學利 (興華廣場) (已結業)

垃圾餐廳！等位同我講門口等，有位唔叫人爭啲俾其他人坐咗仲要話唔知我等緊咁你作為職員唔識睇吓門口有冇人等位嘅咩！一家人帶左個兩歲小朋友去任飲任食，同我講唔可以俾個小朋友食嗰啲嘢食在要收一個人頭錢一個兩歲小朋友你同我講要收一個人頭，真係搞笑，垃圾中嘅垃圾！

首先，講吓麵條，佢哋煮得啱啱好，有彈牙嘅質感，好吸附湯底嘅味道。再嚟係墨魚丸同魚蛋，佢哋新鮮彈牙，有獨特魚風味，真係令人驚喜。湯底我加咗豬手汁，湯變得更濃郁，呢間餐廳嘅魚蛋墨魚丸麵真係好出色。環境雖然簡單，但都好整潔。

食物勁鹹，飲品又太甜，茶餐廳基本嘢都未做得好！專登叫多碗佢哋聲稱出名嘅魚蛋河，味道普通到不得了，點解會有人吹捧？？相信咗傳聞先嚟試下，真係中大伏，唔會再有下次！！

星期日同我老公放假，一齊去儲備一星期既糧食。咁啱撞正打風前夕。本身諗住去食大快活，點知佢冇冷氣，老公又話想食西多士，所以轉場去咗平時食開晚餐嗰間茶餐廳。未試過喺嗰度食下午茶，見佢門口有西多士，所以走入去試吓。本身諗住點魚蛋粉，好彩阿姐提一提我哋今日係星期日冇下午茶餐，即時更改食雞髀薯條。喺35度嘅天氣下，好彩佢有足夠嘅冷氣，即刻飲番杯凍檸茶消暑。西多係有花生醬嘅西多，味道幾好。炸雞髀係山炸嗰隻，快皮夠晒脆，不過略嫌細隻咗少少。

去到學利 我一定會叫佢個一人火鍋 麻辣湯底同蕃茄湯底我都食過😋今次都係叫左蕃茄湯底 湯底好濃郁蕃茄味 有小小蕃茄薯仔肉粒係入面👍🏻最鐘意個湯底愈滾愈濃 火鍋set揀完湯底 可以揀餸、主食同菜 仲會跟杯飲品我揀左豬肉 午餐肉西洋菜 公仔麵豬肉份量都幾多 大大塊架其他就正常水凖 煲到咁上下 放埋個公仔麵落去煲 好正呀🥳有機會會試下佢個雞煲

好味到爭d連湯都飲曬 我每次都叫魚蛋河，加d辣油好惹味。而我老公就鍾意食咖哩雞扒飯，雞扒入味又煎炸得香口，而且份量好足，好味抵食咁多年都keep到個水準，冇難食咗，幾難得俾個叻

📍#學利🇭🇰香港柴灣環翠道11號興華廣場地下G01舖人均消費: HKD49味道: 👅👅👅👅賣相: 👀👀👀價格: 💰💰💰💰環境: 🌹🌹🌹服務: 👨🏻👨🏻性價比: ⭐️⭐️⭐️⭐️回頭率: 🔆🔆🔆學利在柴灣開了一段時間，當初又貴又不好味，已經一段時間無食過，今日食又可以喎！⭐️招牌鮮牛腩麵🍜$48識食一定加腩汁！😂湯底香濃又掛湯，麵質爽口，不錯！牛腩就普通，不夠香而且有點韌！個牛腩份量都幾多！⭐️古法魚蛋河🍜$42其實什麼叫古法魚蛋😂😂 魚蛋的確可以！魚蛋炸過個特別香口，好似魚片頭！魚味濃，比安利的更出色，而且十分爽口彈牙！可惜的是湯底比較清淡，而且河粉較散平了性價比高了，魚蛋的確不錯👌🏻有些東西有時候是要多給一次機會😂

晚餐時間由於趕時間想住快快手食碗粉，去到已經八點尾見冇乜人於是入去食，一入去已經掃描安心出行量體溫。未坐低已經主動出示安心出行比個阿姐睇，個阿姐問我量左體溫未，我話量左然後講埋食咩，因為已經一早想好同埋阿姐都已經過左黎，之後佢都拎杯水黎。但原來阿姐聽完就算冇幫我落單。等到咁上下個阿姐先再走黎又問我食咩，好似失憶咁，我就知佢聽完冇幫我落過單。明明一入黎係佢招呼我，在場食客唔多唔忙碌，但都可以咁。最後由於趕時間我即時起身離場。雖然好似好少事，但係店舖空閑既時候發生到，證明侍應服務質素差

茶餐廳本來就唔期望有咩服務，但我買個外賣一碗野，個收銀態度真係好西，我都未叫完，佢就出咗單，我繼續講，佢又話我唔早d講（我停頓都不到一秒），之後我同佢講我都未叫完，佢就出單，佢就同我講得啦得啦。。。唔好講我係唔係客，基本人與人之間的禮貌都沒有，真係好西，如果服務有負分我會俾負分，買個外賣都要受氣，d野幾好食都係假（何況味道都係一般），以後都唔會幫襯！

剛好放寬堂食到夜晚9點，昨晚就興致勃勃諗住去食個一人火鍋，難得終於放寬返個晚市，好耐又無打過邊爐，我呢個火鍋撚終於可以開開心心食返次火鍋。但係去到叫完，黎到個火鍋湯 食第一粒魚滑就發覺有異味，再試條菜都係一樣，原本都無諗住換過哂啲餸，淨係要求換過個湯底，但係啲店員服務態度極其惡劣，雖然最後都有換到個湯底黎，但啲語氣態度，冷言冷語攪到咩心情都無哂，就直接比錢走人算Q數，以後都唔會再黎呢間垃圾。我諗無咩機會都唔好黎試

來到柴灣的學利魚蛋粉。學利最出名的是魚蛋的質素，以及以大地魚烹調的湯底。於是我點了豬手面以及馳名的魚蛋河作這次食評。魚蛋河，是正價時段點的，價值40左右。魚蛋及魚片份量充足，也有一大匙蔥蒜伴隨當然也是先嚐一嚐湯底，這是一個驚喜的感受，湯底充滿香香濃濃的魚湯，清純鮮甜，魚味低調不會太突出，這應該是大地魚的味道吧，這湯底可以用香醇來形容。另外河粉的質素也不錯，爽爽滑滑，在口中也感受到滑溜易斷的感覺。魚蛋更是一絕，彈性十足，極為彈牙，魚味更是豐富的隱藏在魚蛋裡面。魚片也是一樣，魚蛋魚片的魚味原全不和市面上一樣，明顯是自製的，極為特別。另外下午茶時，點了個豬水面，湯也隱藏了大地魚湯的味道，而且也十分香濃，粗面面質一般，應該是市面上買到的一種。豬手方面，浸了香濃的魚湯底，咬下去十分黏口，吃到豬筋時爽口，味道也有濃烈的香味。份量在下午茶時段的30多元也有2塊大豬手，滿足非常。凍檸茶方面，也十分清甜，茶味清清爽爽，不會太濃，是不錯的解渴品

一人火爐近年好受歡迎，其中吉野家打邊爐就最多人鐘意，但成日去到個場都好爆點算好🤔有次我誤打誤撞之下，畀我搵到間抵食一人邊爐選擇--------一人自選火鍋$75火鍋湯底好多選擇，有成六款咁多，分別係：沙爹，原味，麻辣（小/中/大辣），皮蛋芫茜，番茄薯仔，味噌湯今次我就揀左皮蛋芫茜清淡得黎芫茜味好香，唔會搶晒其他食材既味依間鋪頭本身係賣粉麵為主，可能因為咁，所以d 材料都幾新鮮👍，同多配料畀你揀我就揀左魚皮餃同埋水餃依兩款魚皮餃餃皮有咬口，餡料豬肉同蝦都好多，算係啖啖肉水餃有木耳絲同鮮蝦, 鮮蝦係原隻好足料每一客會畀你揀AAA肥牛片或者煙肉片，我今次就揀左肥牛片肥牛片唔算好肥，但夠新鮮，而且肉味濃秘制墨肉滑墨肉滑你鐘意食時落幾多你可以按份量自己落，上面有好多蟹子，令到墨肉滑咬落好有口感，墨肉滑亦尚算彈牙之後就係揀粉麵依個亦都係身為粉麵檔既優勢，連粉麵都有十款揀，連一人邊爐少見既薯粉都有唯一不足係依到無得揀飯，如果無飯不歡既朋友，就要逼住揀麵黎食時菜一份亦有四款菜揀（娃娃菜/生菜/菜心/芥蘭），菜份量好多，唔使擔心淨係食肉唔夠菜食火鍋豉油有辣有唔辣任君選擇，辣亦有少辣同辣揀我揀左辣, d

又去到人生路不熟嘅柴灣食午餐，由於初嚟報到肯定食多幾間睇下有咩其他更好嘅選擇。於是就嚟到呢間學利，就午餐嚟講價錢中等，點都講唔上平、抵。一合普通粉麵30+，普通午餐飯50左右。咁就揀咗個普通河粉，由於見佢牛肉丸32，牛筋丸又係32，潮汕牛筋丸出晒名好彈牙喎。睇下有無咁著數？等咗一陣就送嚟啦，我就叫咗個普通牛筋丸河，拍檔就叫咗墨丸河+檸水。評論下的自己嗰碗"牛筋丸河"，都幾大份下有6粒丸，但點知一入口......個所謂嘅"牛筋丸"竟然咁軟，完全無彈牙嘅口感，感覺比去凍肉舖嘅普通牛肉丸更軟身，輕易就咬爛。個河粉算係正常，但成碗野無晒牛筋丸個靈魂。墨丸河，睇起物都唔錯，我諗佢嘅墨丸應該比"牛筋丸"更爽口彈力。仲有跟餐要加8蚊先有嘅檸水。總括嚟講，性價比低，再次說明一分錢一分貨嘅道理，牛丸點可能同真正嘅牛筋丸一樣價。建議去再搵另一間好野食。

好耐無食學利，就同老公嚟食個早餐🍴老公揀咗雞扒火腿配多🙄一望見啲茄汁醬覺得好壯觀又唔喺食薯條，只喺食雞扒，點解倒咗咁多茄汁醬嘅？🤔 講番塊雞扒，我覺得煎得幾香，如果油少啲會更好食🍅 我碗番茄薯仔肉碎通粉，番茄味道濃，湯底配上紅蘿蔔，西芹，洋葱加埋我至愛嘅薯仔，就好似飲緊雜菜湯咁，有少少酸甜，夠哂醒神！

除了之前遇到2次不禮貌對待 (一次早餐時段由水吧位置叫過來門口位不許我坐下; 另一次是午市時段不停問我幾時食完起身未)!今天早上已經是第3次了!~今天早上, 我去呢間餐廳食早餐, 找到一個卡位, 坐在一位女仕對面, 連我所叫早餐都放在枱面。正想開始進食時, 一名女侍應 (又是同一名) 站在我枱邊, 問我可否搬去另一張枱, 好讓座給一班經常光顧的速遞員...! 而我所見, 我前面的另一個卡位都是只有一位食客而已! 我不理睬呢個女侍應, 她竟然大聲說: 佢(即指我) 想開餐, 唔肯搬喎~如果一間食物館, 只會對著熟客笑口西西, 而不會重視新客源的話, 咁不如在舖外展視 吧!我不是柴灣區居民. 只是在此區工作而已~但我真的未見過咁差嘅餐廳!