太興 (樂富廣場)

營業中

休息中

太興雖然有小菜，又有「非常餐」供應，但每次我來，仍然是吃燒味為主。到胃納有空位，才再加點其他食物。趁清明時節，也是吃燒鵝既時候，就放肆一點要一個鵝脾瀨，免切的。鵝脾上桌時仍是熱的，皮很脆，油脂甘香滿溢。鵝肉嫩口不韌，總算有點肉味，不一會成隻鵝脾就被我清掉。吃鵝脾總會配瀨粉，先喝一口湯，味偏淡的。不過，瀨粉總算爽滑，唔會碎濕濕咁，都可以接受的。原本是叫冰鎮奶茶，卻送錯了凍檸茶，照飲可也，夠冰凍也岩我。

有時集團經營都可以好有水準樂富太興經常出現人龍，因為真係街坊食堂，又平又好食每次同阿女食飯都會要求卡位，今晚要等成15分鐘先有位，環境好好，樓底好高有高級餐廳feel，坐位寛敞，服務有禮 (個個都同我個女打招呼，好似麥當當)，地方清潔，加分點了一碟燒肉燒鵝飯，燒肉ok，燒鵝好好味，碟飯份量十足，夠一家人食 (一男一女一BB)同時點了一個安格斯牛仔骨，夠獲氣，香料十足，幾好肉地，不過有少少pepper，大人ok，小朋友就唔啱口味

由於天氣凍的關係,踢波前要食啲野暖下肚於是就點左份"手打厚多士" + 熱華田 正正因為"手打"個名而吸引左我5分鐘後就來到了 我叫的是奶油厚多士 一塊多士分開左四小份奶油唔會太甜 剛剛好 而多士也非常脆 金黃色的 外觀也很漂亮加埋一杯熱華田 寒風下最佳享受的下午茶

就在身邊的東西，我們總不太珍惜，提議跟家人1/10假日,一起到太興吃午餐,(Family Gathering on National Day), 約一點半走到店外,有多人門外等候, 我們等了約5分鐘, 終於輪到座位, 他們用盡每一個位置，就連門口也擺放枱椅，讓喜歡即買即食的人，也可留步坐下，品嘗完才離開。燒肉不便宜但不錯,叉燒夠鬆軟，大蝦撈公仔麵蝦仁夠新鮮，鮮味十足，味道很均勻，很是不錯。午餐有多款選擇, 餐可跟中湯一碗或飲品一杯，整體還算合格!跟家人吃午餐掀起了一天的開始, 希望天天都可以這樣的生活, 跟家人閒情地不太貴地喝咖啡吃午餐。

一肚氣，未試過食咁柴燒味飯當晚點了個叉雞飯，套餐有碟菜有杯飲品，$51叉燒乾到似肉乾，切雞衰到無味，碟菜賣點零分老實講，唔係肚餓，真係起身走人班店員好快手，由坐低到食飯，五分鐘燒味飯就係勝在時間快點知食咗一半，有個女店員行埋嚟話要埋數，要我埋單我唔理佢，咪玩，佢重複一次後，我抬頭同佢講：轉頭先你趕收工關我咩事？轉頭，個小姐轉身大嗌經理，話我唔埋單，廿秒後，一位年紀有咁上下的阿姐行埋嚟講同一番說話，話佢哋要埋數，要我埋單，同樣地，答佢轉頭先，因為我碟飯仲有兩口就完成點知個阿姐夠膽死大嗌，經理，唔埋呀，爭呢張咋經理精叻醒目，無行埋嚟，因為我實出聲小爆，究竟係咩服務呢？坐唔夠十分鐘催埋單，仲要$51俾碟超柴超唔掂的燒味飯你食？！到真係食完，都係用多一兩分鐘，起身孭袋，之前個阿姐衝埋嚟隊張單俾我，係咁話$51 $51，我知我知，我會去櫃枱埋單，個阿姐的態度有問題，唔係見攰，我諗我會鬧爆佢呢間燒味店，一定唔會再去食

肉鬆蛋沙律薯杯 tea時段好多餐都幾貴, 反而這款只須$18包熱飲, 而且配搭幾特別, 肉鬆的鹹香 + 提子乾及沙律的甜, 幾好味! 薯仔就相對較淡, 而且要連皮先食到

今日於太興食晏, 兩點半, 都無空枱, 勁我兩被安排坐卡位, 我發現自己好似一個快勞咁"攝"入個位度, 都坐得幾辛苦食物就幾多款揀, 個人對個大蝦撈公仔麵最有興趣, 餐可跟中湯一碗或飲品一杯, 於是要了一杯凍奶茶碟撈麵有四隻玻璃大蝦, 都幾大隻, 又爽口, 無雪味, 撈丁做得不錯, 豉油係甜豉油, 幾惹味之但係全程坐得好辛苦, 一碟四十二蚊的撈麵都俾佢賺得幾盡

跟太太一起吃早餐, 她提議到太興, 走到店外, 已發現有多人門外等候, 我們等了約八分鐘, 終於輪到座位。由於全場爆滿, 我們只可以搭枱, 一起坐半邊的卡座。看看餐牌, 太太點了一份雪菜肉絲米粉, 配德國香草腸及鬆脆多士, 而我則點了頂級午餐肉滑蛋公仔麵。太太的一份很快便送到來, 其實質素一般, 沒有太多可以著筆, 反而有一點要提提, 就是香草腸上枱時跟多士放在同一隻碟內, 但香腸所滴出的油卻沾濕了多士, 太太見狀亦不敢吃 (女士始終怕油膩!!)。當太太已將整份餐吃完, 並看著報紙時, 我的餐蛋麵卻遲遲仍未上枱, 可能是即叫即製要花點時間吧。不過餐蛋麵來到, 餐肉及炒蛋還是熱辣辣的, 而且餐肉還很美味呢。吃早餐掀起了一天的開始, 希望天天都可以跟太太一同品嚐豐富的早餐, 這樣的生活, 滿足矣。

太興相對樂富其他食店來說, 價錢較高, 但平日lunch time都要等位 八寶飯 ($52 包熱飲) 燒肉: 皮脆厚肉 雞: 只有雞胸, 皮爽肉滑 燒鵝: 較失望, 肉較實, 且多骨少肉 叉燒: 心諗是招牌菜一定keep住水準, 點知叉燒太乾, 還以為會新鮮多汁 燻蹄: 切得稍薄 墨魚: 爽口唔韌 咸蛋: 帶有油香; 紅腸: 偏淡 醬汁只給兩種 --- 薑蔥蓉及點燻蹄的醋, 那麼燒鵝及燒肉就無相應的醬了 紐西蘭牛柳絲瑞士汁炒濕河 ($43) 與期望中相符, 牛柳絲鬆軟, 河粉幼滑, 帶有少少黏度 炒工一流, 河粉條條都保持完整, 與瑞士汁透徹拌勻, 即使上桌後五分鐘先食, 整碟河粉還熱騰騰冒熱氣 唯一缺點是偏鹹及多味精, 食完會好口渴

太興早餐 $24 --- 黑椒雞扒 + 德國香草腸 + 香脆多士 (另附牛油) + 熱奶茶(不用加一) 奶茶早早就來, 奶味與茶味都偏淡 等了十多分鐘才有主菜, 等這麼久以為是即整會夠熱, 但雞扒, 腸及多士都只是暖暖的, 不太熱 雞扒正!!! 厚身, 嫩滑, 肉質有彈性, 沒有肥膏, 與香濃的黑椒汁好夾! 香草腸結實, 有淡淡的香草味, 不會太鹹, 的確比普通腸仔更富口感去慣樂富廣場其他食肆, 就會發現太興的店員比較專業, 工作勤快主動, 有禮貌, 大部份都面上掛著笑容

上星期日，幫襯樂富太興，坐大圓桌，雖然很迫，但覺得早餐幾好食今天早上打算再幫襯，預了很迫，剛巧當時沒人排隊，但都先要拿抽等位，看到有兩人空位，問門口安排位置的女待應，她說不是給您們坐的，那我唯有再等，後來有位坐了，先前我們已想好要什麼，打算叫侍應落單，我不知做錯了什麼，女待應幫我們落單時很惡，所以最後我們沒有幫襯便走去樂富中心二樓的膳仿。先前經常幫襯大角咀太興，食物質素與樂富太興差不多，但服務質素較樂富好

昨天下午我前往樂富、九龍塘一帶逛，來到了樂富後，已接近下午二時，是時候吃午飯了，我只能在較短時間內去選擇合乎我口味的餐廳，結果選擇了這間。我在該餐廳點了一客挪威煙三文魚菜粒蛋白炒飯+熱檸蜜，結果不消一會，炒飯及檸蜜終於端上來了。挪威煙三文魚菜粒蛋白炒飯的賣相，果然給我驚喜，看來感覺是相當清新，沒有其他炒飯的那般花俏、俗氣。我吃了一口又一口的炒飯，吃起來感覺很爽，沒有黏的感覺。而三文魚的肉質也相當鮮美，再加上蛋白及菜粒，吃起來更有清新的感覺。下油的份量也恰如其份，不會過於油膩。至於熱檸蜜，喝起來也相當清甜，為自己的喉嚨帶來滋潤。我也要談談它的服務，當該餐廳的服務員準備執拾用過的餐具時，總會很友善地問我要不要。這也帶給我賓至如歸的感覺。總之，昨天在樂富太興的一餐，是帶給我驚喜的一餐！

18/12(五) 1:30pm首次叩"太興"之門,到此樂富店.午飯時候,人頭湧湧!我倆迫入了一迷你卡座,吃了燒鵝拼肥叉飯$44跟冰鎮奶茶加$3及雪菜肉絲米,多士配滑蛋跟餐湯$36.西洋菜煲豬骨--火侯夠,味道天然的西洋菜湯.多士配滑蛋--滑蛋被油水浸淫過盛,配多士也去卻不了其膩感!雪菜肉絲米--雪菜及米粉份量異常慷慨,而且米粉質地爽滑,為此店的唯一賣點!燒鵝拼肥叉飯--兩者水準相若,皆平淡如水.肉質彈度有限,不夠潤澤,吊不起胃口來!冰鎮奶茶--衝著此而來,奶茶質滑味佳,確實不錯,但跟餐要另加三塊錢似乎跟明搶沒兩樣!

買個外賣都攪左成10 mins..點解呢?因個cashier 發夢, 我之前個個女人都只係買3盒臘腸, 個cashier攪黎攪去都唔知點解收唔到$. 我都好有耐心等, 直至等到我, 個cashier望都唔望我, 去收埋單既客人既$!!! 會唔會我都係等左好耐, 你叫我等等我都條氣順d, 但佢直情係冇理我! 如果個cashier咁生手, 有冇諗過搵個熟手一d架呢?!

昨晚同朋友嚟左呢度食飯,我們9點幾10點先嚟,呢度11點關門,可能已太晚的關係,想叫的都沒有了,朋友好想食黃金焗叉燒,但呢間分店沒有焗飯的,跟住想叫魚,但魚已賣晒,想叫八寶飯,但八寶已沒有了,只淨返一些燒味可選擇,我們就叫左一個燒鵝拼油雞飯,一個咖喱牛腩飯,跟中湯,仕應說是木瓜湯,但來到的是粉葛湯,不過都好好飲,熱辣辣,好入味,好多料,真材實料呀.燒味飯都好味,油雞及燒鵝都好味喎,唔會好肥,D肉都好滑,咖喱牛腩飯都幾大份,少少辣,但都幾多料,牛腩好淋好味,配一份油菜,是菜心,都幾新鮮呀.這間分店不算大,所以沒有電視供應,但有一邊牆係有些燈的,會變色的都幾特別呀.