好湯好麵

營業中

休息中

過咗咁耐都仲係咁多人排隊嘅好湯好麵終於決定今晚試下8點左右去到都仲要排隊 不過好快就入到去舖頭雖然細 但啲枱都大 坐落都舒服唔會好逼好近我地一人叫咗一碗麵再加一個小食意大利黑醋蒜香海蜇頭黑醋涼拌冇得輸，海蜇頭大大粒好脆好爽口，好食夠開胃，小食黎講分量都夠棉花雞首先飲啖湯，好濃嘅雞湯，飲得出係煲咗好耐好足料扁陽春麵配呢個湯好正，麵質煙韌，有啲似食烏冬配料有日本地雞，棉花(魚肚)，花菇，真係成個點心棉花雞拆咗落碗麵到雞好食，魚肚好入味，花菇好厚身，果然係必食嘅麵之一，真係連湯都飲埋海龍皇湯都係飲咗啖湯先，應該係龍蝦湯底吧，好濃味呢個就係普通幼身嘅陽陽春麵，配料有蟹肉，蝦，魷魚，帶子，蠔除咗魷魚普通，其他料都好正又大大粒食完之後一致認為棉花雞正啲，大家都鍾意扁身嘅陽春麵多啲佢個麵貴唔係冇原因，一食就知佢地真係用靚料都整個麵

海龍王湯 $138棉花雞 $100海龍皇湯🦀🦐🦑🦪🍜海龍皇湯聽個名就知好左好多樣海鮮熬製出嚟嘅湯底，用左藍蟹肉🦀、海蝦尾🦐、北海道鱿魚🦑、日本刺身帶子、廣島蠔肉🦪再加埋蝦頭油，湯底超級鮮甜，一啖湯入邊好似食晒成個海嘅鮮味，仲有真係有晒咁多料可以食，啲海鮮全部都好新鮮。本身係配幼身陽春麵，不過我自己本身鍾意扁面覺得有口感啲，問咗老闆娘話下次可以轉扁陽春麵底🥰棉花雞🐔🐟🍄🐖🍜棉花雞即刻諗起飲茶食點心嘅棉花雞，但係當碗麵上到嚟先知原來唔係嗰種味😂係好似食緊中式雞白湯拉麵😂😂😂佢地用日本地雞肉🐔、魚肚、🐟北菇🍄、雲腿絲🐖，用高湯熬製出嚟好清甜，飲完覺得好滋潤，雞肉好滑唔會覺得自己食緊湯渣，魚肚發得夠淋吸晒雞湯嘅精華😋餐廳好細心會俾個匙羹仔上壓縮濕毛巾，方便大家食完可以抹手，呢啲細節位絕對加分👍🏻呢間麵店絕對會encore🌟等我下次試埋其他湯底再同大家分享🤤

特登出左大圍行新商場The Wai 圍方🛍️，咁就順便睇下大圍有咩好野食啦😋。搵到哩間米芝蓮推介嘅湯麵店，個價錢同平時食一碗拉麵差唔多🍜，而且D款幾多幾特別下。可能因為星期六，加上撞正食飯時間，離遠已經見到有長長嘅人龍排緊🧑🏻‍🤝‍🧑🏻。海龍皇湯 $138可能因為即叫即整同埋都多人，等左大約15分鐘先黎到⌛。講返個味道，好濃厚嘅龍蝦湯🦞，滿滿鮮味。配料有好多藍蟹肉碎🦀，幾舊仔龍蝦肉，兩隻大蝦🦐🦐，尤魚🦑，帶子，廣島蠔🦪。兩隻大蝦都有湯匙咁大隻，爽口彈牙，蝦背開左一刀挑左蝦腸，仲方便咬出咬肉，哩個位好細心🫶🏻。廣島蠔同尤魚都係熟度岩岩好，廣島蠔非常飽滿，尤魚肉質爽彈😋。不過都有啲不足，帶子啲熟得濟有啲un，麵就去到後面有啲浸得太耐，愈食愈淋🫠，而且蟹肉碎同龍蝦肉已經碎咩，基本上唔飲哂啲湯好難可以食哂所有蟹肉。當佢係一個可中式蝦湯拉麵，而且咁足料，哩個價錢都收貨。🙌🏻棉花雞 $100見到個名同樣，本身都驚中伏🫣，怕佢只係將啲點心放喺個麵上面，但飲左一啖湯就知唔係😳。超級濃郁嘅雞湯，仲有啲金華火腿調出鮮味。魚肚非常之綿滑，真係好似棉花🐑咁索晒啲湯汁同埋精華。雞肉🐥亦都好嫩滑唔會好柴，冬菇🍄大粒

好耐之前已經聽過佢哋嘅大名，呢日大概11點半嚟到，估唔到門口已經有人排緊隊(๑ ́ᄇ`๑) 過咗一陣店員就派menu俾客人揀定食咩，坐低一陣好快就上菜～🍽食物✨海龍王湯麵 $135 9/10湯底充滿鮮味，係海鮮熬煮左好耐嘅精華集成，飲得出冇加味精，完全係真材實料！湯料仲有蟹肉、海蝦、魷魚、帶子同廣島蠔，用幼麵嘅索湯能力更好，最後成碗連湯一滴不漏飲晒🤤好治癒～👍🏻花膠佛跳牆 $178 8/10湯底十分濃郁，膠質煮晒出嚟，嘴唇仲會黏黏哋～好滋補嘅感覺～配料都用左貴價食材，好似帶子、花膠、鮑魚、魚肚、海參，仲有素翅同雲腿絲，花膠扒仲大過我手掌😂真係落足料！但係食到一半會覺得味道冇乜變化開始會膩同滯住咁，湯底最後都飲唔晒🥲👍🏻檸檬薏米水 $22夠清爽，同埋可以消吓滯～⛩環境👉🏻枱同枱之間好近，會坐得有啲迫💁🏼‍♀️服務👍🏻店員態度好好📝總評 8.5/10本身去之前我對佛跳牆十分期待，但可能期待值太高，試過之後又覺得未滿足到我，反而海龍皇湯就好有驚喜！其實我都唔知可以點樣定義佢哋，但就覺得佢哋好似港版拉麵咁，湯底加埋麵底都好有自己嘅特色！👛人均消費 ~$168(冇加一)⏱冇限時

身為大圍友嚟過好湯好麵不只幾次。好湯好麵，比起芸芸嘅連鎖食店，算係一間用心製作食物嘅小店今次有幸食到新推出嘅膠膠面膠膠面名副其實，裏面有大大嚿花膠同埋大大嚿魚肚，配上陽春面同埋濃濃嘅湯底花膠好厚身。冇煮得過淋，還有𡁻口，份量大約有三份一塊乒乓波球拍，都幾大塊㗎魚肚份量係平時酒樓食棉花雞嘅份量。魚肚吸滿濃郁嘅湯底，咬落口，啲湯必返出嚟好正。至於湯底當然係好湯好麵拿手好戲。湯底好濃郁，飲完好暖胃，好滿足。其實之前嚟過幾次個湯底嘅水準會有少少變化，有時龍啲有時淡啲，但整體來講都OK。大家可以留意吓

滿心期待想食膠膠麵，門口排隊時店員話有我哋先入去坐低，結果坐低落完order過一陣話賣哂，已經唔想食，但朋友order咗另一款湯麵，我就求其叫另一款算，然後等咗差唔多半個小時，我碗麵仍然未到，催咗好多次都只係話就到就到，我朋友都食完我碗麵都未到！最後味道不外如事，百幾蚊我大把選擇，佢嗰麵不但唔值呢個價錢，重要有咁既體驗，真係好難唔令人失望！奉勸想去食嘅大家唔好抱住咁大期望，如果重要排隊既話我勸大家唔好嘥時間。PS. 第一次食亦都係最後一次

大家平時食麵注重湯底定麵質🤔？一碗高質既湯麵，靈魂一定係碗湯到🌟！「好湯好麵」可以連續2021同2022年都上到米芝蓮推介，就一定離不開12款碗碗超足料，但每款都唔同風味既湯麵🤩。湯底真係令我地超surprise，男朋友仲忍唔住飲哂成碗湯🤭🤭推薦指數：🐷🐷🐷🐷🐷（5分滿分）🍜棉花雞湯麵 𝐇𝐊𝐃 100湯底超！級！正！望落好清好素，以為味道會比較淡，但飲落超鮮甜，一啖接一啖完全唔覺得膩，雞肉好滑🐔，魚肚吸哂湯汁👍🏻👍🏻🍜海龍王 𝐇𝐊𝐃 135有蠔、大蝦、帶子、蟹肉、魷魚，好似將所有海鮮精華集合成一碗咁🦞🦪🦐🦀️🦑，相比起棉花雞就比較係想像到既味道lu，但湯底依然超級濃郁！環境：小店內有兩層，空間較細

20230630🌧️⚡Friday🌹🤔用個「好」字🤔還是用個「老」字🤔🤭總言之係兒時朋友🌟介紹一間由香港四季酒店法國餐廳Caprice前副主廚黎德榮(Gary)主理「好湯好麵」，「好湯好麵」2017年10月在大圍開業，將中西合璧概念融入湯麵，加入意想不到的食材，發揮創意，命名頗有趣的菜名，增加顧下深刻印象。🍜(1) 膠膠面 $138＝ 花膠扒/魚肚/日本黑豚五花腩片/雲腿絲/高湯/扁陽春麵 🍜(2)叉燒鮑 $98＝ 扣鮮鮑魚/日式叉燒/高湯/扁陽春麵 🍎(3)NEW 日本蘋果雪葩(半個) $43❤️ 感恩兒時朋友好介紹，險些將湯碗刮爛，因為主角是「湯」，每日熬足17小時。🎊「好湯好麵」2022年中進駐銅鑼灣。🌟2021、2022「好湯好麵」《香港澳門米芝南2023》必比登推介名單

大圍有咩好食？好湯好麵出哂名要排隊，早去早享受🤭1. 海龍皇湯 $135材料有藍🦀肉，海🦐尾，北海道🦑，日本刺身帶子，廣島蠔肉，蝦頭油，皇湯及陽春面～湯底超濃郁嘅蝦味，但係蟹肉及蝦就麻麻地，始終食落都似係急凍野，但個湯底真係好正，可以飲到尾😋2. 蠔皇豬豬 $104材料有廣島蠔，鳳尾蝦，日本黑豚五花腩片，炒豬肉碎，龍蝦牛油，蝦子，高湯，扁陽春麵～湯底充滿蠔鮮味，而且飲落唔油膩，除左廣島蠔好食外，其他料都係麻麻地。 其實我覺得呢間最主要都係睇下自己鍾意咩湯底多過食餸😂始終每款湯底都有唔同之處～ 同埋要接受到個老闆長期串/鬧員工😅

· 好湯好麵 ·🍜 黑口黑麵 $90北海道魷魚、墨魚滑、墨魚濃湯、扁陽春麵配料太少，如圖所見，只有2塊墨魚滑、4片魷魚圈和1條魷魚鬚。一條配菜都沒有，只有面頭的那堆生葱。麵量不少，就是用麵塞飽你的份量。墨魚滑令人非常失望，只吃到一團麵粉，沒有任何墨魚的咬口，還有點酸酸的味道。魷魚就是很普通的魷魚。湯底吃不出任何墨魚的味道，只是普通偏鹹味的黑色湯底。雖然說是濃湯，一點也不濃，很稀的。沒有任何掛汁，面夾起來的時候還是白雪雪。 .營養非常不均衡，蛋白質極少，纖維沒有，碳水極大量。.店員會提供一次性圍裙避免弄髒衣服。出餐時間很長，大約要等20分鐘，因為廚房會集合幾張單一次過煮，趕時間的不要去。.健康評分：1/5性價比：2/5.好湯好麵 (大圍)大圍積存街20號地舖

三日假期，緊係要食啲好嘢助興，所以栽程嚟到大圍，嚟食一碗幾貴嘅麵。網民大多推薦 海龍皇麵$138，所以就唔諗其他直接試。先嚟一啖鮮橙色嘅蝦湯，係幾鮮甜，但又唔係純蝦肉嘅味道，飲得出係蝦頭蝦腦蝦殼一齊熬出嚟嘅結果，不錯的。啲麵好幼身，亦都好快腍，再食下粗過手指尾嘅大蝦，感覺唔係新鮮活蝦，必係急凍嘢，即時覺得有啲掃興，除此之外仲有帶子，蟹肉都正常急凍嘢味，勿而軒唔係我杯茶，不足一提。可能真係希望愈大，失望就愈大，用咗兩餐嘅價錢食，駛大咗，下餐罰自己卯得食，當減肥。論呢麵嘅價值，頂多係$80。

呢間係🧑🏻‍🦱bookmark左想試好耐既一間餐廳, 聽聞要好早黎排隊, 所以我地今日冇咩做就早左出黎排. 佢12點開門, 但大概11:45就開始有人龍, 12點入去既時候條人龍入哂都仲有少少位淨, 但12:15左右就full哂lu. 不過好好既係餐廳會派膠扇俾12點後仲係出面排緊隊既人🥵因為都真係幾熱🍜海龍皇湯 - 我地2個都最想試呢個, 所以2個一齊嗌左. 個湯底係好有蝦味, 都濃郁. 配料有2隻都算大既蝦, 1隻蠔, 1隻帶子, 幾舊魷魚同少少蟹肉碎. d配料就冇乜味既, 唔可以話好鮮甜. 個麵係陽春麵, 我就麻麻地呢隻麵, 食落係淋batbat咁冇乜彈性. 🧑🏻‍🦱有食過我個碗既麵就話我個碗係淋d, 佢個碗係好d冇咁淋.💰人均消費: 100-150麵黎講其實都算貴, 性價比唔高. 整體黎講湯底係好味既(🧑🏻‍🦱飲哂佢成碗湯🙊) 配料都足夠但唔會好鮮甜, 但我個麵就真係麻麻. 好似得呢個海龍皇係用呢款麵, 其他唔係. 如果有機會經過都可以試下多次佢其他麵既, 但要排隊就不了.仲有就係間餐廳入面冷氣好似唔係好夠凍, 定唔知係咪我哋個位吹唔正冷氣🙈大熱天時食到大汗疊細汗都幾辛苦

【大圍米芝蓮入圍特色湯麵】排隊時間：10分鐘（午餐時段）喜愛程度：🌟🌟🌟🌟 大圍這間聞名以久的湯麵店終於可以一試，雖然定價以湯麵來看頗為進取，但湯底非常特別有層次，絕對值得一試。▫️海龍王 $135內有非常多的海鮮，蝦、魷魚、帶子，吃起來口感紮實帶有鮮味，湯底頗為鮮甜，如果有已重的蝦味會更為開心。▫️佛跳牆 $178有鮑魚和素翅的湯麵很少見吧！湯頭清香但有層次，喝得出來是用時間烹調出的。注意一下麵身比起上一碗粗和有口感，飽腹感更大，小鳥胃要小心。📍好湯好麵大圍積存街20號地舖銅鑼灣加寧街9-11號名店坊地下B號舖

今晚食米芝蓮點左棉花雞加我朋友一定要叫的spicy 泡淑雞腳但其實一d 都唔spicy 呀姐話唔可以咁重辣味太辣食呢個麵就食唔出原汁原味個人覺得而家味道balance職員都友善

朋友推介入到大圍食呢間拎過米芝蓮嘅好湯好麵的確我都猶豫咗一下 麵點樣先至可以拎到米芝蓮獎 就嚟一試究竟餐廳環境同一般小店茶餐廳一樣 無過份嘅裝潢海龍皇麵$135有蟹肉、蝦、魷魚、帶子、蠔等 多款豐盛海鮮配埋蝦湯及彈牙口感陽春麵 的確值得一試但略嫌D湯唔夠熱同我想像嘅蝦湯應該再濃郁D碗麵變左失色左少少棉花雞麵 $100平時其實我麻麻地食棉花雞 但呢碗有令我小改觀清澈而濃厚嘅雞湯加上嫩滑雞件、魚肚同金華火腿魚肚完全充份吸收湯嘅精華 令人一啖接一啖