孖寶小廚

營業中

休息中

20211208 聯和墟開飯，又睇下邊一間未試過，今次試食孖寶小廚，名字幾有鑊氣，但其實都算是一間茶餐廳，地點位於粉嶺聯和墟聯和道7號地下，大約位置就是球場對面時間大約六時多，約有七成客人，幸運地可以坐卡位晚市套餐($62)每人送上一個例湯，忘記了甚麼材料，不是"清水灣式例水"，熱騰騰，味道不錯的點了:欖菜肉鬆四季豆呢個菜式惹味，欖菜味唔算濃，上枱熱哄哄，但又唔算有鑊氣，味道中規中矩鎮江豬扒豬排肉質麻麻，走油過火太乾身，鎮江汁味道倒是不錯，酸甜開胃白飯軟硬度適中，不過份量不多，鬆鬆散散放成一碗，不像其他食店圓形裝滿一碗餐飲熱奶茶少奶，凍奶茶少甜奶茶細滑有茶香，檸茶有茶味，不錯的埋單: $124，有例湯有餐飲有飯有主菜，每個餐$62，價錢合理，但味道又唔算十分出色，普通試食開飯一餐，又唔會特別想二次幫趁

早餐經過這裡，隨意選了一間試一試。依間啲早餐價錢普遍都算便宜，叫了個肉丁麵要餐肉腸仔加個多士（加了$2要奶油），熱咖啡先$32。熱咖啡先到，味道偏淡。肉丁麵佢話係一丁，咁好送一丁俾我？試落好似真係一丁但偏林身。肉丁正常份量。腸仔炸丁到皮都甩埋，不過好似係廚師腸？！餐肉算唔薄身。奶油多，烘到乾得滯，好少奶油，早知叫多奶。呢個價錢其實就一分錢一分貨，你唔可以話佢差， 性價比都算係咁。

Lunch 又諗唔到食咩咁就又去茶記食常餐哩度都有d難搵 可能第一次咁行入聯和墟 都係飲茶走 唔夠甜唔夠滑包有d凍奄列ok五香肉丁米線又幾好食啵米線好滑 煮得夠淋 仲幾入味五香肉丁好惹味正

我幫朋友占卜，朋友話請翻我食飯，點餸時第一句問有無乳鴿，已經覺得奇怪！心諗佢地嘅乳鴿真係好好味？滿腦子疑問......到乳鴿上枱時，未食已經知道好味，因為乳鴿 size 比較細，真係乳鴿唔係老鴿，食上口肉質鮮嫩，滿分！椒盬鮮魷炸到過咗少少火，但仍可接受，係外脆內軟，琵琶豆腐處理得啱唔會一夾就散，蒜香骨外表以為炸到過火，但肉汁豐富，被佢外表呃咗，醉雞酒味唔太重，雞肉肉滑鮮嫩，唔錯！最後老闆娘好健談好好傾，下次再黎幫襯！

中學時期喺隔離返學，每日中午食飯時間到處例多人，在中學生活講求平和快，只有這間餐廳有位前(文記)但食物太求其，可能價錢和廚師質素有關，我所記得往年換了大廚味道和食物提升了好多，但我只吃了半年就去了外國升學，今次回來相約舊同學午餐，見轉手叫(孖寶)装修光猛，整潔，但有同學說試吓，點知食了乾炒牛河又中伏，多油和咸，其她同學也有相同多油和咸，奶茶就ok，當路經洗手間時發現又是當年這位廚師……唉怪不得啦、同學感覺只此一次，不會再來

呢間餐廳新開，今早食早餐，店員熱情招呼，門口仲有個店員幫手睇車，可以放心啲食！茶餐廳格局，新開地方新淨，多了懷舊嘅相片裝飾！早餐都係大路茶餐廳早餐！不過廚房得一個阿姐煮食，上菜比較慢！仿鮑片火腿通粉（$28）通粉彈牙，罐頭雞湯底香濃，火腿正常，鮑片彈牙但味道較假！煎雙蛋白麵包：蛋要反蛋，煎得香脆彈牙，麵包走牛油，味道正常！熱檸茶：茶底夠濃夠熱唔澀！茶餐廳水準第二日試：吉列豬扒湯烏冬（$32）吉列豬另上，炸得香脆但有啲黑，湯底香濃，烏冬幾彈牙！味道唔錯熱檸茶：茶底夠濃夠熱唔澀！茶餐廳水準食物幾好！店員熱情！但上菜太慢，尤其我食吉列即炸食物，所有朋友食晒都未上！當時只有十多個客人，好難想像人客多要等幾耐！有時間等先好去食

新開張去幫襯下，叫了兩個小菜，其中一個是南乳齋煲。好失望，南乳齋煲像水汪汪一樣，沒有枝竹，沒有荳朴，只有茄子加一少部分唔知是米粉還是粉絲，仲有幾磚豆腐。南乳就少得可憐，我估只有一個湯匙份量。我都係第一次食南乳齋煲用茄子去煮。叫伙記來問問是否上錯菜，佢話冇錯，只不過是唔同師傅有唔同煮法。我真的希望佢出去酒樓叫個南乳齋煲，睇下人地點樣煮法。至於白飯，就是用比較低檔的白米，因為的飯不是雪白色的。😭😭😭