威威小食

營業中

休息中

好掛住以前唔使戴口罩周圍掃街嘅日子😭 小編行過終於忍唔住，食返啲久違咗嘅旺角街頭小食！😋 凍食八爪魚（細碗） $28$28對一樣街頭小食嚟講都算有啲貴，不過見招牌寫住「招牌深海八爪魚」，價錢牌又寫住「鎮店之寶」，所以就試吓啦🤣 店員喺雪櫃拎咗勁大隻深海八爪魚出嚟剪，然後加咗甜醬同黃芥末。甜甜哋凍凍哋食都幾惹味，仲要耐唔耐有黃芥末供鼻嘅感覺，真係感覺返晒嚟🙊 八爪魚自己嘅味仲喺度，仲要好彈牙，感覺都幾新鮮，街頭小食嚟講都算好高水準！

威威小食，一間你估佢唔到嘅黃店，躋身喺小食店同茶店林立嘅登打士街，居然可以屹立咁耐，真係唔講得笑。上次幫襯已經係好幾個月前，叫咗佢哋嘅招牌咖哩三寶，當中最好食嘅肯定係麵筋，嚿嚿都吸滿醬汁，非常入味👍；陳皮魚蛋雖然並唔係我杯茶（我鍾意味道同口感似炸魚片嘅魚蛋），不過蘸咗咖哩汁，都幾好食；至於八爪魚呢，就味道正常。希望武漢肺炎快啲走，大家可以過返啲正常嘅生活，唔使下下都要戴住個口罩，唔可以安心企喺街邊篤嘢食😂。

自疫情開始好耐冇掃過街🤘🏻，因為真係唔想係街除口罩😷。但真係真係好肚餓，又臨近食飯時間唯有倒少少嘢落肚頂住先。 ————————————————————————舔舔脷指數 : 🐽🐽🐽🐽🐽🐽🐽(7/10)+0.5抵食指數:🐽🐽🐽🐽🐽🐽🐽(7/10) ————————————————————————凍八爪魚🐙(大/細 $43/$28) 🐖嗌咗細碗，大概有10舊8舊，28蚊其實都有啲貴。食落幾爽口，肉質都幾結實，好夠凍❄️，唔會話仲暖暖哋咁，加埋佢秘製醬汁😙(其實應該係麻油+糖+豉油)，再加甜醬，撈埋一齊好夾好好味。👍 如果要同肥姐比，佢口感上係差啲啲，因為🐖中意食爽嘅嘢，但因為佢係白色唔係橙色感覺上冇咁化學好似健康啲🤣🤣🤣，同埋佢個醬係精粹，再加上佢係黃店，所以佢完勝😝。 除咗八爪魚仲有好多唔同地道小食例如魚蛋丶燒賣丶臭豆腐丶炸大腸同雞蛋仔等等等等，如果唔係天氣熱想食凍嘢其實都幾想試下佢啲牛雜。😌

近期疫情問題，少左係外面食野，所以次次黎開呢頭辦事想試呢間小店都試唔到。是日附近工作完咁岩可以拎外賣去人地office食，同同事share。試左招牌三寶(陳皮魚蛋、麵筋、八爪魚)$30，煎釀三寶$10三件，再另外加多一份陳皮魚蛋$10十粒。三寶的八爪魚幾好食，同事話同小店淨買個款深海凍八爪魚略不同，因為一個凍個一熱食，兩款風味，但都好食。而且呢個熱食撈埋佢底下個微辣汁，係更加好食！麵筋都好食，平時唔係到到有得食，掛住d汁好滋味。陳皮魚蛋好好食！陳皮味好重，好好嚼！我叫辣味的，佢的辣味唔會太辣，岩岩好，我係咁一粒粒咁食！好在我醒目叫多左份！煎釀三寶，我叫左紅腸，豆腐，茄子。紅腸我無食，同事話唔錯。豆腐同茄子係我食，茄子厚身軟淋，好食。豆腐唔厚係薄身的，但入口居然係嫩嫩的好好食！第一次食咁好食的煎釀豆腐！呢到加埋50蚊，份量都唔細，cp值高，又係良心店，下次一定會再幫襯！p.s. 呢排經過開見到呢間人流好少，希望大家經過要支持下，難得近油麻地有好食又抵食的良心小食店。剛剛好威威隔離仲要係良心飲料店茶半香初，剛好可以順道買飲料支持！

旺角話大唔大話細唔細,但咁多野睇,如果同朋友一齊.就好容易行到半日一路行一路飲野一路傾計,好容易又肚餓,經過威威小食,不如就黎個小食啦香港街頭小食真係令人無法抗拒,今次黎個經典香港街頭小食雞蛋仔啦,依家好多舖頭都會係雞蛋仔到加雪糕,好睇得黎又幾夾,好似食緊雪糕waffle咁,即刻為香港小食增加左份西洋風味雞蛋仔係我鐘意ge外脆內軟,唔係空心,蛋餡過半,味道香甜雪糕不過不失唔算突出整體唔錯,一流ge掃街小食

經過開旺角見有啲肚餓，想食串魚蛋，但呢個時勢掃街又好似有少少危險，最終見到呢間乾乾淨淨整整齊齊嘅小食店，就忍唔住入去食❗️分別叫左一串魚旦 $10 同一串炸司華力腸 $10，呢個時勢下仲有咁平算難得，本來本住平野冇好既心態，但整體都算唔錯❗️❗️❗️❗️❗️先講魚蛋，算彈牙，又有魚旦味，加上辣汁又辣得好惹味，一絕❗️❗️❗️❗️之後到司華力腸，大大條啖啖肉，炸埋又唔會太燶，好香脆整體黎講不錯，水準之上❗️

跟一月相比，旺角街頭的人流真的少了很多。在這疫境兼逆境期間，為了支持良心小店，於是就決定親身去旺角出錢支持！路過登打士街，看到「威威小食」貼有連登米豬連認證，想也不想就叫個小食，滋味一下！「威威小食」最出名的是八爪魚、咖哩魚蛋等街頭小食，不過當時我想吃雪糕，所以就叫了個原味雞蛋仔配雪糕，盛惠25元！雞蛋仔即叫即做，等了十多分鐘，連埋我在內只見四個人幫襯。唉！少了人出街，疫情真的對食肆生意帶來嚴重影響！十多分鐘後，雞蛋仔配雪糕新鮮出爐。雞蛋仔真材實料，暖笠笠又香脆，每一粒都很結實；雪糕方面我揀了最愛的朱古力味，再淋上朱古力醬，雙重滋味，正！怕人多怕dine in的話，這期間不妨改為叫外賣，與良心小店共渡時艱！

一日一黃店 旺角登打士掃街黃店呢間見到佢有米豬蓮貼紙 所以試試 真心有驚喜上網搵番黃店原因 店主有表態支持手足但是日店內 就幾低調冇文宣 只有米豬貼紙.要試試掃街質素梗係試魚蛋 呢間係用陳皮魚蛋呢日叫左⭐️咖喱三寶$30有魚蛋 燒賣 八爪魚 麵筋選擇我想食魚蛋 同八爪魚 再求其揀咗個麵筋👌🏻魚蛋同八爪魚都ok (常見 未到好特別）👍🏻麵筋口感似係齋滷味嗰類😱點知最好食就係個麵筋 有驚喜👍🏻因為呢間辣汁 點咩都好食 真心唔錯‼️而因為個麵筋最吸汁 必點.#威威小食 (旺角)地址：旺角登打士街43號B地舖.⭐️評分：味道：4.5/5 魚蛋八爪魚3.5 麵筋4分 辣汁5分環境：-/5服務：-/5抵食：3.5/5.‼️想睇更多資訊‼️ig/facebook： hkfunfoodrecord

晚飯後經過登打士街，見到威威小食店，香港既街邊檔一向都馳名中外，而且好耐都無掃過街，而聽聞小食既味道都唔錯，不訪一試，睇下佢咩料先招牌深海八爪魚🐙（$25）本人都好喜歡食八爪魚🐙，知道依檔小食主打招牌是八爪魚仲要係深海的，一定試下，小份賣$25，大份賣$38，我買左小份，份量都足夠，首先阿姐服務態度好好，八爪魚係即時剪的，個人覺得食八爪魚或水魷一定要食鬚，此店都好好有好多鬚位，入口彈牙肉質鮮甜，完全唔會好似擦膠咁硬，確實好鬆軟，醬汁味道惹味，加左麻油令整件事更完美，值得推介。

逛街有點餓，又未到晚飯時間，最適合掃街安撫一下把口同個肚，呢度既凍八爪魚就啱晒我胃口！八爪魚爽脆唔韌，無雪味，配麻油很香，不膩。最初我有掙扎是否加上芥末和甜醬，怕味道九唔搭八，但諗住既然本身呢個小食係配呢兩隻醬，就決定一試，點知味道竟然好夾！芥末醒神，甜醬不多不少，剛剛好既甜味增加了味道既層次，真係幾好食！另外店面整潔，感覺上算乾淨，加上在有良心的小店食野，份外舒服。鍾意食爽口食物既朋友不妨一試。

前幾年嚟呢度我發誓唔再去呢間野度食，因為之前食嗰啲滷味食到我腸胃炎，但係今日再試一試佢嗰個招牌八爪魚我又覺得OK，見佢係個雪櫃到攞個八爪魚出黎剪剪剪，然後落左啲麻油芥辣，試完又幾好食，我覺得再凍啲會好食啲，但係我就覺得價錢有少少貴

🔻威威小食香港街頭小食黎講 咖哩魚蛋係小編嘅至愛🤗魚蛋$10有10粒 採用細細粒嘅陳皮魚蛋🐟醬汁應該加左大量洋蔥製成 魚蛋好入味👍🏻👍🏻食落除左咖哩嘅香辣仲有D微甜😋

睇YouTube見到笑波子段片介紹呢間臭豆腐，覺得好吸引，於是就即刻去左西洋菜南街嘅盡頭試下😆•🥔臭豆腐（$12）即叫即炸，絕對唔係hea你，外脆內嫩，個豆腐皮係我食過嘅臭豆腐之中炸得最脆最有水準既😍不過佢就冇平時食開嘅咁臭，可以再臭啲會再正啲🙉落埋啲甜醬豉油辣醬真係好好食呀，值得一試👍🏻•🍢魚蛋（$10/ 10粒）係我最鍾意嘅陳皮魚蛋，好煙韌有咬口，辣比唔辣更好食，仲好香🤤————————————（5⭐️滿分，💫為半分）整體環境：⭐️⭐️⭐️食物外觀：⭐️⭐️⭐️💫味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️————————————👇🏻歡迎睇更多同類食評👇🏻#fatfatman旺角#fatfatman小食#fatfatman港式————————————📍威威小食 (旺角)旺角登打士街43號B地舖

夜嘛嘛肚餓，想搵掃街嘢食想食臭豆腐。本身去開corner位嗰間買，點知個間竟然無左。跟住見到好幾間都closing，幾驚無嘢食。好彩行多幾步就見到威威小食有得賣。$12 公價要左件臭豆腐，d staff好nice又好細心問我地要唔要剪開，然後一件都可以用碗仔裝俾我地，比較衛生同容易食d又可以食得乾淨d，不過老實講，味道就不過不失，無咩特別，過下口癮係okay嘅。可能夜啦，舊臭豆腐都脆脆地但唔係好夠熱。

其實我都好鐘意食街邊野，因為方便又快，醫肚最岩😁 去到旺角，唔係唔掃街嘛！今次行過威威小食，嗰度真係好多人流，好迫🤣 今次試咗個原味格仔餅🤣由於係新鮮整，所以等咗10分鐘。 新鮮出爐格仔餅， 佢比一般嘅格仔餅厚身， 食落好有質感好飽肚😋 皮邊脆卜卜😋店主一啲都唔吝嗇，搽咗好多醬😋 不過掃街嘅唔好處就係會流曬啲醬落個袋入面😫下次可以試下其他味格仔餅😆 而且仲有不同口味嘅雞蛋仔配生果配雪糕😉 仲有鹵味魚蛋🤣🤣🤣