失眠冰室 (已結業)

果日同班friend上去果幢大廈搵cafe坐下飲野,睇左咁多間,見呢間隔局呀佈置呀都唔錯,於是就入去坐喇!<br />我哋五個人安排去角落頭張枱,起初望落都無乜嘢呀,一坐落去,張sofo好矮好難坐,要加咕臣坐,同埋好多公仔放喺度,我好驚污漕,於是放埋一邊!<br />好啦,出去攞嘢玩,d琪盒好多都好殘,大富翁d銀紙都爛喇!<br />至於d嘢食就麻麻地啦,我碟肉醬意粉都ok喎,雞皇都ok,薯蓉都ok,但佢\哋碟鴨胸就話無味,桂圓茶好飲,柚子薑茶勁難飲,咪試!<br />食飽後諗住玩多陣,玩到興起個女侍應叫我哋要再order,因為已經3個鐘,我哋話未食dinner之前叫咗個tea set,佢\話唔計,每人3個鐘內要消費一次!如果唔order就要埋單!於是好嬲好掃興咁走人囉!講真,出面又無人等,又仲有空位,俾人玩多陣都得啩?!洗唔洗咁呀?好唔識做生意囉!好失望!!

尋日同朋友一行七人上去呢間失眠cafe，其實係因為樓下有佢張cafe既相，我地覺得環境唔錯，所以就上左去。上到去，覺得真係唔錯，有好多野玩，而且有好多公仔，梳化同椅子都坐得舒服。d野食就麻麻地，我點左個雞皇意粉，d雞ok，不過個汁好稀，所以俾3分不過我地玩得好嘈，可能因為咁，有個男既侍應就一直好兇既眼神望住我地。就黎走既時候，朋友問我地有無覺得痕，佢話d公仔好唔乾淨，好似有蚤，有幾個朋友都話痕(坐梳化的)，我坐普通椅子，而且無拎公仔玩，所以覺得無事。我諗應該係因為d公仔，d公仔都幾"黑"下。P.S.呢間野要加一，做會員免費，不過要第二次幫襯先有九折。

我第一間上樓既cafe 就係失眠雖然上面既地方同環境真係黑左D不過佢\d 野食同野飲都ok價錢fair la.. 個老闆娘都好好~同埋間野開左好耐搞party 一流囉

咁上次小妹生日上星期3 咁我就同bf去左依間野飲野坐下傾下計la 果陣係tea 時段0的野唔算貴22蚊個tea set 轉飲品加5蚊飲品list 唔會set定都幾多野揀.....茶朱古力特飲soda 咩都有.......咁我bf 就揀左個脆片同朱古力milkshake 佢\話唔錯...我就要左個失眠枕頭唔錯呢好味........ 我話俾waitress 聽佢\就拎左支candles 俾我點..... 幾周到同細心送多句甜密既生日快樂........^^

昨晚同7個朋友去慶祝生日,自制蛋糕帶上去食,每人order了一個set dinner,+左$7轉特飲。食物的份量和味道都好合乎標準!不會太飽!薯蓉味道一流,雖然份量比order飯或意少很多。香草肉醬薯蓉配搭唔錯,薄荷朱古力略甜,而其他xxxx冰不是碎冰,而是冰塊。內裡地方雖小,但有個大電視播ktv。好可惜只能坐3小時...3小時後冇order要離去。燈光太暗,玩uno時分唔到藍和綠色。而且內裡沒有禁煙,所以扣了一大分!但不收切餅費,waitress有禮貌,斯文,加返分!

我又真係唔同意下面位朋友喎.第一次幫趁完我就入左會.皆因我食過佢地的海鮮焗飯,十分正0丫!我仲食完又番尋味添,今日食第二次了.質素當然唔可以同高級餐廳比, 但四十皮一個餐,想點呢? 老細又成日請食0野,幾好笑!我覺得呢間0野做得幾有心機.員工亦nice.

好耐無上過旺角d上樓caf因為覺得上樓caf擳d食物質素真係好麻麻, 所以真係唔係好敢上去浪費時間, 今晩心血來潮走上去, 係呢座樓睇左三間, 最後入左呢間失眠caf點知…………間野d枱同sofa都麻麻, 枱太細同矮, sofa又硬又唔舒服, 個waiter妹妹又唔醒目, 竟然坐係度同我落單, 叫左個set dinner係芝士焗雞扒螺絲粉配荔枝梳打$43, 朋友叫個煙鴨胸伴薯蓉配芒果蜜桃雪糕沙冰$45, 等左好耐好耐, 食左好多好多2手煙, 重要轉埋位, 因為坐得真係唔舒服喎……芝士焗雞扒螺絲粉無芝士味, 根本好淡的忌廉焗, 個塊雞扒焗過時, 好鞋啊……..螺絲粉又無汁係度, 食落淡到死……..煙鴨胸係買番黎, 當然ok啦, 薯蓉都ok, 但係又因為無汁的關係, 好淡好口乾, 好難食………….荔枝梳打無荔枝味, 只係一杯加左糖水的青色忌廉汽水, 芒果蜜桃雪糕沙冰係全晚唯一一個叫做似番d樣的物體, 杯野個味唔太甜, 再加左一舊有nut的chocolate ice cream, 所以都ok, 但係個廁所見到重恐怖, 係正個廚房隔離用木板搭成的, 細到阿媽都唔認得個隻, 一入去已經撞到個洗手

幾舒服, 音樂不算大聲又幾好聽, 飲品以凍飲好d, 至於食物都唔錯, 因為未開餐, 食左個雞扒螺絲粉, 都幾好, 不過特別喜歡老細焗出來請d客食的朱古力曲奇!

成個旺角九十幾間樓上cafe,但"失眠"做得較正統. 十足的"hea" feel.不是樓上餐廳,也不是樓上小食店.媲美台灣的正宗派樓上cafe.飲品不俗,食物ok.

本人就覺得依間店舖都不錯，其實我就之前都去過三次，有兩次都係同男朋友一齊去既。因為佢地既服務都好好，我想比個驚喜男朋友，咁個度個老闆娘都好好會幫你諗埋ｄ菜單。所以我覺得可以值得去試ｈａ！

前幾晚同班friend去旺角飲野，因為好多間都多人所以去左依間。D野飲都係普通價位，但係冇乜choice。叫左個荔枝梳打，甜得好緊要、已經搞到好均，都仲好甜。之後再叫多個草莓梳打，勁難飲，勁似蘿Ｘ神菓JAM 加梳打水咁，飲完想嘔。環境雖然唔錯，不過Ｄ野飲削，仲要最少消費$50，感覺好搵笨o下。

同bf去食下午茶，一上到去覺得環境幾好，最適合三五知己去飲下野hea下！叫左兩個下午茶餐，士多啤梨乳酪幾好飲，但係個英式布丁cake有少少怪，個mini pizza都幾好食，不過係方飽整既，份量少d，不過都幾香！晚餐時間每人最低消費50 元都合理，所以我都會再去！

哈哈哈哈哈哈哈哈哈...我竟然是為這間cafe寫第一個食評的人....我感到很高興...也很榮幸.....因為我覺得這間cafe是旺角一個很好的歇腳地方,自從上次去過後,很想再去多次(但我人不在香港...所以下次返來一定要再去坐坐).....service幾好(主要係在於0的侍應吾會煩住晒,如果吾係..就傾吾到計)!!<br />環境幾舒服...但不適合一大班人,因為會好吵...甘就同佢本身的feel吾夾..兩三條友上來飲野最0岩...食物普通,只是講吾出其特別的地方..但還算不錯!!!(P.S.請大家留意,這裡最低消費係每人$50)圖中果杯是那日其中的一個order : Blue Bottom..(本質是咖啡,下面藍色可能是糖漿) ^.^...都幾好飲架!!!!