太興 (瑞豐大樓)

營業中

休息中

太興下午茶，都算多款式，有餐蛋麵、迷你燒味飯、公司三文治、厚多士、炒粉麵等等。連鎖店好就好在質素 standard，不會太差也不會有驚喜。餐蛋麵，可以轉米粉，可以揀湯底，也可以轉太陽蛋。炆米，不太油，仲要剛炒出來，味道不錯。

炎炎夏日💦真係要一啖涼快飲品嚟解渴！今日去咗太興食嘢，見到佢哋出咗幾款特色奶茶，叫咗款豆花奶茶嚟試吓，嘩！奶茶底香滑得嚟不甜膩，搭配嘅軟綿豆花仲可以增加多重口感，焦香嘅綿花糖同營養豐富嘅胚芽啖啖都係驚喜，喺喉嚨過落嘅瞬間真係爽啲！啱哂炎熱嘅天氣。仲有間屋企人喜歡嘅太興盆菜🥘，種類豐富，又大碟又靚，最掂係豬手同魚蛋，嗲辣鮑魚脆口又飽滿，每樣食材都好入味。要數至Hit嘅必試新品，就係太興嘅泰式金不換醬油回香雞🍗，幾得意，用豉油香煎到外脆內嫩，重點係唔會過咸，雞肉又嫩滑，豉油微甜，倆倆相得益彰，下次見到報紙coupon記得留意唔好錯過喇！太興真係滿足到我呢個美食愛好者嘅胃，真心推介比大家試吓。🤤👌🏼👀

大圍太興啲夥計，朝頭早服務實在太差，舉手舉到手跛都冇人睬你，睇到又扮睇唔到，真係不知所謂，收銀大大聲聲嘈到拆天，兩位卡位死都要人搭枱，但係見到男人又唔敢叫，太興應該俾多啲培訓啲夥計，不知所謂，以後不會再幫襯

踩入太興，一陣香辣醬油嘅氣味撲鼻而來，咁先至叫做香港嘅下午茶味道嘛！揀咗份傳統的蛋撻同杯絲滑冰鎮奶茶，港式嘢飲真係唔洗多講𠻹，咁先享得味！蛋撻外皮酥脆得黎，入口即化，一啖蛋香，夠滑夠香，仲要微溫，一詞彙都捧不住這份完美。呢啖甜頭後，才喝口奶茶，冰冰涼涼嘅，解渴之餘又唔會過甜，奶香四溢，後勁足，真係正👍！撈埋手再試份排骨麵，啲排骨煎得金黃，外酥內嫩，肉味濃郁，麵條彈牙得嚟唔會太腍，正到飛起！就連我對面嗰位老友都讚口不絕，氣氛一片得意。食嘢係咁，環境同陪伴都係重要嘅調味品，太興呢度，港式情懷瀰漫，啱哂約三五知己，齊齊嚟個食飽飽，談天論地。撇除啲媒體嘅非議，走進太興，用最本土嘅味覺，感受下香港本土飲食嘅魅力吧！飲食感受，唔單只係口味，仲有感情嘅味道。這一份，笪吓難以忘懷喇！🥢🍜🥤

由於番早要去恆行入數太興正正係對面～襟左飛慢慢坐住另外跟緊餐單食呢度算係多選擇落親嚟都係下午茶時間雞扒雙蛋飯（少飯）自我去皮會揀荷包蛋唔想太生但又有d蛋汁配埋豉油應該大家都可以食一碗飯因為叫左少飯多數會配碟生菜全走（走油、蠔油、腩汁）增加飽肚感有時會食下雪菜肉絲米轉下口味因為跟餐單只可以食飯或米粉戒小麥所以嚟親都係叫果幾樣有時餓會加杏汁豬肺湯😆咁飲品當然係冰鎮奶茶都係煎荷包蛋，今次要左菜心全走（走油、蠔油、腩汁）

呢排天氣好似火爐咁熱☀️！ 平時喜歡熱奶茶☕️的我都頂唔順，超想飲杯冰凍飲品黎解渴，今日去太興食下午茶，見到出左3 款特色奶茶 - 香芋奶茶味/豆花奶茶/桃膠奶茶！😍 全部都係用左佢地嘅經典冰鎮奶茶作茶底，仲配上減甜配方，味道濃而不膩，口感非常清新，岩哂夏天飲用！ 💓 我就叫左杯 豆花奶茶 ，火炙綿花糖配以營養豐富的粒粒胚芽，加埋豆味十足的軟滑豆花配上香滑奶茶，整杯飲品焦脆與柔滑交織，重口感滋味！再配埋粗粒花生醬厚多士，正呀

今日去了大圍太興食早晨，叫咗👉🏻榨菜肉絲米粉❤️❤️佢啲米粉好啱我口味👉🏻煙靭有口感，有啲甜甜微辣好好味😋😋，👉🏻多士炒蛋，味道正常水平😊😊😊凍奶茶走甜，整體環境OK，店員服務態度好👏🏻👏🏻👏🏻

一直都鍾意去太興食飯，覺得比起其他連鎖品牌味道更地道，而且各款菜色都不太鹹，好啱我的口味。今日中午又再幫襯。點左咖哩牛腩飯同我的至愛熱奶茶多奶。牛腩夠淋夠牛味，且沒有肥膏，好啱驚吃肥肉的我。每舊牛腩都好靓，絕對不會以次充好。咖哩汁好香濃，陣陣椰汁的香甜味與濃郁的咖喱完美結合，不太辣。白飯粒粒分明，撈咖哩汁一齊食，簡直冇得頂！我的至愛～太興的經典熱奶茶：絲絲幼滑，茶味十足，茶與奶的比例啱啱契合，令人滿意。

見太興而家做小菜優惠都幾抵咁今晚叫左個芥蘭鮮尤唔知佢係唔係即整呢好似等左唔夠十分鍾已經有咁番到家望下賣相一般般份量正常係D尤魚略嫌細隻唔係的話都可接受呀味道幾濃好啱送飯芥蘭又唔會過硬合格啦~

最近發覺太興早餐啲雞蛋轉左，蛋黃係淺黃色，成隻蛋冇聞冇味，好難食啊！還記得幾年前d蛋好靚，好大隻，似美國蛋，好好食 但之後轉左d細隻大陸蛋，睇個盒係湖南蛋，勉強還可以 但最近居然又轉，今次真係離哂大譜，d蛋又細隻，蛋黃顏色古古怪怪，超難吃另外，早餐d通粉可唔可以好食d呢 Hopefully they will change their breakfast menu from time to time as it has been used for couple years.

午餐隨意的走走，因為泊車就到附近的餐廳吃吧入座看看menu很快已點餐，因為沒啥特別吸引，就叫自己喜歡的吧星洲炒米上枱時，香氣不錯，但份量比較少，而且入口比想像中辣，有點失望燒鵝咸蛋飯以為最有名的燒味會不錯，可是朋友說，燒鵝普普通通的，肉質也不是嫩滑，咸蛋也沒特別...西多士因為之前提及份量少，於是再叫一份西多，沒牛油但整樽糖膠還是不錯，花生醬味道也很好呢熱菜蜜就熱飲一杯，不淡不濃忌廉紅豆冰個人覺得太多忌廉了吧，反而紅豆不太多，如果少點冰，多點椰汁會更好

雖然話食嘢係講味道，但有時欣賞一間餐廳未必係因為佢好食，就好似太興咁，猴子都幾buy佢哋嘅品牌宣傳策略，尤其佢個未來feel廣告。都係唔講咁多，費事被人以為猴子收咗錢。今日特登幫襯佢哋食個早餐，揭揭餐牌，即刻被佢哋嘅「人氣早餐」吸引住，因為係一整版介紹呢款早餐，除咗相片影得好優雅之外，仲有一大段文字講解早餐嘅重要性同埋呢份早餐有乜特色。咁吸引，於是馬上叫咗個人氣早餐N1。份早餐有火腿通粉、炒蛋、多士，至於飲品，猴子點了一杯熱奶茶。味道方面，火腿通粉冇乜驚喜，算係不過不失，而炒蛋係炒得幾嫩滑，多士就略嫌乾咗啲，最好塗上牛油之後等啲牛油滲多啲入去先食就會好味啲。最後想提吓個港式奶茶杯，佢杯身勁厚，可以好好咁保持熱飲嘅溫度，而上面亦印埋個太興logo，幾有特色。

中秋節翌日，黎到太興食野，係門口排左十分鐘左右有位，呢度原來有二樓，第一次上去，二樓係L型，枱面隔離有個制可以按，之後就會有侍應嚟幫手落單，減少左樓人少侍應上黎要等既問題。原來兩點就開始有下午茶，都算幾多選擇～有燒味，湯粉面，炒粉面，仲有包類。燒味飯驚太飽，但黎到太興冇理由唔食燒味，所以叫左輕盈燒鵝米粉，再加杯太興最出名既冰鎮凍奶茶～都係四十一蚊～個燒鵝雖然得幾舊，但幾多肉，唔多骨，幾香口，肉質嫩滑，配埋個清清地既米粉唔錯～個奶茶依舊好滑好香，但可能冰鎮既時間唔算太耐，唔係話好凍～下次放假都會就下下午茶時間黎食。

每次食午餐要考慮食乜好，我總會打開餐牌第一時間係燒味飯為首選，講起燒味飯我就會諗起太興燒味飯! 太興燒味飯我最中意叫雙拼燒味飯今次我叫佐一個叉燒拼燒鵝飯，叉燒好大件好入味，好鬆化入口即融,燒鵝髀皮脆肉滑脆卜卜如果怕肥又想食燒味飯噶話 可以試下睇佢地既健康蔬菜燒味飯都好好味架之後可以叫佢地嘅紅豆冰,濃濃嘅椰汁,紅豆一啲都唔硬好冧!之後可以試埋佢地生招牌冰鎮奶茶，又香又濃又滑嘅奶茶，而且又唔會有冰係入邊融化啲奶茶嘅原汁原味,真係好好飲呀!

大圍遠離火車站的一角，大圍道去到尾同埋橫街都有不少餐廳，所以好少想到要幫襯太興連鎖店而且有好一陣子太興的負評如潮又太貴，所以好耐無幫襯但今日經過又見到下午茶價錢ok， 飲杯凍奶茶解暑先講!可惜冰鎮奶茶不太冰唔通只係用外面的冰降溫如果奶茶先雪透夠凍會更好飲!茶味香濃，奶同茶的比例也唔錯奶醬多的花生醬有顆粒，有咬口~而且花生醬夠多!厚多士烘得幾脆，而且兩面都有烘過~練奶份量都夠，多士要甜甜的先好食嘛40蚊以下食下午茶，幾抵~