宏發燒鵝餐室

營業中

休息中

星期六下午茶時間，唔系太餓，叫咗個鮮油多士（唔系下午茶餐），來到個服務員離遠飛個碟過來，攪到件多士飛咗落抬面，但佢唔覺得系咩，更加無諗住換俾我哋。仲要個多士系凍咗再放牛油入去，牛油根本溶唔到。或者佢覺得我哋食多士就唔想做我哋生意， 我哋仲有叫咗一碟四寶飯， 個雞ok嘅，其他正常咁囉。但以後唔會再來，反正人哋都唔憂做。仲有個阿姐話星期六日無下午茶餐，要叫正餐。點知我哋出門口，見見個牌寫住星期六日3-5有茶餐， 我哋一定系3點後先入到去囉。

進入餐廳等位，誰知一個矮小短髮老粗五六十歲店員大聲呼喝話冇位，叫喝出番去店舖等位，不要阻住門店！ 不禮貌又趕客走，不知是否老闆！ 如果係老闆不如早啲執咗佢！ 冇謂要客受氣受氣又做不成生意！

各位港島中環街坊，國內外同胞旅客請注意，此宏發燒鵝餐廳經營手法是有問題，食物非常普通, 本人今日向該餐廳侍應下單堂食一碟燒鵝叉燒飯，師傅斬來竟然是一碟鵝皮加膏骨，和先用水煮後略燒有異味的叉燒，並排列不整的碟頭飯，本人向師傅反映斬燒味不要尺寸一大一細，要統一，個師傅回覆本人「你嚟斬」我答佢「我識斬＇你執左」。最後有兩點我發現＇該名燒味並非緊守燒味座頭位置，當有客人進餐廳時＇竟然會走去落單＇甚至到櫃枱找績帳單，如此不專業既燒味師傅，真大開眼界@ @第二點係此燒味餐廳應該是在幾年前香港疫情期間＇中區地舖租金下調時承租上址開業，繼羅富記離開皇后大道中，本人搵不到理由究竟宏發與皇后大道中有什麼關係？？宏發老闆或師傅究竟憑什麼燒味食物水準可以在中區營業，我想問一句宏發師傅你究竟識唔識字？ 識唔識斬燒味？以上經歴，請各位參考自行判斷！

琴日返工食午餐，由於時間緊迫，所以要嗌外賣，於是就喺樓下一間茶餐廳叫宏發燒鵝餐室求其嗌咗個叉燒米線食，整體來講一般般，啲叉燒幾好食，肉質幾好，叉燒汁又幾好味😋😋😋，可惜啲米線一般，口感好硬，個湯底又一般般，同普通水冇分別，冇乜味道🥲🥲🥲我期望個湯底係有啲味道，可惜fulfil 唔到我個期望，不過整體嚟講，都算幾好，因為佢都有足夠嘅菜心，對於鍾意食菜嘅我嚟講，都幾有吸引力😊😊。價錢方面，我覺得都幾抵食，起碼30幾蚊喺中環可以食到個午餐。

港島真系好難泊車，兜左好耐終於見到有個地方可以停一陣，因為實在太餓，邊間近就食邊間，又怕抄牌最後都系打包安全Ｄ，費事又食牛肉乾，今個月食左好多怕左😩。泊好車第一眼就見到宏發燒鵝餐室，收銀態度一般好，但系又唔系十分差，最後要左個滑蛋牛肉飯。滑蛋牛肉飯（HKD 55）：牛肉都算滑，好多蔥，滑蛋汁咸度適中，味道都算唔錯，普普通通，跟左個餐湯，感覺好味精，一大舊姜，仲有Ｄ燒鴨，好一般。中環皇后大道中149號地下華源大廈地下

今日lunch 同同事去試下宏發燒鵝餐室，環境一般般。叫咗三樣嘢，一齊食。老干媽肉鬆炒飯好味😋😋😋😋乾炒牛河就一般，唔夠乾身同比較油，冇乜驚喜。椒鹽豬扒 爽口好味送白飯一流👍👍👍👍👍

星期日 (2021年8月1日)，香港有約550萬名合資格市民，收到政府派發第１期電子消費券，我是550萬份之１在中環 Lunch time shopping！響應波叔呼籲：齊齊消費，帶旺經濟Shopping 快、狠、準！收穫３條牛仔褲，其中１條更是 Gerry Weber限量版，開心！還有時間吃午餐，哈！就在皇后大道中吃個快 lunch：#是日例湯：蓮藕排骨湯，表面有些肥油飄浮，賣相一般！味道還可以！#梅菜蒸肉餅配白飯：肉餅非常薄，只薄薄的墊過碟底，白飯很大１碟 (但不夠熱)，比例不對，不夠餸飯！#凍檸檬茶：紅茶不澀，本餐最好味是餐飲。

收銀果個黑髮呀姨態度差到冇人有，黑面又串，諗住上黎寫佢，廢事其他人中伏，點知原來已經好多人都受過佢氣！串到好似唔憂做咁，野又唔係好食，比錢你仲要受你氣，建議大家食第間好過。事源有日買外賣，同佢講油雞飯，佢已經西面叫我講多次，ok我戴口罩講唔清楚，再大聲啲同佢講多次，又話咩雞話，第三次已經指埋比佢睇係油雞呀，佢又係唔理我，最後大大聲講左第四次，佢話「咩雞呀，油雞同白切雞唔好架！」佢副嘴臉差到呢⋯⋯講真，燒味飯周街都有，你又唔係出名又唔係平，諗唔到任何理由食佢。

幫襯左2次其實食物無問題，但係收銀啊姐嘅態度真係好有問題睇，問佢野就愛理不理咁，叫你自己睇。第二次叫外賣電話落單，去到同佢講電話嗌左xxxx飯，跟住佢又出一張單，我已經覺得奇怪，係佢頭先無落單定覺得燒味出得快等人到左先出單？咁我無理咁多啦，反正問佢野佢都唔方好語氣，然後我對上一張外賣單出黎，但無人應，我四圍都無人，咁我就好心問個啊姐一句確認下我手上係咪我電話落嘅單。佢就突然發好勞氣咁話我無講，但我明顯一黎就話明電話嗌左xxxx飯，同佢理論佢仲發悔氣話佢無野講喇。就係唔想你地蹝野先係你出下張單前確認下，點知俾你鬧番轉頭😂係咁唔會再幫襯。

收銀個位短頭髮阿姐服務態度極差 問多一句嘢就黑頭黑面 落單時候已講明要求 落單時根本無心聽客人講要求 只係話好好 飯盒攞返黎 完全錯曬咯 總之以後唔會再幫襯 反而廚房廚師態度好好

👩‍❤️‍👨💕🧨恭喜發財🧧大年初一有魚有肉的「牛年」第一餐😋🥢🐟🍵祝福大家「年年有餘！」🤗😘—————————-🟧🍋檸檬蒸盧魚🐟套餐：配例湯、飲品😋唔知廚房係咪落豉油嘅時候落錯咗茄汁，豉油橙橙哋顏色，食落仲有小小茄汁味😂不過魚又蒸得幾滑溜——————————🟨薑葱蒸黃花魚🐟套餐：配例湯、飲品😋呢個味道正常，蒸得滑溜，應該無落錯味道，豉油正常😂😂😂—————————🟫燒肉：皮脆、肉質都ok，不過不失😊————————大年初一，總算是有魚有肉。..................開心🥳⋯⋯簡單

午市勁多人，我覺得佢地跟本做唔切，市時精選，又唔係快餐，但我點了福建炒飯，一分鐘內可上枱，我覺得佢唔係即炒。失望1，唔似即炒失望2，作為一間主打燒味餐廳，福建炒飯竟然加入腸仔（完全唔夾味），竟然唔用叉燒。我都好意鐘食腸仔，但加咗去福建炒飯真係完全唔得。服務態度：姐姐忙到無比湯我，人手不足應付中午。環境方面：4張卡位，10張4人圓枱，都有小小迫。食物質素：福建炒飯，腸仔，雞，芹，紅椒，青豆，粟米，本人覺得九唔塔八，青豆，粟米想點呀？最不知所謂係腸仔。咩玩法？$55竟然無蝦，無冬菇粒，成個飯都勁濕囉。味道勁怪。份量都比較小，如果唔係咁難男士一定唔夠食。性價比：極低總結：中伏，中伏。。。好味指數

今次係午餐，上班日1230左右就會滿座，八達通或支付寶付費都可。外賣燒味會平一點。服務態度：坐底通常會主動俾例湯你，服務正常。環境方面：約有60坐，主要圓4人枱，4人卡位約4張，比較一般茶餐廳清潔整齊。食物質素：如圖，不是脾位，因為脾要$100，鵝味比較淡，無咩肉（應該係部位問題），肥瘦正常。例湯係用燒味的骨，肥肉，雞腳去煲，好夠味。。。性價比：燒鵝飯堂食55，無飲品，質素一般，性價比一般。總結：如對燒鵝要求不太高可以一試，如有要求請食燒鵝脾飯$100好味指數

原本打算吃日本餐，因為看到有新茶餐廳(不新了，已開了一陣子)，但還未幫襯過，所以就來試試。看到店主打是燒味，Honey知道我喜歡吃乳豬，所以叫了乳豬飯。乳豬飯不算便宜(90元)，加飲品加10蚊。$100吃一餐碟頭飯，有點貴。但好吃，就算啦！外皮非常脆，也不肥。只是肉有點薄，其實不太夠送飯。飯也少，不夠熱。星洲炒米($55)配飲品加5元。星洲炒米也夠鑊氣，夠辣夠味道。不過，炒得有點濕，不夠乾身，有點「碎濕濕」。奶茶和檸茶都OK。價錢算合理，在中環，不錯了。

環境：晚飯時間都無咩人，有卡位，都闊落，傾計慢慢坐都可以。裝修都比較新淨，餐具放於櫃桶內有眼見污漬，用之前要沬一沬。服務：侍應多數係姐姐，仲要好似唔知有咩食咁，第一次尼問佢有咩好食佢就推介燒鵝比，我問100蚊點解會咁貴，佢就只係話好好味叫我試下。咁點樣好味佢就唔知。態度都可以，但比我感覺不太醒目。食物質數：星洲炒米，配料，叉燒，火腿，洋蔥，亁蔥，細蝦，紅辣，米粉炒得乾身，但蝦細而且無味，一定係雪藏蝦，其他都幾好，咖哩味夠，小辣。老火湯，天天不同，今次我係花生雞腳，都幾好味。性價比：55蚊，性價比低，我覺得40蚊咗右。附近有其他餐廳40蚊食到星洲炒米，質素差不多。