太興 (黃埔天地)

營業中

休息中

來到黃埔美食坊， 晚上總是比較人多。很久沒有品嚐冰鎮奶茶，來到太興食點小菜晚餐。 一進去總見到很多人已點了冰鎮奶茶，茶餐廳文化是香港人的標記，目的是用膳快速效率高快，服務和水準很多時候不會太挑剔，但當日點了餐後上菜很慢已且三度催促。。同時間下單但第一和第三碟主菜差不多相差別45分鐘。。鄰座的客人同時在催促另一味菜。。奶茶保持一向的水準很好但當日的燒味雙併叉燒大多都是肥肉偏油，點的牛腩煲亦有油脂浮面，幸好有個菜煲平衡一下。

假期冇嘢好做,走去食太興,入去飲個下午茶Hea下.叫左:星洲炒米,燒肉鵝飯,老火湯,西多士燒肉鵝飯:個皮幾脆,肉味鹹香肥瘦適中,鵝肉香滑,但個皮好硬,鹵水汁唔錯好夠味.老火湯:冇咩特別.星洲炒米:用料足,炒米好入味,份量又夠,蝦都彈牙,整體幾香口咖哩味濃.西多士:炸得好香,唔會燶,冇小小鹹香味,幾特別,反而這個最好.

太興個餐蛋麵真係百吃不厭，午餐肉內有肉絲，好實在，唔會太多粉，個炒蛋好滑，好味道。豬手一上檯好香黑椒味，豬皮煮得夠淋，豬手多肉，送飯至啱，只係賣幾十蚊其實好抵食。但係由於d豬手皮比較膩，所以最後我哋食唔晒d豬皮。

起身都下午了,走去食下午茶當午餐.叫左:福建炒飯配粉葛湯,羅宋湯通粉四式卷,乾炒牛河粉葛湯:味道清香,入口對板.福建炒飯:用料足有蝦,义燒,蛋,介蘭粒,冬菇粒.飯炒得好香,蝦彈牙及鮮味.羅宋湯通粉四式卷:羅宋湯通粉甜酸好味,四式卷做得好好,香脆可口,魚片彈牙.乾炒牛河:比較細碟,牛肉好小得果4-5舊,味道甜甜地,普通啦.整體都幾貴,但食品一般.

今日從廣告得知太興為感謝25週年，特別呈獻上，故晚飯特來光顧，亦在點菜時再問清楚，但到上菜時，店員竟問我是否要上那份，原來要上的話就要付原價$68，我感到奇怪，反問因由，店方只說：「今晚唔做感謝價，若要嘗味，便須付全費。」本人明白/接受店方有最终決定權，但店方連一個安慰的理由都懶得奉上，此等無理及霸道行為實在使人氣愩 

久不久會吃太興一次, 今日點了瀛風味淋燒豬爽肉和蝦醬蝦乾介蘭煲 - 整體算是不錯, 因自己口味徧淡, 所以覺得稍鹹(如喜愛濃味者, 應會覺得很美味).豬爽肉 - 很香口,應該是放了不同香料烹調;肉身比一般吃到的林,口感較接近叉燒;伴碟的木耳應該是浸了果醋之類的東西,酸中帶淡淡清甜,很醒胃.介蘭煲 - 蝦醬和蝦乾都很惹味, 介蘭苗很嫩. 只是上菜時有點"嚇人", 因為個煲大到有成6-8人份量! 不過一開蓋......(見圖:幾两菜洗唔洗咁大個煲上?而且個煲條裂痕大到有汁的話都會流曬出黎.)開業25年,應該久不久還會再吃一次.

完全估唔到响茶餐廳食下午茶要咁貴, 雖然人人都話呢間係高級茶餐廳, 但都唔夠貴成咁呀? 諗住未試過就試一次啦~~ 估唔到真係咁難忘, 雖然係一分錢一分貨, 相信唔會有第2次lor~~ 入到去坐低, 睇咗好耐都唔知食乜好? 同埋五點幾呢個騎呢時間, 都唔知當下午茶食定當晚飯食好? 最後決定食飽d, 最多夜d食宵夜啫~ 所以就叫咗2固飽肚的茶餐+燒味做小食......... 紐西蘭牛柳絲瑞士汁濕炒河果然好濕, 個樣黑忟忟, 好似好濃味好鹹咁, 但知道佢係用瑞士汁, 所以就唔係太擔心佢會過鹹.............佢好似完全冇加其他配菜, 真係得牛柳絲同河粉, 不過牛柳絲可能貴, 唔係太多, 但一d都唔un, 仲有牛肉味, 成碟炒河反而係少少偏甜, 不過都算ok~ 鹹魚雞粒薑米花炒飯唔係好勁鹹魚味, 雞粒又唔覺, 薑味又唔太濃, 炒得又唔算好乾身, 但整體味道上唔錯~ 脆皮燒腩個皮就真係好脆, 而且腩肉係半肥瘦, 又夠林, 超正, 可惜唔係熱辣辣, 如果唔係就真係完美~ 鹹檸水個鹹檸未夠時候, 仲係好實淨, 亦都唔係好鹹, 但相信都係可以下火清熱咁啦~~ 凍奶茶雖然係冰鎮, 感覺上會令杯奶

參加了小友學校的家長會，只花了約十至二十分鐘便攪定走得。時間雖尚早，但一家三口的肚子已開始餓了，故此決定早一點開餐....要快一點吃完後回家安頓小友。在紅磡美食坊的唯一選擇，便只有"太興".....在太興，不用等多久便有得吃的選擇，表表者當然是她的燒味飯。最喜歡點一大碟八寶飯，貪其材料花款夠多又夠飽肚而已，論美味當然是稱不上是十分的好 ----切雞肉是胸位，咬落自然偏韌；义燒蜜味十分的重，但肉卻是"骨瘦如柴"，太嚡了；墨魚不算太難咬，但卻只是像吃一件腍腍的膠質東西，入口是一點味道也沒有；紅腸是正常的味道，無甚可評；燒肉的芝蔴皮夠厚夠脆身，不過肉則太瘦太鹹；燻蹄同樣是瘦掹掹的，非常不濟；鹹蛋的蛋黃太死實且一點流油的跡象也沒有，完全可以不理.....太太要忙着照顧極度頑皮的他，根本無暇看餐牌，於是求求其其的要了魚香炸魚肚茄子跟飯。弄出來油光滿面已是意料中事，鹹魚茸香亦是全然吃不出來，令人失望；好在茄子大條得來算是夠淰，魚肚則甚是爽口。在嗦盡獻汁底下去吃，也算是不錯的....惟恐太太與大食小友分享一個飯不夠吃，也就再叫一客鮮牛油多來墊底。厚多士是烘得夠脆的，不過唯獨一點令人甚不解的便是一客四

自從興起新派燒味食店...要食到好燒味唔係難事差唔多每個星期都會去幫襯一次太興...貪方便又好食一時就食午餐下午茶...有朋友陪就去食晚飯最愛梗係乳豬燒鵝...貪乳豬又嫩又脆...燒鵝肥美香濃叉燒就會選焗叉燒飯...用蜜桃好有特色成個飯又香又甜又惹味...食極都唔厭鮑魚花膠盆菜 $148 芥蘭炒臘味鬆 $58 奶油胡椒大蝦 $68 班球梅菜豆腐 $72 醬爆田雞肉煲 $68 今晚搵到朋友一齊食飯...食番幾味小菜先出左d新款小盆菜...貴係貴左少少...點都要豪d試下佢幾款盆菜都好吸引...唔知揀咩好羊腩煲一定唔洗諗...次次都一早賣晒...今日當然冇例外咁揀個最誇張既...睇下有咩好料先個盆菜一黎到...樣見得人之餘...仲足料到你唔信鮑魚兩大隻...夠晒彈牙...不過味道欠缺鮑魚鮮甜味建議用蠔皇汁炆煮耐d...入味d...會更好兩隻蝦之外...每款都有三或者四舊以上...份量好鬼多咁迷你既小鍋子...竟然堆滿咁多料...估佢唔到油雞燒鵝絕對好食...燒肉一向唔係我最愛今次真係好有驚喜...食到呢舊燒肉已經值回票價皮脆唔在講...煮完仲係勁滑...盆菜中既燒肉味道仲香仲濃冬

去太興用饍...常常都遇上同一問題很多款式都一早賣完...想吃的永遠都吃不到款式種雖類多...卻早早賣完...可選的已剩不多這次也是選了次選的菜色燒鵝飯套餐 $61西蘭花炒班球 $72梅菜蒸肉丸 $58熱柑桔蜜 $15是次滿$200...用AE信用卡有9折太興的燒味是有保證的...燒鵝肉滑味濃飲品類也是做得不錯...有用心西蘭花班球有應有的水準...但可以更好略嫌太油...味道也清了一點梅菜蒸肉丸有趣...但比預期的差一些...是這晚最失色之作梅菜沒有那份甜味...就失去它的精髓肉丸的調味太雜...少了肉原有的鮮甜味灑上的豉油是偏咸的...選用甜豉油帶出甜度會更出色整體感覺創作何其精彩...也要有機會給大家遇上...期待改善

去到黃埔, 當然要去蔡瀾美食坊試試美食!!有很多間食店, 不過今天想吃燒味....於是便選擇"太興燒味"!!剛巧碰上假期, 所以特別多人!! 等左15分鐘才有位。太興多以卡位形式, 令人坐得很舒服, 不過塊板太直, 所以背部都要坐得特別直我order了午餐精選 - 桶子油雞飯 + 咖啡油雞飯一來到賣相已經很吸引, 一入口, 可以用一個字"正"字來形容!! 而且雞本身很腍很滑, 從來都未吃過雞如此滑, 真係一試難忘!!不過嫌飯太少, 如果多d會比較好!!飲柸咖啡提提神, 跟住可以買張飛睇戲!! 咖啡都很滑....知道出名是"冰鎮奶茶", 不過今天唔夠訓, 下次先試!!總括來說: 非常好, 值得一試!!

從前上早堂經常來這裡吃早餐, 這裡的炒蛋很有質素, 但水準不太穩定, 要碰運氣才吃到多汁又嫰口的炒蛋。現在上完堂過到來已趕不上吃早餐, 便轉投叉燒飯的懷抱 <3叉燒飯 --> 肥叉超正, 很有油香, 再加上一舊焦燶肥美的叉燒頭, 唔, 不得了。多汁的飯十分有份量, 拌著叉燒來吃是完美的一餐。太興的服務一向間間不同, 銅鑼灣的不太好, 旺角的呀姨好人得出奇, 黃埔這間本來服務超差, 但後來有一日換了一批新面孔後, 服務好到可以繼旺角店以後登上最佳服務榜的第2位!!

大年初一，例牌到外父母家拜年。吃過午飯，與其在家無聊，小朋友又正在熟睡當中，兩口子偷閒到黃埔行個大運。逛了一陣肚子又作餓(真快)。忽然很想碗吃鵝瀨，最就近的選擇，莫過於到美食坊內的"太興"了....年初一生意自然是滔滔不絕，竟要等位一會才能就坐....要一碗义鵝瀨，加一杯鎮店之冰凍奶茶，為了預留胃部裡的空間給當天晚上的約會，這份量已是很足夠....义燒瘦得很，肉有點韌，比平常在太興吃到的，水準相差甚遠。幸好蜜味仍夠，用來伴瀨粉吃，還算入得口；鵝肉大多是皮搭骨之下欄貨色。老實講，於新正頭人頭湧湧之時，流水作業式大集團廚房急就章沒閒去理會出品的品質之尋常求其，已是意料中事了....瀨粉的份量不多，但作為tea time來說就啱啱好。湯底是普通上湯，正正常常沒有閃失的味道。師傅味不重，已屬萬幸....奶茶仍是一貫水準 ---- 很甜，奶味極重。勝在夠凍夠涼....埋單每人四十餘大洋，比平常時候又好像貴不了許多jar bor....

今日係星期日個個都出街食飯, 2個人都要等位等左15-20分鐘, 見到門口出面都開左5-6張枱喺到, 有啲人唔介意或者趕時間既咪會坐囉, 今次叫左個八寶飯同埋試左個小菜菠蘿咕嚕肉八寶飯 - 有燒鵝, 叉燒, 薰踶, 燒腩仔, 切雞, 墨魚, 紅腸, 咸蛋, 好似食左好多餸咁, 不過啲飯就硬左啲, 好乾呀!!! 八寶每様都好新鮮好好味 菠蘿咕嚕肉 - 即叫即炒, 半肥瘦既咕嚕肉配埋菠蘿青椒, 酸酸甜甜好開胃

今晚唸住去太興買啲燒味啦, 嘩...估唔到燒味都咁鬼貴, 燒鵝半隻都$140, 燒腩仔半斤都$60, 買左呢兩樣餸都成$200啦, 今晚既晚餐真係貴呀!!!!燒鵝 - 好肥好厚肉, 亦都好油, 因為食完盒底全部都係油成尺高, 味道一般, 應該好重味精, 因為食完夜晚個口好乾好口喝燒腩仔 - 半肥瘦啦, 味道一般, 個皮就un左啲