好叉好味 (禧利街)

營業中

休息中

又到Lunch ，出面太熱又難揾位，都係外賣返公司食最安全，又係用Openrice 外賣自取🤣。店面紅色搶眼，Logo豬仔好型，去到即有得拎。WOW 焦蜜叉燒菜飯，$54。個包裝賣相好得意，似大紙杯裝一樣，以為份量少，實際都頗多，打開有隻燶邊太陽蛋，邊位口感香脆，蛋汁撈飯易入口又美味，切成粒粒的叉燒份量適中，蜜汁味香甜，肉質鬆化味道香口，菜飯都幾好味。有得儲印花。好飽肚的一餐。上環禧利街14號地舖

好耐無幫襯行開上環就打算買個外賣返公司食，點知超級超級失望份量越來越少，飯又勁硬，叉燒又乾又燶，如果菜飯多d菜會好D， 宜家仲搞埋奇怪sauce溝 叉燒飯😅 係咪玩fusion? 我覺得成件事都唔夾😅 價錢已經唔係平，宜家玩包裝已經唔係主打，我見之前都好多人食，宜家明顯少左人排隊，仲keep唔到d品質，唱好香港都無用啦失望！不推薦！應該都唔會有下一次Disappointed⋯⋯no good no next time

蜜焦叉燒同蜜焦烤雞菜飯食過很多次，味道很好。今日是第一次食黃金烤雞菜飯，黃金即係鹹蛋黃，可能因為黃金真係好貴，所以黃金的份量極少，完全食唔出鹹蛋黃的鹹香味，因此味道同蜜焦烤雞分別不大，性價比低，都係選擇蜜焦系列更美味更抵食。

🥡🥢🍚外賣叉燒飯專門店▫️以下為OpenRice外賣自取價呢間店只做外賣，主打港式叉燒同烤雞飯，味道都好多元化，有焦蜜、爆蒜、青咖喱、柚香、黃金、辛麻6種口味供選擇。🆗焦蜜叉燒菜飯 -$54飯可選白飯或菜飯，菜飯吾洗加錢，轉沙律就要加$5，菜飯嘅菜應該係小棠菜，大大粒撈埋落飯有咬口，感覺都健康d，但飯有d濕，可能因為醬油落晒底。盒飯用紙碗上，份量好大，完全可以當2餐食，上面有隻荷包蛋，煎得好靚，個邊脆得黎中間仲係流心，叉燒切粒上，都好多粒，唔會好肥，但焦味蜜味都唔夠濃，冇想像中甘吸引。

🔥叉燒界嘅隱世美食，今次我終於搵到機會去試啲咁受歡迎嘅焦蜜叉燒菜飯喇！一應入眼嘅係嗰層層疊起嘅招牌菜——叉燒真係做到香滑得嚟，焦香嘅味道絲毫唔輸正宗港式，脆卜卜嘅邊角，啖啖肉嘅感覺好滿足。🍚飯粒分明，搭配嘅糖心蛋流出嘅金黃蛋汁，同叉燒嘅鹹香完美融合，每一啖都食得出師傅嘅心思。蔬菜保持到爽脆，加咗點熱氣後嘅菜同肉嘅搭配，仲要係好惹味嘅辣味噱頭。辣度就算唔算太挑戰，但香味絕對係層層遞增，係我食過啲叉燒飯之中好特別嘅一次體驗。😋食嘢本來就應該開心，但呢間嘅食物真係令人喜出望外，食過之後會有種滿足感，就算飽到嗝都覺得值得。下次食飯揀咩好難搞，記得呢家叉燒飯就會搞掂你所有問題！

由於疫情關係，係公司叫外賣次數都比以前多左好多，食厭左平時廣東燒味飯，又想新叫做新款式小小，就好推介呢間燒味飯。但佢地主要只係提供兩種燒味，一個係烤雞，另一個係叉燒。價錢當然相比平時燒味飯略貴，大約貴十蚊左右，但佢會包左隻流心蛋，我就中意佢個焦蜜味，再加埋個叉燒，另外，必食佢個菜飯，同白飯同價，但感覺上菜飯係抵食D。講返佢個焦蜜醬，可以話係完勝平時廣東叉燒個蜜汁，感覺佢個焦蜜係比較多蜜糖，食落去係甜D。另外個流心蛋又係相當唔錯，我每次都會吉穿佢，撈埋菜飯一齊食。佢份量就適中，如果你係大胃口小小，就未必夠飽。

我對餐廳的服務和處理方式感到非常不滿意，這讓我感到非常失望。首先，當我到達餐廳來取我的外賣訂單時，我發現訂單中有一個錯誤。餐廳錯誤地將我訂購的菜品替換成了其他菜品，這與我原本的要求不符。我向餐廳提出了這個問題，但他們的態度冷漠且不願承擔責任。他們拒絕提供任何補救方案或解決方案。作為一個顧客，我期待在到餐廳自取外賣訂單時能夠享受到良好的服務體驗，但這次的經歷完全不符合我的期望。我建議您關注外賣訂單的準時準備，確保訂單在預定時間前準備好。同時，請確保訂單的準確性，並與客戶溝通以確認他們的要求。我希望餐廳能夠認真對待這個問題，並且採取相應的措施來改善服務質量。同時，請確保訂單的準確性，避免錯誤替換或遺漏。最後，我希望餐廳能夠對我所遇到的問題給予合理的解釋和補救措施，例如提供退款或重新準備訂單。

超級抵食，飯同肉都超級多。每個星期有兩晚都買哩個飯返屋企食，皆因好抵食可以食到超級飽，雞肉超滑，叉燒唔會肥，我喜愛的焦蜜味，最岩我口味。每次飯都太多食到變肥仔咁，下次要記得要少飯先得。

📍好叉好味上環禧利街14號地舖話說呢間都算係上環赫赫有名嘅外賣店，但我喺上環返咗成年工都係第一次食。因為見同事食過都話份量好多，所以今次係一個飯兩份share~WOW焦蜜雙拼菜飯 $56（Openrice外賣自取價）我覺得個飯唔夠熱，所以用微波爐加熱過，點知叮完隻太陽蛋就變咗半熟。但隻蛋都仲係好好食，個邊係煎到脆脆哋，好正～其實我覺得佢似餐蛋飯，精粹係喺太陽蛋、汁、同啲飯度，呢幾樣野真係好出色。好叉好味個「叉」應該係叉燒汁個叉～甜甜哋，好餸飯。反而啲叉燒同燒雞就冇咩特別，唔似叉燒專門店嘅出品，只能講唔柴。Overall嚟講，都會再幫襯，畢竟$56可以兩份share～抵食！

嗌咗外賣唔夠五分鐘已經去攞， 來回應該十分鐘以內。不過一打開嚟食就發覺 食物只係微暖 食落大打折扣 十分鐘內冇可能涼成咁 佢哋仲喺保溫箱攞出嚟的 真係唔夠熱 攤到涼曬先入盒都幾失望 以前一向都熱辣辣 所以我喺服務同衛生嗰度扣分

✅叉蛋飯味道出色 係有誠意嘅味道✅睇佢個杯好似好細 但其實好飽肚✅設計好user friendly 杯裝好方便 連匙羹都係特製✴️沒有堂食的✴️我都推薦用openrice自取落單嘅 因為有折（非廣告 冇錢收架🥲）⭕️WOW柚香叉燒 ⭐️⭐️⭐️⭐️⭐️（我揀咗菜飯底 成個口感層次又再豐富咗 米飯粒粒分明 吸咗啲蛋汁同叉燒油好好食）（叉燒好軟熟 係真·半肥瘦 煎蛋好高質 邊皮位夠燶夠脆 蛋黃流心）（不過其實柚香我感覺只係面頭多啲柚子皮 冇咩特別的）（當日係用openrice落單，一野清晒啲積分😎）

偶然吃過一次的叉燒，從此就成為了忠實顧客。叉燒飯有多種口味：柚香、焦蜜、辛麻、爆蒜全部嘗試過，各有特色。柚香能夠吃出柚子的甜香味，焦蜜比柚香更甜一點，辛麻適合喜辣人士，爆蒜結合蒜香更加美味。推薦一定要試下菜飯，很有特色。叉燒飯最下層是飯，中間舖一層叉燒，上面蓋飯，最上面還有一層叉燒和雞蛋，越吃到下面越有驚喜的感覺小食的味道也很不錯，有吃過薯寶和墨魚丸，薯寶淺炸一次，不會很膩。墨魚丸很大顆，外面撒一層調料，超級滿足～

之前幫襯過，次次走一半肉都食唔晒。今次再幫襯，只要一層肉，都食剩，雞肉有黑椒，唔記得左。每次走豉油既要求都做到。我食唔到大多肉，佢既菜飯加太陽蛋我好鍾意食，今次都係食晒菜飯都隻蛋；對鍾意食肉既人黎講，真係會好開心，因為重量級。但係我每次都浪費，每次食4-5舊都已經夠晒。

平時都鍾中意燒味, 今日見到禧利街有間好叉好味, 諗住專做叉燒一定唔會差啦, 點知就中伏喇我嗌左話焦蜜叉燒, 點知又唔焦又唔蜜, 睇個賣相都知唔掂, 食落仲要鞋圾圾乾掙掙, 美心D燒味都好L過佢, 唔會再食

越來越少材料，味道都不及之前咁好食叉燒一係好干一係成塊都係肥或者成塊黑晒，外賣去拎已經少左好多人食 。。。。。。。菜飯都比起之前少左。如果想繼續做落去麻煩保持返水準先呀