好運泰國美食

營業中

休息中

朋友話發現咗呢間好運泰國美食，話係間街坊小店，價錢親民但啲嘢食好有傳統泰國風味，今次特登去試下！首先嚟講，佢哋嘅招牌黯然銷魂飯真係冇浪得個名！個蛋煎得金黃蛋液未全熟，切開嗰陣蛋汁流哂出嚟，配埋啲燒得香噴噴嘅叉燒同香噴噴嘅白飯，簡簡單單就已經好滿足！最緊要係佢啲叉燒夠香夠嫩，完全冇韌身嘅問題。青木瓜沙律就更加正！個青木瓜爽脆清甜，配埋花生同蝦乾，酸辣適中，食落去開胃醒神，完全冇咩怪味。泰式燒牛肉就香辣夠味，啲牛肉燒得啱啱好，冇嚼不爛嘅問題，配埋佢個特製辣醬，香辣過癮！香葉辣椒肉碎炒飯雖然叫少辣，但係香料味夠晒濃，個香葉香氣撲鼻，肉碎炒到粒粒分明，唔會一嚿嚿咁，飯粒都係粒粒分明，完全冇濕淋淋嘅問題。最令我驚喜嘅係串燒！雞腎串同雞心串食落去香口彈牙，完全冇雜味，調味入味又唔會太重，連平時唔食內臟嘅朋友都讚好！總括嚟講，呢間好運泰國美食真係街坊價就食到地道泰國味，份量夠，價錢又親民，最緊要係啲嘢食真材實料，啲調味又夠道地！

好耐之前嚟過新蒲崗廣場2樓嘅好運燒烤，印象中平價得來環境幾好，今日二訪食吓平價泰國菜。呢度喺2樓自成一角，除咗擺滿泰國布飾幾有泰國風情之外，細心留意吓啲Figure擺設都好得意😂唔起眼但幾好坐，同Fd嗌啲串燒小酌聚下一流白鱔串 $24幾好食同抵食，食到燒得香脆嘅魚皮，都算鮮香雞全翼 $20 雞肉燒得仲好滑亂，火候唔錯，肉質Juicy，推介泰式燒牛肉 $78 估唔到牛嘅份量真係咁多！成塊薄牛扒香煎😆做到焦香效果，個人鍾意牛肉串燒嘅質地多啲泰式叉燒（例牌） $88叉燒已經切好一嚿嚿，份量都幾多，有成24舊咁多，好抵食。味道上，叉燒用蜜汁調味，有啲似中式，再加少少酸汁提鮮；另外胡椒味會偏重，調味相對冇中式咁濃郁泰式串燒飯 $68 已配太陽蛋，豬、牛、雞串燒各一串。賣相唔錯，個人而言最鍾意雞肉串燒，肉汁相對彈牙泰式奶綠 $20食濃味的泰國野，當然要配返一杯經典嘅泰式奶綠爽吓啦😌

知道新蒲崗有呢間又平又好食嘅泰菜餐廳，即刻今晚去試下係咪咁好食。4串串燒(雞肉，豬肉，免治雞肉串，翠肉瓜)食得出幾串肉類串燒個火候燒得剛剛好，外面燒到微微有啲脆口感覺，同時保留到裏面肉汁。而翠肉瓜同樣咬落好juicy。串燒係分別跟酸辣嘅泰式醬同沙嗲醬一齊食，兩個醬（沙嗲醬&泰式酸辣醬）都好夾啲串燒。泰式炒通菜碟菜上枱嗰陣見到個份量都算幾多，落單嗰陣我係揀左小辣，但對我呢個唔食得辣嘅人嚟講，個辣度係剛剛好，我鍾意呢度係用比較粗嗰隻通菜，食落會比幼身嗰隻有口感多啲，再加埋啲炸蒜一齊炒，好夠鑊氣。泰式脆皮燒五花肉飯落單嗰陣店員話呢度嘅燒肉飯係推介，所以我地都嗌左一份試下。呢度嘅泰式燒肉同喺泰國食嘅一樣塊皮脆卜卜，下面連住肥瘦交替嘅豬肉，碟飯大約有7至8舊燒肉，加埋個醬汁食好開胃。青檸梳打呢個天氣飲，冇得輸。椰汁紅豆冰椰汁好夠香濃，紅豆煮得夠淋。芒果糯米飯用左蝶豆花糯米飯配白糯米飯，好軟糯，椰汁好香，芒果切到一粒粒好香甜。總括嚟講呢間泰菜性價比好高。

泰國旅行的回憶念念不忘，回到香港後，對於泰菜的熱愛只係愈發強烈，百吃不厭。約親戚食飯，作為街坊的他們，都推介新蒲崗的「好運泰國美食」，又再次品嚐到正宗的泰國味道。⟢ 1. 肉碎生菜包新鮮生菜包裹著香噴噴熱辣辣的肉碎，肉碎中加入了香料與花生碎，非常惹味又富有辣香，一口又一口停不下來。其實生菜包除了惹味，還充滿健康感，適合想要輕食的人。⟢ 2. 泰式炒金邊粉（蝦肉）經典泰國街頭小吃，餐廳將金邊粉炒得非常地道，色澤金黃誘人。金邊粉非常有口感，而且蝦肉鮮甜，再搭配脆口的豆芽和花生，最後再添加酸酸的檸檬汁，整道菜更加提味，還原度十足。⟢ 3. 芒果糯米飯芒果糯米飯是泰式甜品必點之選。芒果非常鮮甜，搭配著香甜的椰漿糯米飯，無論是外觀還是味道都出色。值得一提的是，糯米飯有白糯米和紫米兩種，非常有趣，亦可以作打卡之用。⟢ 4. 椰汁冰 | 龍眼冰椰汁冰奶香味濃郁，龍眼冰則口感清爽。難怪這麼多街坊都推介好運泰國美食吧。喜愛泰國菜的，真的要親自來品嚐一下！

泰國癮忽然發作，但係又請唔到假去泰國旅行😈一於嚟新蒲崗呢間好運泰國美食，餐廳位於小店林立嘅新蒲崗廣場，定價真係親民，啱晒一大班朋友去刷餐勁😎呢個價位真係買少見少！泰式炸蝦餅幾乎每一間泰國菜都會有嘅前菜小食，炸得好香口🤭蝦肉肉質鮮美，口感好彈牙😀配上特製醬汁真係零舍醒神🤩青咖哩雞大大碟嘅青咖哩雞，雞肉份量驚人😬咖哩香辣混合一陣椰奶甜味，正正係泰菜最引人入勝嘅地方😋香酥薄餅食咖哩一定要配埋薄餅，先夠晒泰國風味😁泰式乾炒豬肉河鑊氣十足，非常香口🤪材料亦好豐富，以晚市嚟計六十幾蚊一碟真係物超所值😍芒果糯米飯泰國經典飯後甜品，當然唔能夠錯過啦😜香甜嘅芒果配上糯米飯軟糯嘅口感，真係一秒返咗去泰國街頭咁👍泰國奶茶、泰式檸檬茶食泰國菜要整返兩杯泰式飲品先夠地道🤣

今晚同朋友去新蒲崗搵食，行過商場見到間泰國菜館，價錢幾平民就試下啦！ 首先叫咗個**蒜蓉炒芥蘭**，夠鑊氣又唔會太油，芥蘭爽脆仲有蒜香，好開胃！跟住個**菠蘿炒飯**都唔錯，炒得粒粒分明，仲有啲肉鬆，口感豐富。 最驚喜係個**香酥薄餅**，外皮脆到不得了，入面軟熟，點埋咖喱食真係無得彈！講到**黃咖喱海鮮**，椰香味濃但又唔會太辣，海鮮份量都算足，撈飯食一流。 另外叫咗**豬肉串燒**同**雞肉串燒**，燒得啱啱好，肉質嫩滑，點埋沙嗲醬更加惹味。 整體來講，呢間泰國菜性價比高，味道正宗又抵食，下次一定會再幫襯！

位於屋邨商場嘅泰國餐廳泰國菜款式都幾多👍🏻叫左泰式肉碎蛋餅半煎炸嘅蛋餅好香脆而且可以點埋辣醬，就算唔點都夠調味喇沙摻摻椰香味都幾突出而且唔會好鹹有魚蛋，蝦，豬皮，豆卜好多料😋米粉同油麵嘅口感都啱啱好唔會淋曬！串燒飯除左豬牛雞嘅串燒，仲有煎太陽蛋！串燒嘅調味都唔會好鹹點埋沙爹/酸辣醬好開胃🤤椰汁西米糕甜度適中而且share每人兩粒啱啱好～龍眼冰超多龍眼肉😍整體飲落唔會太甜椰汁冰椰香濃郁好好飲

今次喺新蒲崗廣場搵到間好唔起眼嘅泰國餐廳，食物有驚喜！1. 香葉肉碎飯（$59 + 煎蛋 $8）一上枱已經聞到香葉嘅香氣，肉碎炒得夠乾身、唔油膩，由細辣到大辣任揀，我揀咗中辣，啱啱好又唔會搶味。煎蛋煎到外脆內流心，撈埋飯一齊食超正，辣香撲鼻，一啖接一啖。2. 泰式豬頸肉飯（$61）豬頸肉炭香味突出，外脆內嫩，咬落仲有啲肉汁，加埋酸酸辣辣嘅醬汁，解膩又惹味。白飯好香，整體份量啱啱好，配菜都算有心思。整體嚟講，環境舒服、裝修有泰式風味，價錢親民，值得再嚟試下其他小炒同甜品！

今日同同事去咗新蒲崗食lunch，雖然位置有啲難搵，但食物真係幾正宗！🍚 香葉辣椒肉碎炒飯一上枱就聞到好香香葉味！炒飯夠鑊氣，辣度啱啱好（可以叫佢調校辣度）。🍜 泰式干炒河河粉炒得夠乾身，唔會一pat pat。配料有豬、芥蘭同蛋絲，幾啱香港人口味。嫌唔夠辣可以問佢拎辣椒粉～🍮 芒果糯米飯芒果超甜！糯米飯暖暖地，椰汁香得嚟唔會太漏。雖然唔係用原個芒果上枱，但呢個價錢來講已經好抵食！🦐 泰式炸蝦餅即叫即炸熱辣辣，外皮香脆，蝦肉彈牙，點埋甜酸醬。一份有四件，兩個人share啱啱好。🧋 泰式奶茶茶味夠濃，甜度適中。最緊要係夠凍，食完辣嘢飲一啖真係爽呀！環境：冷氣夠涼。雖然位置有啲隱蔽，但午市都幾多街坊幫襯，證明係有實力！服務：態度幾好，落單快上菜更快。趕返工嘅話呢度絕對係好選擇～總括：食物質素拍得住九龍城泰菜！兩個人食到飽飽，絕對會encore！下次想試埋佢個生蝦刺身同青咖哩～

黯然銷魂飯與泰式小吃位於新蒲崗廣場一家泰式餐廳。首先是“黯然銷魂飯”，這道菜的米飯軟糯，淋上濃郁的醬汁後，口感特別好。泰式叉燒做法有所不同，食落去實在是令人難以忘懷。有少少像鴨胸的烹調手法值得一試。然後是“泰式手抓餅”，外皮酥脆，裡面的餡料也非常多汁，搭配上特製的醬料，真的是一口接一口停不下來。再來的“喇沙摻撥”則是另一種驚喜，湯頭鮮香，搭配滑順的麵條，滿足！串燒部分也相當出色。“牛肉串燒”、“雞肉串燒”和“羊肉串燒”都烤得恰到好處，特別是牛肉串，肉質鮮嫩，散發著誘人的香氣，讓我忍不住多點幾串。最後，我點了一杯“泰國奶茶”，濃厚的奶香和茶香圍繞在嘴裡，讓人感覺十分放鬆。整體而言，這頓飯的價格也相當合理，對於喜愛泰式料理的朋友們，這裡絕對值得一試！真心推薦！

前排同朋友搵食，搵到一間新蒲崗嘅泰式餐廳，點咗六款菜：泰式脆皮燒五花肉飯、青咖喱牛肉、蒜蓉炒通菜、蒜蓉包、蜂蜜生薑茶同椰汁冰。真係食到我哋讚不絕口，每道菜都有驚喜，味道正宗，簡直係泰國街頭feel！💥首先講講泰式脆皮燒五花肉飯，呢個真係全場MVP！五花肉燒到外皮金黃脆卜卜，一咬落去「喀滋喀滋」，真係爽到飛起。肉質肥瘦啱啱好，油香同瘦肉嘅咬口完美平衡，仲有陣陣燒烤醬汁嘅甜鹹味，泰式風味爆棚。配飯更加係粒粒分明，吸晒啲肉汁同醬，食落又香又滿足，份量啱啱好，鍾意燒肉嘅朋友一定唔好錯過！💥跟住試咗青咖喱牛肉，呢個真係泰國菜嘅靈魂！青咖喱醬濃稠得來唔會膩，椰奶香氣撲鼻，仲有青檸葉、羅勒同少少辣椒嘅清新辛香，辣度啱啱好，刺激味蕾又唔會太過火。牛肉燉到入口即化，每啖都沾滿咖喱嘅濃郁味道，配碗白飯，食到好似置身泰國街頭小店咁！同五花肉飯比，青咖喱更濃烈，鍾意重口味嘅朋友會好中意。💥蒜蓉炒通菜就係一道清爽嘅配菜，平衡咗成餐嘅濃味。通菜炒到爽脆，仲保留到菜嘅鮮嫩口感，蒜蓉香氣好濃但唔嗆，簡單調味已經夠突出食材嘅原味。喺濃味主菜之間食呢個，係一個好嘅「休息站」，畀味蕾透透氣。雖然係簡單菜式，但炒功同食材質素

星期日同男友去咗新蒲崗一間泰國菜餐廳，期待已久嘅泰國美食終於嚟到！餐廳環境簡潔明亮，裝潢帶有濃厚的泰國風情，讓人一走入去就感受到熱情與活力。### 燒牛肉串燒首先，我哋點咗「燒牛肉串燒」。牛肉串燒外焦內嫩，香氣四溢，淋上特製的醬汁，味道更加出色。牛肉的質地非常鮮嫩，燒烤過程中保留住肉汁，咬下去非常多汁，配搭上新鮮的青椒和洋蔥，增加了不少口感和風味。##＃燒白鱔接下來，我哋又叫咗「燒白鱔」。這道菜在泰國菜中頗受歡迎，白鱔的肉質滑嫩，燒至外表微焦，口感更佳。配上香料和檸檬，鮮味被充分釋放，吃起來非常開胃。### 馬拉盞炒通菜第三道菜係「馬拉盞炒通菜」。馬拉盞是泰國特有的香料，味道獨特，這道菜用上新鮮的通菜，炒至翠綠，保持了菜的原汁原味。馬拉盞的香氣和微微的辣味完美融合，增加了通菜的風味。。### 豬頸肉炒飯接著，我哋點咗「豬頸肉炒飯」。豬頸肉嘅肉質鮮嫩，搭配米飯炒得粒粒分明，每一口都能感受到肉香與米香的交融。特別係炒飯的調味，恰到好處，不會太鹹，還帶有淡淡的香氣，讓人食欲大開。加上新鮮的蔬菜，令整碗炒飯更加豐富，口感層次更加多樣。

最近我同朋友去咗新蒲崗廣場「好運泰國美食」，食咗一餐泰國料理🇹🇭✨主菜我哋叫咗一碟泰式炒蝦肉金邊粉。蝦肉新鮮，金邊粉滑潤，醬汁香濃，落埋青檸汁帶有一點微酸，非常開胃🍤🍋‍🟩炭燒豬頸肉，大大塊又多件，肉汁十足。搭配特製醬汁，味道更上一層樓！呢道菜非常適合與朋友分享🍖 👍 串燒我哋叫咗燒生蠔，蠔肉新鮮，配埋蒜蓉食正呀🦪 另外仲叫咗雞肉串燒，肉質嫩滑，香氣四溢，可以配搭花生醬或者甜酸醬，味道更加豐富🍢 😋甜品方面，芒果糯米飯絕對係一大亮點。白色同紫色糯米加埋芒果，顏色配搭鮮艷。糯米香軟，搭配新鮮芒果，加埋椰汁甜而不膩🥭 ❤️飲品方面，朋友點咗黑咖啡椰汁冰，配搭特別又有香濃咖啡味☕️🥥 我就叫咗泰式奶綠，而泰式奶綠則香濃順滑，適合炎熱的天氣🍵

新蒲崗返工無意間發現「好運泰國美食」，主打地道泰菜，價錢落地但份量十足，啱晒鍾意泰菜又想食得飽嘅朋友！今次試咗幾款招牌菜式，首先係泰式濕炒雞河（$70），一上枱已經聞到撲鼻鑊氣香，雞肉炒得嫩滑多汁，唔會乾柴。河粉掛滿金黃色醬汁，鹹香中帶微微甜味，同時有淡淡辣意，味道層次豐富，炒得夠鑊氣又唔油膩，真係令人停唔到口。泰式豬頸肉炒飯（$66）同樣令人驚喜，炒飯粒粒分明，油香四溢，炒得夠乾身。豬頸肉肥瘦適中，燒得微焦香脆，入口煙韌富咬口，咬開仲滲出肉汁，配埋少少青檸同辣椒魚露更加惹味！最後一定要試佢哋嘅泰式炸蝦餅（$78），外皮炸得酥脆金黃，唔會油淋淋，內裡真係望至有蝦肉，好彈牙，配埋酸甜泰式醬汁一齊食，更加開胃！

以前想食泰國野都會去九龍城，但今次意外發掘左新蒲崗呢間都不錯！——好運泰國美食餐廳提供既美食應有盡有, 有串燒, 湯河, 金邊粉, 沙律, 等等泰式美食, 價錢亦超值正宗泰式船河($52)+豬頸肉(+$5)算係我食過其中一碗最好食嘅船河! 湯頭濃郁好夠肉味, 配上豬頸肉, 比例剛剛好！豬頸肉真係值得一贊！唔會肥, 食落好爽口, 份量亦都足, 非常滿意!强烈推薦！蒜蓉炒通菜($58), 好香蒜蓉味, 唔會太油, 比例剛剛好, 少少辣，但可接受！份量亦足夠！青胡椒炒大蜆($138)青胡椒炒大蜆辛香撲鼻，蜆肉好肥美！微辣胡椒唔會遮蓋左蜆的鮮甜味，辣辣地又有蜆汁既鮮味,味道不錯！而且火候岩岩好, 蜆肉仲係彈牙口感,！不得不説蜆真係好大粒，同埋係真係新鮮！ 菠蘿梳打大大杯,好清甜，配泰餐好適合！總結: 極具風味既泰式隱世小店， 價錢宜人，味道可口，非常推薦各位一試！