奇納百川 (已結業)

去海港城行街，路經發現一間幾文青Feel既韓國餐廳🍴，思韓病發作，立即入去試下先😋.芝士辣雞定食🐔熱辣辣好惹味！🧀包住D好嫩口既辣雞，再加上一口紫菜飯，OMG‼️太幸福了吧🤩.韓式湯鍋🥘同樣係熱辣辣咁上檯🔥裡面配料好豐富😋我地係選擇左牛鍋🐮另外仲可以選豬肉🐷，入面仲有年糕，午餐肉，豆腐，魚餅等等😋.我最鐘意既地方就係坐得好舒服！卡位相當之大🙉好闊落！行街行到攰攰地都好推薦過嚟坐吓食吓嘢🌟.奇納百川 @kinabaji地址：海港城海運大廈3樓LCX34號鋪📌

難得嚟到海港城，又唔知食乜好！行下行下，見呢間新派韓國菜，環境又舒適，仲有海景睇，一於入去試下佢先！Sea Urchin Udon一片大海膽放係中間😍烏冬軟硬適中，每一啖都充滿海膽味！三文魚子粒粒脹卜卜，真係好正咖！不過我就唔係咁鐘意啲大蔥😬😬！韓式牛肉湯鍋份量十分之大，成鍋都係牛肉😂😂仲有午餐肉同溫泉蛋！都唔止！原來鍋底仲有好多配菜，食極都食唔完咁。整體來說，價錢雖然偏貴，但味道正既，環境又舒服，會再來的😊

又去到海港城coupon就快到期嘅時候🤣所以呢期約邊個食嘢都係去海港城🤪A coupon就用得7788~B區就仲有好多😮所以就揀咗今次呢間奇納百川試😋之前weekend去過要等過百張枱🥴今次平日2:00去到可以直入！想坐海景位就記得喺OpenRice book!❤️‍🔥-❶ 三文魚子海膽忌廉醬烏冬 ($188)🍣🍝評分：8/10短評：作為海膽愛好者 見到有相關嘅嘢食都會叫來試吓🤭今次呢個烏冬聽落已經係好吸引😍果然味道都係正嘅🥳三文魚子份量超級無敵多😂食極都仲有～原本驚會好膩點知又ok喎😎份量都幾大碟兩個人都唔會話唔夠食😛海膽都有兩舊😋建議大家去都要試😙必點‼️❷ 明太子蛋卷紫菜包飯卷 ($108)🍙🍳評分：6.5/10短評：味道普普通通同平時啲紫菜包飯冇乜分別🤣份量都幾多👍🏻入面嘅蔬菜都多🥕反而係主打明太子但係冇乜明太子味😞 飯粒係粉紅色估計應該係撈左明太子醬 另外旁邊亦都有配到明太子醬俾大家點不過冇乜味～❸ 炸午餐肉條配芝士醬($68)🐖🫕評分：7/10短評：份量都好多吓，食極都好似食唔完咁🤣午餐肉炸到好香脆！點埋芝士醬嚟食勁邪惡😆當係小食都幾得意～可以試吓😙❹ 荔枝烏龍茶 ($48)🫖

韓式辣醬炸雞(跟鐵板芝士) 的炸雞炸得金黃酥脆，內部的雞肉尚算嫩滑，醬汁不會太辣，再加上拉絲芝士後就變得十分吸引！芝士味道香濃🤤輕輕地拉動，讓芝士形成絲狀，讓人一看就有食慾。芝士與炸雞的香脆口感完美融合，讓人一吃難忘，適合重口味之鬼(///з///)♡炸番薯條亦香甜酥脆，口感豐富。炸番薯條的外層炸得很脆，裡面則是軟淋的番薯肉。而番薯的天然甜味非常突出，吃起來口感柔軟，不會過於油膩或太過咸口😋韓式牛肉包飯卷則沒有太大的味道，這個價錢來說略嫌小貴。總括而言，有些食物味道的確不錯，要懂得選擇。不過可以看着海景吃炸雞，這個價錢算是性價比很高了(⁎⁍̴̛ᴗ⁍̴̛⁎)😋 好味程度：7.5 / 10🫧 環境整潔：8.5 / 10🕯️ 整體氣氛：8.5 / 10🏃🏽‍♂️ 性價比率：7 / 10🧑🏻‍🍳 服務態度：8 / 10

不知所謂嘅韓國菜，完全係扮韓國菜，如果稱為fusion菜都唔合格。Kimbap紫菜包飯啲飯散修修，一夾就散，冇正宗韓國kimball嘅味道同口感，又冇醃蘿蔔Fried chicken炸雞好鞋，冇肉汁，又薄又乾到好似炸雞肉紙咁。個石頭鍋叫好少少，但冇跟埋飯(？？)正常韓國餐飯會跟碗飯2個人食咗$800，呢個食物質素完全對唔住個價錢，嬲到要嚟寫食評早知食其他餐廳，人均$400可以食得好好午餐$400人頭真係可以有好多選擇，偏偏食咗間咁難食嘅

💭呢日好想食韓式炸雞，就求其揀左間韓國餐廳食lunch😌但係餐廳比我既感覺係有小小失望🥲總括而言，d 野真係又漏又唔係幾好食🙃野飲反而幾好飲😌🌸奇太郎原味炸雞（跟鐵板芝士）(HKD 208)🌟我對個芝士炸雞有幾大期望就有幾大失望🥲🥲🥲🥲d 雞偏鹹之餘重要好‘鞋’，唔推薦大家叫🧐🌸烤煙腩蛋黃忌廉手搓粉 （HKD 168）🌟小小似carbonara既味道，但係係加漏版既carbonara🥹差咁d 濃厚既味道同埋漏得黎有d 淡口🫣🫣🫣🌸荔枝烏龍茶 （HKD 48）🌟🌟🌟荔枝烏龍茶出奇地好飲，好fresh！雖然有d 甜，但係唔會話好死甜個種👍🏻👍🏻👍🏻🌸五穀人蔘蜜糖茶 （HKD 52）🌟🌟🌟個味道好養生👍🏻有驚喜，可以一試！

比較新派既韓國菜，環境舒適 食物賣相唔錯，味道合理，屬於有coupon然後食到唔知食咩好就可以去試吓嘅餐廳類型😂Steak Lettuce Wraps 封門柳生菜包～有配紫蘇葉👍🏻牛肉質地唔錯，不過封門柳來講肉味唔算重Spicy Chicken Cheese Rice 勁多芝士 而且有拉絲🥹🥹辣味唔錯，鍾意食芝士辣雞嘅可以一試Sea Urchin Udon 烏冬賣相麻麻，不過食落又唔錯‼️都食到有海膽味。只係面頭嘅大蔥實在太豐富😂😂SPAM Fries with cheese sauce 午餐肉都唔錯，不過佢嘅芝士醬唔算好濃芝士味，反而酸酸甜甜咁🤔.

行行下行覺得有啲肚餓，經過見到呢間韓國餐廳，出面嘅大玻璃有個好大嘅QQ男仔卡通圖，幾可愛就吸引左食呢間啦餐廳用自動㩒票形式，個時差唔多8點鐘，排隊人數唔多，好快就可以入去可能因為唔多人嘅關係，職員安排左個超大座位俾我，我地一行兩人，所以係超舒適，可以將購物嘅戰利品放係旁邊除左呢個位之外，仲有啲窗邊都好吸引！可以望住海景，超浪漫今次叫左一個海膽烏冬、一個牛肉壽司、一杯桃lemonade 、一個生牛肉他他、一個蜜糖炸雞我個人最推薦海膽烏冬，烏冬軟硬適中、忌廉汁唔會太膩，唔錯炸雞份量都唔錯！好似食極仲有嘅感覺，同埋咬落好脆，味道適中壽司就一般般啲飯粒稍微硬咗少少生牛肉個人口味黎講就太甜，突顯唔到牛肉嘅鮮味

今日響尖沙咀開完會之後，同朋友去咗海港城 LCX 行咗陣街，順便喺嗰度搵埋嘢食 ，呢間韓國店朋友知話之前來過，印像都幾好，所以就嚟試下。佢哋嘅韓國菜係比較新派嘅，幾 Chill！店舖裝修都幾簡約，有啲好得意嘅韓國公仔，最重要係都有全海景，可惜窗邊位就冇曬啦，所以只能夠離遠睇過維港夜景。前菜叫咗一個韓式醬油元蹄 148 元，挾埋啲酸菜一齊食都幾得意，不過原來凍食呢有啲靭，如果可以切細塊少少就好啦。主食叫咗一個三文魚子海膽忌廉醬烏冬 198 元，海膽味道好濃，仲有一啲韓式嘅大蒜味道喺入面，都幾重口味。另外叫咗一個明太子蛋紫菜包飯團 108元，呢個就一般般，但有啲硬，同埋味道可以載重少少，不過點奶醬味道都可以嘅。另外嗌咗一個蕃薯條 68 元。飲品方面叫咗一杯芒果白桃乳酪 72 元，酸酸地好開胃，另外叫咗一杯鮮奶紫芋 50 元，好暖胃，味道唔會太甜，整體嚟講印像都幾好可以推介。

海港城fusion韓國菜🇰🇷依間店主打韓國菜🇰🇷但佢同普通食部隊火鍋、拌飯等等嘅韓國菜餐廳有少少唔同🤔佢係好似摻雜咗少少西方菜式嘅製法嘅一間fusion嘢🤣所以無論係外觀定係菜式都夠曬特別同吸引😝食物方面，佢哋都有好多唔同嘅款式，而且每款都有好多口味，尤其係韓式炸雞，超多選擇😆但個人認為小食係最吸引嘅🤣有炸蕃薯條、炸午餐肉同薯格，而且每款都各自配唔同嘅醬汁，勁想試勻全部😍蕃茄仔2個人叫咗1個沙律，2個主食，1個小食同埋1杯飲品，飽仲要打包走🤣🍅醬油元蹄香辣沙律 $138感覺上依個沙律有少少似泰式嗰種沙律，口感上偏濕，少少酸酸地但好夠辣，反而唔係好食到醬油味🤔元蹄嘅份量都算合理👍🏻但下次未必會再encore，因為唔係好啱蕃茄仔嘅口味🫢🍅醬油牛肉炒年糕 $138牛肉份量唔會話好少，年糕亦好煙韌，而且醬汁味道好特別，帶少少甜味，個人推薦依個💕🍅三文魚子海膽忌廉烏冬 $198依個烏冬好creamy，三文魚子都唔會腥👍🏻但海膽有少少黑黑地🤔味道就都冇乜嘢嘅，所以覺得可能係擺耐咗導致(?)😶🍅炸午餐肉條配芝士醬 $68少少脆口嘅午餐肉嘅鹹香再配搭埋芝士醬，唔需要多形容都知道好味🤤雖然食到最後有少少

我哋三個人叫左焗雞Carbonara 手搓面韓國粉絲部隊鍋叫左3杯野飲埋單成千蚊又唔係特別好味食到我同朋友肚痛痾左三日🤮🤮🤮🤮🤮無下次！！！！！！！！！

三文魚子海膽忌廉醬烏冬$188就咁睇相都知呢個烏冬好Creamy，而且海膽味勁濃郁😍就咁睇個賣相都知好掂，烏冬麵好彈牙，同個海膽醬好夾，面頭啲三文魚子好大粒，都算係真材實料，不過份量就唔算好多🥺唔夠食。奇太郎原味炸雞(跟鐵板芝士)$208炸雞中規中矩，重點係個鐵板芝士，勁拉絲🫢不過勸大家要快啲食，我哋掛住影相擺耐咗啲芝士已開始硬。明太子蛋卷紫菜包飯卷$108日式加韓式嘅混搭，睇相都見到好足料，色彩繽紛，望見都好有食慾，配埋明太子醬都唔會覺得奇怪，值得一試。海鮮炒粉絲$148同平時食開嘅韓式炒粉絲一樣味，不過呢個有好多配菜，啲餸就快多過粉絲，海鮮有魷魚同埋蝦仁，好豐富。肥納百川$72 百川莓莓$72 奶醬多$72打卡用奶昔📸杯杯都咁靚，影相一流，啲名又好得意，我自己就最鍾意奶醬多，花生味夠晒重，百川莓莓pink pink好少女💓肥納百川朱古力夠晒邪惡😈飲完真係肥幾磅。

🍴奇太郎原味炸雞配鐵板芝士 $208💁🏽‍♂️好邪惡👩🏻將拉絲嘅芝士鋪滿無骨炸雞🍗表面，鹹香嘅芝士配上酥脆多汁嘅炸雞件，係perfect match 兩個人輕鬆清晒一碟🤣🍴豚肉定食 $148💁🏽‍♂️肉太少👩🏻雖然肉份量比較少，但係秘製嘅肉汁加埋洋蔥同埋豬肉片炒得好香，送飯一流，食晒成碗飯😋🍴富士蘋果白桃果醬真露 $98💁🏽‍♂️嘩，係兩杯野飲👩🏻擺盤好靚，超適合打卡，成杯蘋果梳打入邊有少少白桃果肉，再加埋成支真路，係兩大杯嘢飲，對得住個價錢，好彩冇一人叫一杯，兩個人都飲唔晒🙊

未食過甘難食既炸雞！🥕蒜香蜜糖炸雞$198☆☆☆☆☆炸到乾爭爭，雞肉勁鞋口，完全冇味，附上既蒜香蜜糖醬剩係得個死甜，又冇乜蒜香味，都5知食左d乜野。。。🥕韓式牛肉包飯卷$108 ⭐️⭐️☆☆☆飯勁乾。點埋醬食會好好多🥕泡菜煎餅$108 ⭐️⭐️☆☆☆煎到淋晒，味道。。。🥕熱情果忌廉梳打$68⭐️⭐️⭐️☆☆全部當中最好係依杯飲品了。。。夠大杯，味道正正常常甘。======詳情======奇納百川尖沙咀廣東道3-27號海港城海運大廈3樓LCX34號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #尖沙咀好去處 #尖沙咀美食 #RR尖沙咀 #RR韓國菜 #韓國菜 #炸雞 #奇納百川

位於LCX內既呢間韓式餐廳, 入面位置寛敞, 仲有一片對住海景既落地玻璃, 所以今次襯早時段無咁多人等位就去試試佢.奇太師原味炸雞(跟鐵板芝士) $208餐廳用左拉絲芝士嚟配搭炸雞,而芝士味道亦都夠咸香, 炸雞肉唔會太乾身,保留到本身既肉汁之餘外皮亦都炸得夠脆口.唯一美中不足係鐵板芝士比較快灘凍, 凍左之後失去拉絲效果,就唔能夠用芝士嚟包住舊雞.煙腩肉忌廉手搓粉 $168原本想試下手搓粉, 但最後通粉佔既比例好似仲多,手搓粉既比例較小, 不過整體味道不錯, 忌廉亦都煮得夠杰身, 唔會太水狀.太郎花生BB $72花生醬香蕉奶昔, 口感濃稠,有濃郁既花生醬味,不過味道偏甜另外,個人認為餐廳普偏既食物份量都偏細同小,大家點餐既時候記住留意下喇!