安金稻拌飯

營業中

休息中

糧尾想食韓國足料野嘅可以試下呢間🇰🇷，因為商場裡面集味道唔錯➕足料大大份➕勁平嘅，真係唔多選擇…呢間最平$3X就有大大份主食clsss‼️-🔥泡菜牛肉鐵板拌飯 $59.9 一上嚟嘅時候渣渣聲zzzz♨️，最癲係啲牛肉份量真係好多，底下係泡菜飯，勁足料‼️-🍚金槍魚拌飯 $46.9黐線超級大碗…係夠兩個女仔食，40幾蚊咁鬼大份，仲要有肉有菜冇乜投訴‼️-🥣石鍋大醬湯 $39.9一上檯冒曬煙熱辣辣♨️♨️有肉有泡菜有金針菇同埋其他配料份量勁足‼️-🫕泡菜芝士年糕 $38.9極度拉絲‼️同埋年糕口感超級煙韌熱辣辣♨️-🌽芝士粟米 $32.9睇片就知超級多芝士🫕超級拉絲拉極都仲有🤣-🍗蜜糖芥末炸雞 $49.9有8件，加配價係$18/3件😝熱辣辣炸起外脆內嫩，加埋個醬勁開胃‼️🍚一小時無限添白飯 $9🍢魚糕串 +$8

又到左Happy Friday, 今日同事們表示想試新餐廳（外賣）. 於是,選了這間韓式拌飯餐廳.我們有5位同事選擇人氣爆燈的牛肉醬拌飯,1人選了豚肉醬拌飯, 2人選了2人餐（大醬排骨+金槍魚拌飯）. 全部都包一罐飲品.大醬排骨 (跟1碗白飯）~ 排骨超淋,有些似豬軟骨,肉質都可以😋大醬汁都有肉味又不算太咸,拌飯好菜式. 排骨共有6大粒,啖啖肉半肥瘦 .金槍魚拌飯 ~ 比我想像中味道淡了少少, 金槍魚（吞拿魚醬）.份量不算多, 紅蘿蔔絲,紫菜絲,粟米粒,冬菇絲&波菜絲. 主要靠沙律醬混合所以疏菜絲拌飯. 如果金槍魚是一絲絲的魚肉口感應該會更加好食.詢問幾位同事們對牛肉🐂醬拌飯&豚肉🐖醬拌飯的意見：飯少,肉少,多菜👍🏻,味道少少咸. 一般韓國拌飯都會有芝麻及麻油香味, 欠缺少少麻香味,更似減肥健康餐🤭🤣. 牛肉醬&豚肉醬顏色差不多,餐廳也有特別註明”豬🐷“以下罐裝飲品,不屬於店內煮的食物,所以純粹參考.米露~偏甜🥲,同事們告知韓國的米露是屬於清甜.樂天檸七~普普通通,檸檬味偏少.總結：同事們最終的評價是不差,可以encore 下次再食😋

今次叫咗石鍋牛肉醬拌飯，配料同辣辣地牛肉醬撈勻一齊食都幾正，都幾開胃嘅金槍魚拌飯，酸酸甜甜~大醬排骨鍋都比想像中好，排骨索左湯汁，算入味，我同朋友都係芝士控，今次叫咗芝士粟米，芝士澎湃到可以拉絲，鐵板雞蛋好多醬汁，重口味嘅，都推薦辣炒魷魚，另外仲有滿滿牛肉同金菇菜嘅燒汁牛肉鍋，整體都算抵食

今日獨自覓食，撞正安金稻拌飯！呢間真係懶人福音，手機落單 + 預付款，坐定定等上菜就得，完全唔洗郁手🙌！🍱 金槍魚拌飯（$46.9）拌飯一上台，賣相超豐富！滿滿嘅金槍魚，紫菜碎、粟米粒、菠菜色彩繽紛～唯一小遺憾係唔可以走沙拉醬🥲，好在味道唔算太膩。不過胡蘿蔔絲應該係生切，咬落帶住澀澀嘅菜味，淡左啲，同其他配料格格不入😣。好在泡菜超級入味，要自己DIY一起拌飯吃，酸辣開胃，配埋海帶湯簡直天作之合！重點係可以免費續湯，飲到夠喉為止！🍢 追加魚串（+$8）加 8 蚊試咗魚串，點知踩雷！魚肉煮到過淋，口感軟綿綿冇彈性，味道普普通通，唔太推薦～作為一人快餐，性價比真係唔錯！份量夠大，食完好飽肚～環境簡潔乾淨，手機落單超方便。雖然有少少小缺點，但勝在抵食又快，好適合返工放學想醫下肚嘅朋友！下次試吓其他主食先～

星期六帶仔仔過去食lunch, 等咗一陣間！店員都好有禮貌！海帶湯,泡菜白飯係自取嘅！我就叫咗個豬肉石頭飯同炸雞！泡菜好好食喎！夾咗2次同仔仔食哂🤭石頭飯不過不失，有啲辣！$40幾蚊整體嚟講算唔錯！但係如果你真係要食韓國味道，咁就去正宗韓國餐廳比賽好🫢🫢🫢🫢

平日去咗行啟德零售館，睇吓有咩餐廳食下午茶，最終揀咗食韓國嘢。門面好韓國feel，選擇不多，但價錢相當抵，冇乜人入去試吓。嗌咗兩個下午茶餐，其餘時段加$8白飯任裝，下午茶唔使加錢。阿仔叫咗迷你石鍋牛肉醬拌飯，雖然話係迷你，但係size對於下午茶嚟講好OK，而且一啲都唔馬虎，仲有泡菜和白飯任裝，加$7嗌咗罐汽水。我就嗌咗燒汁牛肉鍋配白飯，個牛肉汁好濃郁，有火㷫住唔會好快凍晒。整體味道很好，環境舒適，不過衛生差少少，入去時凳有啲污糟，枱又未抹，當時下午茶時段冇乜人，員工應加緊清潔。

見到呢頭都新開咗唔少嘢食，今次就試咗呢間韓式拌飯，入面啲嘢食都有辣有唔辣，老人家食咗個燒汁牛肉都唔錯，入面仲有啲粉絲。拌飯就叫咗個金槍魚拌飯，賣相都好吸引，有好多唔同配料，份量好足夠。叫嘢食同俾錢都要喺網上面搞，叫店員幫手，服務態度都好好👍🏻。

拎完跑手包要搵食就去了安金稻，點好菜放入購物籃，手機付款揀微信就會彈入條超連結，之後就hang死又唔識得打晤WeChat。重新掃檯碼，發現購物籃又清空，即係重新黎過。再試，再死，如事者玩了4次都唔得真係把幾火，最尾改用Visa畀先有得食。App未搞掂又要人手機落單，隔籬檯食客唔識手機落單搵職員幫手，職員都唔肯落單要佢地自己手機落單，平就係平，但食唔食得成就靠彩數。之後就超口渴同唇乾，味精應該好捨得落。

冬天想食熱辣辣嘅湯飯，試左牛骨湯同大醬湯，每款都係$38，出面自助區有泡菜同海帶湯任添，加$8可以白飯任食。牛骨湯煲得清澈，同埋都有唔少牛肉，湯頭帶有微微胡椒既香氣同調味，調和左肉味，香而不膩，成碗湯都好啱送飯。大醬湯泛住醬香味，味道有大醬既甜味，亦有豬肉嘅甘香，豬肉選用左肥瘦相間嘅腩肉，肉質軟嫩充滿油香，湯入面亦有薯仔呢啲配料，就算唔配飯都好夠飽。出面任拎嘅泡菜都無欺場，唔會有藥水味，唔會太辣，係調較到香港人鍾意食嘅味道，可以拎多幾轉食到夠。成餐埋單唔駛$50，喺香港嚟講係非常之抵食

放假同朋友食飯幾十蚊一個韓國飯超級抵，依家求其嗌個午餐都六七十蚊，四個人先食三百蚊左右，有小食有主食，仲要白飯前菜任裝，芝士粟米必食好好味簡直係平民恩物，而且場內服務很好店員有耐心介紹如何落單如何結帳，自助落單線上結帳非常之方便，啲嘢食賣相好好，不過大家餓得滯唔記得咗影相就一窩蜂食晒，值得下次再可以幫襯

除咗難食同埋鹹之外，沒有其他comment 不過係啟德來說佢係比較平既餐廳建議不要浪費時間排隊！浪費時間，食埋一堆超咸食物絕對不建議去！又一間連鎖垃雜餐廳，只係得個係平字

價錢唔貴 4人 食左300 左右 但全部野都得個咸字....唔知係咪大廚放左假定係食鹽大平賣... 唯一可能配合返運動完需要補充足夠鹽份...深圳MODE 手機落單+比錢ORDER完 出左去拎 FREE 既海帶湯 同 泡菜海帶湯只有鹽味 其他咩味都冇 都冇青味或鯹味泡菜都係勁咸... 放湯都沖唔淡既咸叫左石鍋牛肉醬拌飯、石鍋純牛肉湯、石鍋辣牛肉湯、石鍋大醬湯、豬手、雞腳石鍋純牛肉湯如果配白飯都尚可以入口但都係偏咸其他所有野都得個咸字... 唔明點解上星期會排晒大隊...伏伏伏伏伏伏唯一正常係罐裝飲品 同埋+8蚊任添既白飯... 真係未試過一間餐廳可以全部餐點都咁伏....

啟德零售館開咗,即刻去左行下🤣餐廳數量比我想像中少,可能因為未開晒. 因為係想食韓國嘢嘅心情，所以就去左呢間#安金稻拌飯 價錢唔貴, 夜晚$50樓下都可以有個拌飯🥹而且可以自助任添海帶湯同泡菜．秘醬茄子($32)擺盤好靚, 係唔同配料剁碎擺上去,有蒜 蘿蔔 蔥 芫荽同肉碎茄子係有少少燒過, 有焦香味！而且軟硬適中,唔會太淋佢將燒完的茄子放入去,再淋醬汁上去. 撈埋其他配料,送飯一流! .石鍋辣牛肉湯 ($42)湯唔係好辣, 配料有豆腐洋蔥同韓國粉絲牛肉係牛肉絲,而且偏柴,呢個有待改善．燒汁牛肉鍋（$45）佢會成個鍋上,而且下面有火繼續煮佢醬汁係比較偏甜,同濃味,都係俾你撈飯食下面都係有韓國粉絲 金菇同洋蔥墊底牛係用左肥牛,有啲啲油🤏🏻.♾️白飯 ($8)可以任添白飯🤣

上星期有一日要去啟德工作，放lunch見到呢間餐廳門口排晒長龍，裝修又好新淨，就排隊入去試吓食客要自行掃座位的QR code落單同用電子支付埋單，沒有收銀員亦不收現金，萬一冇帶電話嘅人就冇得食！點咗石鍋牛肉醬拌飯，另加$7一罐錫蘭檸檬茶，餐廳有自助區提供泡菜及海帶湯無限任食，點完餐都出去攞咗一份泡菜試吓先，泡菜非常之鹹個飯係石鍋盛載，上枱係非常熱嘅，咁我原本以為咁樣會有飯焦，所以我都等咗一陣至拌勻嚟食，但搬到最底發現完全冇飯焦，算！食一啖試吓先，發現成個飯完全冇味，淡茂茂只係食到紫菜味，仲有牛肉醬味道好古怪，之後唯有加埋自助區嘅泡菜撈埋一齊先至勉強食到，絕對冇下次！

啟德零售館開幕啦緊係去睇下有咩食啦～發現平日時間呢間韓國野都幾長人龍入完一批又一批等我試試你第一眼睇餐牌睇中金槍魚拌飯 $42🤤🤤🤤平時其他餐廳多數都係牛/豬金槍魚好難會難食啦～飯比想像中多仲有啲菜底同出面有得無限拎泡菜同海帶湯正呀😍排隊個陣見到幾多人叫燒汁牛肉鍋$45賣相幾靚食落係平時牛肉飯既味道另加左$8 可以無限添飯啲汁撈飯正呀～肉份量都好足夠係成層餐廳入面呢間CP值算係咁4x蚊食到餐飯其他餐廳都偏貴唔怪得咁多人排隊安金稻朝鮮拌飯九龍城啟德承啟道38-39號啟德體育園啟德零售館1 2樓M1-215號舖#Foodie_aki #yum_yum #foodie_aki啟德#啟德美食 #啟德體育園 #啟德零售館#韓式拌飯 #金槍魚拌飯 #燒汁牛肉鍋 #泡菜