奇華餅家 (綠楊坊)

營業中

休息中

農曆新年快到了～每年新年，家中例必賀年糕點一蘿蘿。但傳統年糕蘿蔔糕通常都是「一底底」，只我一個人吃，沒十天八天都吃不完。如果你也有遇到我這個問題，不妨試試奇華餅家的小型版賀年糕點吧。今年奇華的亞嫲年糕系列，除了圓形的正常大小，還有四方型的小型size，最適合我這類人，因為家中會吃的人不多，小小的更為方便。今年新年，奇華的包裝主題是一班小朋友，非常的可愛～近年奇華的銳意走年輕化，把品牌包裝成香港手信，我覺得今年做得更好，這班小朋友既傳統也天真，用來送禮，大人小孩都會喜歡。亞嫲系列除了單售每個約$72 ~ $76，還可以是可以自選的，分別有兩個裝個四個裝，如果兩個裝則是$140，四個裝則是$170，買的多當然便宜得多。因為年糕價錢款款不同，那是否一定只可選$72的？當然不是了，$72到$76的都可以選彈性很大，而且禮盒用的，都是那漂亮的小孩子禮盒，真的十分漂亮呢～今年奇華除了小型年糕使我興奮，還有一個原因也使我著迷，那就是兩款新年糕，薑汁日本甘薯糕和陳皮蓮子紅豆糕！去年中秋，試過奇華的陳皮豆沙月，那甘香的陳皮味還記憶猶新，所以今次對這陳皮蓮子紅豆糕，我是很有期望的！至於薑汁日本甘薯糕則因為

9-6-2012 (Sat)同男友落荃灣拎美心糭,之前睇報紙見奇華都冇啲特色糭,橫掂經過,就買o黎試吓啦.去到,我為爸爸揀$42.00o既麥米甘栗糭,買一個$48.00o既台式五香肉燥糭.用八達通畀錢每隻可以平$3.00,咁就用啦.14-6-2012(Thur)晚,男友同我o係屋企食完晚飯後,我繼續撩佢食糉,佢竟然答好.食咩糭好呢?o岩o岩放低筷子,唔…..食個細少少為佢買o既台式五香肉燥糭啦.烚好食得,cut開一半後,已感覺到糯米都幾散,食lu,我覺得唔係好夠味,淡o左啲,我食o左兩啖就畀男友食埋佢.味道: 3.5分而另一隻麥米甘栗糭呢,由於爸爸唔食得糭,佢亦堅持唔食,於是由我同男友o係24-6-2012(Sun)朝連同另一隻同樣留畀爸爸o既美心嘉興糉,一齊當早餐食.烚好後就拆開o黎食喇,呢個外表睇到有紅豆同麥米,我o地先食呢個,呢個屬於甜糉,但唔係來自紅豆,我覺得紅豆冇乜味,麥米o既口感好特別,有咬口,而內裡o既原粒栗子好夠甜同粉,真係好好味.而成個夾埋就係清甜,唔錯.味道: 5分

30-11-2011(Wed)二嫂無端端自己走o黎,為o既係買o左件羊毛衫畀爸爸,又順便o係o度買佢最鍾意食o既蛋卷,重買o左好多o野,有$9.50o既冬蓉迷你老婆餅,$10.00o既金腿迷你老婆餅,$7.00o既迷你合桃酥,而o個罐精裝雜錦蛋卷要成$75.00.爸爸o係1-12-2011自己食晒其中一包四件o既迷你老婆餅,到2-12-2011晏晝,就開另一包迷你老婆餅食,佢食o左一啖話唔係老婆餅o黎o既?我睇睇,唔係喎,外型係老婆餅o黎o架喎,我睇吓包裝,至知原來係迷你金腿老婆餅.佢食o左兩件就擺o係o度,咁我又影吓相,食吓先.唔….好甜呀!同咩金華火腿月餅o既餡一樣,有瓜子肉,芝麻等,我唔鍾意食o架,不過即使係咁,我竟然食完一個後會食埋最後o個個,真係奇怪.然後都食吓迷你合桃酥,呢個都幾鬆脆同香,不過味道都係淡淡,可能o衣o家真係興淡口健康吧.之後連日o黎爸爸就開蛋卷食,佢已經食o左兩款,我就一條都未食過,然後又開兩包,佢食其中一條又話唔好食,我睇睇,係海苔蛋卷,我食吓先,其實冇問題,只係爸爸唔接受其他特別味道o既蛋卷,之後我又食一條冇其他料o既,原來係薑汁蛋卷,呢個既有薑味亦有蛋

27-11-2011(Sun)同男友食完早餐,陪佢落荃灣,我去買o野,經過奇華,就想買皮蛋酥食,行入o黎就搵,搵到$6.50一個o既迷你皮蛋酥,就買兩個,然後再繼續睇,見到有$7.50一包o既茶葉薄片,就買烏龍茶味.返到屋企就先食迷你皮蛋酥,用刀切開時,個底硬到切唔開,食落,皮蛋算實,綠豆蓉好軟滑,好夠甜,內裡有少少酸薑點綴,印象,中都係恆香o既好食.味道: 4分到夜晚,畀爸爸食烏龍茶葉薄片,佢第一句即刻話好難食,唔係o掛?我食食先,唔…我只覺得冇味,冇乜茶味.男友之後o黎我屋企,我畀佢食,佢話冇o野啊,食到淡淡o既茶味.之後多數都係我食晒,食完我至到啲茶味.味道: 3分其他:一入到去,我行去睇’酥’,個收銀即叫合桃酥唔知幾錢,我拎o左皮蛋酥後行一行,另一個店員就叫我慢慢睇,我再拎埋茶葉薄片後,都唔敢再行再睇喇,因為佢o地都幾煩.行到去收銀,佢又問我加唔加幾多錢買合桃酥?我答唔使.然後佢又問買唔買o野飲,我都答唔使.我知道係管理層要佢o地sale o野,但真係覺得好煩,請奇華管理層唔好要員工sell幾十樣o野.

18-9-2010(Sat)做節o個日,二嫂買o左果籃同蛋卷o黎,我同男友都口痕試吓,先試炭燒咖啡,顏色深到好似燶o左咁,食落,嘩!真係一陣燶味咁,咖啡味唔係幾食得出,唔係幾得喎.味道: 0.1分到16-10-2010(Sat)朝早,得我一個人,我就開其中一包黑芝麻味o黎食,一開袋,蛋香味已經撲出o黎,食落,口感薄脆,蛋味好濃郁,但黑芝麻味就欠奉,因為其實唔係有好多黑芝麻. 不過其實食一包都好飽肚.味道: 1分5-11-2010(Fri)見爸爸原來開o左另一隻味o既蛋卷食,我問佢係咩味?佢答唔知.我就嗅吓,哦,係薑汁味.我試試先,薑味唔太濃,更加唔會係辣,冇乜問題吖.味道: 3分10-11-2010(Wed)到我開另一隻味喇,今次我揀榔蓉,打開包裝後即嗅到椰子味,食落,椰子味都係淡淡的,冇椰蓉o岩我,我唔鍾意食椰蓉o既.呢個亦唔見得特別吖.味道: 3分20-11-2010(Sat)抺完屋開包海苔味食,海苔味淡淡的,莖唔多食唔出,不過咁樣就好食過如紹香園啲啲o既.味道: 3.8分

前日(10-10-2009 Sat)同男友喺荃灣會哈後,拎住張嫁喜餅咭嚟換嘢食,嚟到睇吓張餅咭有冇可以點換,店貞已經好醒目咁同我講可以換價值$48.00嘅嫁喜禮餅,可簡單地換一盒佢地已選好嘅禮餅盒,或者自選.咁我就自選啦.先揀兩個$11.50嘅全蛋糕,係畀兩個鄰居嘅,而男友呢但紅豆怪,就揀咗$9.50嘅紅豆酥同$5.50嘅迷你老婆餅,而奇華都有皮蛋酥,咁我就要$11.00兩個嘅迷你皮蛋酥,咁多嘢加埋都只係補$1.00.到尋日(11-10-2009 Sun),食完早餐後,急不及侍要食迷你皮蛋酥,男友話分為三份,咁爸爸同我哋都有得食,重要唔太滯添.但切好後,爸爸唔食,啊,咁我同男友食啦,反正重有一個.裡面有一隻皮蛋㗎,真係正.食落有薑味㗎,皮蛋口感實就咗啲,但蓮蓉好一般,食完再睇成份,原來唔係蓮蓉,而係綠豆蓉,唔怪得拆似差少少啦,不過都算幾好食嘅.味道: 3.8分晏晝同男友返佢公司,4:40pm佢話肚餓,好彩出門口時我叫佢拎埋佢嘅至愛紅豆酥啫.我都唔客氣食吓先.佢嘅酥皮唔油,咬開後,嘩!有好多豆沙呀!而且好幼滑,而且唔大甜,真係好得,好好味.味道: 5分至今晚,爸爸因冇餸食(被唐順興酸羊腩

宿營後，很想吃蛋白蛋糕 記得奇華有一出品－黑糖蛋白蛋糕既然我是個愛黑糖之人，所以決定買一個止止心瘾加３元換了盒維他奶黑糖蛋白蛋糕（＄５．５）質感很濕潤，不像普通的蛋白蛋糕般鬆軟，而黑糖味濃郁，但份量較小吃畢後，遺憾的未能滿足心瘾．．．下次還是買普通的蛋白蛋糕吧！

昨天出 Trip ....怕其他人肚餓, 買定乾糧, 但工作提早完成, 於是所有食物留番今天做早餐!芝麻蒸包, $4.5, 從前已試過, 芝麻味道唔夠濃, 密度高夠軟綿, 但不及海綿蛋糕! 蛋黃鳳梨酥, $6, 價錢唔平, 但鬆化, 論夠哂!R22

家陣d月餅花樣眾多，有冰皮、有奶黃、口味五花八門的，我本人每一種都會去試。不過，說我守舊也好，老套也好，總覺得中秋一定要有傳統的白蓮蓉月餅才似是過節，而傳統月餅也離不開那幾個大牌子，其中之一就是奇華。今年的雙黃白蓮蓉，蓮蓉幾香，味道徧甜，煙韌亦唔會痴牙，有其一貫的水準。可是，蛋黃始終係油水唔夠，吃落乾乾涸涸的。以我咁喜歡同埋注重蛋黃既人，呢個月餅未能達到我最想要的水平。

** 此 食 肆 的 第 六 個 笑 **今日919-7-2008Sat)晏晝,媽媽話大哥買返o黎o既雞蛋餅太甜,所以唔食畀我食.我試試,都唔係啊,唔甜啊,只係好香濃雞蛋味,乾就一定乾,但又唔太硬,都OK啊.我之前睇過張單,不過唔記得價錢;同之前我都o黎過呢間買o野,覺得佢o地o既服務都唔差.

所謂茗茶薄片~即係用茶做既曲奇~超超超薄既~食落口有d熱氣~但係茶味香濃~非常好食~有4種茶味~但係我覺得隻隻都差唔多~一樣好食~一包6蚊有8塊~幾亳子塊餅都唔算抵食~但係味道真係幾好~~~我而家成日經過都會買番包黎食下~

見車輪包特價($7.2)(原價$9)買o左一條試o下,揀o左條較多提子o既!一片片,容易食,提子多,甜甜o地,幾鬆軟,牛油香,一條可分兩餐食,味道OK,但較貴!況且,我都係鍾意小提子包o既質感多D!

我覺得龜包最好味,甜甜o地,亦好香!不過size時大時細...通常星期日早上o黎買,人唔多,剛o黎貨,可以慢慢揀!兩位Sales都幾有禮貌!以前媽咪會去愉景新城o個間買提子包俾我,都好好味!不過如果平D同埋有多D提子則更好!

最近愛上o左奇華o既"龜包",甜甜o地,幾好味!通常星期日早上去呢間分店買,好多貨,唔多人,可以慢慢揀,因為龜包D Size唔多統一,有時好大,有時好細!兩位售貨員都幾有禮貌.

我久唔久先會去奇華買野食,今日去買D包做明天既早餐,入到去見到最愛既拿破崙蛋糕..一手就拿起左啦..奇華既拿破崙蛋糕有一定既水準既...酥皮個層真係好酥,唔似出面有d好硬ka,重有奇華既蝴蝶酥餅都好正ka...到比錢時係cashier見到有coffee換,加3蚊換一包,我換左2包..heehee..臨走時見到有d新野..係咖啡蒸糕同黑芝麻蒸糕,好似幾得咁既樣..睇睇價錢好貴$5.5好細件唔係好抵咁,重貴過d包呀!