奔咪

營業中

休息中

今次係第二次食佢哋做嘅越南包！味道非常好，食完之後非常難忘！外脆內軟，而且材料亦都非常豐富十分之有口感. 感受到佢哋真係用心去做！每一個細節都好有心！佢哋嘅士多啤梨果茶都非常好飲…真係有果肉㗎！

食左兩次確定真係掂先寫我係上環返工咖啡+麵包係最方便既選擇附近好多間我都食過老實講，包哩間真係最好味我試哂佢兩款牛角包，因為我個鐘意食佢個牛角包鬆脆餡多，剛剛一口咬到成個包感覺好新鮮，似係剛剛做起同轉角果間大麵包店比，真係好味好多咖啡我覺得ok，中上同附近既coffee shop比當然係差少少不過唔使$40有哩個質素真係算CP值高咖啡+麵包，一定首推哩間重點係招呼又好我兩次去店員都係笑住同我講早晨返工心情都好啲

奔咪 Bun Me。這裡提供越南法包三文治 + 湯/沙律/飲品。地點在上環，摩利臣街/文咸東街。簡單些講，就是在上環郵政局 對面。這家店原本是隱世小店，躲在石峽尾邨的小角落。現在竟然在上環旺區重遇，原來是搬了過來。店不大，主力是外賣。有一兩個堂食的座位與門外喝咖啡的小凳子。主打是越式三文治 Banh mi。用的材料豐富，特點是夾有很多素菜，內容有：猪腩肉，猪肝酱，咸豬手粒，蕃茄，青瓜，大量的酸蘿白，靈魂是任選的芫茜與辣椒，法包是即場烤的，保証外脆内軟。這裡的口味偏向清淡，比較清新。Banh mi 單點 $58。套餐 $78，可選配 湯/沙律/飲品。我則同時加了湯與沙律，共 $98。湯有熱的洋葱湯，或凍的蕃茄湯。我選了洋葱湯。味道頗佳，可惜份量小了點。但可以看到內有大量的洋葱。沙律的配搭頗新奇。有牛油果，蘋果，蛋，與合桃粒。感覺材料新鮮，並不是擺放很久的那種。幾種材料合在一起竟然很配，好味道。整體來說，味道是清新可喜。偏貴了些。但對於上環商業區的上班族，無疑是提供了多一個清新輕食的選擇。

在上環的繁忙市區內，嚟咗一間由石硤尾搬過嚟嘅越式法包小店，每一日經過都見到姐姐落力咁推銷💪🏼💪🏼。上環太多食物選擇今日好不容易抽到時間嘗試呢間小店，小店內佈置咗一啲小擺設，同埋手繪嘅明信片，滿滿人情味嘅感覺。今次單點咗一份粵式法包（靚靚的店員🤗），同姐姐閑聊咗幾句法包已經準備好。脆脆嘅麵包入邊搽咗厚厚嘅鵝肝醬，加上扎肉片，豬手粒粒（連彈彈嘅豬皮），微酸嘅蘿蔔絲洋蔥碎，口感非常豐富。如果你唔想食頹飯、燒味飯嘅話，都可以嚟幫襯一下呢間越式法包小店😎👍👍

我會形容主理人係懂得食材嘅藝術家經營食肆難，繼續堅持理念更難很久不見，但感覺不變，無論是你們或食物雖然係小店，但載有滿滿心思同心機：手繪，陶瓷，食物... 試左素版越南法包，個人強烈建議食原配，因為素版少了魚露，肉同肝醬；取而代之係牛油果醬同豆腐，當然少不了靈魂辣椒同芫荽，一個不錯嘅輕盈選擇牛油果蘋果蛋沙律，合桃香脆，蘋果酸甜，牛油果碎蛋增豐富口感，加上不起眼嘅黑椒，靜悄悄令味道提升不少熱甘草茶呢種味道幾特別，我個人喜歡，飲落甘涼舒服阿椰多士，食完一啖回憶返晒黎，既咸又甜嘅味道，就係呢種反差同衝擊感，沒有丁點違和，印象深刻有點遺憾嘅係錯過左湯，所以蒜蓉多士變得普普通通；同時都錯過埋吞拿魚沙律小麥包...

今天到上環工作，重遇石硤尾奔咪！！！但今次食左晏，係咁二叫左個牛油果沙律+凍湯，味道很好，第一次試凍湯，感覺好新鮮好特別😆😆，下次再嚟食法包👍👍👍👍