好東西

營業中

休息中

見到有一隻辣椒醬，之前加拿大朋友好想要，想影相Whatsapp比佢問佢要咩味，一中年阿伯職員無禮貌地：“喂，唔比影相!”, 老公一怒之下同我講：“走，咁巴閉!”, 之後職員話：“係呀! 我哋好好生意唔憂做㗎! 你哋行路小心D!”祝你生意興隆，世世代代做Retail啦！

間野主要係賣有機食品... 平時屋企人都成日幫襯 去到見有賣大師姐既椰汁年糕，反正就泥過年，就想買啦~但系真系超多人!!! 搞到好辛苦先買到 好彩店員尚算有禮貌，如果唔系真系燥底 翻到屋企煎，發現原來入面有埋說明書教你點煎，覺得真系好有誠意既出品食落口好重椰汁味好in un好好食，所以以後過年都應該會買比家人食

第一次去呢間店好吸引結果食完三間店,再返去買了皮蛋2隻,話梅1包 (試食左話梅既after taste幾好所以貴d都買)回家後把皮蛋切開....期待溏心既心情即刻凍結....個皮蛋心有古怪....第一隻可能係唔好彩.....開埋第2隻睇...溏心依然沒有一滴....又見一些平時吃皮蛋心不會見到的白色物質...食味亦不似皮蛋...感覺很不安 只怪自己貪平...買了一隻5蚊的怪東西,白白十蚊沒有了....

japanese jelly sweet~have different kind of flavor~pineapple--> very artificial, it's yellow in colour and it's not chewy, it's clearly cut when i eat it and too sweet as a whole~orange--> no orange meat, just have artificial taste~dunno y the package is not so good so that i can touch the sweet so it's quite sticky,.....開心果--> very cripsy and dry enough, rich in nuts taste, it's very big too~mushroom-->very thick and d紋very clear, very smelly when i open the package~ dry enough

在春和樓吃餃子時發現對面就是這家高級食材雜貨店,吃罷又來八卦一下;店內有不少燕窩、乾貝、鮑魚、海蔘,也有不少不普通的調味品或長洲海味出售,真多選擇。看到有黑糖老薑就買一包給大人沖泡飲用,每件黑糖重一兩,一包七件,價錢比較坊間昂貴但勁多薑片, 沖泡後看到不少薑片出現,味道很夠薑味,辣度也足夠,大人說用來煮湯圓一流!放置了不少已浸泡魚翅、海蔘的雪櫃裡還有幾款鹵水食品,最引起我注意是名字有趣的煙霧蛋,店員說有朋友請過老闆吃之後,老闆就跑到台灣入貨去,現在不用飛台灣也有美味煙霧蛋吃了。六個雞蛋都是新鮮雞蛋煮成,蛋白入味之餘連蛋黃也有淡淡鹵水香,除了香濃鹵水味還有煙燻味,跟上海燻蛋有異曲同功之妙,兩者也很好吃,細佬還說其很像臘鴨腸的味道; 店員小姐還給我試食豆腐,以豆腐乾泡製的豆腐,味道也有鹵水香但味道較淡,蠻有嚼勁的感覺。還有南丫島特產魚仔乾,先炸後焗的魚仔十分香脆,隱約有些魚味,當作零食也不錯;大人看電視時不知不覺將一個家族的魚仔送進肚子裡去。

在九龍城買完曲奇，便到處閒逛，看見這裡買的東西頗合心意，便入內看看。看見這裡的蝦子麵樣子十分對板，便買了一盒幼麵，一盒六個，盛惠 $58，差不多 $10/個。因在九龍城食完飯才回家，所以今晚沒機會一嚐它的味道。翻看這裡的食評，原來有食友曾讚賞，我想應不會太差。

* 自家制梅子 -- 大大粒, 梅子香味出色過九龍醬園* 自家制子薑 -- 甜味咸味重咗D, 硬係九龍醬園得D* 話梅-- 過咸* 鄭祥記蝦醬 -- (唔使多講) 多咗個地點買得到 * 流浮山冇添加蠔油-- 唔識欣賞, 雖然好蠔但個人唔太接受夾住D腥味, 都係用番頤和園冇味精嗰隻* 日本青森元貝-- 一分錢一分貨, 比起宗谷少了分鮮甜, 多了分咸味, 平平地, 煲粥算了* 南非乾鮑 -- 煲湯好有鮑魚鮮味, 唔使浸, 唔使發, 省時方便* 澳洲禿参 -- 外型飽滿完整, 條條上等貨, 膠盒裝, 一望就知靚唔靚, 未得閒浸發... 但品質一定唔錯* 蝦子麵 -- 超正係淥完麵嗰個湯 ! 好好飲 !!* 日本野山淮山 -- 冇添加, 食得安心* 日本即食蓮子 -- 非油炸, 香口好食, 健康零食之選* 日本蝦乾 -- 幾鮮甜, 個樣乾乾淨淨* 日本花菇 -- 優* 金華火腿 -- 良* 美國花旗參 -- 常 驚喜發現北海道黑豆茶 -- 麥茶香味, 冇茶嘅苦澀味, 仲有少少回甘添(發芽製法令茶味更香, 營養更佳)希望不斷有驚喜, 多D供應有機食品, 少加工/少添加/傳統/本地的優質食材活在

我原來都幾鍾意行九龍城, 今次就行到一間高級什貨店, 呢度主要係賣高級既乾貨, 包裝做得好d, 方便d, 等你買得放心d我主要都係參觀心態, 不過都幫襯左盒無花果乾, 大大粒, 醃得幾好食, 幾甜, 廿二蚊一盒係貴左少少, 但係大大粒, 什質又少, 又好食, 都值得買一盒嚟食吓

早兩日去九龍城金寶食飯,見到佢對面有問裝修得好潮,叫好東西唔知賣乜既鋪頭,入去睇吓,原來係新式雜貨鋪,貴至鮑魚海参;平至花生糖都有得買!老闆肥哥哥好鬼nice,係咁同亞媽講煮嘢心得,傾傾吓仲開埋鮑魚比我哋試食,十分好客,雖然係罐頭但勁鮮甜冇罐頭鮑既腥味,亞媽即買話返屋企冰镇喎! 傾傾下,佢又煮蝦比我哋試,以為急凍蝦唔好食,点知........勁鮮勁彈牙,又大隻,只不過係水煮,乜都冇落巳經好正,又買!! 係咁試係咁試之下,買咗: 姜糖,皮蛋(隻隻糖心),超正蠔油,二罐18頭鮑魚,南非急凍蝦,台灣老水蛋! 買咗九佰幾蚊,亞媽都唔知幾開心,話下次再嚟,但我......苛包出血!

今天收到行家送上一份禮籃，非常驚喜！以往聖誕的禮籃內的食物大多都很難吃和唔啱食。但今次收到細細粒即食鮑魚，有22隻咁多呀！南瓜籽酥，羗糖，腰果，曲奇和日本烏冬！樣樣都係我D心頭好，特別有鮑魚給我送紅酒，簡直我開心到暈！還有值得一讚是包裝非常別緻得體，個籃好靚！多謝這行家這份心意！！

之前有朋友請阿媽食過，佢覺得好正，所以去開九龍城就順便去買包。要了一包泰國薑糖。呢間野好大方，原粒俾人試食，唔會將佢剪到細細粒。一包大概有30粒，$40。唔算貴。好辣，唔太甜；質地硬中帶軟。口淡淡時食一粒都唔錯。