好運泰國美食

營業中

休息中

今天與親朋戚友來到新蒲崗的一間平民小餐廳🇹🇭，店舖裝修呈泰式的風格，我們點了肉碎生菜包、冬陰公豬扒金邊湯粉、而泰式炭燒豬頸肉、芒果糯米飯，打算一起分享食用。肉碎生菜包以豬肉碎為主，搭配新鮮翠綠的生菜🥬。豬肉碎調味得恰到好處，內有魚露、香茅和青檸調味的清香，入口帶微微的辣意。生菜的清脆與肉碎的鮮香味形成完美對比，讓人一口接一口。🍜冬陰公豬扒金邊湯粉有濃郁的香茅、南薑和椰奶的香氣，豬扒亦煮得黃金色香酥，與金邊粉相得益彰。每一口都能感受到泰國特有的酸辣風味，酸酸辣辣，非常開胃。而泰式炭燒豬頸肉🐖經過廚師炭火燒烤，表面微焦香氣十足，內裡卻保持多汁。肉質緊實又不失嫩滑，搭配餐廳特製的泰式酸辣醬，令整道菜味道層次分明，回味無窮。甜品方面，我們點了芒果糯米飯🍚作飯後甜品，金黃熟透的芒果甜蜜蜜，與椰奶煮熟浸潤的糯米飯搭配，甜香四溢。這道甜品為整頓泰式盛宴畫下完美句點。

在新蒲崗的「好運泰國美食」，我嘗到了一場泰國料理的盛宴。餐廳環境溫馨舒適，裝潢帶有濃厚的泰式風情。香葉肉碎飯，青豆角的清脆與肉碎的鮮香完美結合，飯粒伴著青豆角及肉碎，味道微辣，每一口都是對味蕾的挑逗，讓人回味。青咖喱豬頸肉，濃郁的咖喱味與豬頸肉的柔軟相得益彰，青豆角和車厘茄的加入，為這道菜增添了一抹清新。蒜蓉炒通菜，蒜蓉的香氣與通菜的爽脆相融合，簡單卻不失美味，是泰國菜中不可或缺的一道。泰式千層糕，玫瑰花的造型，軟糯的口感，香甜而不膩，每一層都帶來不同的食感體驗。椰汁冰，清甜的椰汁與冰塊的結合，為這頓泰式美食之旅劃下了完美的句號。

同朋友去新蒲崗圖書館搵資料，中途感覺有啲肚餓，就落嚟商場2樓食午餐，好運泰國美食主打泰國菜，室內裝修好有泰式風格，門口位置有大魚缸，魚兒游來游去好有活力！招牌泰式海南雞配油飯，擺盆同賣相有心思，雞肉皮爽肉嫩，配上三款不同口味嘅醬汁，各有特色，油飯粒粒分明，不香又夠味！泰式乾炒豬肉河，河粉炒得夠鑊氣，夠味又滑，搭配嫩滑的豬肉非常惹味！泰式蠔仔煎蛋餅係夏日限定，新上市，一定要試吓，蠔仔大粒飽滿，蛋餅煎得香噴噴，蛋味十足。泰式珍多冰和椰汁冰，兩杯飲品椰汁味夠濃，冰塊的份量也很適中，用冰杯盛載保持溫度，冰凍好飲！泰式珍多冰和椰汁冰，兩杯飲品都不錯椰汁味夠濃，冰塊的份量也很適中，不會過多而影響飲品味道，超好飲！

細個係新蒲崗住, 雖然地方唔算大, 但其實都暗藏唔少好食既餐廳, 仲好記得細個一放學就去新蒲崗廣場買菠蘿冰食, 有時仲會跟屋企人食下日本野, 最近發現新蒲崗廣場有間泰菜都幾出名, 上星期同屋企人回到此地食晚飯, 原來係我以前食開既日本菜餐廳同一鋪位, 依家開左日式同泰式兩邊, 雖然有少少隱蔽, 加上平日關係, 自然人流都少啲餐牌食物價錢唔貴, 叫完野食十分鐘左右, 野食就好快送上我地叫左個泰式皮蛋釀蝦餅, 一份有八件咁多, 蝦餅好彈牙, 食得到個蝦味好突出, 而且炸到個外皮好脆, 點埋泰式辣醬連皮旦咁一齊食, 好正!冬蔭功鮮蝦炒飯我地叫左少辣, 但都比想像中辣, 如果食唔到辣真係叫BB辣就夠, 冬蔭功既酸味比較強, 炒飯粒粒分明, 好足料之餘, 鮮蝦都幾彈牙, 愈食愈過癮泰式蟹肉煎蛋餅炸到好似炸蛋一樣, 入口好酥脆, 蟹肉份量都唔少, 真係真材實料既蟹肉一嚿嚿係蛋入面, 點辣醬食好正, 唔會食到成口油, 唔錯!估唔到鋪仔細細都食到唔錯既泰菜, 唔洗一定要去九龍城食, 又多個選擇!

泰式晚餐吃在「好運泰國美食」。我們點選了：青咖哩豬~ 我們都喜歡配蒜蓉包和香酥薄餅吃，相對配白飯更冶味！泰式燒魷魚~我們都十分喜歡這款肉味嫩滑燒魷魚，蘸少許泰式醬汁吃，提鮮又開胃！泰式濕炒牛河~濕炒河是我泰式料理必選，河粉掛滿獻汁好味又滑溜，而且泰式濕炒河有多蔬菜，營養顯得更均衡。泰式清湯雞河~沒有想到是白切雞，嫩滑雞胸蠻有驚喜！珍多冰&黑咖啡椰汁冰~黑咖啡椰汁冰是很新穎的配搭，我第一次喝就愛上了它！

前排去開喺新蒲崗圖書館，試咗樓下間泰國菜，又整體感覺真係唔錯，消暑又抵食，食到飽飽都只係200蚊左右。安格斯牛沙律，味道酸酸辣辣，牛肉好嫩口，加埋乾蒜、煮到甜曬嘅洋蔥、車厘茄同粟米，消暑又開胃。朋友想食熱食但又覺得天氣好熱，所以揀咗芒果海鮮炒飯，餐廳非常闊綽，落咗唔少鮮蝦，配埋青瓜同大大粒嘅芒果，成個炒飯甜甜地，食落夠清新，降溫效果一流。泰國菜必食嘅甜品芒果糯米飯，賣相好精緻，有兩排紫色同白色糯米飯團，並可按喜好加椰汁，有清甜嘅芒果中和味覺，甜而不膩，真係好滿足。朋友叫咗泰國黑咖啡，味道偏甜，啱晒甜品控。我就揀咗泰國奶茶，個人覺得泰式奶茶比港式好飲，甜甜地又唔會太苦澀，成個感覺更加順滑。

新蒲崗好運泰國美食，老闆兼大廚係前中環 Ritz Carlton 負責海南雞大廚。所以出品必定有保證。雞胸都做得好滑同去骨，肉同皮中間做到有啫喱👍🏻👍🏻雞油飯有油香出色平民價錢，五星級出品#新蒲崗 #好運泰國美食

上次偶然食咗新蒲崗嘅拾月燒鳥，覺得品質不錯，今次試跟他一起的姊妹店，好運泰國美食，食咗會變好運，真開心。這家餐廳位於新蒲崗廣場，附近交通方便，餐廳內氣氛輕鬆，店員服務親切有禮，值得一讚。珍多冰 天氣熱辣辣，坐低即刻飲返杯珍多冰，充滿泰式風情，還有濃郁香甜的椰汁味。泰式豬肉串燒 好肥美好有肉味，而且份量也不少，厚肉多汁，金黃色的食材，好豐富的味道層次，真係抵食。泰式炒金邊粉蝦肉配搭泰式炒金邊粉，大大隻蝦好彈牙，炒金邊粉好煙韌，炒得乾身很分明。酸甜味道適中，相當正宗口味，旁邊還有地道醬汁和辣椒粉，或者灑上少少青檸汁，更加清新可口。正宗泰式船河 牛肉泰式船河 ，湯底正宗香葉味道，牛肉非常嫩滑，有咬口味道唔錯。湯底加咗泰式香料，夠晒好味，份量好足夠，兩個人食都夠飽。蒜蓉包 朋友心癮好鍾意食蒜蓉包，就算冇叫咖喱都要食一件蒜蓉包補返數。芒果糯米飯 甜品非常精美，擺盤漂亮，一口size，鮮甜芒果，軟糯的糯米飯，口感豐富。

泰國菜一直係我地心頭好😎今晚去新蒲崗探朋友 食左呢間好運泰國美食📍-第一時間當然要叫杯龍眼冰，多龍眼肉🍹朋友叫左白桃活乳酸梳打，正常發揮！-主菜點左泰式炒金邊粉，我們選了牛肉🥩炒金邊粉炒得好夠乾身，夠晒鑊氣🔥份量好足夠，要兩個人分享先食得哂﹗-再點左香葉肉碎飯🍚加入咗泰式的香料，偏辣咗少少🌶️唔食得辣既朋友要留意 -泰式炒雜菜，唔會太油，雜菜炒得剛剛好！-今次餐廳在新蒲崗廣場內，算易揾環境寶而不華，正常！ 不過呢個區真係少去呢‼️

叫外賣送到嚟嘢飲，冇咗一半，個飯啲咖喱汁全部瀉曬，份量又少，個烏冬得幾片牛肉，幾少片，好難食，個咖喱汁好水，完全唔係正常咖喱，個咖喱裏面啲牛肉得兩三塊，就要成60幾蚊，完全係呃錢

今日同朋友經過新蒲崗，佢住附近，帶咗我去一間街坊泰國菜嘅小店泰式海南雞（半隻）$94海南雞非常嫩滑，而且雞肉唔會好散，係有咬口嘅，而且雞味都算唔錯泰式炒金邊粉$74金邊粉麵條好煙韌，炒得好乾身，而且味道比較地道，酸甜適中。如果你覺得唔夠味道，佢仲有一舊小小的檸檬，可以俾你加啲檸檬汁泰式蟹肉蛋餅$66好鬆脆好有蛋味，而且蟹肉都唔算少，唯一不足，就係佢個炸粉厚了一點整體嚟講，都算係一間高性價俾嘅泰國餐廳，真係抵食👍👍

幾個月前曾經買過外賣回家，當時味道不錯，今天再次光顧，過了幾個月，想不到差到這個樣子，份量少得可憐的芒果糯米飯，外賣同堂食差天共地，跟相片的完全不相乎，相片是一片片芒果，實際只有幾粒芒果碎，幾啖糯米飯，小朋友都不夠吃，原本價格不便宜，太差了另外濕炒河只有油，像吃油濕河粉，完全沒有味道，早幾個月光顧都不是這個樣子，不知道是換了師傅還是怎樣，原本幾天後諗住堂食，立刻要轉場，以後都不會再幫襯，感覺被騙了！！

遠名而來於新浦崗廣場的泰國餐廳, 朋友試過都讚好味, 難得今日放假，約埋屋企人試一試。家姐一向吾鍾意食魚, 但她都讚條魚夠滑身, 配搭埋泰式醬汁,簡得無得頂。所有食物水準一流，值得再來

-泰式清湯河 $48.0（可選豬肉，牛肉，雞肉，豬頸肉+$5,海鮮+5）餐廳雞肉是用無骨海南雞的，可以免費轉升級金邊粉，無骨海南雞，皮滑肉嫩，內有豆卜，蘿蔔，及大量芽菜，湯頭鮮味香濃送凍香茅檸檬水，超抵食

時不時同同事係lunch time就會黎呢到食野😆一方面係鐘意個環境，坐得舒服，可以傾到計，另一方面係野食多選擇！因為呢到嘅特別之處係連埋一間日式餐廳，佢地嘅裝修都分成兩個唔同style，無諗過可以合得成一間鋪頭，都幾有創意😂佢地同時會提供兩份menu，一份係泰式野食，一份係日式野食，點crossover嗌野食都無問題！我同同事食咗豬頸肉泰式船河同香葉肉碎飯，味道仍然係有水準🤤豬頸肉泰式船河煮得岩岩好，加埋泰國風味嘅醬汁同香料，味道醇厚又有層次感👍🏻而香葉肉碎飯有少少辣，幾惹味！配上香葉嘅香味，呢個搭配平衡得好好，味道一流👍🏻下次會再試下日式menu嘅野食😆 (雖然比泰式野貴少少，但都幾吸引咁！)