太興 (已搬遷) 新店位置

唔只一次係呢度食野...食過晚飯亦食過tea...燒味方面...不嬲都唔會對呢d集團經營有信心...記得有食過...但又唔記得佢好唔好食...相信即係唔會好得去邊...好食geh...一定記得geh但道然呢度geh茶餐係幾好架喎...之前佢做過有傳統茶餐即係d雙拼公仔面或者炸豬扒薯條...最好食係跟佢geh厚多士同炒旦...佢geh厚多士同炒旦水準好高...可以比得上長期係openrice排第一geh澳洲牛奶公司果d...好可惜...半年無去...而家個茶餐餐牌己經轉左!!好在都仲有厚多士呢個選擇...今次我食左geh就係豬扒包...平時食呢樣野都係一早打定輸數...無乜要求...反正佢都唔會做得有心機得去邊偏偏人生就係咁奇妙...係對佢無期望下佢竟然比左個surprise我!!夾住豬扒geh係澳門式geh豬仔包...塗上牛油後再烘過geh!!!好脆口好香!!唔似得出面果d包通常都係軟淋淋...呢個包真係有水準...塊豬扒仲不得了...佢竟然係無用肉鬆粉"拿"過...咬落去係有小小肉絲痴住...呢d豬扒真係好難係街食到...另外佢geh凍咖啡同埋凍奶茶都係冰鎮geh...你放得耐都唔會

和男友黎食飯，我地本來想食燒肉的，點知黎到睇到餐牌，見八寶飯好吸引，咁我地點了，加一個苦瓜粒粒炒丁丁叉燒。八寶飯，同幅相一樣咁吸引，有鹵水墨魚，紅腸，鹹蛋，燒鵝，切雞，叉燒，燻蹄同燒肉。好豐富!太興的燒味真係都算有水準，各樣配料都唔錯，燻蹄尤其好好味，濃香的酒美，肉質又爽脆。苦瓜粒粒炒丁丁叉燒，係炒粒粒，苦瓜粒，蝦米，叉燒粒，花生，翠玉瓜粒。呢個菜好野味，苦瓜爽脆，花生香口，翠玉瓜又清香，各樣配料都配合得好好，口感豐富。呢個菜配飯好，配粥亦好。呢度食晚餐都唔錯，小菜都有很多選擇，小菜亦很大碟。唔錯唔錯。

最近常常吃。前陣子公司christmas吃乳豬都是叫太興，好味道，脆卜卜，係肥左少少，可能因為天氣涼了食物凍了就覺膩。最近又惠顧了下午茶和早餐各一，下午茶比較貴，27元一個公司治加奶茶~ 好味好滑。早餐最貴只要21元，平安夜的早上很多人等位，當時已經係十時五十分，入座都已經過了十一時，大家都擔心沒有早餐食。但櫃台姐姐說只要是十一時前取票等位都可以叫早餐，實在太好了，服務和arrangement都十分好，又considerate。最重要好味，雖然係茶餐廳和燒味舖的化身，但係無人食煙喎。

(17/8/06)同蛋蛋&阿E食晏,叫左兩個餐。太興燒味係唔錯,所以選左义油雞飯,义燒唔肥,但係飯,就嫌唔夠熱。跟左杯鴛鴦走糖多啡,味ok,不過奶多左啫....另一個餐,紐西蘭牛柳絲瑞士汁炒河,餐牌已註明味濃,濕口。有瑞士汁預左濃味,食埋牛柳絲有酒味之餘,亦好"林",它的"林"唔似鬆肉粉處理咁滑溺溺,所以有點驚喜。

(19/4/06)晚市,燒味好似被小菜蓋過,很多人也在吃煲仔小菜。但我地兩個人,食唔到咁多,所以好單調地,淨叫左一個炒飯,一起食。很好的服務員,沒有打量我們,飯來時,仲好自動地,擺好兩隻碗&匙添!三鮮係,唔知咩魚粒,急凍蝦仁,魷魚粒。飯炒得幾好,只係單食碟炒飯,感覺好齋啊。

邊度燒味最好?好多人會答"太興"。但我食過後感覺完全唔同...今日11:58a.m., 我和女朋友興致勃勃去品嚐太興馳名的燒味飯, 就在這分鐘, 惡夢便正式開始...先講食物, 我們點了兩個雙拼飯1. 燒肉墨魚飯- 墨魚的味道不俗, 水準及得上一般燒味店, 燒肉跟拜山的有過之而無不及, 咸得很。2. 叉燒乳豬飯- d叉燒肥到無倫, 完全咬不開, 一d肉都冇, 只有肥膏與筋, 至於乳豬像放過入雪櫃一樣, 凍冰冰的, 皮不脆, 還帶點煙韌...(請參照附圖)燒味師傅大大聲向著食物跟員工呼喊, 一啖一啖的口水噴出來, 完全不衛生。價錢貴其他燒味店一倍, 又是一間要bad list 的黑店!

(24/12/05)lunch,蛋蛋食左义燒米線,好多义燒。我和男友吃义雞飯,又係好多餸,多得黎係靚咕噃。"令立立"唔太肥唔太瘦,充滿义燒汁味。我地都異口同聲話,平時d燒味飯,係"飯"食極唔完,哩度係飯食晒"餸"都未食完。份量好好。豉椒班腩炒麵,都ok,不過麵唔夠脆。野好食,不過侍應真係再要train train。唔係態度唔好。而係不論見習侍應,或非見習侍應,都是成日落錯單

(15/10/05) 蛋蛋陪我吃「午餐」。太興集團式經營,改革後,我覺得好有條理。入門口帶位,order紙有bar code,賣單du一du就計好幾錢。一改茶餐廳風格。當然最終cost都會落在我們消費者身上。果醬厚多士,(唔脆包換喎)咁當然係脆啦,係嫌size太細,唔夠喉啊。熱杏霜,好creamy,我諗佢落左花奶沖的,而杏仁味亦好夠,正!

奶醬多~~奶醬多~~真係好好食(HK$9)服務態度都幾好, 叫了1杯熱奶茶(HK$11)OK la.....(total HK$20) lu.......

成日都來呢道食～因為香港仔真係冇乜好食～炒野ｏｋ～小菜麻麻～

個日同個同事一齊去lunch, 好耐都無去太與啦, 原來佢裝修過, 而家成個look唔同晒, 都ok喎, 入到去叫了一個油雞燒鵝飯$35同味菜磨菇火腩飯$32, 跟埋餐茶, 呢個價錢唔算係平, 睇下係咪好好食先.油雞好瘦, 我指係肉地唔夠厚, 燒鵝有d過火, 鞋了點, 味菜好咸, 一d酸菜味都無, 火腩有好多件, 唔肥, 肉唔un但有少少咸左d, 都ok 啦, 叫了一杯熱奶茶, 幾好飲, 太興d奶茶一向都唔錯, 但食物麻麻地, 同埋價錢都唔平, 少d去啦!

裝修都靚靚仔仔之後就愈黎愈貴, 貴都冇咩所謂最弊唔值丫嘛!!!有日食左個梅菜蒸豬頸肉飯, d豬頸肉勁蘇我見個menu樣樣野都要30蚊以上, 但全部都唔係話有咩特別

去食宵夜~夜晚10點幾,都仲係好多人~唔想食咁多野,只係叫左個奶醬厚多,貪佢夠平,$8~仲係佢推介ge食品,咁咪試下lor~初初見佢個圖樣好似只係得花生醬,都冇咩大期望但係,佢黎左ge時候,發覺佢加左鍊奶嚮粒粒花生醬上面~原來咁就叫奶醬多~~咬落去,外面焗得好香脆,入面就好軟熟~多士又真係好厚~夠份量~加埋o個d鍊奶同花生醬,真係好味~食完o個兩件,好味到想再叫多件....不過都夜喇....d朋友有d叫左飯,睇落都唔差~service都幾好,11個人都同我地安排左入去~又夠快~umm~不錯~最緊要$8奶醬多真係唔貴,仲好好味tim~下次要再去~^^

燒味當然有番咁上下質素，話晒董生巡區時都到這裡食過。無論食物質素到服務態度，都應該在同區燒味店中第一了。