影片
今次同小妹同男友去食一行三人叫左個避風塘蟹啦同個二人set..有..口水雞(凍食的甜甜地)五味朱軟骨(好似朱腳薑)雙古時蔬(ok)而且所有都好有服務..好NICE仲教左我一個食蟹的方法等避風塘蟹上左之後食得七七八八.叫多一個清湯米線,要多湯的..將避風塘蟹的配料落在一個小碗落3匙.再加一半米線.4匙湯..即刻食..大家一定要試啦
繼續閱讀
我前晚同我老婆第一次試呢間野。入到去，果位侍應帶我地坐一張好細既兩人。同隔離兩好逼。。。。都打算好快食完走人，都算呐。一坐低，我地睇餐牌，都唔知叫嘜好，佢地又無游水海鮮（見唔到魚缸），但係個套餐有蒸黃腳立同埋煎蠔餅。個煎蠔餅唔我地，因為怕肥。跟住個侍應行埋黎，話的蟹好靚，我地只係想食清清既野。個侍應跟住只蟹埋黎比我地睇，我地話唔要。我地見隔離兩叫既蟹一碟係炸既：好肥。另外果碟係炒既，都係好肥。最后我地叫三樣野：1。金牌口水雞例牌（$38)：雞凍兼完全無味（雪雞），剩係得辣既汁，好辣，辣到一邊食一邊標汗，通風又唔好，好熱。2。三菇竹笙西蘭花（$48): just OK.3。甚麼龍雪魚頭腩（$46): 呢味原來係炸既，都唔知搵嘜野既魚頭，炸完一輪，跟住撈唔知嘜野汁上去，得魚頭骨，嘜野肉都無，真係好難食。4。蒸飯（$10): 掙掙，重有，果只碗好怪，飯粘住只碗係刮都刮唔到既。我地食緊既時候，有兩，三，位侍應同我隔離兩熟客，自己話自己整野點靚點好食。嘈到我地無嗮食癮。呢間飯店，你地入到去如果唔食蟹，就無像無嘜野好食。埋單連加一（$150)。總結：價錢平，但係質數差。
繼續閱讀
與朋友路經此地，就入去試一試。那裡有二人餐，但款款都是蝦。因為本人不食蝦，所以就自行點菜。朋友發版，點了炒斑球，煎藕餅，滷肉及魚腐。餸的份量小小，起初還以為會不夠食，但食落又差不多。雖然餸菜的份量略小，但賣相很別緻，味道亦不錯，坐得又舒服。至於價錢方面，兩個人埋單都只是$200，值得一試！
繼續閱讀
約左舊同事食飯逗利是, 佢介紹黎呢間食晏。間餐廳應該幾新, 裝修幾好, 坐得幾舒服。lunch set都係三十幾蚊起, 又有燉湯或飲品, 一味小菜再加飯或米線。我揀左招牌菜口水雞跟米線,燉湯。先上燉湯, 係紅蘿蔔煲瘦肉, 幾清甜, 無味精。主菜出現, 口水雞雞肉嫩滑, 都幾辣, 好味。個魚湯米線D湯好重魚味, 不過D米線就一舊舊, 所以食左一半就無食了。總括黎講係非常抵食, 會再黎。
繼續閱讀
擒晚阿M 同男友行行街，路過克街，見到有幾間選擇，好似都幾好咁喎．入到去，侍應遞上兩杯熱茶，好香，飲落口甘甘地，男友話係玄米茶，炒香左既玄米茶．我地叫左個二人套餐，睇落好似有好多碟，不過碟碟既份量都okey，所以食完都係岩岩好：－（１）口水雞－辣，ｄ雞都幾滑．（２）蠔油茨汁煮鮑魚，瑤柱，冬菇（３）煲仔飯－有冬菇，黃芽白，粟米，煮得好乾身．（４）蒸魚一小條－有竹笙伴碟，比較淡．（５）上湯菜膽（６）開邊大蝦－用酸甜汁煮，有ｄ奀奀地．（７）橙汁－用橙粉開水，沖淡了．（８）奉送：雪梨雪耳湯水－好sweet啊．
繼續閱讀