太興 (杏花新城)

營業中

休息中

平日早上10點幾去都幾多人，但都唔需要等位。早餐好似好多嘢揀，認真睇係配搭唔同，每樣差少多，最麻煩係無咩肉食，唯有揀左個雪菜米粉餐，配多士炒蛋，跟凍飲加$3， total $36。雖然choice唔多，但食物quality無得彈。 雪菜米d米粉好彈牙，同普通茶餐廳差好遠。炒蛋好滑，多士夠脆。 最正一定係杯嘢飲，叫凍奶茶會自動俾冰鎮奶茶，加$3蚊就有得飲好抵！但留意杯奶茶一黎到係唔夠凍（因為冰放外面），所以建議冰鎮一下飲更好味！

本年此店強調綠豆與糯米呈7：3比例，即多豆，不黏口。吃了三隻，可以品評如下：紫米蓮蓉鹼水糉是上品，優點是細隻，僅重110克，四分之一磅。這樣令糯米，黑糯米十分滑溜，與蓮蓉融化為一體，不會有死實感覺。中品為八穀豐登豚肉糉（250克），十分健康，混合多種豆（紅豆，綠豆，花生，紅腰豆，三角豆，眉豆），合桃，蓮子，伴以日本醬汁醃製的豬腩肉。早年已有人在咸糉加入紅豆，現在只是加大比例。此糉平衡了健康和肥滯，傳統和時尚。下品是重近一磅，即400克的原粒元貝咸豬肉糉。太大隻了，周邊的豆米不能沾染到豬肉香，顯得乏味。其次，豬肉偏瘦，屬瘦肉，難以入口。個人認為加入元貝對提味幫助不大。總括而言，多綠豆會減少飽滯，但亦會一邊吃糉，一邊散開的。6：4比會好一些？

今日想同大家分享一吓,咩叫食得健康 話說我喺太興叫咗一份(鮮油多士)再加碟燒肉切雞飯。 可能有人會問......鮮油多士都叫健康?其他地方食到嘅鮮油多士我就唔敢講，但太興呢個就一定健康過其他。因為我發現佢嗰舊鮮油係正常份量嘅一半(即係如果唔好彩第一啖食到嘅係鮮油,就代表第二啖就係淨食白包)所以怕肥但好想食鮮油多嘅朋友。嚟啦太興幫到你而個切雞燒肉飯除咗賣相唔太好同埋啲燒肉皮林啲之外都叫做尚算合格....

Rude staff and very long waiting time even it was only half full. Will not go back as there are far better alternatives in Heng Ava Chuen.

今日再去食，試個三文魚炒飯，menu入面碟野個樣無咩特別，但其實好靚同好好食，值得一試。本身唔太鍾意食炒飯因為覺得通常無咩味，同無咩餸，佢地個個都幾足料，落好多蛋同三文魚，另外三文魚嘅鹹啱啱可以balance返炒飯嘅"無未", 讚!

聽同事講「太興好平」，過去睇睇，真係平咗，唔知係咪杏花宜家有太多選擇，不過對消費者黎講係件好事。叫咗個星洲炒麵，好足料，但辣dd會好食d。重點係宜家午餐價$42咋，俾以前真係平咗好多！冰鎮奶茶照舊加$3有得飲，好正！

七點左右又到食飯時間！見到元氣，翡翠拉麵小籠包，別府 咁多人等位 於是去太興。點知出事！！入到係，我話要香煎鹹魚茸肉餅，侍應：無。                要砵酒焗廣島蠔，侍應：蠔太細隻，無入貨。我心諗要呢樣無個樣，點做生意嫁！ 最尾叫咗3個餸。鹹魚雞粒豆腐煲： 個煲完全係微暖，同侍應反映，佢地整熱再拎番出泥。一打開蓋，完全無鹹魚香味！ 豆腐好似肉丸咁大粒！ 外面茶餐廳都未見過咁樣，豆腐白哂哂又無咩味。豆腐青衣魚煲：都6舊魚仔...兩個煲都用咗大糧洋蔥舖底，食洋蔥仲多過d餸 涼瓜牛肉叫正常少少。早知見佢咩都無得食，就應該番屋企煮公仔麵食好過

太興新開張時，我同家人已經去試過佢嘅下午茶，已經感覺味道麻麻…今日同家人打算試下太興早餐，試下早餐會唔會好啲……9：40去到唔洗等位就入得真係開心，但當9：50叫完餐，等到10：05黎到三杯熱cuppaccino,點知杯cuppaccino只係微暖……我地嘅食物等到10：15先黎左一樣，遲黎唔緊要，但我地都諗住啲食物要整咁耐，應該會係熱，黎到原來得塊雞扒係微暖，個多士係凍，雞扒上嘅黑椒汁都唔暖，個汁變到好似啫喱狀。香草腸嘅長度和粗幼好似中指嘅size，而且塊雞扒細塊得驚人，只有兩盒小牛油嘅大細，個人認為個餐唔值＄32。另外，服務態度麻麻，人手又不足。想搵人點餐都要舉高隻手等成5分鐘先有人黎，仲要一嚟就叫我靚姐，但我宜家唔係去左街市買餸，請你對人稱呼尊重啲，叫小姐或先生都得。10：15催佢有三個雞扒餐未黎，佢上左一個黎，我地諗住佢會繼續上埋另外兩個，點知，佢要我地逐個餐催，先至逐個餐上。個經理仲話佢頭先未睇清楚張單，咁我地第一次催佢有三個餐未黎時，佢就應該睇清楚先，搞到好似我地唔諒解佢… 我地唔會再去依間太興食，食物又唔值，又受氣

太興新開張都將近有一個月時間，趁今日開工前嘆番個早餐先。叫左個火腿通粉早餐，本來對集團式茶餐廳既早餐就唔會抱有任何期望。直至見到個炒蛋後，簡直令我喜出望外。炒蛋呈現金黃色，又香又滑，切開仲有蛋汁流出黎，加埋微微烘過既多士一齊食簡直一流。火腿通粉裡面加左少少生菜絲，而招牌冰鎮奶茶就茶味濃郁，有一貫水準。衷心希望呢到既食物質素唔會下降，越做越差，可以保持住呢個水準啦。