存在與茶

營業中

休息中

滇紅大金針茶粒雪糕 $45粒粒茶葉碎，犧牲咗雪糕原本順滑嘅口感，換黎咀嚼可得嘅馥郁芳香！會唔會有人食完雪糕鍾意咗品茶呢？小小提議，可以喺各款雪糕下方標明茶種及其特色，顏色相近有啲難分辨！正山小種順滑雪糕 $52竟然仲貴過有特色嘅茶粒雪糕，係咪因為多咗隔茶渣呢個步驟呢？幼滑綿密，口感似返高級gelato！甜而不膩，奶香唔會蓋過茶香。正岩水仙熊仔凍茶 $50大大隻嘅熊仔冰粒超得意，有幾款唔同嘅表情/動作～可惜心急嘅店員好快就到咗啲茶落去，想影相打卡要快手！高級茶葉果然唔同啲，草本幽香陣陣。平時普通珍珠奶茶舖嘅茶絕對無得比。正岩肉桂熱茶 $50水溫影響泡茶嘅味道，個人都係偏愛傳統熱茶多過冷泡茶，養生暖胃。貴為glassbelly副線，飲落好順喉，一啲苦澀味都冇，可惜桂皮味偏淡。係傳統同創新嘅交融！

經過K11見到間幾特別嘅茶飲店存在與茶以古典紅同淡金色為主色再以中式紫砂茶壺作裝飾主要售賣中式茶飲原來呢度係高級茶葉專賣店Glassbelly嘅副線台飲店就多中式茶飲真係少見呢度茶葉都唔係平時常見嘅選擇我都唔知點揀所以就決定問店員店員好細心問我想要嘅口味又介紹左唔同茶葉嘅香味同茶味等我選擇呢度嘅茶葉全部經過農藥測試不含鉛等重金屬同有害殺蟲劑健康有保障茶飲分為熱茶同冰茶相當貼心冰茶會有隻純茶冰小熊！好可愛😍店員會將熱茶倒到熊仔頭上慢慢小熊會慢慢溶化茶飲降溫好快基本上到手已是冰冰涼涼我揀左正岩水仙據店員介紹呢款係勞斯萊斯送俾客戶嘅中秋禮盒選茶質素一定有返咁上下！入口茶味唔會太濃唔苦澀有種沉穩嘅松木香味真係會令人有種放鬆嘅感覺好舒服😌除左茶飲存在與茶仲有賣茶味gelato分左茶粒同幼滑款有得試味我個人就喜歡茶粒款更有口感👍幼滑款就茶味更濃

平時唔多鍾意食日式綠茶雪糕，覺得味道好假好膠。對於愛茶嘅我，今次呢杯雪糕超晒班。我食左正岩肉桂gelato, 順滑型。係好滑好有茶味，尤其入左口有陳皮感覺，聽店員靚女講原來係靚茶一定會有柑橘類香氣，轉化左就會似陳皮。最正係食完after taste好勁，齒頰留香，慢慢滲出嚟。$52 兩球，都叫合理。可惜宜家得兩款，遲下希望佢出多d款一定再試。茶方面今次無飲，響經濟咁差環境下咁大膽開舖，應該都有一定實力。下次飲下。最差係k11 musea 果陣爆谷味，仲有超過70幾分具嘅音樂，嘈到暈。

存在與茶 今日同朋友行K11 ，見到開咗一間新茶店個名好得意叫存在與茶存在Gelato 比一般Gelato 再低一半糖；口感亦分咗兩種分別有顆粒同幼滑，店員仲好貼心原來可以一次試哂兩款口感，個人比較鐘意顆粒一啲，比幼滑多一份茶香味 正山小種：會比較有濃烈的松煙香正岩肉桂：茶味會淡少少且帶有花果香純茶凍飲$50今次試咗店長推薦滇紅大金針，飲落會帶甘甜且帶紫薯、麥芽糖等味另外佢地以茶製成熊仔茶冰係保持茶味的同時亦多一點童真心思，不得不讚靚茶就算唔加糖亦唔會有苦味，入口甘甜並且降血糖，絕對飲得安心又放心❤️重焙火正岩肉 （熱）$36 會帶有少少可可味，香氣就會似威士忌呢款茶幾適合女士飲用，可以減少手腳冰冷同促進代謝✨店員仲介紹呢個禮盒係送俾勞斯萊斯車主用茶😳（正岩水仙，滇紅大金針）📍存在與茶尖沙咀K11 Musea 2樓LA202號舗

「存在與茶」這是一間以茶為主題，提供獨特的茶飲體驗，讓你的味蕾既可享受高級中國茶，又能同時識到健康Gelato。「存在與茶」是Glassbelly的副線商品，而Glassbelly本身賣開高貴茶葉，可想而知質素有保證。正山小種味雪糕，價格分為茶粒口感的$45和幼滑口感的$52。這款雪糕使用中國武夷山產的紅茶，味道帶有嗇薇、橙和蜜糖的風味，入口後令人陶醉。最令我驚喜的是，這款雪糕的功效還包括幫助消化和降低心血管疾病，讓你在品味美食的同時也能照顧健康。點了一杯古樹白茶，這杯茶的冰塊是用茶冰鎮而成，形狀還可愛地呈現成熊啤啤的造型，簡直太可愛了！這款茶使用中國雲南的白茶作為底地，口感清新，帶有蜜糖、薄荷和大豆的香氣，喝起來非常清爽宜人。而且，這款茶的功效包括抗發炎、抗氧化和消腫生津。滇紅大金針（樽）$40。這款茶來自中國雲南，味道帶有紫薯、麥芽糖和粟米的風味，給人一種獨特的口感享受。除了美味之外，這款茶還有抗衰老、促進食慾和促進代謝的功效。在這裡還有以茶包裝的勞斯萊斯中秋禮盒，不論是送禮還是自用都非常適合。「存在與茶」令我留下了深刻的印象。他們的茶飲無苦味，甚至不需要加糖也能感受到茶的自然甜味