好燒味 (已結業)

今日lunch決定落利源東街買外賣，最後決定食呢間女子（好）燒味 ，1點9左右去到已經無人排隊。 我聽到有個人問燒腩飯，但係店員話已經賣曬。最後我嗌左叉鴨飯，叉燒都幾入味，鴨都幾好。燒味飯黎講都幾好食，上網睇番原來佢嘅燒味係用慢煮方法煮。同埋燒味都ok多肉雙併飯係$ 46，中環黎講價錢都唔算貴。不過可能叫女子燒味，所以份量唔算大，男人食未必夠。 包裝都幾靚，用上藍綠色紙盒，加上透明膠袋裝，外賣黎講都幾特別

聽同事講近公司有呢間好燒味慢煮叉燒特別好食,但就要一早預訂,通常去到十二點。如果冇留到就一定沽清晒,所以一班同事就十一點多時候就開始whatapp留定了所有order。到放飯時候,一點多去到,有點人龍,付款後原來都要稍等一陣先有。因店不太,沒堂食,只限外賣。返到公司就已經急不及待要開飯了,那天冇食早餐特別太肚餓了。三併燒味飯叉燒(慢煮) + 脆皮燒用腩仔 + 醬王燒鴨  $52嘩！飯餸以這盒飯size來說,餸的比例是很多,反而飯對一個男人來說算是較少,如女士食就剛剛好。慢煮叉燒有色澤,肉質頗鬆軟腍不會乾身,瘦肉腍,半肥化, 好入味,味道甜蜜濃郁,正到呢！脆皮燒用腩仔 外皮仲香脆,而肉質又嫩又 Juicy ,肉同脂肪一層夾一層,口感佳。醬王燒鴨 肉質滑順又帶些脆皮的,沒有乾巴巴感。

知道佢可以whatsapp 落餐，11時半左右落左個慢慢叉燒同雞。店子係中環某橫街，好窄，等既時候都好迫原來預先whatsapp 落單都係要等，只不過慢煮叉燒12時多已經無哂，想食whatsapp 叫定好重要慢煮叉燒真係好霖好入味，另外油雞都好滑，沒有雪藏雞味。叉燒既份量比想像中多，好有良心（笑初初以為咁細盒會唔飽，但原來飯同肉都算多，女仔一定飽。總結燒味來說在香港多間燒味店中呢間應該都算相當唔錯。唯一可惜是只可以外賣同等既地方好窄好迫，特別在夏天等既時候好熱，食好野可能就要付出下？

聽聞這店的慢煮义燒十分好味道，而且最好預先訂，不然很可能白行一趟。今天即興慕名一試，直接到了店子看看，店員竟然回答說有（真高興），於是買了两份回家做晚餐。以紙盒盛載，比較摩登。這裡就是两份除了肉質稍為較軟淋外，完全沒什麼特別，而且味道亦鹹了一點。不知道是否有期望，真的有點失望。

相信中環人都知，要食一餐好食又抵食,又唔使點等位的午飯簡直是一個奢望，連去買個外賣飯盒都要排一餐，價錢也不便宜。呢一間餐廳開咗之後，我已經食咗好多次，差不多每星期有一天，總是會掛住他的叉燒要來幫襯。試過好多樣，包括慢煮叉燒，普通叉燒，燒腩仔，燒鴨，油雞，貴妃雞，還有加配溫泉蛋，＄15一杯的湯，等等等等.....普通雙拼飯＄46，同區來講是正常價錢。每一樣燒味質素都是中上。但是最值得推介是他的慢煮叉燒。比普通貴幾蚊。做得非常入味，肉質夠淋，肥瘦適中。可惜很早賣晒。要食的話就要12點前WhatsApp落單。食唔到慢煮叉燒的話通常會吃他的叉鴨飯。普通叉燒都燒得好好味，而且份量都算不少。＋1隻溫泉蛋撈飯就最正！另外飯盒非常精美，有一隻可愛小豬的紙盒。🐽🐽🐽

在中環揾食有幾難係人都知，就連買個飯盒都貴到不得了，閒閒哋五、六拾蚊一啲都唔出奇。 嘅然係咁，唯有希望質素有番咁上吓無咁心噏啦。同事介紹呢間好燒味嘅慢煮义燒話好正，今日就有機會試試。 首先餐具係用紙盒，感覺比一般發泡膠盒環保而且省地方。飯盒份量唔少，餸仲多過飯。慢煮义燒雖然係瘦义，但果然肉質非常淋，啱晒我呢啲怕肥嘅OL😬 燒腩仔件件工整，皮脆肉亦唔會靱。兩樣餸都唔會過鹹味道很不錯，但由於食太多肉，整個下午都飽飽滯滯。下次唔好咁貪心嘞😅

I called the shop trying to place an order via phone. As stated in the order sheet, the shop will be closed at 20:00. The lady who answered the call told me that last order should be placed at or before 19:30. So I told her I placed my order on phone (that happened at 18:00) and I would go to the shop to pick up my order at around 19:20. However, the lady became very rude and requested me to go there earlier than 19:20. I really have no idea why she told me that last order could be placed at 19:

我已經買過好多次，久不久想食燒味時我就會嚟幫襯。食過慢煮叉燒，普通唔係慢煮嘅叉燒，白切雞，豉油雞，燒鴨，燒腩仔。樣樣都覺得好味，而且雞同鴨可以揀無骨 (但要加$10) 。我好鍾意佢個燒味汁分開上，自己可以決定落多少，而且味道比一般燒味鋪嘅汁淡 d, 好似健康小小。惟一唔好就係個 menu好長好複雜，不過食多幾次我而家一去到就知自己想 order d 咩。如果個菜 (而家好似係 $13) 可以平返少少就 perfect嘞。

聽聞呢度每日限量的慢煮叉燒飯好早便售罄，排隊時發覺原來呢度都有一定人數的熟客，好多人都提早wtsapp/電話落order，唔怪得限量的款式眨眼就賣哂！menu選擇都幾多，主要都是叉燒併乜乜。慢煮叉燒未到點三就賣哂！packing都幾精緻，燒味汁另上，最岩怕肥的OL啦！旁邊為核彈=溫泉蛋。半肥瘦叉燒份量多，不幸地 勁 多 筋 ，部分仲硬到咬唔開。溫泉蛋撈飯一般，因為飯煮得太冧，撈埋溫泉蛋飯更加一patpat... 浪費了這顆核蛋。

今天突然想食燒味，所以用Open Rice search下就近有咩好介紹，結果揀咗中環呢間外賣燒味店。地址雖然寫皇后大道中，但查實喺利源東街，都算易揾。燒味選擇唔算多，今次我揀咗瘦叉飯，叫完等一陣就有。返到屋企打開個袋，入面個飯盒都係Tiffany Blue，女仔嘅至愛，加分。打開個盒，叉燒好多，飯量好仔嚟講都夠食。至於味道方面，打開盒蓋好香燒味味。叉燒雖然瘦但都唔會硬，不過少少乾，如果可以多番D肉汁會更好味。飯方面，個人覺得一般，可能係個盒唔夠保温，所以拎到返屋企已經凍到硬硬地，有待改善。汁係分開一個細盒自己落，但我覺得個汁太稀，而且太少唔夠撈飯。以非傳統燒味店嚟講，整體算唔錯，而且都幾抵食。本身想試乳豬，但佢話要成隻買，所以無得試。

其實食過幾次，水準都 ok 的。但個人覺得如果係男生食飯量就真係唔係好夠。（試過買問佢有冇得多飯或加底但被拒，佢哋話個飯盒係一早包好曬，冇得變...）如果想試下多汁的叉燒係可以去試下的。

特登行去中環果邊就係為左一嚐呢個好多中環人推介的燒味飯初看招牌和餐牌設計, 完全唔覺得係賣中式燒味小店向利源東街小巷裡, 1 點多去到, 有幾個人排隊可惜去到已經賣晒最出名的慢煮叉燒了....唯有點左普通叉燒拼醬王燒鴨飯 (HK$42)落單等左2,3 分鐘就已經有, 外賣盒好fancy, 真係唔似燒味盒而且是紙質飯盒, 比較環保亦因為是紙盒, 所以燒味汁另外上飯和燒味份量很充足先試叉燒 - 雖然係一般叉燒, 但肥瘦度剛好, 而且很淋滑! 相信慢煮既一定會更好食!燒鴨 - 個皮幾好味, 不過肉有少少鞋, 都唔錯向中環HK$42 買到個有質素的燒味飯真心抵希望下次去可以試到慢煮叉燒同埋貴妃雞

食過快飯又OT呢間外賣店位於利源東街好方便义燒半肥瘦，夠滑，夠味。燒腩仔皮脆，唔會太咸飯好味，雖然外賣，但溫度仍可（有好多食店都忽略咗飯，其實都好重要）紙盒夠環保燒味汁分開上，夠細心盛惠$46，中環呢個價錢，好有良心

平常在中環午餐總是快快吃完填飽個肚便算，一般對收費五十蚊以下的飯盒或午餐都不敢抱太大的期望，但求不難吃便算。今日酷熱天氣下，唔想同人迫，無乜胃口，但又想食燒味，在同事推介下去試下好燒味。在Openrice第一次見到「慢煮」燒味，於是便試下慢煮叉燒燒腩飯。由買了飯直至走路回到公司大約十多分鐘，立即試下燒腩仔，沒想到塊皮還是脆的！好滾動！這和平時吃的燒腩仔很不一樣，這款燒腩仔的肉很腍，而且能保持肉汁！另外，叉燒也做得很好味，半肥瘦，正是我喜歡的比例。好飽好滿足！下次會試下加埋隻溫泉蛋 。

中環食lunch間間都要排隊，見有間燒味店好特別有慢煮叉燒，就決定外賣一個慢煮叉燒燒腩仔飯，飯盒唔係用發泡膠盒，而用紙盒，感覺好似台灣的便當。飯的份量足夠，但對男仔黎講可能唔夠食。脆皮燒腩仔，個皮都算脆，而肉唔會太油太多肥肉。慢煮叉燒，半肥瘦，食落嫩滑且有嚼口，入口好軟嫩。