孖仔冰室

營業中

休息中

黃大仙呢間街坊平民餐廳，每日午餐時間都會有唔同嘅餐單，同埋有個WhatsApp嘅群組，加入咗佢哋嘅廣播之後就可以收到當日嘅午餐Menu蒜香雞扒餐肉飯 $48雞扒唔算太大份，份量適中，配上濃郁嘅蕃茄燒汁味，加埋餐肉，都好送飯。一個餐配埋是日例湯同埋一杯熱飲，價錢都好抵，所以吸引到好多唔同街坊嚟幫襯咖喱雞飯$48咖喱雞飯嘅咖喱汁比起出邊嘅咖喱會比較稀啲，但咖喱汁都好惹味，撈飯食一流。魚香茄子飯$48魚香茄子肉碎偏少，如果可以用上再多啲就更加好啦👏🏻

餐廳嘅位置唔起眼，入去之後發現別有洞天，午餐時間入面坐滿晒人。1️⃣涼瓜火腩飯涼瓜火腩飯係當日嘅午餐精選，所以好快就有得食。火腩浸咗汁入邊一段長時間，所以皮已經唔夠脆，如果可以喺食之前先將火腩放喺汁入面口感會更佳🙈2️⃣蒸雞蛋肉鬆飯蒸水蛋上面淋嘅豉油係蒸魚豉油，蛋蒸得超滑👍🏻另外值得稱讚嘅係每碗飯都係熱辣辣，食落暖胃❤️3️⃣茄子腩肉飯茄子整得好腍👍🏻，不過應該係新鮮整出嚟，所以唔夠入味，但肉嘅份量比得大方，汁嘅味道同涼瓜火腩飯嘅汁係一樣嘅😋如果揀當日午餐精選會送埋湯同埋一杯熱飲

今日透過某外賣平台 買咗個外賣～黑椒汁牛扒飯+凍檸茶✨🖤個外賣包得幾好 👍🏻冇倒瀉 啲餐具🍴都比到足✨一打開個外賣 摸到個外賣盒 已經感覺到入面啲嘢食 仲係熱嘅 個外賣盒質量 比平時茶餐廳嘅外賣盒厚 平時茶餐廳嗰啲 我拎到返屋企 仲要加熱先食得依一個唔使✨🖤 好感度 即刻上升 🔝覺得單憑個外賣盒 就已經感覺到好有誠意我覺得個黑椒汁有少少酸 唔知係咪生抽落多咗少少 可能本身港式嘅黑椒汁就係咁樣 我依個00後唔係太清楚 不過整體個味道嚟講 好味嘅🖤

我就到呢間冰室附近嘅學校（都幾遠嘅），因為驚唔夠時間食飯，約咗同學一齊去食。因為之前經過睇過餐牌，見到價錢都幾經濟，最多都係五十幾60幾蚊。而且見到都好多人入去食（我覺得如果多人食，應該唔會難食得去邊）。好啦，跟住之後就同同學入咗去啦。入去嘅時間大約下一點啦，入邊呢就冇乜人嘅，但係食吓食吓就好多人。其實裏面鋪位好細，不過啲卡位就幾闊落，中間有兩張枱正中間咁擺咗喺度，就冇位放袋，坐嗰啲位都幾陰公。走廊好窄，肥少少都過唔到。我認為佢個常餐五香肉丁麵同埋沙嗲牛肉麵好值得大家去試。五香肉丁麵佢嗰種辣嘅感覺唔會令你覺得唔舒服，麻麻哋，又有少少刺激咁樣（但我同學食到嘴唇紅晒） （佢淨係可以食到少少辣） （我好食得辣），所以如果唔係好食得辣嘅朋友就唔好去試。跟住個沙嗲牛肉麵個牛肉勁好味，好滑，好林。呢兩個餐仲會配埋一杯熱嘢飲同埋火腿奄列加牛油厚多士。如果大家鍾意我呢份食評嘅話，請一下面俾個心心同埋關注我啦(●’◡’●)ﾉ