安園餐廳

營業中

休息中

已多次早餐時間去餐廳食早餐但間中一名服務員態度好差企我隔離但幫其他客落單我話落單 叫我等等咁我等 但等完佢我都未出聲 佢就話 你未諗好就等等先落我係諗好左好耐都唔比我落單——————————————-仲要張枱一開始就有食物湯汁我都未叫佢清潔住因為見佢哋忙 一早就一肚氣只種服務態度已經唔係第一次係咪要食就自己諗——————————————-食物方面係正常水平既比較好食係奶油豬價值正常 唔平唔貴但都唔想比錢買難受

我叫咗芝心西多士外賣，佢畀咗法蘭西多士我。我打返電話畀佢，佢叫我自己去攞返芝心西多士，佢完全唔覺得佢做錯咗，跟住之後無啦啦鍾意就話唔畀芝心西多士我. 態度差到死! 都未見過有間服務態度咁差嘅餐廳…

約咗朋友喺佐敦食飯，朋友話附近有間唔錯，所以決定去食。菜單款式多，而且平、靚、正-- 價錢親民、食材鮮美、味道勁正。泰式海南雞，份量多，肉質鮮嫩，正宗泰國菜風味。

今日買咗1份腿蛋治烘底 + 熱奶茶 (可惜無影相)買到返公司，腿蛋治竟然有3條頭髮🤮半份有1條，另外半份有2條好誇張本來同事叫我拎返去換，但不了食咗少少就扔😐😐不過奶茶係茶香好濃

上星期同朋友約早上7：25到達食早餐，入門口掃了安心出行後坐下叫侍應落單，我們一共叫了兩份 A餐和一杯凍奶茶，一杯凍咖啡！那個侍應很大聲問我“係咪凍奶茶？”我講話一杯凍奶茶，一杯凍咖啡，於是個佳應又大聲講“,係咪凍奶茶？我問你第一杯叫係咪凍奶茶呀？”當時我礙於趕時間番工，沒有起身走人，跟著個侍應又大大聲問我“第二杯飲乜？”我唯有講凍咖啡，跟著佢一聲都冇走左去。其實我同朋友想食個早餐啫，有必要比人大聲盤問嗎？如果想比人大聲質問的人可以試下去幫襯下！我就永遠都不會再幫襯呢間安園餐廳，服務九流！

今日落大雨係公司附近搵間餐食個飯就算見有下午茶餐但我太肚餓所以就冇食下午茶叫咗個常餐食，今次食沙嗲牛肉麵+火腿奄列+炸雞翼（好少見有餐廳常餐跟炸雞翼）+$3轉凍檸茶沙嗲牛肉公仔麵唔太好食可能太忙，公仔麵好似根本唔熟，沙嗲牛肉唔係幾好食，冇沙嗲味，牛肉有啲根但係跟餐嗰個奄列同炸雞翼超好食跟餐竟然都有兩隻炸雞翼😋炸雞翼都非常之脆，唔會話最入面唔熟個奄列入面超多蛋汁，同埋都好多火腿除咗平時餐牌上面嘅食物外，佢應該每一個月都會更新餐牌，寫明星期一至星期日有咩食而且長期都有必食推介，價錢合理，除咗我之外都見有好多附近工程員工成日嚟幫襯

食泰國唔一定要去九龍城既，佐敦都有間正宗泰國，食物質素高同酒店底既擺設。令人一試難忘😋有冬陰公烏頭，冬陰公小龍包，仲有個蝦餅同魚餅真係好好味又原最緊要唔油😋有散叫，有套餐，二人餐有小食，有泰式海南雞，醬汁仲好好味又有通菜，仲有甜品真係飽住走。待應親切既招待，合理既價錢一人晚餐有龍眼冰送，呢個價錢已經食到晚飯真係好抵食。仲有咁既質素相當好，值得一試。

呢間嘢平時有食開佢哋嘅午餐 已經覺得好正 講真 一個$40幾蚊嘅午餐都做得出色嘅話 晚餐應該都唔差得去邊不過老闆話生意唔好 6:30就閂門 所以今日天都未黑（係食完都未天黑）就嚟試佢哋嘅小菜 好彩冇失望 尤其係個海南雞 個咖哩牛筋腩煲 我好鍾意佢d牛筋 煮到好煙韌好又有少少黐牙 係d咖哩食到尾有少少粉粉哋 所以扣咁少少分 不過整體味道係出色嘅炒銀芽都幾特別 我建議唔食得辣嘅真係要叫微辣 因為我叫咗少辣都仲好辣下希望遲啲生意好d佢哋做返晚市啦 始終食小菜嘆啤酒都食冇太陽好feel d

好耐冇過來安園啦，今日想出去放鬆下，想食個靓早先，初頭唔知食咩，隨便就點左個歐陸早餐，只係38蚊，不過一d都唔馬虎，份量充足，我個人就食得夠飽，而且味道都唔錯下，尤其係塊薯餅，個人覺得好食過M記。我個人平時鍾意多食蔬果，佢有配上番茄同青瓜，真係有心思唔會齋食肉咁滯，賣相靓靚仔仔，見到都開胃。杯奶茶都OK，夠濃香，美中不足係杯茶唔係瓦杯上。地方乾淨企理，食嘢心情都特別舒暢，不愧我繼續做你忠實fans

首先入到餐廳比個男侍應好差嘅態度叫我去做安心出行比佢一路鬧一路填咁岩冇晒卡位，咁坐中間，點知中間佢用晒射燈好光好熱好辛苦風口又吹住去到叫野食，又係頭先鬧我個個侍應，佢全程唔出聲，都唔知佢有冇聽到人講野咁食物方面我朋友叫左口水雞飯， 雞唔多，雞上面嘅醬仲要甜，變左唔似口水雞味朋友係女仔都完全覺得唔夠食我自己就叫左雞扒腸仔意粉，啲肉好多仲有兩條腸，但個汁就太咸同埋意粉有啲偏生硬。另外鬧我位侍應，佢咁岩放飯， 佢口罩就係拉上手臂，衛生欠佳，好得人驚

第一次路過幫襯，試咗兩款食物，蔥油豬扒撈一丁麵，本人口味蔥油略咸咗啲😅 扎肉木瓜沙律，辣度都啱啱好。😋杯凍檸茶好好飲，茶味好👍🏼👍🏼👍🏼其實仲想食厚切西多士，可惜已飽😅留待下次再來😋

.喺附近做完嘢 係時候食晚餐 有啲肚餓行過呢間 見到有位 環境又舒服咁就行咗入去試吓啦！.有得坐卡位幾舒服 入邊仲有電視可以一路食一路睇😜.呢個餐超級正 都只係$98 凍野+$3.海南雞飯餐跟湯 跟小食 跟油菜 跟飲品.碟飯超級多 啲雞又滑又多 同埋最重要係無骨 超好味😋 又方便.小食我揀左酸辣鳳爪 都係無骨架 勁正！岩哂我呢啲懶人 哈哈！辣得好過癮！.呢個餐簡直正到爆 咁多嘢跟多到真係可能兩個人一齊食都夠飽.🥢安園餐廳 (佐敦)📍佐敦佐敦道39號地舖.

佐敦道有新餐廳安園餐廳 打包一盒小菜回家加餸好方便，近馬路。外賣自取又有9折，價錢貼地！.味道不拾遺，正正常常.有泰國食物不過都是港式茶餐廳的食物價錢低啲如果有dinner set 會更好如果一個飯加一杯飲品現時要$60-70左右