太興 (鱷魚恤中心)

營業中

休息中

約舊同事聚舊，在佢公司附近的一家餐廳食晚餐，内部裝修新淨，卡位寬濶，叫了兩個中式晚餐。上菜速度快，等大約五分鐘便煮好。菠蘿咕嚕肉68元，賣相唔錯，肉粒表面脆脆地，內裹肉質軟硬適中，配菜青椒洋蔥都炒得幾好，菠蘿少少酸少少甜。蝦醬通菜鮮魷64元，蝦醬香噴噴，好惹味，鮮魷剛剛熟唔硬，通菜幼嫩，送飯一流。碗白飯好正，軟硬適中。餐飲㨂了「茶走」，即係紅茶加煉奶，茶味好濃好苦，煉奶本身好甜，一苦一甜，搞混嚟飲。

太興一向受港人喜愛，早午晚餐都做得相當出色。當中的燒味高質衛生，是一家出色的快餐連鎖店。餐蛋公仔麵-公仔麵是香港人最喜歡的速食食品之一，太興的餐蛋麵採用出前一丁，配以兩塊厚切餐肉及炒滑蛋，另外每碗都帶有一條菜心。建議大家可在落單的時候和我一樣，要求師傅麵底煮得生一些，煙靭的麵條好吃冰鎮奶茶是我的最愛，奶茶以黑白淡奶沖製，奶茶滑身濃厚，茶香帶奶茶獨有的澀味，雖然是凍飲也不失茶香味，附帶的冰座著凍奶茶，不會因冰融在奶茶中而沖淡其味道，奶茶入口回甘，順滑無比。

一行三人到這裡食午餐，因為是午餐繁忙時間，等左15分鐘左右才可入座。叫左個餐有雪菜肉絲米粉、滑旦、厚多士留邊、熱奶茶。碗米粉好多雪菜肉絲兼有少少麻油香，份量也不少，這𥚃的米粉好特別，好似粉絲和米線的混合體，滑滑的，口感好得意，滑旦就冇試，杯奶茶茶香好濃又滑，相當吾錯。試左同行朋友個义燒飯d义燒，义燒都幾多，肥瘦適中，肉質鬆軟，個汁有點蜜芽糖香。整體來說，這間分店水準不俗，上次在九龍灣分店，就份量少得很。

大家對太興嘅印象都係燒味飯，其實佢d炒野都唔錯。小編今日本身諗住同老公來過Happy friday，點知老公突然話要加班小編見未到6點，即刻入去太興來個late tea，順便當埋晚餐。🥣叫咗個超邪惡乾炒牛河加忌廉紅荳奶茶！乾炒牛河加埋辣椒油🌶️夠惹味，牛肉多番少少就更好！河份嘅粉量同午餐一樣，小編结果都係食唔哂忌廉紅荳奶茶d紅荳同奶茶好好味，其實紅荳已經有用糖水煮過，唔洗再加糖水。小編叫咗走糖水，不過都仲係偏甜。

今日偷懶，同同事一齊食個早餐先反工，揀左近地鐵站既太興餐牌唔算多款式，食來食去都係呢幾款同同事一人一個餐蛋面，我就轉左太陽蛋，但煎耐左，無甘流心，碗麵入面仲配左條菜心個麵應該是岀前一丁，有2塊午餐肉，餐牌寫住係頂級，個人覺得可以再厚d，口感會更加好，湯底偏鹹，落重味精突然有多位同事來，幫佢叫定個餐，米粉好快就到左，雪菜望落去都幾多既已經要白麵包，但呢碟嘢耐到我同事食完碗米粉先來，追左2次，等得太耐了，炒旦係幾滑同香既早餐$40其實都算貴，一次半次就算喇…

唔知食乜好，跟住放工人潮流左去 APM。行左一圈都冇心水，最後去左鱷魚裇大廈的太興，順便探吓 my hero 。有新 menu 喎，係食住瘦的減磅菜單，有 「招積雞胸飯」即去皮雞胸肉飯，「𠮩𠹌燒肉飯」即去皮燒肉飯，旁邊仲計曬卡路里。可惜佢無論 idea 同相片都非常唔吸引，白雪雪冇顔色完全走曬汁。燒肉最好味的皮都冇，人生仲有乜意義？即係望返原本的餐牌算了，有返D色，肚餓的感覺返曬來。命中注定我瘦唔到了⋯⋯胡椒魚肚雞窩 $68香濃胡椒湯底，暖胃又醒神。配料多多，有鮮雞、魚肚、木耳、冬菇同紅棗等等。都算足料架，$68 單鍋，如果加埋凍飲品同飯加 $22， 即係實際要 $90。茶餐廳來講已經係我可接受範圍的上限了.....蝦皇醬通菜鮮魷 $60呢碟賣相一般的炒通菜，其實好香又辣辣地好惹味，D菜一住一住食到停唔口。可惜魷魚就一般啫，冇乜鮮味，擦膠 feel 。又係囉，轉套餐要加 $22， 即變 $82..... 咪再加價啦跟餐凍奶茶 凍奶茶梗係飲冰鎮啦， my hero 冇得輸，濃滑好味，係香港的味道。可惜.... 上枱時膠蓋面加左料，有好多點點的啡色物體。反覆觀察下，估計係咖啡渣或者茶葉渣或

作者一個偽Foodie，講到減肥真係好有難度，不過Keep fit都係需要嘅，女仔嘛😂又有朋友食開太興嘅雞胸肉增肌餐，就諗住試下🙈1. 特瘦叉燒飯（$64）一見啲叉燒咁瘦，以為會韌，點知一食唔韌不突只仲有肉汁😱又有叉燒味，雖然依個系列走汁，但咁多塊叉燒嘅肉汁已經好足以彌補到，餐牌仲有寫都只係約530卡路里，係好岩Keep fit或減肥嘅人😍彤樂評分：8.5/102. 至營雞扒飯(去皮)（$61）🍗如果你係食開濃味嘅朋友，但又想減肥，依個幾啱，因為佢塊雞扒係3款當中算係幾濃味，但佢只係飛水冇真煎過，表面係用其他健康嘅方法做出黎，重點係嫩滑又多肉汁，卡路里都係約510咋！👍🏻👍🏻👍🏻彤樂評分：8/103. 招積雞胸飯(去皮)（$64）真心估唔到去皮嘅雞胸都咁有肉汁，同埋啲蔬菜都好啱，絕對啱晒啲健身人士，卡路里含量只有約500千卡咋💁‍♀彤樂評分：8/10

賣相幾好既一個早餐個包幾脆，但香腸有少少酸酸地既怪味。唔知係咪香草問題？奶茶凍既。。咩玩法。。（唔熱）。。雪菜肉絲湯米湯底重味精，食既途中都係咁飲水。個米粉份量啱啱好

其實已經去過太興燒味食很多次！但寫食評還是頭一次。下午三點下午茶！要左個炒貴刁同炒銀針粉同女朋友撐抬腳..點餐後超級快就到。炒貴刁做法其實超簡單! 只要炒河粉時加少少咖喱粉就變成貴刁! 配料得三隻蝦仁及蛋碎！當然少不了洋蔥絲係幾有鑊氣嘅！可惜無叉燒又無火腿啦!海鮮炒銀針粉...賣相都可以但炒得不夠香。醬油調味得好蝦仁中size 記得銀針粉細路仔去茶樓成日食！雖然銀針粉點心於茶樓消聲匿跡猶幸在一些新式的餐廳還存在咬下有煙煙靱靱感覺我好鍾意呢D口感今天都當是過下口癮。我喜歡這裡環境舒適...燈光設計風格時尚！下午茶時間沒有多客坐得舒服！

晚上找東西吃的時間想坐耐一點.這裡簡單的橫裝讓人幾舒服。餐真係有好多選擇！後來見到枱角有相片都幾吸引。金不換回味醬油雞及泰式碟魚酸辣汁！於是就叫這兩個....首先講醬油雞是一道廣東菜，因為豉油雞的烹調方法是以豉油把雞浸熟！浸時會加一些香料！例如花椒和八角等！豉油即是醬油！所以這道雞經常叫醬油雞..今天試這碟是半隻份量⋯⋯看Size 雞吾算大！但簡簡單單都做得到好入味！亦非常嫩滑...至於碟魚感覺好似炸過！或許行內俗稱叫拉油！圍繞魚邊D角好香喔唔算多骨，一d都唔鞋，好滑！魚肉好新鮮..煎過皮層帶焦香整體食物好味..餐廳佈局一般，服務都好好！

放工，平淡又忙碌的工作完結了，打算去求其吃一餐。路過太興，都滿座但未至於要排隊，一於食佢。呢間太興第一次食，餐廳窄窄長長，但佈置都幾舒服。天花燈配合牆面密密麻麻的裝修，好有香港的感覺。菜牌大致都背得出，通常都會叫一個煲仔蔬菜，膽拖另一小炒。今期新菜係泰式炸鰈魚，即管試吓。泰式酸辣汁炸鰈魚 $69話咁快上菜，心𥚃有點不安，莫非是預先整好會攤到凍曬？食落又唔係喎，魚是暖的，脆口好味。面層舖滿了酸芒果、洋蔥、花生、蔥同埋泰式辣汁，好香好惹味。魚又夠大條，真人靚過上鏡。有泰菜餐廳的水準，都只是收六十幾蚊，窮人恩物。另一個煲仔菜我叫左，蝦干魚肚浸娃娃菜 $64 。呢個餸就相對冇咁抵食，得少少蝦乾同魚肚，其餘都是娃娃菜，低成本製作。味道是可以的，咸淡適中。但是如果佢俾多幾條蝦乾，我會滿意DD。叫小菜加 $19 有飯同飲品，都尚算合理。奶茶同咖啡都是得的。坐吓坐吓，原來出面已經堆滿等位的人，果然係打工仔的飯堂。有 service 冇加一，呢點十分欣賞，支持！

今天我和朋友到觀塘工業區附近玩，玩得比較晏，大約晚上10點，我們選擇了這間泰興吃晚餐，實在肚餓得很。我們叫了三個小菜套餐，包括魚肚浸娃娃菜，蝦醬通菜鮮魷，京都豬扒。每個套餐連白飯和飲品只需80多元，整體面度也不錯，唯獨其中一碟菜鮮魷份量比較少。

從來都覺得呢d連鎖中式餐廳都係貴又唔抵食，今次有張屋企人比ge現金卷，終於可以一試究竟。睇餐牌揀左好耐，終於揀左個星洲炒米配飲品、辣雞鍋配餐有飲品同一碗飯，點左出名ge冰鎮奶茶同加8蚊有忌廉紅豆冰。星洲炒米好味，調味夠，唔多油算適量，份量適中，配菜都唔算少，有驚喜喎。我與男友不知不覺就食哂，等下個菜上😂。辣雞鍋就等得耐d，不過都值ge，d雞好惹味，夠辣，送飯一流，配菜就如圖咁有四季豆同洋蔥，看似雞ge比例好少，其實還好，算合格啦。飲品好出色，超愛紅豆冰。

今天中午在观塘行街在开源道太兴吃饭。感觉非常不好👎，原因如下：1. 点了太兴的招牌菜脆皮烧腩饭，结果饭和烧腩是冷的，烧腩的脆皮非常硬咬不动，脆皮烧腩饭应该改名为钢皮烧腩饭。2. 差不多到吃完饭了餐茶都没上，结果发现餐茶没有入单。之后叫多2次才来。3. 跟服务员说了两次“餐茶仲未来，可唔可以麻烦催催？” 结果服务员说了两次：“未落单喔”. 服务员完全不懂得说：“甘我帮你补番张单啦，唔好意思” 由此可见太兴的服务质素以及对员工的培训一点都不到位。最后还是我说：“甘麻烦你帮我补番个餐茶好唔好？”4. 一开始入座时要加水，叫了3次服务员，都说“等等先”然后就把事情忘记了，最后是我落单的时候又喊了一次才给了我们。5. 候补的餐茶终于上来了，服务员把饮管直接抛了过来，差点丢到菜里。一点也没有礼貌。6. 最后吃完饭买完单后才察觉到后面加的餐茶多收了我钱，餐茶没有补在我的烧腩饭套餐里。综上所述。 我之后应该不再会去帮衬太兴了吧，至少不会帮衬观塘开源道的太兴。

太興的食物是中等價錢定位，今天就到了觀塘的這家分店吃下午茶，等了不一會便安排卡位入座，這裏的環境舒適，設計有別於其他分店格式，感覺舒服，唯一是座位窄迫，食物選擇方面下午茶的價格其實與其他餐室的餐價有差別，相對高一成左右，例如我叫重量級公司三文治連冰鎮奶茶便要$49元，並不算很便宜，不過勝在材料豐富，有火腿、芝士、蕃茄、生菜絲、煎蛋，咬落去有豐富口感，配上他們的權威冰鎮奶茶，是很好的選擇，餐廳沒有催促你埋單，坐得相對舒服，得閒來hea下食一個茶餐都不錯。