太興 (沙田廣場)

營業中

休息中

燒味岀色，雖然對比以前已經差一點，但對比其他品牌都算優勝。早，午，晚三餐都是大家最佳的選擇。除了燒味外，本人都特別喜歡他們的咖哩牛腩飯。。不太辣，好有咖哩香味。讚再加多杯凍鹹檸水，或冰鎮奶茶，更為一絕。但繁忙時間，經常都要排長龍，所以大家一定要早一點來食吧。

沙田食飯真係到到都好多人，即使去到沙田廣場呢一邊，食個茶餐廳都要排長龍好彩都唔係等左好耐，就有得入座店員安排左我哋喺水吧隔離張枱度坐由於唔係好肚餓所以淨係叫咗個炒通菜同埋蒸雞另外再叫多咗兩個白飯個蒸雞係連同冬菇雲耳一齊蒸，雞肉都嫩滑，而且斬到細細件咁方便入口但係如果成個餸冇咁油膩咁就更好啦通菜我地揀左用鮮魷黎炒，同啲蝦醬味好夾好惹味最後就點選左鎮店之寶嘅冰鎮奶茶用冰鎮住，令奶茶味道唔會比冰沖淡依個不失為一個好方法

早兩日出左沙田太興食早餐, 太興既早餐選擇唔多, 叫左碗"輕盈香辣肉碎札肉湯米粉", $26包埋杯泡沫咖啡, 價錢都OK啦. 碗米粉一黎到, 我都有D灰灰地, 因為見佢好似一潭死水咁款, 賣相一D都唔吸引, 仲要得一塊札肉.....好彩用筷子夾起上黎先發現D配料原來埋藏喺個湯底入面, 有好多青豆粒, 有D肉碎同埋辣椒粒, 食落口個湯底味道都唔差, 食到一陣香葉既味道, 湯底又唔會一味死鹹. 而最正係個米粉都爽口彈牙, 唔係林patpat既口感, 而份量黎講呢, 望落幾輕盈, 得一塊札肉之餘仲要好薄身既.....但好彩食完碗粉再飲埋杯咖啡都剛剛夠飽. 杯泡沫咖啡就幾好飲, 真心唔錯.

此太興位於沙田中心，週末午市時段四處也蠻多人，連旁邊的翠華也是，均須排隊，兩間餐廳也不設拿籌，要吃只好排隊......午餐均是$60多元，部份特價午餐可$50餘元，連普通燒味飯都逼近$70元客家梅菜扣肉飯($54): 是較為便宜的選擇，賣相一般，顏色略淡，雖看似味淡，但實則上梅菜及扣肉均算入味，但未許太濃，質素一般般。雙拼燒味飯索價$68元，名字稍為浮誇，甚麼星級叉燒飯，叉飯就叉飯啦。但與普通茶餐廳售$40元的無異，華而不實!

過年於是就叫盆菜，地區偏遠要自取沒問題，但職員那副獨市唔憂做既嘴臉，真係未食前就覺得嘔心個盆賣相OK，有燒鴨有鮑魚，盆菜和汁分開裝，係見到有為客人著想可惜睇落唔錯，食就樣樣都無味，無味既鮑魚就似咬緊舊膠咁，唯一好食既係豬手…太興盆一直覺得還不錯，之前初一時食屯門太興仍覺值得一讚想不到同是太興，同樣是盆菜，沙田既太興會如此的難食！

星州米好common, 到處可吃，但炒得好食就好難揾。太興都吾平，一碟星州米包杯飲品都70元，以為咁貴應好掂，點知睇落吾錯，有好多芽菜，义燒絲都不少，但淡而無味，仲要咁貴好失望。但值得一讚便是蝦仁，有四隻，好爽口，好少在餐廳食到咁靚的。柑桔蜜一般，不過不失。

早上放工，便到太興排隊等位吃早餐。看見餐牌上有<自製糯米雞>便試試，早餐送到時，看看份量比平日≪唐記包點≫外賣店的糯米雞細少少，但價錢貴一點。，打開荷葉看，食材尚可，有雞胸、叉燒、冬菇、臘腸、馬蹄及肉碎汁等。口感，叉燒及雞肉比較乾身，有少許肉味，冬菇，馬蹄爽口鮮味不錯，臘腸和肉汁可以，綜合亦可接受，而凍檸檬茶味道尚可，甜味啱啱好，不會太甜染蓋檸檬及紅茶味，我覺得在太興吃早餐好過在大家樂或大快活等連鎖式快餐店，因為地方較寬敞明亮及舒適辛苦或開始一天，亦需要有愉快心情，早餐可充足電

返工前食早餐 迎接新一天掛住冰鎮奶茶所以去太興食叫左個精美早餐，有鬆脆多士、香滑炒蛋、雪菜肉絲米粉配冰鎮奶茶多士一般般 雖然有烤過但凍左 所以都幾硬身炒旦唔錯呀 小小流質未熟哂 好滑好好食雪菜肉絲米粉 咪精太重了 極濃味 一般雪菜肉絲米粉係清清地冰鎮奶茶 一貫水準 好rich 唔會比d 冰整淡哂食完就返工了

今次食多寶飯，有叉燒、咸蛋、油雞、燒肉、燻蹄、紅腸……用料非常多，個人偏愛軟身的油雞，唔會太肥膩，而且剛好食中雞脾肉，啖啖嫩滑肉；仲有脆卜卜燒肉，入口層次分明，個皮唔會烤到過硬；及半肥瘦叉燒，唔會燒到變黑碳，入口有少少油脂，豬肉味比想像中濃。雖然價錢係比一般路邊燒味飯貴，但好在質素平均，次次食都係差不多味道，算抵食啦。

12-5-2016 (Thur) 晚,大嫂二嫂因事要走先,老公話食個晚飯至繼續執o野,我一心同佢去新蒲坊食大獲好評o既沙爹串燒,點知老公見人多就話唔等,去第二間食.去邊間?太興吧.好啦,去到好彩都重有二人卡位,我o地坐低後點o野食,由於我未諗到,咁老公點先,佢要$48.00o既濃香杏汁燉白肺湯同唔記得幾錢o既咩o野烏冬,女侍應問佢使唔使加錢要白飯?老公覺得奇怪,問呢個係烏冬嗎?女侍應答係,老公答唔使.而我就唔叫住,因諗唔到要咩o野?之後女侍應返o黎,話烏冬冇其中一樣o野,叫老公點第二樣,咁老公就要$62.00o既星洲炒米,加$2.00o既凍鹹檸七.之後我叫另一個亞姐,要$59.00o既菠蘿咕嚕肉.老公o既星洲炒米同凍鹹檸七到o黎,我黐食啲,呢個微辣,黃薑味偏濃,叉燒甜,OK唔錯o既.味道: 3.3分而菠蘿咕嚕肉呢,好耐至到,呢個份量好少,咕嚕肉脆,而原來佢加o左西梅,不過我唔多鍾意食o既,佢o既酸甜味o岩o岩好,正. 味道: 5分最後,佢o地漏o左落濃香杏汁燉白肺湯,算吧,我o地唔要喇,於是走人.

今日同屋企人食早餐 識排一定拿飛同時排翠X 不過最後揀左太興 因為餐蛋麵真係幾好食 塊餐肉算係幾厚 個麵好香麻油味 麵又唔會冧哂 人氣早餐個通粉都幾好食 啲通粉又真係彈彈下 啲菜“索索聲” 好夾爽口 跟餐仲有飲品 有出面都要加錢先飲到既柑桔蜜 柚子蜜 泡沫咖啡 杯柚子蜜仲可以加水飲第二杯。不過美中不足既係 我同屋企人諗住叫野食果陣 啲員工 基本上係每一個明明見到我地舉手都扮睇唔到直行直過。就算唔係守佢自己既區域都可以講聲叫個客等等架嘛。 仲要行過我地幫左另一枱落單先 果下真係有少少嬲嬲地 你好大都講聲轉頭幫你 最有禮貌反而係傳菜阿姐 值得讚賞 勁好笑容 令我舒服返

由於牙疼，想食肉餅飯，於是在沙田新城市廣場，沙田市中心尋找，真係好味的肉餅飯不多，最後揀左太興，鹹魚肉餅飯，系超正，馬蹄脆，鹹魚野味，餸一定夠多夠飽令到介口好耐的我大飽口福，加3蚊飲冰鎮奶茶，好正，我點前食$62有套餐，6點後$72仲要加$19 蚊轉套餐，如果晚市呢個價錢我可能不會選擇，

今日突然好想飲冰鎮奶茶, 所以特別去左太興食下午茶, 太興不嬲都知貴, 不過食個下午茶可以比美午餐, 真係間中豪一次好喇.下午茶呀, 常餐呀其實都40蚊咁上下, 所以要左個飽肚D既星洲炒米粉($53).份量唔係太多, 不過材料都算唔錯, 蝦夠大隻彈牙, 炒米粉幾乾身爽口, 軟硬適中, 而咖哩味夠香, 辣度剛剛好, 好易入口.仲有+$3冰鎮奶茶, 奶茶尚算夠滑, 茶同奶份量剛剛好, 不過冰鎮真係剛剛冰, 所以奶茶本物唔太凍, 啱冬天飲, 夏天可能唔夠解渴.

朋友想食燒味，於是去了太興食晚餐。未夠7pm就去到，不用等位可以直接入座。原本想點燒腩或者乳豬，但兩樣都售罄，結果點了燒肉拼油雞($88)同魚香茄子煲($59)。燒肉皮脆肉瘦，但部分位置有點硬; 魚香茄子煲味道可以，但太油，吃到最尾有點膩。整頓飯最美味還是奶茶，奶味及茶味互相輝映，有一貫水準。

太興既燒鵝脾飯聽得多，但總係覺得好貴$七十幾蚊，放假就豪一次啦。燒鵝脾：可以㨂成隻脾上唔切，成隻揸住扯，原汁原味，但我㨂左斯文啲，斬件上。鵝肉好香，中間滲著鵝油，有少少肥高，雖然呢排肥左啲，但係唔理啦連皮食。常餐：多士加蛋，個蛋都幾滑，中間好似有少少流心。配雪菜肉絲米，雪菜份量多，唔會2啖食晒，個湯都幾夠味。跟餐泡沫㗎啡：泡沫豐盈，咖啡味夠，仲有咖啡黃糖供應不過份量偏少，2人食左2個餐都好似唔夠飽。