好旺角麵家 (已搬遷) 新店位置

去到老字號的好旺角, 食o左一碗唔好食的炸醬撈麵唔好食, 首先係因為麵身好靭, 唔係一咬即斷其次係個炸醬太杰, 隻碟都可以企喺度, 你話係唔係杰呢, 味道又太甜食完好口渴碟芥蘭反而幾嫩, 跟豉油汁ok價錢唔平, 廿幾蚊一碗麵, 但好細碗, 無可能飽肚

今晚10點幾去左哩間野到食叫左個水餃河+腩汁真係奇差!碗野細不特止,加左腩汁之後成碗野索杰"撻撻"....好似成個湯都係腩汁,勁杰D河粉又"糊"口...又稔PATPAT最差就係個3粒水餃又細,而且仲要有2粒係爛晒D"屍骸"同腩汁混為一體!而且D衛生麻麻地,好多烏蠅飛來飛去!最後好唔情願俾$22就人!

唔係第一次食以前都覺得間唔時食一次冇乜所謂但...今次真係俾佢激死!!!大家睇下張相再講....麵己經出名少２２蚊一細碗麵..真係覺得好唔抵唔係特別好食,但就係特別唔抵食!!碟菜........得個4條.........都要收我１２?!?!我屋企樓下10蚊一碗大大碗麵+5蚊碟菜都大碟過佢啦~!!!好希望今次只係個別個案如果舖舖都係咁都洗旨意會仲有人幫襯過隔離2間舖位間麵店食都坐得舒服過佢,飽過佢!!!

與友人本已食過飯,但是經過這裡,他突然的說出一句"這間炸醬麵很好食"就忍不住進了去.想起上星期吃過一碗非常難食的炸醬麵,就很難過.沒錯,食炸醬麵是很難求正宗的,因為正宗的炸醬麵我在北京一間舊店食過,那是我第一次認識到炸醬原來是這樣子,是黑黑的一堆,不是我們見慣的紅紅橙橙.但是卻非常的鹹.來到這裡,看到的正是黑黑的一堆炸醬,食入口卻沒有北方的鹹,甜味較重,有些微酒味,很對胃口.如果你只喜歡食港式那些紅色帶辣的炸醬,你可以試試這裡的較正宗的,你會知道有什麼分別.

成日出街食飯, 想清一清腸胃, 必定好旺角吃白粥, 外加一碟皮蛋子薑。白粥的味道, 十年如一日 ....... 我不敢說它沒有味精, 但我從來沒有在那裡叫過飲品, 大概味精不算太勁吧, 更重要的是, 有些粥店, 加了味精, 還是不好吃 ....... 皮蛋當然不是貴價貨, 還要下些糖伴碟, 薑倒是嫩的, 一吃無妨。埋單找數, 廿二大元, 如果從心靈滿足角度去衡量, 是超值的。如果你是大胃王, 還是去叫麥記的double足三兩吧!

好旺角麵家嘅蝦子撈麵同南乳猪手麵都好好味！又係 Encore 之作，麵質彈牙, 蝦子好香（應該係靚野）！可惜南乳猪手得兩舊，令我有 D 意由未盡，唯有再嚟多碗嗱！ 我仔仔最愛係魚片（魚蛋）麵、老公同我ㄧ樣愛蝦子撈麵！（如果有日你見到倆母子好似餓咗十世嘅，食兩碗兩碟；請不必驚訝！厘兩個可能係我哋！Anyway，我哋倆母子最高記錄係三碗兩碟至啱！）

阿爸途經mk, 於是就買咗碗及第粥番黎。回到家時仍然好熱。liu 兩liu，咁稀嘅，好似粥水咁。粥底一d都唔綿。仲有少少味精。豬什都幾齊，有豬心、豬肚、肉丸、豬腰潤，獨欠粉腸。所有豬什都好新鮮，處理得好，無異味。豬潤係黃沙潤，爽口！豬心大大件，有咬口；肉丸有蝦肉，不過質地較實。賣成$28碗，真係幾貴，粥底仲要唔綿添。試一次就夠了！

買完書之後, 去了好旺角吃麵好耐無食過粗麵了, 真真想食吓, 好旺角的粗麵上次食過唔錯, 不過係食雲吞粗, 今次就食炸醬粗! 麵身有靭度, 梘水味不重, 入口便知道唔錯, 不過原來炸醬不算太好味, 太甜了, 好像食甜醬下次都係食水餃, 雲吞或者豬手穩陣囉

週五晚因公事出旺角一回，完成後，已屆9:50pm這個星期飯局太多，本應回家用膳；可是，打從1時吃過午膳後便沒任何東西進肚，早已是飢腸轆轆。所以，走進了這家看似老字號的「好旺角」心想老字號，售價不便宜，麵應該不太差，就叫了碗嘗嘗。看上去樣子還不錯，可惜吃下去就糟糕；麵的鹼水味太重；湯也不鮮甜，都被鹼水味污染了；雲吞沒有太大顆，但也非散尾，而且一如其他食家所言，太實，口感欠佳；而蝦雖爽口, 但也吃不出甚麼鮮甜的味道 - 因為味精味道更勁。結果，味精與鹼水的味道夾攻下，太公從旺角回荃灣的那程車裏，口腔總是不太舒服自在....算了算了，若非肚餓，我也不會吃畢那碗麵....之不過，下次若單純為填肚，去後街吃$13蚊麵，心理上會較為平衡一點。

勁少呀陰公。又貴不過味道ok試一次就好了。

平時間唔中都有去好旺角食, 雖然細碗啲, 但係覺得啲野係好食不過今次有少少失準, 皆因我碗水餃米味道一般, 湯好淡, 同之前嚟食有好大分別, 上次食都覺得有好重蝦殼味, 但今次只係覺得有少少骨味之外咩都無喇..水餃又細粒左, 雖然未至於唔好食, 但又真係有點失望

4月12日, 夜媽媽坐車返到香港, 口痕痕想食宵夜, 但又唔想食太飽. 經過好旺角, 就比佢upup dupdup嘅懷舊感引咗入去喇~::: 肉丸粥 ::: $24雪白的肉丸粥粥底又滑又綿! 米粒煲到爆晒花~ 肉丸細細粒, 外面好似係實的的, 但其實咬落彈牙, 而且有鮮甜嘅肉味~ 真係好好味呀~!::: 炸醬麵 (細) ::: $22炸醬另上, 再跟一碗仔清湯. 炸醬麵細size真係好細! 不過當宵夜就啱啱好~ 佢d麵係好有蛋味, 好彈牙的~ 炸醬名副其實係特別, 不過正唔正宗就真係唔知, 因為未試過咁樣嘅炸醬, 看顏色都知道偏甜, 幾乎不辣. 但係好香, d肉碎都好好咬~ 可能撈粗會更香~ 好味! 好旺角外表平凡, 食物有股老香港風味. 麵同粥都做得好, 好值得一試. 不過價錢就真係貴咗d~!

I agree with supersupergirl on this place. We tried the 作酱面 and found the noodles pretty ordinary while the sauce was strong enough to cover the flavor of the meat. The soup broth was nice.All of this would be OK except the price was a bit much. My wife and I ordered two small 作酱面 and then had to share another large because the portion was too small. Worth one try but not to keep going back to.

晚上剛好經過，有幸可常一常此處有名的牛腩撈麵。價錢＄33一碟。味道極濃，但不算高質素的味道，有陳皮香，牛腩整得不太淋但有瘦有肥。肥的就剛剛好吃，而瘦的就非常普通了。麵質本身爽口又彈牙，相當不錯。整體來說，以33元的價錢，實在不值，試過一次便可以了。除了牛腩撈麵，也叫了油菜。$12一碟，油菜數量極少，有點被騙之感，知道大部份的價錢去了租金，只覺無耐。最後還叫了一碗淨雲吞試一試，$22一碗有8粒，可惜味道沒有過人之處，反而雲吞相當實，非常失望。試過便算了，位處奶路臣街的榮園麵家之質素和價錢，會是更好的選擇。

睇傢私 順便出埋旺角 見隔離樂園mama 地 就入左呢間 叫左碗雲吞面 個面好細碗 又唔係好好食 d 雲吞好實呀 ...唔太好食 唔值$22 冇下次 ps : 見人地食炸醬面好似ok 可能叫錯野啦今次