安利魚蛋粉 (已結業)

在沒有餐牌的情況下只好聽見別人叫什麼便照跟.....切腩片頭河~~ 切腩味道不錯很甘香但比較硬身同「鞋口」，片頭子也不過不失，但這裡的辣椒油真是一絕可以令整碗麵的層次提升幾倍。進食中途見別人叫撈麵，於是又心郁郁因該店是用醬油撈好才上枱與別不同似的，最後叫了坑腩撈粗與媽咪share，坑腩比切腩好很多很多很多~~ 怪不得那兒的街坊會推薦我們這些「本地遊客」吃坑腩不要吃切腩，可惜是我auntie在我吃完第一碗才到和告訴我知..... 使我的胃要辛苦點去消化那些「鞋口」的切腩 ~~~ 可怒也!!是次消費: (4人)切腩片頭河、雲吞麵、坑腩撈粗、片頭粗麵 x 2，魚旦河 = $118 (唔知喺咪計少咗)

今天去開西灣河,久聞安利的片頭撈粗是非常出名.於是專登搭車去試試.我叫咗切腩片頭撈粗.嘩! 非常失望,成碗乾爭爭.粗麵好似橡根咁硬,好"銀"胃.切腩OK,算係幾"諗",但唔覺有牛味.片頭同個湯好鹹.個湯飲得出充滿味精.枉我慕名而來.店員全部唔識笑,擺出一副趕客樣.唔係好肚餓,而其他舖頭關晒門,都唔會再嚟.

12/4(六) 6:30pm延續食途之第三站-安利魚蛋粉.東大街上屹立著三家"安利";其中一家乃打對台的.要吃理當到正印處.簡陋小店,桌椅僅三數臺,甫坐下才發現店子營業到晚上七時,走運了!我倆獨點了四寶撈粗$37.魚蛋,牛丸,雲吞乃mouthful size,水準不甚了了;半肥瘦坑腩色澤不算深,入口綿軟煙韌有咬感,牛味格外濃香,當之不慚的招牌貨.除坑腩外.魚蛋,牛丸,雲吞各2粒,搭魚片一塊,只嚐到鹹而未見鮮!撈粗爽口軟滑不失彈牙,秘製豉油均勻地纏滿每條粗麵,味道剛好!價錢的確不低廉,老闆及侍應的服務某程度上屬高傲慢冷淡.要是為其了不起的坑腩及撈粗而來,應可慕名而來!

朋友係街坊, 話呢間野好出名, 話有好多名人專程渣架車黎食wor...就帶我去認識下, 睇下係咪人地講得咁好. 其實我覺得只係屬於okay, 唔係明顯地好過人地好多.我要左碗切腩河, 得幾片仔薄得好交關的腩. 係幾好食, 不過真係好少. 朋友要左碗雲吞麵, 俾左一隻雲吞我試過, 都係咁上下.我覺得呢間野都okay, 不過不失, 但係除左你要醫肚, 或者係"到此一遊" 性質之外, 唔駛特登黎食.

兩款主打當中, 魚片頭好味過牛腩.唔使等都食得過,但又未好味到要排住隊食lor.好多朋友都話服務唔好,唔知係我好彩定點, 食過2次都ok喎...

一個平日既下午﹐見冇人排隊。所以就入來食碗麵。好內之前係佢對面既分店食過一次﹐但係呢間就係第一次。本人亦係叫瘦切腩撈粗﹐老婆就叫左魚片麵。撈粗味道同之前係對面食既一樣。但係覺得今次個粗麵硬左d﹐應該煮多30秒就差唔多。唯有咬爛d費是夜晚胃痛。老婆就話個魚片有好重味精味﹐唔係咁鍾意。

以前細個聽呀媽話去安利食野真係開心到死.呢間野我介紹過比好多朋友去食, 不過由幾年前開始佢地父親離世兩兄弟傾唔掂數開始勁開分店之後質素可以話一日比一日唔掂.以價錢同食物質素相比以前雖然都係貴但係絶對抵食!!!. 依家= = 就真係有d不知所謂. 前幾日經過. 見到有fd係到又見咁耐無去食.就走入去食左個切腩片頭河. 一食之下..嘩!!!..覺得同街邊十蚊既牛腩面已經無分別"...面無味加左好多味精..切腩切到好似豬肉絲咁細條..得5條.(M記d薯條咁)....魚片無哂以往既味道.... 最後埋單$29!!!!!!!!!!!!!!!!!!!!!!!!!!!!!!! $29 d個價錢食一碗今時今日既安利切腩片頭河...已經係太唔明智既選擇= = 以後都唔會再去. 連質素都保唔住既安利

因為住得太近反而好少食安利,尋日4點時肚空空,所以心思思走左去安利,以前細細個最鐘意食牛腩米,在鈄路大排檔時牛腩米加一支可樂仍然記憶猶新不過今次就試下佢地最出名的魚蛋河,由於當時唔算滿人,所以好快就拿到外賣了一打開盒已經覺得唔錯,魚蛋入口味道較淡,卻有鮮味,而且咬落彈牙,而魚片更吸收了湯的精華,既彈牙又有味道河粉就十分爽口,而湯很美味,但被河粉吸得一乾二淨,到最後已經無得飲了全筲箕灣都有非常多的粉麵店,只是看也會覺得厭,不過安利食落真係物有所值難怪10多年前已打響名堂

之前想去食魚蛋粉,不過去到冇晒魚蛋,所以食魚片河魚片好爽,好食估唔到^-^

我諗我以一個地頭蟲評論一間係筲箕灣一間地頭蟲餐廳係幾唔公平,因為我一定話好食不過以我由細食到大,間餐廳有咩變化我諗都可以講下,如果大家去舊果間(廟左手面果間)一定好過新果間,因為舊果間係老師傅煮,新果間就係佢地D新請師傅煮,味道當然係舊果間好啦如果你地想好食D,我諗你地最好係平日去,因為人多食物質數就會差,所以平日去一定好好多我通常都係食開係切腩撈同鮮油多,加一樽可樂,簡直.........正(切腩黎到果陣要將佢放落湯就會好好多,冇咁乾身)

好耐冇去.今日有朋友肯杖義車我,立即興奮無比,明知要戒口,都拚死要食.兩點多到,一坐下,二話不說叫片頭切腩撈粗食爽,點知話冇做,已經令我心情一沉..到碗"正常"片頭切腩撈粗一到,更加慘不忍睹.切腩乾枯無比,比湯渣仲要乾.One of my favourites變成咁,令我好傷心.趕緊叫份奶油多安慰自己.就今次而言,如果純為切腩撈粗,大可不必再去喇.片頭切腩撈粗x2奶油多忌廉凍檸樂

聽朋友介紹呢間0既牛腩同魚蛋好好味，趁著去海防博物館嗰日順便同老公去試下。一去到又係例牌排長龍，同一條東大街已經有三間舖，但間間門前都出現人龍等候，心諗乜真係咁好食咩？﹗揀咗中間嗰間舖排隊，隔離正正係間天后廟，一路排一路聞住濃濃0既香味，感覺幾奇特﹗如果怕聞香味的就千祈唔好揀中間呢間嚟排啦﹗一心諗住試下坑腩，但點知賣晒，唯有試番佢最出名0既切腩魚蛋撈，老公就叫咗碗片頭切腩河，再加一份西多士。份量都算少，尤其係嗰碗河粉，老公好快就食完，不過切腩就真係好腍好好味，仲以為係瘦肉部份會冇咁腍，但真係做得好好，如果十分為滿分0既話佢應該有九分﹗總括嚟講呢間係值得再嚟0既餐廳，大家去開筲箕灣嗰頭0既話不妨嚟安利試下，保證你哋唔會失望而去.....

假期無所事事，漫無目的來到筲箕灣東大街，看見多麼長的人龍，原來就是安利，好奇心驅使下排隊一試。先要了魚片頭河、切腩撈粗及油菜。片頭算是彈牙爽口，如與謝記比較，我會選擇後者；河粉幼細滑溜；切腩雖入口鬆化，但似乎缺乏牛肉的濃味；而撈粗我最欣賞，豉油顏色均勻，味道不會過鹹、麵身夠爽，再加上惹味的辣椒油，非常可口。還感覺未夠喉，再加了一份蛋治，第一次食煎蛋的三文治。最有驚喜的還是奶茶，竟然有傳統水準，比起好多茶記還要好，茶味香濃又夠滑。

上星期去食, 發覺啲味道好濃, 魚蛋都還可以, 但食完之後非常口渴, 下次唔會再去

上星期六去完Grant Hyatt 食lunch Buffet，再去City Plaza行街，到6:10pm走人時想想今晚食乜好。想起老婆大大未食過安利，跟住快快開車6:30pm到在安利，泊起門口入去二話未說先來一個片頭切腩撈粗，老婆就要魚蛋粉。呢度既清湯腩保持水準，老婆大大都覺得好好食，相對魚蛋粉就平凡o的，不過都唔算差既。英文係"Not Bad".