好彩海鮮酒家

營業中

休息中

今日請客午餐，要去一間好少少的酒樓，不可太失禮，2個人食6籠，份量剛剛好。門口有少少窄，但都算光鮮。內裡空間都充足，是樓底矮了一點。最末端有一列窗，好光猛，好舒服。蜆芥手打鯪魚球有6粒，夠彈牙，蜆芥醬只有少量蜆芥。鮮蝦餃4大粒，鮮蝦較大隻，都有2隻蝦在內裡，鮮味夠。紫金名醬蒸鳳爪醬汁味濃，也很入味，鳳爪也很腍。咸水角夠脆而煙韌 。農家瑤柱翠曲餃隻隻餃都很飽滿，餡料好足，啖啖都是菜，有少量鮮蝦。奶皇卷長長的3件，食落creamy， 熱辣辣的，新鮮送上枱，這款要襯熱食噢!!食后感: 枱跟枱有點逼，但仍可接受，不嘈吵，侍應服務ok，很勤力的為我加水。

公司時常安排在這酒家聚餐，質素一直都ok。枱櫈依然是密麻麻，但仍感覺舒適。另一邊有幾間廂房，也有大魚缸。今次最不滿意這個鐵板蒜蓉鮮魷，在餐牌見到鐵板以為會有一定份量，侍應一放上枱，我真的"嘩"了一聲😱, 真的就如相中的份量，以為比人食過才上枱囉🤔有點過份。但魷魚質素是ok的，彈牙而有𡁻口。涼伴黑木耳 - 用的是貓耳朵，實屬佳品，但個醬汁今次調較的偏向酸，有待改善。蒜香脆春卷 - 上枱時已剪半，有一件爛了，有點缺陷，不太熱了，但仍脆脆的。菠蘿蝦仁炒飯 - 這碟份量算多，材料也多，飯炒得乾身，好味。部份的午餐點心紙，選擇多。總結: 是魷魚那碟點心較不滿意，其他的我也滿意。一如其他酒樓，人手依然不夠，難請人吧，堆滿了吃完的竹籠很久也未有人收。

幫襯了數次，位置在觀塘和牛頭角中間，如坐港鐵，牛頭角站行去比較近，雖然唔太就脚，但勝在酒樓地方大，容易揾位，當一大班親朋戚友想找地方聚一聚，都是一件傷惱根的事情。至於酒樓食物和服務，都是令客人很放心和舒服。早、午市點心多選擇，上枱點心都夠新鮮、夠熱、好味，感受到是用心製作，晚市食物質數也能保持一貫水準，選擇海鮮也很體貼，會因應客人數量而提供意見。職員服務態度很好，有禮貌，一叫就即刻來招呼客人，不論是點菜還是加水的基本需要，這點很重要，現在太多酒樓部長都扮忙或扮睇唔到，往往令客人不耐煩。總结，會繼續幫襯。

只為方便，與同事－行6人没有book 位，去公司旁邊的酒家飲茶。基本的蝦餃、叉燒包、腸粉沒有特別，但也不算好吃。香煎蘿蔔糕個底燶左，菠蘿海鮮炒飯的菠蘿好少，賣相不好，差點以為送錯枱号。鳳爪味道唔錯，咸水角熱辣辣。總結是尚算ok, 但每人－百！真有點貴！

下午2:00 下午茶特價 2:00去到， 已經好多人排隊 等左30mins . 點心選擇不多 但味道不錯 馬拉糕好食 黑糖香 鬆鬆軟軟流心流沙包 外觀挺正 什麼花調生煎包 就包装嘩一声 食不特别整體0k

公司嘅＂大粒＂自遠方來，有老細請飲茶，一班同事食午餐～點心紙好多選擇wor點心山吖～哈哈酥炸芒果鮮蝦卷呢件野好油下，芒果同蝦足料嘅，炸到好脆！蒸排骨肥肉未到於勁多，排骨香滑，味道可以～XO醬炒腸粉睇d色就深，其實係冇味冇道，麻麻地。至於牛肉腸粉都差差地，一舊粉又原又冇味道，腸粉類呢間野真係爭d～芒果布丁有少少芒果肉，配上花奶都幾香～椰汁燉雪蛤整個椰皇上！打好好香，推介！有圖有真相，透透明明d雪蛤都唔少，白色嘅係椰皇水同奶燉出黎唧，好yummy!呢樣野係全餐最正嘅！總括黎講，點心一般，椰皇甜品最正！

個waitress行埋我地張枱度問要唔要 鵪鶉蛋燒賣，咁我地叫左兩籠，點知一食，裏面並唔係 鵪鶉蛋以係普通雞蛋，因為係好大隻同埋有蛋殼睇到，我即問部長，佢仲話係 鵪鶉蛋燒賣，我話邊可能咁大隻，仲有雞蛋殼喎，佢即刻收番話幫我cancel, 止店咁呃人實在太過份，以前一定唔會去，各位請小心止酒樓

由開業至今，我家都有一直捧場，午市及晚飯的水準一直都保持到。上菜要夠熱，這基本要求不是間間做到，但呢度，一個字，好得。今次有呢個優惠全包宴 好味到唔能夠逐一相機食先，抱歉得一張大合照。羹，足料！料湯佔七三。鮑魚，陳皮併青蔥加豉油，香上加香。珍珠蚌，耳仔咁大隻，係多過12隻，大量粉絲墊底，吸晒鮮味！沙律醬蝦球，啖啖肉，絕不是粉醬厚過肉。花雕蟹，好味到想飲晒啲精華，最好追加一碟生麵撈汁食，一啲都唔油膩。燒汁海斑，夠香口，剩餘嘅碎脆脆極香口，唔係林，係脆！攤凍左都係脆！炒斑球，芡汁剛好包住斑片，再配鐵膽西蘭花。燒雞即係炸子雞，皮薄又脆口，擺明係雪藏雞，但依然有雞味，絕無雪味呀喂！果盤，唔係一片片，係一舊舊，麻雀咁大粒，係西瓜遜色左啲。同場加映仲有湯水，拿，唔係紅豆沙，今日係杏仁茶/木瓜雪耳/粟米南瓜露，唔係熱到辣咀，但都熱與暖之間。自問12位親友都算大食，呢個餐份量好夠，大大碟，極尚大滿足呀喂！貼士: 1. 全包宴只限星期一至五，但咁啱遇著閒日又係紅日假期，不妨問下經理，跟優惠價再添三兩百做埋優惠俾你，如果佢肯，其實都好抵。2. 糖水唔包餐內，唔怕多口問下經理有冇得送。3. 注意:

公司團年一餐當然要「大佬」請客吧!下午茶時段沒有人跟我們搶位置，難得可以在酒樓靜靜地坐著。先來點了一桌點心: 蝦餃、蘿蔔糕、馬拉糕等這些都是基本的。比較值得介紹一下這裡的甜點心: 紅棗糕 - 一薄片一層像千層糕做法。偏甜又沒有太濃的棗蓉味，但很彈牙不會是黏黏糯糯，最後只以口感取勝。金粟南瓜露 - 很多粒粒粟米在底部，很清甜。露蓉本質沒有很突出的味道，但由於不過甜易入口沒有膩感，還是可食到一點兒南瓜味。PS: 姐姐的服務態度不要期望高，是應該的。

今日中午經過觀塘，見到有間“好彩海鮮酒家”所以就去飲個中午茶，我叫左碟咸水角，剛炸起，好脆，裡面D饀有香口；另外仲有鼓汁鳳爪，鳳爪好大隻，好腍，豆鼓好香，確實惹味可以一試

放工後和家人在附近食餐便飯~ 上去唔駛等位。叫左個京都排骨、三杯雞煲、南乳溫公齋煲。京都排骨：酸味味，豬排好軟身，已去骨，啖啖肉，好味。三杯雞：用煲上，出奇好味，不太咸，汁少乾身，香噴噴是冬日之選，(我哋食唔晒，打包回家第二日加生菜翻煮都好惹味)。南乳溫公齋煲：我妹唔食南乳，但都食左好多，因為南乳味唔重~~ 粉絲少，冬菇和支竹較多。食物份量算係多的。3個人，好飽。

本人於十月二日晚到官塘好彩酒家晚飯，但一進入餐廳已感覺像雪房一樣，心諗希望進餐期間可會和暖一些，但整晚都在這低溫環境用膳，實在難受，要求調較一下溫度，不得要領，雖然食物和服務尚可，但環境實在不能接受，全場女士個個穿上外套，有些沒有帶備就要捱冷，可能員工個個西裝骨骨，溫度只適合他們，這自私自利的服務態度實在要不得……

先上燒味，份量少也切得小，沒質感也沒口感叉燒酥尚算皮薄，味道過得去腐皮卷香脆，但沒甚麼餡料腸粉餡足，皮厚了一點蝦餃用料足，皮夠薄，值得一讚炒飯太濕，吃不出鑊氣，中伏了炒麵沒甚特別，跟粥鋪的差不多，也是沒甚麼鑊氣。流沙煎堆本是最食既，一咬開，只想講粗口，廚師知甚麼叫流沙嗎？好明顯應該係起沙又會流。咬開，有小小蛋黃，又唔起沙又唔流，唔知禁算唔算違反商品説明條例。牛肉球味道尚可，大小大約一個乒乓波椰汁糕以及芒果布甸味道對勁不要企望，不會失望，就是普通酒樓貨色

星期六皇飲茶，選擇了觀塘的好彩海鮮酒家。已有一段時候沒有光顧，食物還是不俗，繼續是本人開飯心水之一。觀塘好彩位處近牛頭角的商厦，比較apm的餐廳來說，容易有位！不過枱與枱之間，空間太少了，坐下伸手都可觸碰隔壁枱的人。今次飲茶叫了燒賣、豆苗蝦餃、牛肉球、牛肉腸粉、叉燒飯及廚師炒米粉，每款食物都不錯，尤其是牛肉腸粉，很足料，讚！有好質素的食物，所以價錢高過其他同級食店，也願意付及再來的！

契妹自從上年9月29日嫁到新加坡，早前12月9日回港擺酒！假觀塘創紀之城一期的 <好彩海鮮酒家>，他們只邀請親友，簡單設宴六席！場面溫馨又充滿歡樂！媽咪爸爸跟一大班老友聚頭，真是好熱鬧！期間，除了播放成長片段之外，還有新加坡結婚的花絮，幸福滿載！才子佳人套餐成長於音樂世家的契妹夫，跟契妹絕對稱得上是才子佳人！依上枱次序：鴻運乳豬全體通常酒席首道菜便是乳豬全體，據說有紅運當頭的意思！ 皮脆肉嫩！鹹度適中！火喉燒得恰到好處！薄薄的乳豬皮好香口！ 配合半肥半瘦的乳豬，真是美味不已！ 拌上一點乳豬醬，更添滋味！碧綠帶子花姿片賣相不失得體！翡翠是什麼？ 正是西蘭花，西蘭花味道清新爽口， 味道比較清淡；帶子 Size 幾大又夠厚肉！ 肉質很鮮嫩甜美！花姿片這名字美化了墨魚，食起來幾有嚼感！琥珀蜜桃百花球大約兵兵球 Size ，蝦丸用上新鮮蝦，充滿鮮味又彈牙！ 配上甜酸醬是最佳拍擋！伴碟的合桃混合蜜糖，香脆之餘還多一份甜蜜！添子玉環瑤柱脯以生菜及瑤柱配合節瓜！節瓜用添子來形容，認真好意頭！ 節瓜蒸得夠軟腍，瑤柱 Size一般！ 生菜吸收了芡汁的精華相當美味！紅燒竹笙雞絲翅由於細佬