威記海鮮酒家

營業中

休息中

今日約o左朋友行完山去食海鮮, 因不知道邊間好食, 所以在此網站睇到"威記"就去試。到此食店環境普通, 不是太多食客, 但招呼好, 選海鮮時老闆亦比到忠肯的意見。我們九個人叫o左六個海鮮、兩個菜、湯粉、白飯、汽水及啤酒埋單$1700有找, 扺食,好味道！

02月9日老公生日,下午先帶佢去山頂食lunch,夜晚再同佢去南丫島食海鮮,見之前0既食評都話呢度好老實,好!!就去呢間試下!!因為我地去果日係星期四,所以果度好靜,可以話果一帶只係得我地同隔離天虹0既一枱鬼佬客,攪到我老公唔鍾意,太少人,冇氣氛.先講個環境,妤明顯呢間唔及隔離天虹,個魚缸唔靚,比起隔離天虹差得遠,(不過0黎呢度係食好0野,都唔會介意佢外表,只係想比個心理準備各位).海鮮種類好少,我地去到想叫多幾樣海鮮都冇.我地叫左:1)芝士焗龍蝦($210)-好細隻,我地已經叫佢捉大隻d,果隻已經全間鋪最大果隻.有好多蝦子.味道比我預期中好食好多,芝士汁ok濃同夠味,隻龍蝦好鮮味,我諗佢係煎一煎先再焗,可以鎖住d水份,又會香口d,好食過長州0既海龍王;2)椒鹽瀨尿蝦($90)-佢炒得太耐喇,冇晒水份,乾爭爭,如果唔係本身隻蝦都幾鮮0既,呢一味唔及海龍王,而且隻蝦又細又貴,$10一兩!我地叫左4隻,有一隻係唔知死左幾多年0既,一打開d肉梅晒,我地同老細講,果隻當然唔收$,原本$130 4隻,果隻死蝦佢一扣扣左$40,果然夠老實.3)蟹肉栗米羹($40)-應該係蟹"殼"栗米羹,不過都有少

味道一般，可能係少味精，而且勝在老實；門面好舊，又冇乜食客，如果唔係check過呢個網頁，實去天虹.....唔加一，抵讚冇茶介，抵最好係我拿隻龍上手，感覺係一斤度，我估佢會開高d，斤二、三咁上下，但佢竟然話十五，好感突然湧上!回來後再睇番d食評，原來南丫島咁多黑店，我頻呼好彩

一行數人行完山找野食,街頭街尾行一輪,見到呢間有d套餐幾似樣,每人幾拾元,魚蝦蟹齊晒,又幾好味,又無亂收費,食幾多俾幾多,可以話平,招呼幾好架,有問有答個胡鬚肥仔幾好人架,我其中個朋友當日生日,我們也沒有向他說,只是閒談給他聽到,竟然送我們一碟壽飽,幾驚喜呀,下次一定再去

個日去南丫島食海鮮,有朋友介紹威記,姑且試下,門面就麻麻地,見個肥仔個樣幾惡死,招呼就竟然幾好,會主動話你知有咩好食,又要你不叫太多,慢慢食,我們叫了個八人餐,魚蝦蟹也有,豉油王蝦好好味,吉列鮮魷要再要多碟,條魚剛熟很鮮味,整體也很好,而且肥仔又送汽水又送生果,又話0吾夠飽炒飯就大碟D,又幾好傾嫁,埋單是食幾多比幾多,無茶介雜費加一,就真係抵食,臨走又話好傾,再送碟甜品,杞子菊花茶凍糕,透心涼無得頂,下次一定再來.

原來以前鏞記o既大廚o黎o左依度做!! <br>蒜茸蒸聖子好鮮甜呀!!!!!!!!!!! <br>牛油芝士蝦(伊面底)同芝士焗龍蝦o既方法一樣~ 好多蝦呀!!!!! 好好味呀!!!!!! 我又破戎啦, 食o左好多伊面呀!!!!!!!!!! ^O^ <br>椒鹽瀨尿蝦好大隻, 好香, 好鮮甜!! 正!! <br>清蒸紅松仔好鮮甜!! 火喉o岩o岩好!! <br>依度有自製五花茶o架!! ^O^