奇華餅家 (綠楊坊)

營業中

休息中

今次就講講我係奇華餅家嘅美味之旅啦😋！先講講拿破崙蛋糕啦，嗱，個酥皮係咁層層分明，一啖咬落去，爽脆得嚟唔會攞命酥碎，啲奶油係中間夾住，咬落好滑好夾，真係令人回味喇！講起蝴蝶酥，死都要讚下，外皮得意得來輕盈，啖啖都係咁充滿牛油香氣，嚼勻了香脆中帶滑嫩，散發開黎簡直係挑戰人嘅意志力！同埋，我試咗個蒸糕，佢哋嘅咖啡蒸糕同黑芝麻蒸糕吖，都係新鮮出爐嘅！咖啡蒸糕嘅香味好突出，輕輕一咬，啲咖啡香同糕體嘅柔軟完美融合，真係咁滑溜溜過喉，啖啖都滿足！黑芝麻版本啲味又濃郁又香滑，每一啖都食到滿滿黑芝麻嘅馨香同營養，健康同美味可以話係得嚟一應俱全！🍰🍪縱使價錢唔算最親民，但呢啲滋味鮮明，真材實料嘅美食，仲唔值得一試？食貨們，跟住我嘅食指，奇華餅家保證唔會令你失望架！🥮👍

每天經過奇華都見到佢賣大好多菠蘿包，而且它們天天賣哂，所以出於好奇心買了一個試試，我試過覺得ok，未算得上超好味會一買再買，只覺得佢哋菠蘿包不是連所麵包店的輕飄飄麵包。係一個咬落有實在感的菠蘿包，有點兒包肚感。菠蘿包嗰面不是脆皮的，有點淋淋地，我焗爐番熱吃個皮會脆DD，個面不會有陣臭粉味， 整體味道不會很甜， 價錢$8一隻。

14-9-2021 (Tue)唔知邊間vendor送果籃同呢間嘅奶黃月餅嚟,慶幸我啱啱攞到一個,可以拎返屋企同家人分享.放喺雪櫃雪咗幾日,到前(20-9-2021 Mon)至記得拎出嚟食.切開睇,奶黃餡有啲粒粒,食落係有奶同蛋黃嘅味道,不過甜咗少少,亦有啲覺得似用水沖開啲粉劑但又溶唔晒嘅感覺.人哋送嚟,唔知喺邊間分店攞,求祈寫喺呢間.上次食評係2020年10月1日刊登嘅呢篇: https://www.openrice.com/zh/hongkong/review/blue-%E8%BF%8E%E6%9C%88%E6%9C%88%E9%A4%85-e3822227

❣️得意夏日小食禮盒！好睇又好食😍大人細路都鍾意❣️奇華餅家xSanrio男團推出嘅「HAPIDANBUI夏日小食禮盒」 🎁淨係見到個盒已經即刻要買啦😍裏面仲有三款唔同嘅小食添😋💗朱古力酥人見人愛嘅朱古力！一啖咬落去啲朱古力味散晒出嚟！又鬆又脆！口感一流！💗牛油蛋卷細細個嘅時候最鍾意含住係個口度吹風😆小兄妹佢哋都好鍾意咁樣一路食一路玩！蛋卷充滿蛋香，條條都脆卜卜，好好味！💗花生脆糖粒粒花生加埋麥芽糖！甜甜地卜卜趣！我自己都忍唔住食完一個有一個！「HAPIDANBUI夏日小食禮盒」 小公主最鍾意一定係個盒😍因為食完之後仲可以用嚟俾佢裝玩具🪀係咪睇見都好想要呢快啲去奇華睇吓啦！送禮自用都咁啱🎁🎁

噚(30-9-2020 Wed)迎月日,老公放工返到嚟,拎出一個奶黃月餅,話係同事俾嘅,我睇吓,呢個係奇華.打開包裝,唔多聞到奶黃香,度吓size, 直徑約4.5厘米,2.3厘米厚,比之前榮華嘅細(嗰個喺9月23日刊登嘅食評: https://www.openrice.com/zh/hongkong/review/%E5%8F%A6%E7%9C%BC%E7%9B%B8%E7%9C%8B-e3815474),切開後仍唔多聞到奶黃香,要拎到好埋至聞到.呢個唔係流心,睇到個皮好簿,食落,皮嘅味道較淡,奶黃餡就夠濃夠甜,呢個都OK 嘅,不過唔夠榮華嘅好食.唔知佢同事喺邊間買,所以只好寫喺呢喥,而上次食評係喺19年9月18日刊登嘅呢篇: https://www.openrice.com/zh/hongkong/review/cake%E5%94%94%E4%BF%82%E5%A5%BD%E5%BE%97-e3541037

個幾禮拜前,奇華send message俾我,話生日月有$20.00嘅現金劵,當買滿$50.00就可以用,咁14-9-2019 (Sat)追月,同老公行過,就買定做翌日早餐.我哋買咗:1.$9.50嘅拿破崙老公一打開包裝,已經嗅到一大陣香味,黃色係蛋糕層,味道甜啲,口感唔係好鬆軟;啡色嘅酥皮層冇乜味,亦唔係太鬆脆,不過感覺唔係好肥膩.味道:3.2分2.$10.00嘅綠茶卷口感同拿破崙嘅蛋糕層差唔多,味道唔太甜.味道:3分3.$9.50嘅咖啡朱古力夾心蛋糕呢個口感比較鬆軟,朱古力唔係好濃,嗰層夾心唔係係朱古力而係咖啡,重要係齋啡,都幾甘苦.味道:3.5分朝早食住咁多先,到晏晝清潔完屋企肚餓,就食$9.00嘅花生銅鑼燒.其實我係想買紅豆銅鑼燒,返到屋企至睇到攞錯,因為佢哋將兩種味放埋一齊.掰開睇,一層花生醬夾心,食落,係有粒粒嘅花生,味道係我已經冇食好耐嘅花生醬,感覺呢個冇難度.味道:3分5.$8.00嘅蜜瓜雪芳蛋糕老公喺前日(16-7-2019 Mon)朝早食咗,我冇食過.6.$8.00嘅龜包,就係夜晚食,老公一食就話好食,我睇吓,黃色嘅?又食吓先,味道係甜甜地嘅.味道:3分上次幫趁都係

時近中秋，總會收到人家嘅月餅餽贈，多得認識一些很懂吃的朋友，總會不時送我小小心意。今次，收到的是「奇華餅家」的出品，還要是印有Sanrio系列的產品，還附送了精美的Sanrio環保袋喔，真是喜出望外。餅盒外觀的造型已非常吸引，凹凸設計，色彩繽紛，有齊Sanrio家族成員，是讓人不會有丟掉的打算。而裡面共有兩款口味的月餅，分別是迷你香橙乳酪奶皇月及迷你草莓乳酪奶皇月，各款兩個。打開餅盒，立時看到以4個Sanrio成員作為印模的月餅，極為趣緻可愛，有點捨不得把它們吃掉的心情。把月餅切開細看，跟平常所吃的奶皇月餅沒有多大分別，不過， 稍微翻熱後，入口奶皇餡的口感十分綿滑，慢慢再滲出一份份清新果香，有點驚喜啊！包裝漂亮，味道特別，真是多謝老友的心意及心思。

收到奇華會員通知,o係生日月份內買任何產品滿$50.00,即減$20.00優惠,於是15-9-2018 (Sat)朝去買餸為打風作準備前o黎買o野食,見到有$35.00o既小紅莓牛油曲奇,於是揀一包,又見到$19.00o既黑白芝麻蝴蝶酥,就要埋呢個.返到屋企打開睇,一包小紅莓牛油曲奇有12件,黑白芝麻蝴蝶酥一包8件.先食小紅莓牛油曲奇,見到小紅莓份量唔少,又煙煙韌韌唔太酸,牛油曲奇有淡淡牛油香,口感鬆化,唔覺漏,又幾好食噃.味道: 5分而黑白芝麻蝴蝶酥呢,由於中間有太多o野食(中秋同生日),一直等到25-9-2018 (Tue)中午至打開食,蝴蝶酥唔大件,一包有8件,咁樣拼埋擺真係好似蝴蝶,厚度適中,食落,芝麻味好濃,但會唔會有啲過龍?個酥仍鬆脆,牛油味唔太重,但成個甜o左少少,不過都可以接受,OK o既.味道: 4.7分上次幫襯奇華係4月o既事,o個個食評: https://www.openrice.com/zh/hongkong/review/%E5%95%B2%E7%B3%AD%E9%BA%BB%E9%BA%BB-e3074382

四月尾見奇華做端午節糉o既預購優惠,從未食過裹蒸糉o既我,決心今年要食,於是心動用$179.00買o左原價$230.00o既套裝禮劵,有雙黃金華火腿瑤柱裹蒸糉,台式五香肉燥糉同陳皮豆沙梘水糉各一.到8-6-2-2018(Fri)放工後去攞,順便睇吓有幾多積分同點用,店員幫我check o左,話共有七百幾分,當中百幾分今個月到期喇,可以用750分加好似$88.00買一個雙黃金華火腿瑤柱裹蒸糉,或要800分免費攞杏仁餅.咁我只差3X分,不如o係o度揀啲o野同攞糉,到第二日有800分至攞杏仁餅.我就買o左$9.50o既細蛋糕,$7.50細光酥餅,同樣$10.00o既迷你蛋黃金黃蓮蓉酥同迷你蛋黃豆蓉酥各一,共$37.00.再攞埋o個三個糉.返到屋企,因同老公唔肚餓,所以都唔蒸o黎食喇.到夜啲,老公口痕搵o野食,佢就揀o左迷你蛋黃豆蓉酥o黎食,切開睇,係有隻蛋黃o係裡面,豆蓉都滑唔太甜,酥皮唔油膩,OK o既.味道: 5分翌日朝早,有啲餓,就開細光酥餅食,同傳統光酥餅一樣,一定有層粉,食落唔太甜,口感亦一樣咁乾同o鞋,呢啲就係傳統嘛. 味道: 5分10-6-2018(Sun)晏晝,同老公做完家務

還有不夠一星期便是農曆新年, 不知大家準備好一切未呢? 今日一回到兩老家, 便發現他們已準備了六七成, 準備了什麼? 有賀年糕點、賀年油器、拜年禮盒和放在全盒的賀年糖果, 一大堆, 很豐富! 不知那些可率先品嚐呢? 真饞嘴, 哈!******************************有三款賀年油器, 分別有歡趣滿堂蛋散 Crispy Egg Floss ($45 )、鴻運滿滿酥角 White Sesame & Peanut Puff Pasty ($58 )和合家歡聚笑口棗 Sesame Crunch ($45), 但….老爸話完全都要留待過年才可以開, 噢! 還記得上年也吃過笑口棗和酥角, 兩款都鬆脆可口, 而且一點也不油膩, 越諗越想吃, 快到過年啦…..******************************準備放在全盒的賀年糖果又有三款, 分別有杏仁小紅莓鳥結糖 Nougat with Almond and Cranberry ($42 )、黑糖杏仁脆糖 Crunchy Dark Brown Sugar Almond Candy ($52 )和手製花生脆糖 Handm

話說29-10-2017 (Sun)朝同老公o係悅來坊o既奇華問完換購臘腸o既事同買埋o野後,o係30-10-2017(Mon)放o左工後,就o黎呢o度用600分,加$145.00換購一盒$192.00,有10條o既臘腸,一直留到8-11-2017(Wed)晚,爸爸煮飯時加落啲飯到一齊蒸,拆開袋都已經嗅到玫瑰露酒香,蒸完後,爸爸至將佢切片食,食落口感軟熟,滿口玫瑰酒香,唔太鹹而且唔油膩,好味.味道: 5    環境: 3    服務: 4     衛生: 5     抵食:  3          笑臉

前日(16-9-2017 Sat) 朝早落荃灣買餸前,o黎呢o度用會員買滿$50.00,即享$20.00現金o既生日優惠買o野食,去到左睇右睇,有蝴蝶酥賣,但只係禮盒裝,冇散賣;又冇皮蛋酥.最後決定買$25.50 8件裝o既杏仁餅,$11.00 6件裝o既迷你合桃酥同$13.50 4件裝o既迷你老婆餅,o岩o岩好$50.00,又可以一家人食.買完返到屋企肚餓,就先試迷你合桃酥,合桃酥鹹同實o左少少.味道: 2.5分然後試杏仁餅,杏仁餅味道有啲苦,似焗過龍.味道: 1分到17-9-2017 (Sun)傍晚,至食迷你老婆餅,呢個唔算好甜同唔太漏,呢個係最正常好食.味道: 5分

又是端午節吃粽的時候了，孩子們今年吃了多了隻粽子呢？ 姬松茸藜麥素粽: 現今的粽子款式愈岀愈多，粽子已不是只有肥豬肉，咸蛋黃了，奇華這年新推岀的粽子中，還顧及到從素之人，姬松茸藜麥素粽，入邊有紅藜麥，姬松茸，粟子等等，入口輕盈，別以為素粽食味就會很淡，這姬松茸藜麥素粽入口是一陣陣濃濃的菇菌香，配著煙韌腍口的糯米飯，煙韌但帶有嚼勁的藜麥，吃下口感豐富陳皮豆沙梘水粽$48: 梘水味剛好不過火，不會有澀味，內裏的豆沙天然不會過甜，吃岀是煮成的豆沙泥，吃下還有一陣沉著的陳皮香。 最愛曬上砂糖吃，煙韌軟腍的糯米飯順滑並帶上微微紅豆衣的甜豆沙，還有砂糖入口沙沙索索的口感，令人滿足。整體來說，奇華的粽子材料豐富，不偷工減料，樣貌跟官方圖片不有大岀入，而且用的材料也新鮮，推介大家可考慮買來試試。

2016年的中秋前席，荃灣綠楊出現了奇景，每晚有百九二百人排隊換哈根大雪糕月餅，喺店旁邊打咗幾個zig zag後再排到出商場百佳門口再沿扶手電梯排到落地下，真係得罪講句，香港人有時真係好折墮。喺佢對面嘅奇華反而無人排，驚喜。設計幾時尚簡約內裏還是過份包裝，分兩層，共8粒仔月餅。佢有建議想食軟身用微波爐叮，想食香脆用焗爐焗10分鐘。以上喺後者焗完嘅樣。焗完全屋都好香。比較偏身，不會太甜，濕潤度足，唔似黃偉文都遇上的嘉麟樓甩蓋事件。

一向都以為「奇華」啲中式嫁喜禮盒都喺啲傳統嫁喜禮餅，如紅綾蓮蓉酥、黃綾荳蓉酥、白綾五仁酥、五彩皮蛋酥……等等，若非朋友送小弟一盒「熊貓嫁喜禮盒」（$88），真喺唔知佢哋嘅嫁喜禮餅「西化」咗咁多。以招牌熊貓做主角，戴上傳統中式婚嫁配飾，扮相卻趣致可愛 ，卻不失體面。打開包裝盒，內裡基本上可以話包括咗5款餅食，分別喺熊貓曲奇、蝴蝶酥、牛油曲奇、合桃咖啡趣寶及椰絲蛋白曲奇。每一款都獨立包裝，衛生乾淨。佢咃嘅蝴蝶酥曾晌以前嘅食評分享過，甚具質素，亦喺店方熱賣產品之一，所以，今次就唔多介紹。 熊貓曲奇 其實，熊貓曲奇以前都試過，不過，今次喺舊款朱古力味以外嘅新品「草莓味」，繼續以超萌嘅熊貓造型為賣點，粉紅色令熊貓更可愛，曲奇質感非常鬆化，草莓味道較薄，不及朱古力味嚟得突出。 牛油曲奇 佢嘅外形就令我想起童年啲街坊餅店所做嘅曲奇，奇華嘅牛油曲奇極富牛油香，入口鬆化到好似一陣風咁。 合桃咖啡趣寶 幾款產品中，以依一款最得我歡心，因為細細件一啖一件容易食，其主因都喺有少少合桃碎添加咗口感，又有咖啡嘅香味，實在好食到一粒接一粒。 椰絲蛋白曲奇 喺唧花曲奇嘅一種，形狀有點似花塔餅