好旺角麵家 (已搬遷) 新店位置

當日我同朋友差唔多七點十五分入去食,幸好唔需要等位我哋分別叫咗碗牛根米,牛腩河,炸醬麵同埋雲吞麵我覺得牛根米味道都好特別,都幾好味,而且牛根份量都好充足,唔會偷工減料另外碗炸醬麵就有少少辣,我覺得如果食量比較大唔好叫碗SIZE,叫碟SIZE會多份量D,都好開胃,唔錯,應該係店舖招牌菜~此外我同朋友傾計傾咗好耐,差唔多有1.5個鍾,但係佢地都無趕我地走,其實我地已經食完碗麵已經有一段時間,所以對這間感覺真係唔錯總括而言,下次我都會再食呢

有晚搞些東西搞得有點夜了同朋友想食宵夜, 很自然地想起來呢度. 驟眼間已經是舊年的事！最近再有美國來的朋友探望, 宵夜時段大家肚子有點咕咕聲地作餓.... 但基於朋友是食素之人, 夜麻麻無理由帶人去牛什牛丸檔. 於是乎, 索性從廟街行過來看看這邊有沒有素食啱她, 但又可以兼顧到我當晚很想食麵的衝動. *****************薑葱撈麵 - 幫朋友叫的, 對於一個對香港食物不太熟識的美國人, 她說不夠味道. 我試咗少少後都覺得一味得個油, 但無咩薑葱香味. 是失色的麵. 好彩可任意加添豉油同辣油來取回一點味覺效果！京都炸酱面 - 幼好旺角麵家是一家在香港開了有幾十年歷史的老舖. 主打賣的除了粥類, 還有它引以為榮, 印完出街又貼埋入面的正宗京都炸酱面. 其實食嘢有時就係很奇怪. 這裡的所謂京都炸醬麵跟京城的炸酱面, 未入口前也知道是美其名正宗但不正確. 麵一望, 不是白白的手擀拉面, 而是廣東彈牙版竹昇鹼水麵, 用來配廣東雲吞的那種.... 炸醬 - 無錯是甜甜不辣版本, 但效果跟味道就真的跟原本的有所出入... 還要上桌時是一絲絲的豬肉不是老北京

行了幾個鐘mk, 都唔知食乜好, 又不想食太肥膩; 大豬女友在減肥嘛...看到有間古式的麵舖, 真係好70年代的裝修, 木的卡位等; 清清地食個麵喇.只是叫了個水餃麵. 水餃都好足料, 一咬下去d 雲耳好爽口好脆, 蝦係中蝦, 新鮮, 一讚.d 麵都好食, 唔太鹼味的; 卻有d 彈牙, 都係整起冇耐咁.唔太大碗, 好快食晒.食完, 望望間舖入, 真係好本港集體回憶feel; 隨著旺角要收購重建, 希望呢d 回憶不會消失掉吧另多人食豬手撈, 看也似好食, 有機會一試.

今晚夜小小要去親戚的生日飯,但係要食齋....食齋出名好快肚餓...所以要打左上上底先去啦~朋友介紹過去呢間食麵唔錯選擇...一行二人叫了一碗雲吞麵,一碗豬手麵!雲吞麵:雲吞小,入面有蝦同肉,但肉唔夠滑...個麵就好好食~好爽,彈牙~豬手麵:好好食,豬手燘到好腍,好入味,而且很濃的南乳味!由於兩碗麵SIZE都很小~所以打底就啱晒~我覺得唔好就,店鋪迎非常污穢....坐得唔舒服,見到女工執枱就梗加影響食慾!!

夜晚去左食呢間野見到人多入去牛腩面好正, d雖然d腩無大埔間蔡潤咁正, 但個沖真係好濃好味雲吞面都唔錯, d 雲吞有蝦味有肉味, 唔似d新鋪咁d魚旦都好彈牙食得好開心下次都再去btw真係想試佢d魚皮, 星期三日先有

收工行經旺角, 記得朋友介紹過呢間麵店, 話d炸醬好味, 就入去試吓, 叫咗個炸醬麵同雲吞, 個炸醬賣相都好特別, 唔似出面食開個d, 味道好好, 而雲吞我就鍾意麥文記多d.

三月上旬收工已是十時半，接到食友Fraz來電，就即興約出來宵夜。較就腳而麵食又有水準的，數這裡無他了，飛奔來時Fraz已叫下了一些麵食，自己又即場點了細蓉。Fraz的炸醬麵是十年如一的好，是較細蓉更佳的選擇，他喜歡「撈粗」，但自己就覺得幼麵接觸面更多，「撈幼」醬汁會掛得更好；而細蓉重點非雲吞，而是爽韌的鹼水麵，是夜雖有少少鹼味，但無減食趣，這裡的麵食仍值得推介。談天說笑小半晚，食友作東，在此謝過～

2010年02月11日，14:05年廿圓願之旅，第二站本選添好運。可惜第四次被人龍嚇怕，幸好還有planB - 好旺角四大名物：炸醬麵14:00午市剛過，不用拼檯。當然要點炸醬麵，伙計竟自動問：粗麵？五分鐘內，麵到。麵：賣相平平，但食味有驚喜，先來無添加的素麵，爽脆和無鹼水味。炸醬：偏紅的醬汁，遮蓋了幼細的、油泡的肉絲，醬味是偏甜，並不是江浙的酸辣味。清湯：鮮而帶點微辣(胡椒？)胃納仍被巨奄列佔領，心恐浪費麵食。可是混醬後的麵，三分鐘內被清碟唉！人家常言，女生有一個胃給甜品。可能老鬼是有一個胃給麵食了

前幾日同女朋友行旺角，午餐係好旺角食，之前聽朋友說係旺角食麵一定要去「好旺角」同「榮園」，所以今次去左好旺角試下先~去到個感覺似80-90年代feel，連Ｄ侍應都係...是日點左「炸醬牛腩撈粗麵」，炸醬加入左南乳，第一次食，好好食，好特別。「雲吞水餃撈粗麵」，去食麵都一定要試人地既雲吞水餃，一試就知功力如何，味道ok，食得出D料新鮮。下次去再試粥，好似幾靚咁~

之前與女友去過好旺角麵家食雲吞麵，看見很多人食及弟粥，於是今天特再到好旺角麵家味嘗腰潤粥。為何不是及弟粥？因為我最喜歡及弟粥中的豬腰及豬潤，所以集中食腰潤。腰潤粥來到後，豬潤很新鮮，好好味，豬腰則是可以。至於粥底方面，因一碗成二十八元，期望自然很高，所以失望也是越大。個人認為鄰近的妹記比較好一點。反而炸醬麵尚算可以。回想之前吃的雲吞麵更為突出，可能無期望時，反而會有驚喜。http://hk.myblog.yahoo.com/chicken-goal/article?mid=2296

睇見佢係OPENRICE咁多食評, 於是就去左試一試, 可能睇見D食評講得太好味, 太高期望了!同朋友2個人叫了2碗麵, 一上檯, 都幾細碗下 , 仲要個時都幾肚餓下, 講真不算太夠~但味道算係好既, 但不致於有"食過返尋味" 個種, 基於碗麵太細既原因, 同朋友食完又要再掃下街! 但總的來說, 味道是不錯的!!

同其他炸醬麵好唔同, 炸醬比較甜, 以用了甜醬調出黎的, 沒有一般炸醬麵的酸,沒有肥豬肉,沒有油.而且炸醬分開上, 分量足夠撈一碗麵有餘.又試了虾子撈麵, 但實在不太識得品嚐, 因為虾子本身無乜味道, 撈麵又好乾身, 如果放左湯入去撈又好似普通湯麵, d虾子又沖走晒. 但男朋友就覺得幾好. 最後我都係用剩下的炸醬撈左d虾子麵吃.男朋友試了雲吞麵,佢就覺得幾好. 油菜-----本來沒跟蠔油上的, 但要求之下, 送上了一碟豉油碟裝得滿滿的蠔油, 因為d蠔油好咸, 我們大約只點了十分之一, 好浪費呢, 其實佢唔需要比咁多人客的.

今天沒什麼胃口，來這老字號食碗粥解解悶吧店子給我的印象就是炸醬麵少而貴但好食環境簡陋的，位子也很少!都是逼住黎食咁上下-,-點了一個艇仔粥和一個大的炸醬粗麵：艇仔粥 - 粥底棉之餘材料又多，不會稀稀的!新發現有蠔屎!!!!!!!!!正~炸醬粗麵 - 炸醬份量多而且味道偏咸不過帶點辣辣的，滋味多多!這次特登叫了大的以免不夠引~粗麵爽口彈牙!!!食完都想再食~下次想試試蝦子撈麵....

那天同仔仔 shopping 真係行到好攰！老公又肚餓便去了好旺角麵家食他們的麵，以往老公都話佢哋貴嫁嗱，成$28蚊碟撈麵，差不多ㄧ碟飯嘅價錢。但心諗有幾何出嚟旺角食麵ㄚ，佢哋D麵又彈牙又免收加ㄧ，細支裝嘅可樂又夠氣又好飲，所以間唔使ㄧ次半次我都舍得食，但家鎮我至愛嘅蝦子撈麵加到成$33碟、阿仔至愛嘅炸魚片麵就$22 蚊，試問食ㄧ碟都唔夠攝牙隙嘅我；仲點感同阿仔再ㄧ人兩碗兩碟再加兩支汽水咁豪食呢？！吓！比人知到我哋食成百幾蚊麵，仲唔比人鬧？貴過餐飯喎！ 雖然他們很足料ㄧ點都沒有偷工減料，麵仍然彈牙、湯底仍然正（阿仔話好好飲）、雲吞仍然是皮薄爽滑；可是為何我的心會ㄧ邊食ㄧ邊卻赤赤痛呢？唔…真係要好好撘真 D 先得！唉…為何會變得孤寒？無偈啦！百物騰貴，樣樣都話加，想食餐普普通通嘅飯，但可惜個價錢就ㄧD都唔普通！唔好諗住個價錢無加就無事，你有無發覺 D 餸嘅份量小咗∕縮咗水、杯飲品嘅冰多咗∕細杯咗ㄚ？忽然想起許冠傑首歌：『糖又加、鹽又加、油又話每斤$7.6……得果雞碎份糧點夠食……無法嗱！無法嗱！要加就加，總知乜都任佢嗱！』

一月歲末，好事多磨，跟隨自己兩年多的G900輕觸式螢幕出現老化，到仙達問價，結論是修理貴過換機，事以至此就由它壽終正寢吧，麻煩事想太多，麵癮起還不到就近的好旺角麵家吃碗麵，轉移目光。京都炸醬麵時，想以微辛帶甜的炸醬去寒意，一小碗炸醬麵與及一碟芥菜，下午茶小吃多滋味就好了。竹昇麵條爽勁十足，是日質素佳，胃納沒有過「鹼」的不適反應，偶除了對辣敏感，劣質的鹼水麵，可導致胃痛半天。最後的芥藍因罵戰而成犧牲品，未有綠色時蔬清胃口，亦得埋單去更多罵戰故事＠http://foodxfile.blogspot.com/2010/01/blog-post_24.html