後再講媽媽吃的牛柳絲我試了一些，牛柳絲軟腍嫩滑，瑞士汁甜而不賸，令我放假日子感到絲絲甜，幸福美的感覺最後又是吃到碟面反光了走的時候，大叔還推介甚麼新產品金萡义燒，我笑說希望下次天文台再次大發慈悲，他說一定一定

假期德福廣場好多人😀，每間餐廳都排長龍，連太興都要排隊😆。等了差不多十五分鐘，終於可以入座👏🏻。下午茶滿燻鵝絲雪菜炆米粉$54、 XO醬元貝菜粒炒飯$54、 凍咖啡$3 & 茶走。 滿燻鵝絲雪菜炆米粉味道偏鹹， 食食下仲發現到有鵝骨😅。XO醬元貝菜粒炒飯反而味道好淡， 好似唔記得落鹽， 又沒有XO醬味道。 都是飲品最好， 凍咖啡和茶走都正常。 這間太興的質素麻麻地🤏🏻， 要改善一下。    太興地址: 九龍灣偉業街33號德福廣場第二期5樓520-523號舖

今日經開九龍灣, 有d 事情要處理, 完成後見冇野做, 就上左德福P 記做GYM 今日操膊頭 同 二頭, 可能未放工 , 同出面又落緊大雨, 冇咩人健身所以今日就做得出力左, 做完4 點幾, 但係好肚餓 突然之間好想食叉燒, 咁我就係德福行左個圈, 睇下有咩好選擇最後經過太興 , 心諗連鎖店, 食叉燒飯最穩陣入到去，都係唔係咁多人坐得幾舒服見今日咁辛苦做運動所以叫咗個下午茶叉燒飯加鹹蛋，仲要整番杯冰鎮凍咖啡添果然係連鎖店，質素其實都有保證，啲叉燒唔會太肥啱啱好，我仲用鹹蛋撈飯，雖然係下午茶但係個份量都唔算太少，最後仲有一杯冰鎮凍奶茶，非常滿足睇嚟食完呢餐之後，我發覺啱啱做運動係白做㗎

好女友極度推薦太興我百忙中抽一個下午去食其燒味下午茶時段燒肉飯66元燒鵝飯，63$一杯茶加三元羅宋湯要了柚子蜜燒鵝賣點是煙燻即是重煙燻味但今日的顏色太深好似燶左了肉質亦都普通香港始終係急凍無什麼好食白飯都很普通沒有任何優勢燒鵝味道不錯可惜肉質仍硬而不鬆而且燒得太黑但可能期望過高就唔算太出色下午茶义燒咸蛋飯只46元咁就可以將貨就價有杯好立克生意幾好下次會試燒豬女朋友話太興燒豬係成隻豬燒出嚟唔係只燒一舊肉的

肥仔午餐平時叫開炒飯，今日心血來潮叫咗乾炒牛河。牛肉係牛柳唔係肉片，分量唔算太多。牛柳味道有少少甜，感覺今次炒河粉冇平時炒飯咁有鑊氣。但係整體感覺都幾好食，如果有埋辣椒油就Perfect啦。餐飲依然係檸檬茶走甜，冇澀味，值得一讚。

同朋友相聚其中一個節目一定會吃餐飯，但朋友夜晚突然有事，就即改為吃下午茶。 我今日放假順朋友意去她的區，就在附近看見太興，可能過了午市不是太多人，不用等位就可入座。手工牛丸湯米粉牛丸有肉味又彈牙又夠大粒，令到米粉湯底也好味。雪菜肉絲湯米粉用大碗裝看似份量多，實際是雪菜多過米粉，米粉份量勁少。拼香滑炒蛋配鬆脆多士，多士烘得脆，香滑炒蛋也炒得夠滑但份量偏少。熱飲杯超細，不過茶味調得很好，茶味夠香有茶味。