太興 (已搬遷) 新店位置

今天的下午茶是燒鵝瀨 ($30) + 柯華田-燒鵝真係比燒鴨既味濃得多, 我就只係食左浸皮,因為肉味真的太濃了. 燒鵝不肥, 可以說是無肥膏. 一隻鵝脾+埋柯華田才$30, 收費都算合理. 不過瀨粉就好碎<-要扣返小小分.- 柯華田既分量剛好 <-味道唔錯呀.

話說跟好友好久沒見過臉，於是便相約在一起吃飯，素聞太興是最佳茶餐廳之一，於是便去一賭風采．．．．．．入到去西灣河太興．．．真係好多人．．環境就不太好．．地下好多垃圾餸榨．．．幾嘔心的．．．．好啦，唔理環境啦，叫野食啦，我叫了＄４８蚊的叉鴨飯，朋友叫了個芥末焗燒肉飯．．我們等了約二十分鐘．．還未來．．．於是吹一吹伙計．．佢話：（得啦，黎緊啦，好忙呀）／．＼再等了十分鐘，終於來了．．．．下．．．＄４８的的叉鴨飯　原來是　由全肥叉燒　和　無肉　燒鴨組成．．．想講粗口．．．．ａｂｙｚ！＠ｅｗ！＠．．．唯一可讚的是伴碟的小唐菜．．夠青綠－　－我朋友的芥末焗燒肉飯　也不是好我的叉鴨飯很多，　他說得　”工鼻”　２個字．．．於是佢食到一半就無再食．．ｂｙ　ｔｈｅ　ｗａｙ，　ｅ家太興　我發誓以後唔會再黎．．．因為實在不值

太過份, 上次去食宵夜杯凍咖啡已經自動走甜, 尋日再去光顧杯凍咖啡又係失望!!凍咖啡唔係我飲, 係我老公ORDER, 佢叫我試, 上次係自動走糖, 咁算啦, 問佢攞糖水自己調味, 都入得口.今次實太過份, 杯野比BLACK COFFEE 更難飲, 我以前很喜歡飲BLACK COFFEE.但今次杯所謂凍咖啡比我睇中醫D苦茶更難飲, 都唔知點解會咁. 好啦又問佢攞糖水, 點知個侍應三吹四請個水吧後, 送上一小杯糖水, 杯糖水有粒冰係入面咁得意. 我問老公, 老公叫我再睇清楚D沙糖係底仍未溶, 吓咁都得????????? 就咁比杯熱水加糖加冰的糖水給我???好算吧, 我自己用筷子將D糖水攪拌!! 再倒入杯所請凍咖啡, 再飲都係決定放棄!!其實老公一早叫我放棄, 因為就算走甜都無咁難飲. 這是我生活了廿多年飲過最難忘的凍咖啡!! PS : 個侍應係好好禮貌, 服侍幾好, 見我地碟牛河食唔晒主動問我地要唔要外賣盒, 但耐何一杯凍咖啡已叫人不敢再來!!

7-2-2009講緊的唔係翠華, 而係呢間燒味連鎖的出品, 估唔到 a la carte 賣成 $28 一客!不過撇除佢要 $28 一客, 呢個奶油豬又真係幾正的 -- 豬仔包烘得微(火農), 咬落極鬆脆, 煉奶及牛油落得夠, 令人諗起勝香園的無敵奶油脆脆!呢度另一名物係冰鎮奶茶 ($16)... 據聞「始創人」靈感來自灣仔金鳳, 不過呢個同金鳳比, 又差一截 -- 無冰係無冰, 凍係夠凍, 滑係幾滑, 但奶味太太太太太重了, 完全飲唔到茶香!環境乾淨新淨光猛企理 (下刪幾百字...), 果然係「太興連鎖」, 唔怪得老豆咁鍾意幫襯啦.不過我呢 d 老套人, 都係比較鍾意 "ad hoc" 的海安, 白宮, 祥香園, 美都, 鳳凰, 中民, 新昌, 東方... etc etc. P.S. 呢餐係「補飛」飯, 詳見 2009 年 2 月 7 日 Villa Bianca 食評!

上星期日一家人去到太興食晚飯, 叫左三個餸, 平日一定會叫既菠蘿古老肉, 一個蘿白腐竹火腩煲同埋叉燒拼燒肉, 點知...唔知係咪星期日多人, 古老肉少到得平時既一半, 我仲以為係伴碟, 因為d洋蔥多過肉, 即叫waiter來投訴啦, 成$48唔係$28呀(平時真係好少出聲), 其他d野全部都好硬, 叉燒燒肉同蘿白都好硬...下次真係唔好星期六日咁繁忙既時間去食...水準真係好差, 同平日差好遠...!!

上星期日同老公睇早場，晨早起左身，仲一齊去嘆個早餐先。老公話太興d早餐好好味，一於帶我嚟試下!!!一去到，都幾誇張，仲以為去左酒樓，因為門口竟然有個接待處，有服務員叫飛安排入座，好在，都係等左一陣啫。我叫左個出前一丁，仲有冰鎮奶茶。個丁丁好好味，軟硬道適中，蔴油仲係自己落既! 冰鎮奶茶好有特色，鎮在冰上面，好得意。因為奶茶冇直接加冰，故味道好濃、好正。好飽、好滿足。

講茶餐廳，太興ge下午荼都幾貴..叫左..1. 油占多 $24 - 雖然係大少少同厚少少，但$24黎講都叫貴啦....凍飲仲要另加$32. 星洲炒米 $40 - 叫佢少油真係少油左，不過$40 ge份量應該唔只咁少...但都幾好味啦!不過想搵個waiter或者waitress，要叫好耐先叫到，因為佢地太忙啦....有時都見唔到你舉手...

一向覺得太興d 野幾貴, 尋日去西灣河做野, 附近只有麥記, 唔想食, 於是就去左太興.呢間幾好坐, 好寬敞, 我可以一人坐卡位. 早餐廿至廿幾元一個, 好多款, 也有健怡早餐, 啱晒減肥人士.我要左雙拚三文治, 揀左雞蛋同咸牛肉, 另外佢有火腿, 芝士揀, 烘底加一元, 凍飲加3元, 冰鎮奶茶唔另加收.一來, 心中"嘩"左一聲, 好大份! d 麵包係比一般茶餐廳厚, 但又冇厚吐司咁厚, 恰到好處, 一般茶餐廳嘅太薄, d 油會浸到透晒影響口感, 太興嘅厚度剛剛好! 加埋烘底, 正!內餡嘅雞蛋同咸牛肉, 唔係分開, 而係炒埋一齊嘅, 好感動! 份量都好足, 每一啖都食到, 而且雞蛋炒得夠滑! 真係唔錯.整體都好好, 唯一要改善嘅係, 佢嘅冰鎮奶茶只有正常甜, 冇得少甜, 飲慣少甜嘅客人會覺得太甜.

雖然價錢唔算特別平,但勝在都夠寬敞..野食唔錯..我最like佢個度d cheese cake..不過依家好像渡有了..另外..個度d 冰鎮milk tea 都真係幾special..味唔錯..賣相又特別

以前都會經常去食野不論早, 午, 晚三餐。但呢間野愈黎愈貴, 食個燒味飯餐成50蚊!!!!服務態度真係惡劣!!!有次同男朋友入去諗住食宵夜, 當時入面都唔多人, 由行入去直至坐低, 一路都冇人招呼, 簡直好似入左異度空間一樣。坐低後我男朋友用一般聲量叫唔該, 冇人理。大聲少少, 冇人理。用埋隻手一邊搖一邊叫, 都冇人理。過多一陣,我男朋友就叫我一齊走......最慘就係到起身走時, 都係冇人理過我地2個囉!!

青芥辣當然攻鼻，不過今次的「青芥辣忌廉汁焗燒肉飯」($40)的攻鼻程度有點過分，至少是我倆承受不了，如果青芥辣的分量減些少應更合適。除此以外，這個焗飯其實做得不錯，起碼不是用又硬又實的燒肉，用忌廉汁亦使焗飯滑而不太膩。餐牌上已寫明「紐西蘭牛柳絲瑞士汁炒濕河」($38)是濃而偏甜，河粉也算幾滑，不過沒有幾多鑊氣。反而老火湯有點驚喜，西洋菜煲肉排，真材實料，看得出誠意。

尋晚同gf每人一個义肉飯,飯多餸少.义燒又乾爭爭;燒肉肥膏多過乜!同waiter講番佢仲咀藐藐話呢轉燒肉唔靚,下次睇下會唔會好d.........聽到我哋O晒咀!!兩個飯+飲差唔多成舊水.....crazy唔會再有下次!!!!!!!!!

諗住同一班朋友去食飯,等位等極都無人招呼真系唔知甘叫咩服務囉食物又唔好食!!差。

同朋友屋企人一齊去食,點知等左勁耐無人理落單太度又差..食物又唔好!!真系唔明咩原因令我們入去食..後悔。

今日去咗西灣河太興食飯,我已經有個朋友先攞位等我,一入到去就有個男接待員問我幾多位(已冇咩禮貌),咁我答有位家喇!!可能佢聽唔到啦,跟住重好大聲話'要登記家', 唔駛咁大聲下,跟住我咪同佢講搵人駛唔駛登記呀!佢又好似聽唔到咁,冇采我,我都冇理佢,食完之後發誓以後都唔會再去西灣河太興食飯