奧壽司

營業中

休息中

今日去咗數碼港度野餐，本身未去過數碼港，但係原來個商場都有好幾間食店選擇。本身就鍾意食日本嘢，而家亦都未有機會去到日本，所以就揀咗間日本嘢嚟食一食。播住悠揚嘅日本歌曲，配埋日式嘅餐廳設計，真係恍似去咗一趟日本咁。🤩蟹+牛肉火鍋因為實在太肚餓，所以就帶咗個原隻嘅蟹同埋牛肉火鍋。日式嘅醬汁同埋牛肉非常搭配，配埋花點蟹。真係海陸嘅雙重享受。份量亦都唔少㗎，啱晒大食嘅朋友。天氣開始轉涼食個火鍋就暖笠笠。🤩帆立貝特上卷帆立貝非常新鮮，配埋呢個卷物，入面嘅材料有牛油果，又有三文魚子，都幾好食㗎。唯一要提醒嘅係，我假日來，都幾多人食，如果大家唔想等位嘅話，就要預約啦！

今日大概6pm左右黎左數碼港食壽司呢個時間舖頭岩岩落完場，再加上數碼港人流本身小啲，所以去到嘅時候好似包場咁 我地嗌左個細嘅刺身盛 $260本身個拼盤有蝦，不過因為我同朋友都唔食蝦，師傅好好咁幫我地換左其實野啲刺身大部份都係厚切，賣相新鮮好吸引！三文魚剌身超級肥美，入口即溶。我最鐘意嘅係呢個鵝肝多士，鵝肝表面煎香左略脆，𥚃面充滿住油香，食完鵝肝嘅餘香仲響口入面持久未散！除左鵝肝之外仲有日式生蠔，面頭淺黃色嘅係檸檬jelly，好特別

咁啱今日去開數碼港做嘢，又唔想食西餐，係個商場到見到間日本餐，有啲人流，好多一家大細嚟食晏，所以就入去試下。有啲半開放位置都唔錯～牛肉鍋（$128）- 份量都幾大，肥牛肥瘦適中。個鍋嘅湯底係壽喜燒，甜甜地唔錯。配料都好豐富，有小棠菜、豆腐、金菇、粉絲、娃娃菜同冬菇，仲有隻生蛋，一個人食都好夠！啲壽司都唔會好貴三文魚籽壽司（$38）- 三文魚籽大大粒又多，一啖放入口大滿足。三文魚壽司（$20）- 三文魚好肥美，唔講仲以為係三文魚腩。仲有串燒食，好正😍牛脷串（$38/串）- 即叫即燒熱辣辣，每串有三塊，燒到爽口得嚟又唔會韌，一啲騷味都無，非常好好味。雞翼串（$28/串）- 個雞皮燒到好香脆，雞肉都keep到juicy嫩滑雞腎七味燒（$26）- 好爽口，加味七味更惹味。

Weekend去Cyberport 拍下拖食個晏～嗰頭餐廳選擇都唔係好多，經過見到間唔錯嘅日本嘢，坐得幾舒服又chill，價錢仲要唔貴，唔怪得閒日都有唔少人食。真係有好多嘢嘢，壽司、鍋物、炸物、小食、串燒同主食應有盡有。小刺身盛盒（$260）- 本身以為得幾件刺身，點知嚟到真係哇一聲，估唔到有咁多款刺身，有三文魚、油甘魚、吞拿魚、秋刀魚、牡丹蝦、帶子、劍魚腩等等。仲要大多都係超厚切。呢個係必叫！三文魚芝士燒鰻魚卷（$88）- 足足有六大舊真係掋食。外面係用肥美嘅三文魚包住，裡面有香濃嘅cream cheese，配埋燒到好惹味嘅鰻魚，口感同味道都係一流。牛油燒粟米（$22）- 牛油粟米無得輸，粟米好香甜。西京燒（$188）- 一客有四件，對得住個價錢。個魚燒得又香又嫩滑，我一個人都食咗三件🤣

假日去數碼港行一行，行草地走去醫肚～見到有刺身壽司都非常之吸引，太多選擇最後揀咗個細嘅刺身盛合。叫完嘢食，食物好快就到，相當有效率！刺身拼盤整得好靚，而且刺身高質夠新鮮！吞拿魚好鮮味，油甘魚啖啖油脂，三文魚亦都好夠肥。蝦好大隻超級鮮甜，仲有我鍾意食嘅帶子都一樣好鮮甜！食完刺身就到鰻魚蟹子炒飯，估唔到炒飯咁快就整好。炒飯好香，夠多鰻魚，而且仲有蟹籽點綴。一碟大大碟，都分到五小碗。串燒叫咗兩款：雞翼及牛舌。燒三文魚頭魚頭夠大，魚頭肉夠滑又燒得香。豬頭肉有油脂，肥美！

咁岩去開呢邊睇戲，睇完戲就搵食。見到呢間日本料理好似唔錯，餐牌有刺身壽司串燒、熟食、拉麵、炒飯等等。我哋幾個人樣樣叫啲一齊share。▶️刺身盛合$260（小）有三文魚、油甘魚、吞拿魚、秋刀魚、帶子牡丹蝦、劍魚腩。刺身全部都好新鮮又厚切。三文魚、油甘魚好肥美。牡丹蝦爽口大隻、帶子鮮甜。▶️肥牛拉麵$98肥牛拉麵大大碗，估唔到味道又唔錯。拉麵幾彈牙，而且有好多肥牛，湯底又幾香濃！▶️麵豉湯$28有豆腐粒，足料又夠濃味！▶️燒魷魚筒$88魷魚筒燒得幾香，而且好大隻！點埋沙律醬味道幾好！▶️牛舌$38/串叫咗兩串。牛舌好好食，有少少鹽燒味，而且夠爽口！▶️雞腎七味燒$26雞腎一粒粒唔會燒得乾，而且有咬口夠爽口！七味燒少少香辣又幾惹味！▶️雞翼$28/串鹽燒又燒得幾香，雞翼外皮脆脆地肉質幾滑。

假日揸車去咗數碼港嘅一間 cafe chill下, 經過見到呢間幾有特色嘅日式餐廳, 見餐牌上嘅食物款式都幾多, 於是就決定喺度食晚餐🍽~我哋兩個食完嘅感想係：呢間真係超級高質, 而且服務好好, 雖然地點係有點遠, 但好值得再過嚟食！🍣蔥三文魚腩卷 - 食材好新鮮,每一啖都係滿足感呢！三文魚腩好肥美, 入口充滿油香, 連埋底下嘅壽司飯, 再點啲豉油同wasabi 一齊食, 超級美味😋, 啖啖都係鮮味, 真正大滿足！𓌈˒˒ 牛脷串 - 牛舌燒得啱啱好, 有油香及富肉汁, 肉質超級嫩, 帶爽彈嘅口感, 好好味😋, 一定要推薦俾鍾意食牛脷嘅人👍🏻！🐟銀鱈魚西京燒 - 用咗日本味噌調味, 味道帶甜, 魚皮煎至微脆口, 魚肉非常嫩滑, 有油香, 好有日本風味呢ꕀ🦀雲丹蟹粥 - 蟹粥口感好綿, 米粒濕潤度適中, 蟹膏味道鮮甜, 呢碗蟹粥簡直係吸盡晒蟹嘅精華！

喺數碼港嘅餐廳選擇唔多，但有一間日本料理餐廳奧壽司，好多人都推介，CP值好高。蟹牛肉火鍋：牛肉火鍋經已好豐富，呢個仲有埋蟹，簡直係豪華奢侈嘅享受。牛肉份量都幾多，油脂分布均勻，而配料都好豐富，兩個人食完全夠哂食。海膽刺身：海膽喺嚟自加拿大，不過都可以媲美日本海膽嘅鮮甜 ，而且佢哋嘅賣相好獨特，打卡影相都不俗，而加埋香脆嘅紫菜同埋一件件嘅卝壽司飯一齊食，口感更加豐富。鐵板燒蒜蜆：蜆本身好新鮮，經已好鮮甜，加埋海鮮絕配嘅蒜蓉，簡直係無得輸。雞泡魚乾：魚乾火候控制得宜，口感軟硬適中，食落有陣陣香甜嘅味道，蘸埋佢哋嘅秘製醬，會更加滋味。三文魚壽司：三文魚厚切，口感會更好，味道鮮美，配埋微酸嘅壽司飯，兩者味道配搭簡直係絕配。免治雞肉串：雞肉燒完仲保持到滿滿嘅肉汁，佢哋嘅調味得宜，令雞肉嘅鮮味更加突出。

前前排見返好耐無見既朋友～佢原來去咗數碼港返工，所以就專登去搵佢食個飯 我地去左間日本野試試 佢話平時返工去食個lunch都唔錯既～一坐低就見到呢個蟹牛肉火鍋，完全係我地2個想食既野！個鍋黎到，嘩竟然有３大隻水蟹，無諗過份量咁多! 至於牛肉呢佢就比較偏向係打邊爐既肥牛，我地兩個女仔就鐘意瘦D，呢種應該啱男仔多啲AHHA~~食完蟹同牛佢下面仲有好多蔬菜豆腐同金茹，食完個鍋我地已有6成飽...鐵板燒蒜蜆：呢個我好推薦，上到黎個石碗仲 咋咋咋！蜆既份量好多，再加埋香蔥乾蒜係十級惹味，蜆仔係中SIZE，入口完全絛沙GOODGOOD~~雞泡魚乾：呢個係我次次去食日本野必叫既，魚乾處理都剛好，唔會話烤到乾柴，入口仲係好有口感~免治雞肉串：呢個係我次次去食日本野必叫既野ｘ２，雞肉口感軟綿加埋粒粒雞軟骨好有口感，點埋美味月見汁一流~ 海膽刺身嚟自加拿大，四大片肥大肉厚，入口都好鮮甜，佢地會附送埋紫菜同埋已握好既壽司飯比你一齊食三文魚壽司：三文魚好大一塊超肥美

週末去貝沙灣探朋友，順道喺佢屋企附近嘅呢個商場食個午餐。餐廳分為室外室內兩個部份，環境幾好，安靜休閒。-雖然係有錢人聚集嘅地方，但係餐牌唔算好貴，正常日式餐廳嘅價錢。-三文魚芝士燒鰻魚卷Grilled Eel with Salmon and Cheese Roll$88火炙壽司盛合Tan Assorted Sushi$238天婦羅喬麥冷麵Tempura Cold Sobawith Soy Sauce Dip$128-三文魚芝士燒鰻魚卷有種入口即化嘅感覺，三文魚魚脂豐腴，芝士大大粒，加上厚切鰻魚，味道非常合拍。火炙壽司盛合一共有六款壽司，當中個人最鍾意嘅係香香甜甜嘅滿瀉燒海膽壽司同一食落口就魚脂香氣四溢嘅燒左口魚壽司，整體貌相同味道均佳。天婦羅外皮酥脆，而且夠薄。冷蕎麥麵加入生鵪鶉蛋、紫菜絲同芝麻香蔥芥末，入口冰涼透心，加埋熱辣辣新鮮炸起嘅天婦羅，凍熱交融令人欲罷不能。

數碼港係一個環境非常之寧靜，配套方便，假日旅遊玩耍非常適合，但係相對呢一度嘅餐廳數量不多，如果要食日本嘢的話這間奧壽司係不二之選，質素高價錢超值，為慶祝結婚五週年紀念，決定同老婆食一餐好嘅，今次不惜工本，叫咗多樣名貴小菜，有海膽刺身，生蠔拼盤，火炙壽司，軟殼蟹牛油果卷，蟹粥和年糕。全部都非常高質，食到大家開開心心，食得出非常新鮮，蟹粥係用上新鮮嘅三點蟹，再配上多項嘅材料，令到個粥非常甜充滿蟹肉嘅鮮味，蟹肉啖啖肉，食完再食飽到上心口，十分滿足。

今日同同事要去到數碼港呢度做嘢，做到咁上下就順便，喺呢度行下同埋食埋嘢，第一次嚟數碼港感覺都唔錯，好舒服好寧靜，第時放假可以嚟充電。數碼港商場雖然唔係話好大，但係食肆數量到唔少，最後揀咗我嘅至愛壽司嚟幫襯。餐廳環境幾寬躺，提供室外及室內比客人選擇。特色三文魚 ($65) : 呢個三文魚幾得意，餐廳本身幫佢調咗未，之後再配咗鵪鶉蛋，撈埋嚟食口感幾特別辣辣哋又帶鮮味。牛油果軟殼蟹卷 ($118)，三文魚芝士鰻魚卷 ($88) : 兩款卷物都好大件，尤其係三文魚卷嗰舊鰻魚大到嚇死人。鰻魚蟹籽炒飯 ($108) : 通常呢啲炒飯都係麻麻地，但係呢個炒飯自己超鍾意食，炒飯啲配料都幾多下，而且炒得唔會太乾身，濕濕地口感幾好，加上味道都唔差，呢個誠意推介。

☀️ 放假同朋友仔去數碼港放狗 🐶 玩到咁上下就順便喺商場食埋嘢，數碼港位置雖然比較偏僻，不過食肆數量都有唔少，不過有啲舖頭就比較早閂門要留意返，最後揀咗奧壽司。🍣🥩 牛肉他他 ($128) : 因為脂肪少而且無筋，所以口感鬆軟又富肉味，簡單又健康。🍣 壽司盛盒(特上) ($280) : 呢嗰壽司盛盒幾高質，啲魚生超大件超肥美。🦀 雲丹蟹粥 ($98) : 三點蟹非常大隻唔係得個樣，粥底口感綿綿，配料有海膽、紅蘿蔔絲、蔬菜等等，所以味道幾鮮甜。

Weekend去開Cyberport玩，原本以為cyberport 係美食沙漠，點知原來都有女仔既好朋友日本野揀，餐廳環境好開揚，裝修好雅致。生蠔餐廳職員話生蠔係空運黎既，緊係要試一試佢。$98/3隻好抵食，生蠔味道鮮甜，再加上餐廳特製醬汁，更加帶出清新既味道。性價比好高加拿大海膽當日日本海膽賣曬，我地叫左加拿大既海膽黎試，個海膽擺盤好靚好打卡able。海膽味道鮮甜，好新鮮，而且份量十足，幾個朋友一齊share都夠曬。炙燒壽司拼盤一個拼盤滿足曬我樣樣都想試既心，有齊燒左口魚，鰻魚，海膽，赤蝦等。擺盤同樣好精美，味道都好符合我期待。

今日去到數碼港睇戲，之後當然要搵餐廳食，於是揀咗位於3樓嘅奧壽司。星期六嘅午市時段，都陸陸續續幾乎坐滿人，可見呢一間係幾咁受附近居民歡迎！☺️呢度環境都幾chill，有一個頗大嘅室外區，可以睇到成個數碼港，而且食物種類豐富，除咗有當日精選嘅新鮮飛機魚之外，仲有多種壽司刺身，串燒、和食🤓壽司盛盒(特上) $280非常值得一試，10款壽司，除咗常見嘅三文魚、赤身、帶子、炙燒左口魚邊、油甘等之外，仲有比較少見嘅小肌、海膽，整體質素好高，鮮甜好食🤤燒茄子🍆 $58節單調味配上木魚碎一齊食，增添風味，而最重要係佢幫你完全起晒茄子肉出黎，再切成三段，可以好方便咁食☺️串燒每串十幾蚊起，叫咗多春魚、雞翼、牛脷、雞腎、豬腩仔，燒完都肉嫩多汁，尤其牛舌！唯獨雞腎嘅七味粉調味略重，其他都恰到好處👍🏻