好彩海鮮酒家 (已結業)

媽咪補祝母親節本來諗住去停車場附近嗰邊嗰間酒樓不過人哋人山人海等極都無位老豆就話不如去好彩入到去個場有一半係吉既究竟係咩嘢事呢，一陣間試完就知價錢牌望落去同其他酒樓差唔多6x-1xx都有脆皮黃金蝦仁其實煮得唔錯，蛋黃上得好均勻⋯只不過百幾蚊一碟得八隻蝦，而且只係普通size,亦未算非常新鮮…京蔥爆海參正正常常，不過如果海參煮得入味啲就更加好冰川無骨咕嚕肉真係成盤冰…黃珍珠係芒果汁，外面糖漿係脆既，肉依然暖問題又係一樣，110幾蚊，得八粒肉…魚腐雜菜煲呢個都係正正常常酒樓貨色砂鍋紅蔥醬油雞半隻煮得幾好幾入味，汁夠多送飯一流其實好彩味道係冇問題嘅，只係每一碟餸分量都唔夠附近其他酒樓大…啤酒亦冇大支裝同其他酒樓同一個價錢但只有細支裝…性價比唔夠高之下難怪咁多位剩

晚飯於好彩海鮮酒家，一般酒家格局，最大亮點是一台巨型的電視機，睇波一流 (雖然酒家應該無相關服務)。 海蜇拼燻蹄：海蜇麻香脆彈。 椰子燉雞湯：味濃可口。 翠塘滑豆腐：味道 OK，但豆腐薄身如水。蒜蓉炒菜心：正正常常無特別。 金粟焗石斑塊：以斑塊製作，質感固然更細嫩。金粟汁過稠。 脆皮黃金蝦仁：酥脆搶口。 清蒸沙巴石斑：石斑約一斤重，肉質嫩滑。薑蔥太生過辣。脆皮燒雞：皮脆，雞香嫩感正常。 薑汁雙皮奶：無薑汁辣香。食品整體評價不俗，合預期。服務只屬一般，個別同事很固執，較難溝通，與客易生磨擦。 泊車情報：

全日茶市(7am-4pm)都係一個價錢，價格都幾合理。就算星期六、日黎飲茶都好抵飲。點心紙兩大張:2-4pm就會多兩張點心紙:燒味雙拼湯檬或米粉$26.8，但不設選擇，唔知會黎咩燒味，咁又點叫呢?  咁奇怪既$38蝦醬乾炒牛河，份量足，幾有鑊氣，但只有少少蝦醬味。幾好食，仲有生豆苗做配菜。牛肉亦都唔少，醃得夠入味。$12.8雜菌灌湯包，個餡冇乜雜菌，又冇鮮味，入面成舊肉，好似梅菜肉餅咁味，好奇怪! $8鳯城薑汁雙皮奶，細細杯，好似茶杯咁細，少少薑汁味，奶味濃，夠嫰滑。俾你輕嘗吓咁啦，當然大杯啲更好，但$8啫，細杯都應該既。 最緊要夠熱同好食!

是晚在附近完成公務後與同事於此進餐，大埔超級城絕對是酒樓雲集之地，幾乎每個轉角位都有一間～好彩是今年七月才開張的，作為它的點心捧場客，對晚餐的質素也是有信心的～蒜蓉蒸聖子6點半已經入座的緣故，跟點菜的員工稍為聊聊天，讓員工推薦好菜～聽說是晚聖子新鮮，就叫了一客蒸聖子，太肚餓，只有入口前快速拍的近鏡😂聖子上鋪滿了粉絲和蒜蓉，用上了有辛香味的生蒜和炸蒜，香味十足！有辛辣味之餘又帶有炸蒜的咸香，為粉絲和聖子足夠地調味～聖子肉多而彈牙，我先吃了粉絲再一口吃聖子，故吃到聖子的鮮美👍🏼👍🏿👍🏾果然沒有介紹錯！一碟有六隻，三人分吃剛好😚冰鎮咕嚕肉招牌菜，真的是抱著嚐鮮的心態一試，畢竟咕嚕肉凍了其實就會很難嚼，到底如何成為招牌菜呢？？？咕嚕肉的配菜很特別，竟然用上了藍莓😂但配著酸甜的肉吃又多有一點趣味和變化呢～而且要大讚咕嚕肉好好好好吃呀！！非常鬆化的外層，即使冰鎮著，還是比剛炸出來的鬆化有過之無不及，薄薄的炸漿裹著肥瘦適中的肉，再用酸甜度剛好的汁上芡，非常好吃，絕對不能錯過！稍微叫了一個上湯娃娃菜，正常的清淡味道，為求一餐有魚有肉有菜而已～好彩的晚市跟點心手準相當，廚房的用心是吃得出的，擺盤乾淨企理

假日下午黎歎茶，二人枱，等左四十五分鐘，尚可接受，因為人頭湧湧！等到2:45入座假日全日正價野食都多選擇：喜歡壺蓋上印有茶名，唔駛額外加上紙或膠標籤，簡單環保！花鵰醉香生煎包，一窩上，下面墊有半生熟洋蔥，味道不錯。可惜零花鵰味，係味未灒酒？失望！海味香煎蘿蔔糕，有四件，得少少臘味，只係微暖，美味度大減。幸好夠多蘿蔔，軟硬好適中，味道都夠黑松露翡翠燒賣皇，一點黑松露，食不出有味道。全粒都係豬肉，喜歡食蝦的我幾失望。鮮蝦柚子雲吞盞，一上枱賣相好吸睛。好好味，但沒有半點柚子味，奇怪。係咪打錯字?上面有黑色蝦籽。蝦仁下面全係沙律醬，好味，仲有少少WASABI調味並非全隻蝦仁，而係一薄片蝦仁既，師傅刀工咁好，竟然片塊蝦仁可以片到雲吞皮咁薄!!法式焦糖燉蛋，冇乜焦糖，亦都唔脆，但燉蛋夠香滑。見過最迷你既燉蛋，竟然細過隻茶杯。落單十五分鐘後，經理先走黎話心太軟賣晒 ...........................食完唔夠飽，再加碟义燒腸，等等等等左十五分鐘又話賣晒 。當時大約三點半，想點其他點心，但乜都賣晒 ................點野食要快，唔係乜都冇鬼晒

開張第二日，已經好多人幫襯！新野，當然要黎試下。一入去一陣新裝修既氣味，chemical還在揮發中我媽係咁話要走！既然黎到就試下吧！兩個人唔駛搭枱！價錢好公道，就算假日黎飲都唔貴。好多特式野食，點心名字都用心改！點左四樣野食。周圍啲人走黎走去，啲部長又四圍指揮，傳菜姐姐又唔熟路，好亂下，一切仲未準備好！阿媽黑面中，忙住要安撫。水晶蝦餃（中點）- 有兩粒。啱晒一兩個人，可以試多啲野食。都夠大粒，皮薄，蝦亦好爽口！蛋黃流沙包（中點）- 夠熱，餡中有蛋黃，的確係流沙，亦唔太甜，啱我口味，係個皮厚左少少鮮竹牛肉球（大點）- 牛肉夠彈牙，亦夠嫩滑，但定價大點又唔覺得好有特別等得耐，人又多，加上可能仲有好多化學物質未揮發，阿媽話暈，最後食左三碟就急急走人！一切都未到最協調，都係隔一排再黎吧！下次要試下$10心太軟，滿有期待呢個喺中式茶樓出現既西式甜品！