定食 Doraya (已結業)

絕對估不到會有咁好食的經歷昨日打風唔成無咩做過之下旁晚時段便步行出旺角近通菜街試食老公推介的魚生刺身食店 Japanese Restaurant Doraya. 約七時多不需等位便進入店內仍有3-4張吉檯. 環境屬一般旺角食店style-即是較細同有機會要搭檯. 不過向來喜愛食海膽的我倆有點失望因門口已貼上海膽沽清字樣"不知是否打風關係無入貨" 無點睇menu之下就隨即order了吞拿魚魚扒飯定食及吞拿魚刺身定食再加帶子刺身但結果帶子又已經沽清, 因此只好另選一客燒吞拿魚面珠了 兩位定食相較起來真的是吞拿魚刺身優勝過吞拿魚魚扒 完全有入口即溶的感覺 燒吞拿魚面珠就買相較差,味道及口感亦只屬一般 為滿足愛食刺身心態,最後再加了客Toro刺身... 老實講,刺身質數真的很不錯, 但不得不提是小妹從未見過有咁差的力法...每件刺身都有零叮一塊魚係邊邊連住,賣相奇差浪費刺身本身的高質數,唔清楚到底係力身出現問題定是力功差

一直都好想試，到而家先有機會。去完旺中，就拉埋阿媽去呢度食晏。十二點半度去到，嘩，得一枱客咋喎！坐得幾舒服，唔會太迫，冷氣又夠凍。一坐底就睇menu，d侍應生完全唔會理你睇幾耐，又唔會主動介紹俾客人聽邊款好食。淨係識得企喺度傾偈，老細請佢地都唔知做咩！我要了吞拿魚便當($68)，而媽就要了吞拿魚扒飯 ($98)。吞拿魚便當有吞拿魚蓉飯 + 吞拿魚刺身 + 玉子 + 炸吞拿魚 + miso soup。$68有咁多野食，都算好抵。玉子厚切，入口暖和。甜甜地，幾好味。炸吞拿魚幾特別，炸得香脆，不過塊肉好薄。吞拿魚刺身有4件，算不上是入口即溶，但好在新鮮無筋。吞拿魚蓉飯，吞拿魚蓉加上蔥粒，帶出魚的味道。加上吞拿魚醬油撈勻，味道很鮮，魚味很出。飯的份量都幾多。miso soup不過不失。亦試了一舊吞拿魚扒。由於吞拿魚扒的邊會被燒一燒，不生不熟，所以味道比較腥。

上openrice見推介這一間叫定食 Doraya 的餐廳, 便約埋女朋友試試原來係一間專賣魚生飯的餐廳, 我食左藍鰭吞拿魚飯定食, 定食包括了吞拿魚飯, 麵豉湯, 前菜, 煎蛋, 個前菜係醬油茄子, 味道幾好, 煎蛋同麵豉湯都唔錯, 特別係煎蛋, 好軟熟, 又唔會太甜, 好好食吞拿魚有十塊, 好新鮮, 用專供吞拿魚刺身點的醬油嚟點, 特別好味, 赤身夠厚, 無欺場, 百零蚊都算食得過!格局走一般中等路線, 唔算高級, 服務都比較casaul, 不過反而無咁拘謹!

gf話要食日本野,就去都有差不多3個月冇去食過0既 doraya因為銅鑼彎店太過細間,好多時都冇位,又坐得唔太舒服,聽朋友講mk都開左就去試下啦點知0係女人街內要搵左差不多成20分鍾先搵到~好彩唔使等,剛有兩位 lucky 之後就見到有人等位喇!次次都會食tuna魚扒,今次見到有新野(小銀魚配tuna)睇到個menu話d 小銀魚係和歌山黎0既 , 小銀魚0既咸香真係好正,好0岩我口味加上藍鰭tuna,以後我又多個選擇喇~gf就食海膽三文魚子,,,,,,真係識食,唔貴0既都唔食再加左個天婦羅我都有試下d海膽~好鮮味甘而不苦感覺ok ,不過唔知係唔係日本黎架呢?天婦羅炸得好有水準,一d都唔油,好好味感覺上mk店比銅鑼灣店大 ,不過都唔係大間! 店員服務態度好好,入店同離開都有同我地拉門,態度有善仲有係女人街內0既食店,真係好少見到咁乾淨0既Toilet~只係間舖係難搵d~

　　因女朋友喜歡吃這裡的他他蝦飯，因此來食過兩次，不過我對兩次的食物質素都不太滿意。　　第一次吃的是海膽飯，我一啖入口已經知出事，海膽苦如廿四味，成碗飯食到我面容扭曲。這餐本由女朋友請，我都想當無野食左就算，不過真係做唔到，唔嘔都算執到，佢都覺得唔好意思，請食飯食著D咁難食既野，最後我俾返錢，下次佢請我食其他野。$120一碗垃圾海膽飯，我唔該佢地試下味判斷可唔可以賣出街囉。　　第二次選了吞拿魚蓉飯，比海膽飯好，不過吞拿魚受飯熱影響而產生不少酸味，不太對本人胃口，好吃與否有待大家判斷。　　值得推薦的只有他他蝦飯，味道甘甜。

當初只是在銅鑼灣一所小規模的吞拿魚don店子，想不到現在分店開到來熙來攘往的女人街內，總覺格局有點格格不入....十二時半左右來到，店仍是一個客人也沒有，反而旁邊的台灣小店及平價焗飯專門店卻是其門如市，實在令人很擔心這兒的前景.....價錢當然是最主要的問題 --- 試問這一帶的OL或宰宰學子們又怎會肯花差不多六七十塊錢來吃碗日式碗仔飯呢 ? 有都寧願吃多幾餐茶記啦，最緊要省錢嘛....小弟就覺得"人一世、物一世"，又不是天天吃，間中"豪"一次亦無傷大雅....何妨這裡的水準是不見有太大的退步 ---- 吞拿魚蓉雖有點筋，但肉啄得很幼細很用心，肥的部份亦不少，吃落很香滑。若果飯是能全部用上肥嘟嘟的日本米就更妙了；萬料不到冷稻庭烏冬會比吞拿don更出色，入口煙韌彈牙，而且又真的是夠冰夠凍，量亦毫不吝嗇，吃完那個小小的don，肯定不夠"攝牙隙"，但再將這一大碟的烏冬吞下，肚皮就大滿足了....烏冬的伴汁是以芝麻、一小撮蘿白蓉及薑蓉倒入湯汁內，用筷子放一些麵進汁內，"殊"的一聲吞進肚，既凉快又夠豪爽，痛快痛快.....

那天剛好跟朋友食午餐，就來到位於女人街(通菜街)的DORAYA食飯～坐下來就很快送上熱茶，跟住就看看餐牌，二人分別點了吞拿魚便當和吞拿魚魚扒飯定食～吞拿魚便當：我點的是一份便當，份量都不少，分別有沙律，吉列扒，幾片吞拿魚刺身，還有吞拿魚碎飯，感覺很不錯，而且便當價錢都是四十多至六十多左右，很抵食！吞拿魚魚扒飯定食：有燒玉子，味噌湯和配菜，主角當然是吞拿魚魚扒飯！啖啖肉，但是朋友說有些部分是很多根的，反而說吞拿魚碎飯中的吞拿魚碎調的味不錯，當然價錢來說比我點的便當還要貴一點～不過整體上還是不錯～遲來的食評，食左半個月有多現在才終於把那篇打完～

21 May, 2009差不多10pm來到,店內客不多....我們4人來到主要都係食個吞拿魚飯吧...兩個叫了吞拿魚蓉飯($88),一個叫了魚扒飯($98),一個叫了魚生飯($138)...友人喜歡燒過的,而我就喜歡魚生的...不同口感,不同味道~ 佢既玉子[ 伴菜 ]都不錯吧...還叫了菊正宗人飲....嘆~

所有美好的事物都好想與自己所愛分亨, 美味的食物都想與他一齊分甘同味, 今天終於有機會帶他來食呢間我一直念念不忘的吞拿魚扒定食.來到的時間同上次差唔多, 但門口的那條人龍卻消失了, 的確令我有少少驚訝, 入到店內, 入面的仅有二枱客令我以為入錯店我都係叫番上次的吞拿魚扒定食, 幫佢叫了另一自己想試的香蒽吞拿魚蓉定食, 我記得上次等餐的時間都幾耐, 但今日好快就有得食, 心想可能是人少的關係吧, 但食物一來到, 就發現上次的湯匙由日式長木匙變左快餐店的不锈鋼匙, 令我打左個突今次的吞拿魚扒數量少左, 同埋食落口好多筋, 男友的那碗吞拿魚蓉少得可憐, 祇得簿簿的一陣舖在中間, 飯無上次來的晶瑩, 好明顯唔同於上次食的米, 終於明白左客少了的原因, 真的令我好失望, 更加有少少對男友的愧疚感, 難得佢沒有一句埋怨及批評, 令我內心不至於那麼難受. 興高彩烈的來到, 卻帶住滿腔失望而回食緊時不停的蚊不停圍住飛, 令到我地不停揮趕, 抬起來見到牆上那張吞拿魚的廣告相上還有四隻蚊係上面郁來郁去下次? 我想沒有下次了吧....

第一次食呢間店, 是朋友幫我慶祝生日.我記得當天是星期五, 去到時要等三四張枱, 店舖好細, 的位坐到好密.我叫左吞拿魚扒定食, 朋友要了刺身定食, 試了一啖朋友的, 覺得刺身就咁食就好, 但加上飯就怪怪地, 始終一冷一熱, 不是我杯茶, 反而勁鍾意自己的吞拿魚扒飯, 日本飯煮到剛剛好, 好有口感, 加上淋左少少鼓油汁, 甜甜地好好味, 切到一粒粒的吞拿魚外面燒左少少, 同個飯好夾, 成碗飯都清晒 定食有二件我鍾意的玉子燒, 我地另外叫了個和風炸豆腐, 呢個又係驚喜之作, 好簿的炸粉包到入面滑溜溜的豆腐, 實在太美味成餐飯我都覺得好好味, 祇是座位太逼, 食食下又要站起身讓後面食完的食客行出去, 一陣又要讓開俾新來的食客, 好煩

今日試咗呢間嘢。其實都OK好食，叫咗一個豬扒定食，一個燒雞定食。豬扒食晒個雞都未嚟，等咗好耐，其實我覺得呢間餐廳都喺比較慢，不過算啦。豬扒OK好食，勁多菜，因為我都幾鐘意食啲拌碟生菜絲，所以覺得唔錯，不過佢唔記得比個豬扒醬我，我食咗一半先比(我初頭唔知有，後尾應該喺佢見我點佢個生菜醬定唔知咩汁，先比返毎豬扒醬我)。另外個雞扒飯細妹就話麻麻，仲要等15分鐘(結果我食晒個豬扒佢都未嚟，肯定唔止15分鐘)。呢間個價錢偏貴，同以前百人一朱差唔多，不過百人一朱多啲嘢食，呢間可以話冇乜嘢揀(本來想食三文魚，但喺佢又冇乜三文魚食)下次要試下佢個吞拿魚(好似喺主打嘢)，我見好似好多人叫咁(同埋好似出得快啲)。

-粒粒海鮮飯定食，不好吃！我看MENU的圖，想像是魚生飯的樣子，但原來這一個海鮮醬油飯，味道太濃了，不過都盡人事吃了大半。反而加10元的三文魚魚頭湯味道不俗，魚頭很滑，讚！-男友點的是吞拿魚魚扒飯，是物有所值的!吞拿魚魚扒外層是微熟，而內裡仍是生的，上面再加蔥花，十分好吃。我一向不吃吞拿，但真的很喜歡這個肥美，而且入口即溶的魚扒，下次再來我一定要點這個！

第二次去食，水準十級下降。一行七人去Doraya pre-celebrate Mother’s Day, 依個價錢配依d質責, 咁迫既環境，簡直唔抵~~我地叫左以下套餐:1.鐵板吞拿魚:﹕睇相d 吞拿魚好似好大舊咁， 點知送到黎只係得每舊1cm*1cm 吞拿魚粒，又少，口感麻麻，d 所謂沙律好難食, 又硬又苦，成個餐不知所謂。2.北海道和牛﹕個餐名改得咁靚，一口咬落去，d 牛好老，普通過普通，吉x家仲好食過佢，HKD98.00/set 我寧願食其他。3.泡菜吞拿魚﹕都係果句--->平凡。4.吉列豬扒﹕中規中矩，無乜特別。5.天婦羅:﹕依個我無試，但賣相不錯。總括來說，依間野試一次都嫌多，難食到爆，埋單HKD7XX, 仲收咁貴，扮高級食物，俾海嘯價我都唔會再幫襯。

之前食過TST果間，d tuna真係好鬼正嫁>v<"Doraya的tuna..暫時係我食過咁多間日本野之中最好味的~!咁多種魚之中，我最愛的只有tuna~HEE旺角呢間分店，其實真係幾細間= ="但好似又真係唔係太多人食...唔知係咪地點太偏呢?今次就試下這間分店吧~*吞拿魚扒定食 ($92) [ 追加飯+tuna ($25) ]我同老公2個人share，另外還order左d壽司呢~之前喺TST果間唔見有sushi嘅，唔知係咪新出ge呢?不過d salmon味道就一般la，還是tuna比較好味=v="個定食無左蒸蛋，變左玉子燒@@"如果是熱的話，我諗應該會好食d加大左~其實2個人食一個都夠-v-"哈哈...查實係我個人比較細食啫^^"遲d有機會的話，我一定會試埋CWB果間的^^"

星期五晚七時多到達，人很少。曾到過尖沙咀店氣氛比較好。二人点了一個特選吞拿定食，一個海膽定食，海膽定食先來，伴菜不好吃，蛋卷也是普通像半天前做好的，到試海膽了，好甘！但唔甜...一味苦味，好似話係智利貨，但係真係唔好食…好喇！跟往吞拿魚定食喇，加了$10轉蜆湯的確比較鮮味，但主角吞拿魚片卻明顯比尖咀店失色了，魚片全為赤身，以前在尖咀店吃的包含小許其他肥美部位感覺較抵。另外、魚味不足，大都被醋味所掩蓋了。總括唻講，味道還好，只是這價錢可以做得好D嘅…順帶一提、服務不錯。