安娣瑪萊

營業中

休息中

本身價錢唔貴都沒有抱太大期望， openrice嘅評價大部分似專業foodie圖文並茂， 見openrice訂枱有八折即管一試， 食物有驚喜，服務算殷勤，推介炒貴刁， 真係有飯焦的砂鍋海南雞飯， 還有鹹蛋浸時菜， 招牌菜黃金軟殼蝦麻麻地唔值這個價錢!

海港城海景馬拉菜-安娣瑪萊 Auntie Malay海港城泊車好抵泊😂消費$100已經泊1 hr (平日max. 5 hrs; 假日3 hrs)今次第一次試呢間馬拉菜，被安排到窗邊位置😊茶帶有荔枝香味，好清新，點左以下幾款：斑蘭咖椰多士: 賣相好吸睛🤩斑蘭咖椰裝飾到好似蛋糕咁，好香濃，不過3件單數有D難分😅招牌海鮮喇沙: 有多款海鮮，都算足料，喇沙湯濃都唔錯馬來沙嗲豬肉，雞肉串: 唔夠惹味，豬肉串偏硬🥲熱馬來拉茶，凍怡保白咖啡: 飲品方面麻麻地，偏甜但無咩茶味同咖啡味Overall都唔錯，座得舒服又有海景，係某幾款菜式/飲品可以改善😂

睇完Dune part 2 之後行黎海港城呢邊食飯✨辣椒珍寶蟹肉配黃金饅頭 $298蟹肉都幾多幾實肉嘅 但係個汁太咸啦 蓋過晒啲蟹肉味咁濟同埋得連住饅頭食都係覺得咸💀黃金饅頭ok脆啦 不過得三舊 都唔夠送個汁 🙈✨Chef Han’s 羅惹疏果沙律 $98呢個都唔錯嘅 有啲花生醬 咸咸甜甜咁🙈 有啲青瓜 蘿蔔 豆卜 幾refreshing✨班蘭咖央多士 $58呢個我覺得係全餐最好食😋😋 多士烘到脆脆地 啲班蘭都好多同埋好香👍🏻👍🏻 唔會好甜☕️茶位 $8/人荔枝紅茶幾好飲🥜小食 $12係個小炸魚雲吞咁總括黎講味道ok啦 環境幾靚 望住個海 味道❤️❤️❤️💔抵食❤️❤️❤️服務❤️❤️❤️💔環境❤️❤️❤️❤️

最近發現海港城以前海南少爺的位置開了間 新派馬拉菜環境裝潢走田園小清新風，仲有少女最愛打卡鳥籠～迷你魚醬蝦米春卷 蝴蝶結造型很別緻，脆口惹味！瑪萊沙嗲 (雞肉 / 豬肉) 6 串 $128沙嗲豬肉/雞肉可以mix 3串，肉質嫩滑配上惹味香甜花生醬汁黃金軟殼蝦 $288隻蝦大大隻，濃郁金香完美包裹 海南雞鑊仔飯 $368用香茅、臘腸、蝦乾、芋頭等焗，底有飯焦海南雞份量好多，肉質嫩滑班蘭咖椰多士 $58班蘭香氣清新，較似班蘭香味忌廉！馬來拉茶 （熱） $38順滑香甜茶味夠濃三色冰奶茶 $48甜度層次分明，香甜有茶味！

Auntie MALAY 由馬籍華僑總廚主理，一系列精心挑選並經改良的地道馬來西亞特色菜餚，帶您細味大馬獨特風味，深入體驗文化之美，不論環境或菜式，都令人一試難忘，非常Ig-able💚蟹肉雜菜薄餅卷 清新薄餅卷，創意十足！薄餅卷內捲門蟹肉、生菜、蘿蔔絲，口感爽脆，清新輕盈 💚黃金軟殼蝦 雖然邪惡，但實在十分惹味，每隻蝦的每寸蝦殼也沾滿鹹蛋黃醬，蝦肉鮮甜彈牙，每口也口感十足，倍添滋味💚海南雞鑊仔飯 惹味精選！鑊仔飯 相當有鑊氣，以小鑊上盤，飯焦香脆可口，海南雞肉嫩滑無比，夠嫩滑，主廚以蝦乾、芋頭、臘腸伴入飯中，令飯粒味道層次更豐富，一試難忘💚班蘭咖椰多士 初次品嚐斑斕咖椰，一試愛上！香脆多士夾著厚厚的斑斕咖央，甜度剛好，細嚐後伴隨着淡淡椰香，大推！💚斑斕紅豆冰椰汁紅豆冰內伴隨着清新斑斕香味，粒粒紅豆令口感更豐富，不錯

向來都好鍾意食馬來西亞菜😍尤其係咖椰多士，酥脆多士配軟滑香甜咖椰醬，念念不忘🤤早幾日去咗新開既✨安娣瑪萊 Auntie MALAY ✨一嚐由馬籍華僑總廚主理既精緻正宗馬來西亞菜，望住無敵開揚維港美景享受晚餐，宜家Openrice book位有85折真係好抵食🤩餐廳裝修別緻，就好像坐在一個小小花園之中，環境舒適，餐具精緻；門面的「巨型鳥籠梳化」，更是打卡熱點！一入座店員會上荔枝古樹紅茶同迷你魚醬蝦米春卷，原來係馬來西亞傳統新年食品，咸咸地帶微微辣 ，細細粒又香口 真係好惹味架！蟹肉雜菜薄餅卷香脆薄餅皮包裹著爽脆雜菜絲、紅蘿蔔絲及鮮甜蟹肉，面頭仲有炸得酥脆既可愛小蝦點綴，擺盤精緻有心思。亞參酸辣沙巴仔配黃金油條 雖說是沙巴仔但其實魚Size頗大，魚肉口感嫩滑，火喉控制恰到好處，加上甚具馬拉特色的酸辣醬汁，開胃下飯。酥酥香香嘅黃金油條索上酸辣汁後好似麵根質地，好惹味。重點必食招牌海南雞鑊仔飯，菜式融合了兩大名菜的特色 - 馬來西亞唐人街瓦煲雞飯及傳統海南雞飯。雞油飯底上舖滿牡丹蝦乾、芋頭及臘味粒，再與香茅、班蘭、南薑、薑 及蒜 同蒸，令香料的香氣滲進飯芯，再混入蔥油及無骨海南雞，伴上鑊邊的金

放工和朋友來到海港城食晚飯，見到新開的Auntie Malay ，決定試下佢。餐廳設計摩登時尙，甚有馬來風情。餐牌選擇好豐富，而且有賣相，好吸引。餐前小食是炸冬菇仔，脆卜卜，夠香口。班蘭紅豆冰菠蘿熱情果沙冰兩杯飲品賣相都好靚，漸層的效果夠晒打卡。紅豆冰和班蘭的比例調配得好好，紅豆夠軟腍，班蘭味道突出，甜度剛好！沙冰則好香菠蘿味，酸酸甜甜好清新開胃！瑪萊沙嗲雞肉、豬肉好出色的串燒，大大串肉夠厚，juicy肉嫩，點埋特色沙嗲醬，好惹味。亞参酸辣沙巴仔配黃金油條沙巴仔大大條，火候控制得剛好，蒸得好嫩，骨不算多，可以整塊肉拆出黎！肉質細滑帶點結實！酸辣汁酸甜微辣，配魚食，顯得更鮮味！油炸鬼浸在酸辣汁入邊食，吸晒酸辣汁的味，好正！令人食唔停口。海南雞鑊仔飯感覺有啲似煲仔飯，但就用鑊仔上。大大一盤飯已經煮到粒粒分明，入面有芋頭、蝦米、臘腸等。侍應在我們面前，將海南雞放上，在淋上秘製香料和醬汁！好香好吸引！將飯撈匀，滿滿的蝦米香、臘腸香和芋頭香，撲鼻而來！飯乾身又粒粒分明，加上雞油香，好好食！配件皮薄肉嫩的海南雞，簡直完美配搭！兩個人清了一個鑊仔飯，真的太誇張！班蘭咖椰多士滿滿的斑斕咖椰醬，咇晒出黎

海港城新開馬來西亞菜餐廳由馬籍華僑總廚主理 Chef Han 主理設計以殖民地色彩濃厚的娘惹宅院為靈感運用絢麗色彩融入南洋風格的花磚、五彩玻璃及布藝，搭配出溫馨而具個性的異國情調招牌菜首推海南雞鑊仔飯，融合馬來西亞唐人街瓦煲雞飯及海南雞飯。在傳統基礎上添加入牡丹蝦乾、芋頭、臘味及葱油，伴上金黃香脆飯焦，體現出將不同烹調文化融合的理念。另一推薦還有口感輕盈鬆脆的班蘭咖央多士，其班蘭吉士清新香氣，椰漿濃郁∗ 蟹肉雜菜薄餅卷 $128∗ 黃金軟殼蝦 $288∗ 海南雞鑊仔飯 $368∗ 斑斕咖椰多士 $58∗斑斕紅豆冰∗蘿漢果龍眼沙冰

馬拉菜係香港唔算多 而食物選擇都較有限而由土生土長既馬來西亞大廚操刀既Auntie Malay致力將創新示素加入傳統馬拉菜式菜式都好有特色 成功引到比較少係商場食飯既我去一試.ᐟ‪‪‬◦ 迷你魚醬蝦米春卷餐前小食脆卜卜好香口又惹味 想買一包番屋企食lol◦ 蟹肉雜菜薄餅卷 比較無記憶點既一道菜但都水準唔錯 餡料紮實飽滿 薄餅皮煙煙韌韌咁◦ 黃金軟殼蝦 懶人福音( ~¯ ‪‪ᵕ¯)~ 軟殼蝦係可以唔洗剝殼成隻食架本身以為得幾隻 加加埋埋近10隻 仲一啲都唔細隻鹹蛋黃醬好濃郁好creamy 仲完全夠包裹住每一隻蝦 滿足到不得了～◦ 海南雞鑊仔飯 無可置疑係當晚主角(✧ᴗ✧)‪ 店員會席前為食客料理 大大提高期望值.ᐟ‪‪‬飯已經提前加入臘腸蝦乾芋頭連香料煮好 店員會按食客喜好加入醬油同蔥油將飯拌好 期間一定會香到引到隔離枱望最後加埋海南雞就可以上菜啦 海南雞件件都好大件 估計更有半隻咁多 食落夠哂滑溜飯粒除左臘腸油香仲加埋蔥油 香上加香 想唔想像到有幾過份？另外用熱辣辣既鑊仔上製造到薄薄一層飯焦 令口感風味再有加分⸝⸝‪⸝♡◦ 班蘭咖椰多士 咖椰醬比食開既質地輕盈少少 但斑蘭味係一樣咁強烈

上次食完飯同屋企人經過，見到裝修咁靚即刻記低下次要再過嚟食，今日終於有機會！一入座就有靚靚前菜，炸得好酥脆，中間夾住嘅應該係肉碎？香料味重，微辣。串燒叫咗三牛三雞，沙嗲汁都幾勁花生味，微甜唔辣，食落好開胃，啲肉好嫩滑仲有肉汁。沙巴仔嘅醬汁意外地幾清新，油炸鬼點落去都幾好食，唯一可惜嘅係炸得唔夠酥脆，有少少難咬。但係條魚就勁好食又嫩滑，瞬間掃清光。海南雞飯好大陣仗，侍應會問要唔要蔥油然後幫我哋mix 好，最後先至擺靚靚上枱，仲有好多醬搭配。雞又嫩又滑，有飯焦所以好香口，臘腸唔係曬咗好耐，好乾嗰種臘腸，食落好鮮唔會好咸，我仲叫左熱情果沙冰，冇好甜嘅假糖漿味，反而係生果本身嘅清香，解膩超perfect.最後就係我最期待嘅咖央鮮油多，唔單止賣相靚，食落醬汁份量好夠，就算擺咗一陣，中間嗰嚿牛油都仲係冰涼，食完feel到滿足得來又肥咗少少哈哈。整體嚟講雖然價錢稍稍貴一啲，但係食物質素真係冇得輸，加埋環境好靚，打卡真係一流，食完勁滿足。

我去咗一間望到海景嘅馬來亞餐廳，環境非常之優雅，嚟打卡都幾正瑪萊沙嗲串燒。三串雞肉同三串豬肉，每串肉都係用瑪萊沙嗲醬汁腌制好，燒得又香又嫩。咬落去，肉汁噴出嚟，鮮味十足仁當牛面頰肉配燒肉鬆糯米飯卷，牛面頰肉燉得好軟好嫩，滋味濃郁。而燒肉鬆嘅香脆口感同牛肉嘅鮮甜完美結合，令味道更加豐富。配上卷好嘅糯米飯，真係一個特別嘅口感體驗海南雞鍋仔飯。職員即場烹調好有heart, 啲雞肉嫩滑多汁，肉質好正。鍋仔飯飯粒鬆軟，帶咗海南雞特有嘅香氣同滋味。而且，佢仲配埋一啲特製嘅醬汁，加咗啲酸甜同埋鹹香嘅滋味，令整個味道更加豐富班蘭咖椰多士，呢款真係好特別！多士表面煎得金黃酥脆，入面夾埋啲班蘭咖椰餡，味道香甜濃郁。一咬落去，餡料同多士嘅結合好香滑，令人嘆為觀止。真係一個令人愉悅嘅甜品！

海港城入面有間相當打卡able嘅馬拉菜，今日同女友去咗食吓嘢🌯迷你魚醬蝦米春卷 $12-將春卷皮搽上魚醬綁成結 然後脆炸成一個個小繩結 味道微鹹 口感酥脆🍢瑪萊沙嗲 (雞肉 / 豬肉) 6 串 $128-串燒相當大串 配有香辣沙嗲醬及開胃酸瓜 雞肉口感較嫩 而豬肉相對較結實 沙嗲醬花生香味幾重帶微辣🦐黃金軟殼蝦 $288-蝦殼較柔軟可以吞埋 金黃色嘅鹹蛋黃醬再加入少許辣椒 炒到流沙狀完全包裹每一隻蝦 重鹹蛋香加少少香辣感 非常出色 而且蝦嘅份量多 當中有日本香甜南瓜作點綴🐓海南雞鑊仔飯 $368-用鐵板煎香油飯 加入香料再焗 然後放入滑雞 蔥油等調味 飯帶油香 當中有軟綿綿嘅芋頭 脆炸過嘅蝦殼增加香味 食到底仲有少少飯焦 而雞夠滑嫩🍞班蘭咖椰多士 $58-特色班蘭加上咖椰 味道甜而重椰香味 醬如絲幼滑 多士夠脆口感好🫘斑蘭紅豆冰 $68-斑蘭紅豆冰甜度適中 綠色嘅斑蘭都幾香椰味 紅豆夠綿腍🍍菠蘿熱情果沙冰 $68總括嚟講，色香味俱全，環境又靚，味道出色，店員服務有禮貼心，高質👍🏻

去尖沙咀做完facial，約咗朋友喺附近食lunch餐廳裝修雅緻，一入去有一排坐位對住海景，好舒服ღ迷你醬蝦米春卷 $12餐前小食，細細粒好可愛，食落脆卜卜ღ瑪萊沙嗲 $128雞肉/豬肉叫咗各三串，啖啖肉好juicy，沾滿醬汁更有風味ღ亞參酸辣沙巴仔配黃金油條 $368沙巴仔鮮味十足！魚肉入口嫩滑，仲有香脆嘅黃金油條浸一浸辣味亞參酸汁，美味可口ღ海南雞鑊仔飯 $368味道香噴噴！海南雞肉質嫩滑充滿油香，飯夠乾身，而且粒粒分明，口感煙韌，加上多款配料，豐富細緻ღ班蘭咖椰多士 $58班蘭吉士嘅清新香氣加上濃郁嘅椰漿再夾上牛油🧈，入口香甜順滑ღ班蘭紅豆冰 $68菠蘿熱情果沙冰 $68

餐廳：安娣瑪萊 (尖沙咀)地址：尖沙咀廣東道3-27號海港城海運大廈地下G16號舖呢間重新裝修再轉型為主打馬來西亞fusion菜式嘅安娣瑪萊，大約3個月前喺海港城海運大廈重新同大家見面，佢哋今次仲請嚟馬來西亞籍大廚👨🏼‍🍳，將既傳統又帶創新元素嘅馬來西亞菜式一道一道咁呈現喺食客面前🇲🇾未行入餐廳已經見到一個巨型鳥籠座位，仲懸掛住一啲植物裝飾🌸，加上用咗粉色系去佈置餐廳環境，同埋餐廳內一幅巨型牆畫，既有特色又好適合打卡留念📸坐低無耐店員先上咗壺花茶同前菜小食——迷你魚醬蝦米春卷，香脆可口嘅迷你春卷包住大廚用咗自家秘製參巴醬醃製嘅蝦米餡料🦐，鹹香滋味，一食就停唔到口🤪✝️蟹肉雜菜薄餅卷 $128用蟹肉同各種雜菜例如炸洋蔥、生菜🥬、紅蘿蔔絲🥕、蓮藕等整成薄餅卷，雖然蟹肉香唔算好出，但餡料嘅豐富飽滿，加上蘸埋花生碎同秘製辣醬，再加啲青檸汁嗰種既清新又濃香嘅滋味真喺幾值得一試，連埋炸蝦米一齊食就再多一重香口「脆」味🤓✝️仁當牛面頰肉配燒肉鬆糯米飯卷 $268仁當喺一道辛辣嘅燉肉美食，香港人會叫做「巴東」，喺東南亞菜式入面相當出名，仲成為過世界第一美食🥇。呢款喺大馬重要筵席常見嘅代表性美食，用咗椰漿同

馬來西亞菜推介🇲🇾位於海港城由馬籍華僑總廚主理 帶來正宗既馬來西亞口味再加入嶄新既創意 所以每款菜式都別具風格👍🏻🌟迷你魚醬蝦米春卷 開胃小食 用春卷皮包裹著魚鬆再捲成蝴蝶結形狀辣辣地且香脆惹味🌟瑪萊沙嗲 揀左雞肉同豬肉各三串蘸埋沙嗲醬食更正🌟黃金軟殼蝦 每一隻蝦都沾滿左濃郁既鹹蛋黃醬🌟海南雞鑊仔飯 海南雞夠嫩滑飯內加入左蝦乾,芋頭,臘腸同蔥油食落更香口 而且仲有香脆飯焦👍🏻🌟斑斕咖椰多士 鬆脆既多士搭配斑斕咖央吉士食落更為輕盈無咁膩🌟斑斕紅豆冰斑斕味濃搭配紅豆同椰汁🥥甜度適中🌟菠蘿熱情果沙冰酸酸甜甜飲落去好清新