太興 (鱷魚恤中心)

營業中

休息中

下午茶時間路經太興，於是入去祭五臟廟。快4點半的時間人流不多，因為限聚令6点鐘過後不得堂食，很多人在這段時間早點吃晚餐。這裏環境不錯，服務也可以。難怪太興屹立香港多年，分店越開越多。管理肯定比翠華好。點了雪菜肉絲米粉+.炒滑蛋及多士+熱柑橘蜜才52元，價格尚算可以。坦白講食物質素整體沒有太大驚喜，亦不覺得難吃。一般連鎖店的水平都是差不多。唯獨炒蛋相對有點干，如果能炒濕一點會比較好吃。熱柑桔蜜味道亦可以。

平時食開既星期一至五$48餸取消咗，見到呢個豬手做promote $58就試吓，初時嚟到隻脾好大隻又熱辣辣，賣相已經好吸引，切開食埋不得了，賣$58真係抵到爛，豬手既皮係肥啲㗎啦，不過都要食😅😅，林志志又入味，加埋辣椒油無得頂😋😋 #太興燒味 #太興豬手真係食過都要再食😬 @ TAI HING

今天路過觀塘，走入去裏面食了一個燒鵝叉雞飯和一個八寶飯，整體义燒是很好味的，很夠淋，但是燒鵝就只是一般了。八寶飯整體都很好味，賣相都唔錯，還可以感想八款燒味，$84的價錢也差不多。

7:30am入座, 7:32am落單，8:00am才有得食，趕返工的你， 不要到太興，否則吃到你有壓力。點了香辣肉碎札肉湯米粉$29，看相片已知道份量少，幾粒肉碎，一塊札肉，幾啖就可以完成這碗湯米粉，味道ok！ 雖說香辣，但不辣的（對我來說），米粉爽口，整體上，除了份量少外，都是合格。熱咖啡，已講少奶，但... ... 真的無少囉！雖然多奶，但仍喝到咖啡味，完全是機冲標準味道，叫少奶都無用。食後感：趕時間的我不會去，當太肚餓的我不會去。

太興分店多，今日就試左觀塘區嘅早餐，同樣都係叫G餐，雪菜肉絲米粉+反蛋+多士+熱檸茶$38 雪菜米d雪菜鋪滿成碗米粉，撈勻再加辣椒油，啖啖米粉都有雪菜嘅咸香，但又唔會過咸，好食👍🏻反蛋，好多餐廳唔識做反蛋，好多都求其煎左隻熟到難食嘅實蛋出黎，太興我食過咁多間，好小失手，每次都冇令我失望，蛋有蛋香而流心👍🏻多士就有時唔係即做，好多時黎到係凍嘅，今次都唔例外🤣一般般脆咁啦，冇嘜特別。熱檸茶、個茶膽幾好，檸檬🍋都有三、四片，好夠檸味而唔會有苦澀味。

話說我公司坐我隔離位既同事係日日某社交平台Post自己食太興牛丸米！🐮🍜又講到好好食！🤔🤔每日唔食一碗唔安樂！😦😶我心諗:係咪真係好食到咁呀？！🤭於是我把心一橫走去食👅👅👅原來。。。真係，勁勁勁好食牙！😍🤤😋超級十分極之有牛味！🐮又爽又彈牙！🤤👍🏼最正既係連個米粉都好好食！🍜夾落d牛丸到簡直一流！🐮🍜🤤😍千祈唔好夜晚去食呀！因為太興牛丸米只係得下午茶先有架咋！😋

今天下午二點已掛了八號風球，因一堆工作未完成，所以做到约5時才下班。回家途中己餓了，當時绝大多數食店已關門，但經過太興看見仲有食客雖然不多，而且仲有抵食的下午茶餐，沒有加價，便進內點了三文魚抄飯，同冰镇凍奶茶。三文魚抄飯飯好干身，三文魚粒分量剛好，否則會太咸，加埋蟹子，葱花，賣相漂亮，可品。凍奶茶用冰镇，令奶茶放好耐都唔會淡味。而太興的奶茶一向都是夠濃味的。兩樣加埋十分好。

今日食三文魚抄反冇服務冰鎮奶茶冇底碟侍應冇说你好 只是放下食物就走了還有一個女侍應黑面但其實那一段時間也不算忙不明白為什麼那麼沒有禮貌上一次 去megabox吃 人家很有禮貌你好 唔好意思常有有一點失望

又OT到天昏地暗嘅一個夜晚本身打算今晚又要食快餐店食頹廢晚餐...行行下原本條路線發覺整路，所以兜路去咗開源道個邊。咦.......原來呢邊有間太興燒味....重點係佢原來收10:30?!　嘩，一道耶穌光打落天靈蓋嘅感覺呀！難得有餐廳仲未收，即刻飛入去醫下肚仔先啦！太興嘅燒味真心唔差嘅，唔係點會用燒味做賣點丫我就叫咗個叉燒燒鵝飯，價錢就真係唔太記得，大約$76左右?我坐低個時都9:30，都仲係好多客，不過好彩我都唔洗搭枱等位估唔到咁夜都仲食到靚叉燒叉燒算係半肥瘦，加上蜜汁加持，溫度仲要係暖暖地，呢幾舊叉燒簡直幫我打滿氣呀！燒鵝就真係做到皮脆肉嫩，不過份量比較少，同埋肉唔算多，但有肉嘅部份都好嫩口見到隔離枱叫咗個梅菜扣肉煲望落好正，入口即溶咁，下次加班可以過黎試下，唔洗食快餐店啦

次次食太興都係堂食 第一次外賣🤤由於湊住小寶寶關係 外賣始終方便d👍🏻今次叫左下午茶ge鮑汁雞翼撈公仔麵同埋燻鵝絲雪菜炆米粉🥰外賣鮑汁雞翼比較乾 唔係咁好食 唔覺得有汁不過雞翼都好大隻好肥 雞翼都放滿左個外賣盒 同埋夠味👍🏻另外鵝絲雪菜炆米粉 鵝肉非常香口 好食🤩米粉唔會太林身 不過偏油 如果再揀都會揀返呢個食🤩

好耐無黎觀塘，原來開左一間太興我都唔知。本身諗緊去茶樓叫送食飯，但經過太興，又見唔使排隊，因為去觀塘食飯，度度都要排隊，都唔知幾時有得食。加上我帶左小朋友食飯，如果去荼樓一定好麻煩。一入到去俾左卡位我地，真的太好了，可以封住小朋友的活動。但係哩度唔好處係無bb椅，我見其他人的小朋友都係要企係椅食野。哩度食物方面都無咩特別，無話特別好食又無話特別唔好食，只係一般連店的質素。但其中一樣送我想講係，我地叫左蝦仁炒蛋，我覺得蝦可以多少少，因為相里面，蝦係比較多。好似有d圖文不符。

前兩日黃雨同朋友唔知食乜嘢好😉咁就打算近近地，諗起有間好耐冇去嘅太興喎！ 每次一入到太興都會叫佢個好味雞窩🍜， 每次啲水準都可以keep住， 味道一樣鮮甜 豬肺湯都很好喝 而最重要價錢平靚正， 服務態度非常好 絕對會返轉頭

放Meal time 啦^_^食咩好^_^飽飽地唔想食飯，所以去太興食燒鵝絲米粉～佢個set有些少似常餐，牛油炒滑蛋啦/多士及飲品燒鵝絲濃味配落淡味的米粉個配搭係幾match,但唔鍾意濃味既朋友就唔好試啦😸因爲佢同雪菜肉絲米味道更重👻

約舊同事聚舊，在佢公司附近的一家餐廳食晚餐，内部裝修新淨，卡位寬濶，叫了兩個中式晚餐。上菜速度快，等大約五分鐘便煮好。菠蘿咕嚕肉68元，賣相唔錯，肉粒表面脆脆地，內裹肉質軟硬適中，配菜青椒洋蔥都炒得幾好，菠蘿少少酸少少甜。蝦醬通菜鮮魷64元，蝦醬香噴噴，好惹味，鮮魷剛剛熟唔硬，通菜幼嫩，送飯一流。碗白飯好正，軟硬適中。餐飲㨂了「茶走」，即係紅茶加煉奶，茶味好濃好苦，煉奶本身好甜，一苦一甜，搞混嚟飲。

太興一向受港人喜愛，早午晚餐都做得相當出色。當中的燒味高質衛生，是一家出色的快餐連鎖店。餐蛋公仔麵-公仔麵是香港人最喜歡的速食食品之一，太興的餐蛋麵採用出前一丁，配以兩塊厚切餐肉及炒滑蛋，另外每碗都帶有一條菜心。建議大家可在落單的時候和我一樣，要求師傅麵底煮得生一些，煙靭的麵條好吃冰鎮奶茶是我的最愛，奶茶以黑白淡奶沖製，奶茶滑身濃厚，茶香帶奶茶獨有的澀味，雖然是凍飲也不失茶香味，附帶的冰座著凍奶茶，不會因冰融在奶茶中而沖淡其味道，奶茶入口回甘，順滑無比。