太興 (已結業)

在Branch 開完會，巳經六點半，想獨個兒吃頓男人飯，便來這兒。選擇算少，僅燒腊、茶記湯粉麵、多士奶茶而已。點選了雙拼燒腊飯晚餐（$44），雙拼選了生腸和乳豬，附蠔油生菜一碟。飲品要熱鴛鴦。生腸爽滑；乳豬皮脆肥肉少。飯量偏少，男生勉強飽。蠔油生菜一般貨色。熱鴛鴦係以即磨咖啡冲港式紅茶，感覺怪怪的，唔及招牌奶茶好。生腸真係好好味，絕對有下次。

其實太興幾好呀,特別係杯奶茶,幾正架,至於吸煙區問題,如果對冷氣系統有認識o既,都知道除非全面禁煙,否則,劃分吸煙與非吸引煙區係冇分別,因為都係同一條風喉出風,都係吸一樣o既廢氣姐

一間餐廳，今時今日不論裝潢如何，若果並非全店禁煙而沒有劃分吸煙與非吸煙區，整間餐廳環境烏煙瘴氣，那就始終走不出「地踎餐廳」的格局！有如這樣較低檔環境的同類型餐廳多的是，咁點解要俾一個餐四十幾五十蚊既中檔價錢黎呢度光顧？

女友到附近上美容班前，我們到這兒吃個early dinner。晚市，點了份雙拼飯晚餐（$43）、果醬厚多士（$16）、冰鎮奶茶（$12）。埋單$71，係幾貴！雙拼飯係燒肉拼叉燒，燒肉皮香脆，肉質甘香鬆軟，係好味！叉燒都唔差，貴係貴D，但品質有保證！配節瓜老火湯，都OK 播！厚多士係等足十五分鐘，但好好味，貴！但又係果句「品質有保證」！冰鎮奶茶係必點，全香港都知呢味係招牌貨！呢間野係會再來。

行街行到累,坐低食個tea,以為一個set唔會太多,點知食左個飽到連晚飯錢都番既下午茶餐!28蚊食到咁飽,又好味,都幾抵喎!我揀左既係公司三文治下午茶餐,一份公司三文治挭係有三層,而且係烘底,一層餡芝士火腿,呢層正咯,因為個片芝士係半溶狀態,咁既芝士簡直係一流呀!另一層係蕃茄煎蛋加沙律醬同生菜,呢層ok啦,但係如果個蛋唔係煎而係烚會更好,同埋我個人真係唔太鐘意沙律醬囉!個包烘得又熱又脆當然係一個好大既吸引力啦!所以切成四份都一一俾我食下食下唔覺唔覺咁清晒!加埋個飲品,真係飽到上心口啊!

同男友黎食brunch.男友同我都點了燒味雙併tea set 佢果個係燒肉叉燒飯+ 冰鎮奶茶我果個係油雞燒鵝米+ 冰鎮奶茶燒肉- ok啦, 我冇食d皮, 唔知脆唔脆.叉燒- 有d淡喎, 麻麻地.油雞- d雞好肥呀! 好多肥膏, 點食呀? 同埋好似冇咩肉咁.燒鵝- 都係冇乜肉, 麻麻jei.湯底都幾油......冰鎮奶茶- 麻麻地... 好一般. 茶餐廳會好飲過佢.凍飲加$3, 搶錢咩!未必會再幫襯.

上次去工展會前來o左呢度食o野.叫o左白飯同燒味拼盆.燒味拼盆都算不太細碟,有叉燒,燒肉,墨魚片,燻蹄,燒鴨,切雞,鴨翼同鴨掌,每樣有幾件.味道都ok,不過一d都唔平,成八十幾蚊o架!!

上星期同朋友一齊去幫襯，去到點2個燒味雙拼，1個跟餐(包括1碟油菜及1杯餐飲),我足足等20分鐘，一樣到無尼到，餐飲到無，我問D伙計，有1個(女人)叫都唔埋，另1個(都係女人)同我講尼緊，但出個碟都唔係我，過5分鐘先有個男仔埋尼又問我叫D咩，我食1餐燒味飯只係等到等45分鐘，尼到D叉燒好瘦，D燒鴨好肥，我食15分鐘就走人，下次請我到唔去尼間。

燒味一向都是我的心頭好．．．上次跟爸媽到這裏醫肚，看見掛起的燒味樣子很鮮明，心裏不甘興奮起來！～叫了叉燒燒鴨飯餐，包油菜和餐飲。等了沒多久，香噴噴的飯就送到！先說叉燒：嘩！鬆軟不在話下，簡直要用「肉香四溢」來形容！真的很久沒有吃過如此高質素的叉燒了！吃得多大家樂那些柴皮，突覺這裏的叉燒成了人間極品．．．正！燒鴨：鮮！香！軟！皮是薄薄的，沒有多餘肥膏，而且充分吃到鴨的油脂的那種甘香。鴨肉不是「乾爭爭」的，一口咬下去便是鮮甜肉汁，一點不韌！白飯也是不得不提的，飯粒分明，加上燒味汁真是一絕．．．下次必定要叫「多汁」！！！！！餐茶也有驚喜！事慣我叫了凍奶茶！原來是冰鎮的～這間店真的很有誠意啊！～ｐ．ｓ．王喜突然出現叫外賣！哈哈．．．引來店員左一聲「你好」右一聲「等多陣就得架啦」．．．當然啦，「假假地都叫做明星喎！」ｋａｋａ

想試試佢嘅厚多士，所以今朝一早就來吃早餐。點了花生醬果占厚多士，花生醬係粗粒，搽得厚厚的，都算香脆。奶茶則太多奶，又冇乜茶味，所以只屬一般。都係大排檔Ｄ奶茶好飲Ｄ。