定食8 (已結業)

定食8門口張原條鰻魚飯海報吸引左入去. 打開餐牌也有不錯的選擇，但最後還是先試鰻魚飯。裝修後加上疫情，無左時限出餐，幸好都唔使等太耐， 出餐時間合理，依舊自助拎熱水，眼見有人無戴口罩就出去，又講野傾計咁，真係要自求多福。原條鰻魚芝士蛋包飯（$68）果然夠吸睛， 長長一條舖在蛋包飯上，我唔客氣喇。。 。。咦，條鰻魚凍既，應該係話好微熱，嚴重影響左口感。明太子雞扒丼（$48）要求醬汁另上，雞扒大大件， 煎得香口， 雪味唔重，普普通通正常。雞粒唐揚兒童餐（$38）阿女期待已久的車車造型兒童餐，個泡芙原來內有雪糕，幾特別。雞粒有點太乾太硬。玉子壽司太過鬆散，未能成型，食得有點狼狽。個熊本熊布甸，阿女自私食曬，我估應該好好味。

平時食日本野至少都要百幾蚊一個set，但呢到標榜經濟實惠，平均一餐可能$50-70就有交易，以平食做賣點，質素好壞要試過先知.呢到都係採用自助式服務，設有common area放置椰菜絲、味噌湯同埋白飯，只要最低消費叫一個定食，就可以無限任食以上既食物，價錢上係抵食👍🏻.明太子玉子 $20 7/10玉子燒口感係比較紮實少少，我之前以為明太子會放係玉子入面，但原來只係加層醬係上面，有點失望，不過玉子燒食落微甜，蛋味都幾濃😋.海鮮天婦羅盛合 $58 7.5/10呢個set都幾豐富，炸蝦食落唔會太油，咬落去有酥脆既口感，烏冬偏腍身，唔係有嚼勁個款，同埋唔係太熱.鰻魚芝士蛋包飯 $68 7.5/10$68係比足一條鰻魚份量，鰻魚厚身同埋都幾肥美，燒得唔錯，蒲燒醬甜甜的，配飯好食🤤

服務質素不予置評！一直都好中意食定食8既套餐，但成日叫外賣，覺得唔太環保，但近日肺炎肆虐，又唔太想堂食，於是決定自己拎個食物盒，好有禮貌咁問店員可唔可以裝落個盒到，點知比佢秒速拒絕左。另一件事係，我想影下個menu，買埋比屋企人食，點知佢又擺出一副不情願的嘴臉。我覺得作為一間有分店既連鎮餐廳，好應該承擔一下社會責任，意思姐係要推動環保。我既要求其實好簡單，唔需要你擺得靚，只係需要你塞D野食落我個飯碗就okay，我唔明點解市面上間間餐廳都做到既事，你竟然做唔到。我唔知道係門口呢位店員嫌麻煩唔肯做，定係你地公司唔比做，但作為一間有影響力既公司有責任要正視下呢個問題。彈劾完服務質素，講番野食。野食平心而論的確唔錯，平平地$58已經食到一份和風鮪魚，同埋一份明太子玉子燒。魚係一個set黎，有飯有菜，魚都幾大條。玉子燒勁大舊，食完超飽，味道唔濃，同明太子醬好夾。整體黎講，價錢公道，味道良好，但服務好唔合理。

一直想試呢間分店，行到耐未食嘢醒起有下午茶我是但揀咗個位坐。想落單 (T9) 發現落單紙上面冇T9 揀都等咗一陣，件三文魚好冰... 啲飯有啲散...炙燒沙律醬嘅兩件壽司幾特別下喎連熱飲，我叫咗蜂蜜蘆薈茶 (都比較少見) 幾甜幾特別收加一服務費~

天氣轉冷，早幾日發現原來連定食8出左火鍋系列，一人火鍋選擇，所以就同屋企人去左食。相樸鍋雖然價錢比普通海鮮鍋貴少少，但相撲鍋嘅份量真係好多性價都幾高除咗有青口 蜆 帆立貝 蟹棒 獅子狗 蔬菜類 菇同丸之外佢嘅安格斯牛肉份量係超多！配有半磅安格斯 好似食極都唔完咁 岩曬食肉獸！另外每個餐都附送一分烏冬 男仔都一定飽!湯底就有得揀豚骨湯或者壽喜燒湯底🤞🏿佢嘅海鮮類同肉類都好新鮮好大隻性價比真係幾高另外仲叫左個沙律，加咗柚子汁酸酸甜甜幾好食，不過整體冇乜特別

忽然想食日本菜 經過見到呢間日本菜好抵食就入左去一試 七點入去無咩人 唔逼叫左魚生飯同卷物三文魚以呢個價錢算不錯四十幾蚊仲有鰻魚鮮蝦 很抵食👍🏻卷物都值得一試 配搭得好特別店內有不少特色飲品 味道也不錯

佢果個4十八蚊果個A3定唔記得A4果個餐好Q咸。個烏冬超級琳。好似比 BB仔食既咁。唔知大家有冇食過元氣果個好彈牙既烏冬啦 ，人地個餐貴你兩蚊咋。但彈牙好多囉。跟住個烏冬有個餸既 ，好似係豬軟骨黎既 。脂肪分佈唔錯既 ，口感係琳既 。之但係好似拎左個豪油黎飲咁樣囉 。跟住個烏冬果湯唔知係咪真係淆出嚟啦 ，係傑身既同埋好油好咸既。跟住食左佢個十蚊三舊既三文魚壽司，冇咩問題既 。正常口感。冇咩特別。都OK既。跟住食埋佢個好似係反卷黎既 。都OK冇問題既 。

今晚又同男朋友一齊撐枱腳，果然有男朋友係特別開心。喺慈雲山喱頭都有唔少嘢食，我哋今晚想食啲日本野就去咗呢間餐廳試吓叫咗個滑蛋芝士豬扒飯餐($48)同咖哩吉列牛飯餐($58)味道都唔錯，我哋兩個都覺得豬扒餐好食過牛餐，啲牛既牛味唔知去咗邊度，但係間呢係唔錯嘅日式咖喱都唔會辣得去邊。豬扒中間夾芝士而且有滑蛋夾洋蔥有汁好啱送飯。另外，個餐都有跟麵豉湯同沙律。個湯有三文魚唔錯，沙津正常。加埋一不過價錢都合理，上菜速度還可。係平民美食

昨天夜晚同朋友係慈雲山行街，見附近冇咩野特別岩食，就來到食過好多次既定食8。之前食過新蒲崗mikiki間定食8，次次都好多人排隊，出奇地慈雲山中心呢間定食8今日見到唔算多人喎，唔洗排隊就入到，仲有靚靚卡位坐。選擇唔算多，但係全部都好平。普通飯，壽司，烏冬都有有魚生飯又有小食。揀完野食要自己係餐紙度點菜。最後我點左個海景丼，48蚊平平地。刺身呢個價錢算係咁啦，個餐仲配埋芝麻醬沙律，面鼓湯。份量ok,夠飽。朋友點左個明太子雞扒丼，一樣有湯有沙律。明太子有少少辣，食落太鹹，一般啦。個餐都係48蚊。我地仲叫左個芝麻醬秋葵做小食，都ok啦。不過見d沙律就咁一盤盤放係出面，衞生就差dd餐廳有加一，兩人埋單$117。餐廳有點餐後15分鐘內送餐既承諾，遲到就免費，唔怪得我地等差唔多5-10分鐘送餐啦，算幾有誠意啦。想食平平地食日本野，食定食8都ok啦。

午餐時間無咩人叫左兩個餐五件壽司都ok ，特別係帶子同埋北寄貝都幾好食豬軟骨烏冬，味道夠湯底濃，豬軟骨夠淋，迷你份量都有兩大舊。明太子雞扒飯，明太子汁太酸太甜啦，完全冇明太子味，雞扒夠厚都夠嫩口，份量多！

平平哋下午茶，揀咗一間日式野叫咗個牛肉飯，牛肉上面有少少蔥花，我鍾意食蔥，所以冇所謂😂如果你唔鍾意食嘅話，記得要走蔥呀牛肉飯同吉野家一樣，味道都唔錯！裏面有肥牛，同埋煮到好淋嘅洋蔥！ 如果真係要比較,吉野家嘅牛肉味會重少少，但呢間嘅價錢平啲👍🏻雖然份量會少啲，但啱啱好夠我食下午茶😝下次會再嚟食㗎！！！！

定食8推出咗為期一個月，指定四款主食下午茶買一送一，宜家接近尾聲，到底係未真係值得趕去食返次？原有下午茶餐，唔難發現兩邊都有炸蝦天婦羅丼，但價錢差一半，下午茶餐仲跟味噌湯。仲有優惠，本身加味噌湯同茶碗蒸係十蚊，宜家優惠價五蚊，只加茶碗蒸就三蚊。首先係味噌湯同茶碗蒸，湯稀咗，就係有得買小包裝一小包一碗過款味道，料都係入面過D；茶碗蒸個碗明顯係外賣加熱款，上面一片名門卷，少許蟹柳肉夠聞到，蛋亦夠滑。炸蝦天婦羅丼，雖然唔同分店，之前已食過下午茶餐版，明顯個碗同內容都有唔同。首先飯量更多，同樣一隻蟹棒，印象中炸蝦多一隻，下午茶餐仲有幾片南瓜片、蕃薯片之類，而今次依碗有兩件秋葵，厚切茹子一件，同炸蠔一隻，明顯用料上都真係貴D。咖哩漢堡排飯，咖哩係正宗日式甜咖哩，汁俾得夠，漢堡排唔似現成冷藏貨，有肉味，有打起，囗感係無加生粉打起嘅肉餅，有驚喜。餐牌寫做優惠五十蚊，但買一送一係原價五十八蚊。可能依間生意特別差，優惠一張又一張，依個鐘數全場係免加一，下午茶餐都有，但買一送一係無份，店員打咗單先記得提我，不過優惠真係太多唔怪佢。樣樣都有得有失，有選擇恐懼症勿入！睇價錢覺唔抵，到食又覺都抵，真係睇你想食嘜

爭鮮旗下品牌「定食8」貫徹經濟實惠的原則，便宜大碗又美味❤️餐牌的選擇多得我眼花撩亂，熟食丼、海鮮丼、烏冬、壽司、小食等一應俱全，我跟朋友叫到滿桌都是食物，結帳加一後只需約$200，真的超伐算的✨🍱赤蝦海景丼：刺身堆得滿滿的，有赤蝦、蟹籽、三文魚、鯛魚和希靈魚，飯量也很足✨🐮鍋燒牛肉烏冬：有大量肥牛片，還有兩大條竹輪卷，烏冬份量也很多～只是要注意不要將牛肉片泡湯太久，會容易變硬哦🙈🐟蒲燒鯖魚：平時在爭鮮也很喜歡叫鯖魚來吃，燒汁惹味，魚肉已經去骨，適合懶人如我🥰🥒芝麻秋葵：芝麻醬配秋葵就是完美的配搭～秋葵爽口，裡面的黏液棒棒的👍🏻🍣綜合刺身：有赤蝦、三文魚、鯛魚、北寄貝和帶子，就是爭鮮的味道🤣🥚茶碗蒸：雖然配料不多，但蛋蒸得滑溜溜的，調味也不錯👍🏻🍲味增湯：有很多白蘿蔔片和豆腐，還有一點三文魚碎，不會太鹹，蠻好喝的～

食咗個鮑魚井飯, 再加個厚切鰻魚飯 先講鮑魚井飯,鮑魚軟滑, 有兩隻還可以, 北寄貝一開二, 反而冇咁韌, 不愛吃一整片北寄貝的人 ,一開二後反而覺得這樣好味, 特價5蚊蒸蛋也好味, 這款鮑魚井飯 可有七分, 厚切鰻魚飯, 真的比較失望, 本身 鰻魚不是厚切 比鰻魚兩條尾, 很薄的不是很厚,吃落有骨,不是一兩條骨 是很多骨,超過十幾條骨,鰻魚汁不夠 ,沒有wasabi豉油,要另叫, 至於免費任攞吧, 是有白飯 和麵豉湯還有椰菜沙律, 但是麵豉湯是你沒有想過的味道,沒有麵豉湯味,只有豆腐水味, 是我渴過最難飲的麵豉湯

平時幫襯定食8，幾乎都係食佢嘅輕食餐，因為夠平之餘又可以比較健康地食到飽為止雖然主菜份量細，但勝在選擇唔少，而且仲有任飲嘅味噌湯任添嘅白飯任夾嘅椰菜絲，無論男女老幼，都可以食得飽呢次我就揀咗一口牛丼以輕食餐當中，算係比較貴，但計埋加一，都係$40有找，咁嘅價位就有得任飲任食食到飽， 其實好抵，可以話係經濟又實惠講返主食，雖然係平價輕食餐，不過牛肉唔會太差，調味幾好，而且燒得幾香，咬落唔會好韌仲有配埋蛋絲+蟹柳絲，幾有心思，唔會因為係特價餐就將貨就價HEA交行貨但我最like味噌湯咪睇佢大大煲好似平平無奇，實際上，只要用少少技巧，就可以裝到好多渣而啲湯渣有豆腐、白蘿蔔，連三文魚都有！次次都要飲返幾碗仲有自己調配嘅沙律，椰菜絲加少少海帶，淋一匙沙律汁，簡單但爽口好味嘅沙律就完成啦~呢份輕食餐，其實一啲都唔輕，但份量可以自己控制，多菜少肉，營養健康滋味集於一身，附近嘅居民同打工仔，唔好錯過啊！