宜家家居咖啡室 (已結業)

今日難得去九龍灣行街. 諗住好耐冇係香港ikea開餐,所以特別指定今晚要食佢.7點半到達. 見到個雞扒意粉張相好似好吸引,諗住叫,但去到乜都賣晒咁.餐湯又冇,雞扒又冇,得番是日晚餐"xx魷魚三文魚意粉" 同肉丸 2款, 失望 但一場黎到,照叫啦! xx魷魚三文魚意粉 ~ 淡而冇味又凍,凍咗既魷魚同三文魚都好"鯹"..失敗肉丸 ~ 能保持味道,已是全餐最安慰的一樣. 配茄汁醬都ok,但始終都係黃色的肉丸汁好味. ,跟肉丸的薯片有油"益"味,又係失敗

星期日,一家人去九龍灣德福廣場行街街,順便去宜家傢俬咖啡室吃晚餐,因為此店的肉丸很出名,而且味道唔錯,價錢又比較便宜,不設加一服務費,是自助形式,要自己揾位.食物是放在食物櫃內,自己喜歡食甚麼便去攞,攞完放在收銀機旁,便有職員收錢.一份茄汁肉丸 $19 : 肉丸有10粒,抵食好味,旁邊還有薯片,每次必食.一份凍蝦 $22 : 加幾滴檸檬汁落蝦上,再點一些醬汁,得意又美味.二份套餐(一份套餐$26) : 紅咖喱牛腩意粉 + 汽水 / 咖啡 紅咖喱牛腩意粉 : 有牛腩、筍、蘑菇 牛腩幾好味,又很稔. 個人喜歡吃筍,筍大件夠爽. 撈勻後,辣辣地幾好味. 汽水任飲,只要買一杯,便可憑杯添飲,我飲了三杯,好抵.因為是自助形式,所以服務不多.

今次去咗九龍灣宜家傢俬睇野，順道梗係去個度食埋個tea啦而今次要咗個我至愛嘅 1)煙三文魚同埋 2)招牌瑞典肉丸啦1)三文魚保持水準，配合佢獨有醬汁依舊好味道2)招牌瑞典肉丸就同沙田有分別，呢間只可配香草蕃茄醬及薯片，上一次來食時有d失望，肉丸較乾，薯片唔脆，今次呢……..肉丸有彈性，有肉汁，蕃茄醬偏酸，個人可接受，薯片都脆，算係為上次平反啦本來諗住落樓下食埋個雪糕，但人龍長長，排到已經賣晒，確實與佢無緣其實想嚟試食其他嘢，不過呢度真係大冇乜選擇，想食意粉...但得蕃茄醬/咖哩，唔係我想要，雞翼當日都唔見有...批同撻個d領教過喇，唔好攪我...不過個人都係中意沙田分店食物，肉丸配搭一流，多新款，choice多好多

其實食過好幾次啦~但成日都唔唔得閒上黎寫食評肉丸又平又好食~好多肉汁同肉味~個茄醬幾夾呀!!但就唔似沙田個間有果醬配埋俾你~唔知配果醬係咩味既呢~下次試下沙田果間先~

奴隸獸興高采烈跟著主人去『宜家』買東西，但滿腦子只是想著美味的肉丸子，究竟食兩碟或三碟好呢？怎知去到才知道肉丸缺貨，暫停供應，奴隸獸好生失望，但係一定要食番 D 嘢來填補空虛嘅心靈0架，所以就點了：1. 匈牙利雞肉意粉（HK$26）：青椒味道濃郁，還有六、七件大大『舊』雞球，味道唔錯，十分抵食。2. 瑞典香草雞翼（HK$7）：有濃濃蒔蘿的香草味，雞翼似用牛油煎香，味道普普通通。現在奴隸獸還想著，何時才有肉丸吃呢？

約咗人係宜家,朋友來電問:"而/宜家係邊?",究竟係問我而家係邊,定係問呢間宜家係邊,諗起都攪笑.因為有少少肚餓,所以便買咗吞拿魚蘑菇酥$9,熱朱古力$5,原來呢度係自助形式,蘑菇酥要自己開櫃攞,味道都ok,個酥皮好脆,而杯熱朱古力原來係三花即沖朱古力粉,要自己沖,又係現成的,無特別.

這天給友人捉了來看傢俱, 既然來到當然少不了來 cafe 吃吃它有名的肉丸去...只是, 一問之下原來肉丸是有牛肉成份的, 看來我和它也真是無緣 結果呢, 我買了一件公主忌廉餅 ($12), 朋友再來多一碟香草三文魚 ($22)。這兒是自助快餐店形式, 一碟碟的食物都用保鮮紙包好放在凍櫃內, 顧客自行取出就拿去付款。只是我一把公主餅上的保鮮紙拿開, 上面那層樣子挺駭人的綠色糖漿/啫喱就給批了出來, 弄得件餅支離破碎! 味道還可以的, 雖然餅身不夠堅挺, cream 也較甜較多, 但 cream 也是幾滑的。朋友的三文魚也 OK, 但有點淋 pat pat; 最好味是含有刁草 (dill) 的甜甜的醬汁, 跟用同樣香草醃製的三文魚頗搭配。服務呢, 我不知是加分定減分好了, 這裡原意是顧客用餐後自行把托盤拿到托盤收集點的 (至少我知沙田店是這樣), 不過我見個個吃完都是就咁把托盤留低, 而也是有人來執的。而我懶有公德心自己把托盤拿去收集點的時候, 有職員已搶著要替我拿了, 嘿嘿...總括來說是價錢不貴, 又可以吃到特色的瑞典美食, 也不錯啦。(不過樓下的熱狗和軟雪糕才是平霸 )

到宜家傢俬咖啡室吃晚餐.order 咖哩牛肉意粉 + 茄汁肉丸 + 熱奶茶 + 甜餅 + 果汁便宜又好味.

好朋友要搬入宿舍了，今天特登跟她還有另一位好友來宜家傢俬看看有什麼東西要添置。逛了一會，我們仨決定在這裡坐下，吃點東西，醫醫肚點了聞名已久的瑞典肉丸($19)，還有兒童餐：茄汁意粉($12)，和兩支果汁(各$10)。瑞典肉丸：看肉丸的外表乾巴巴的，豈料一咬下去，肉丸不但不乾，還有蠻多肉汁的，跟醬汁很配！很好吃！薯片加上醬汁也很好吃！！茄汁意粉：醬汁跟肉丸的是一樣的，配肉丸就剛剛好，配意粉就太太太酸了！果汁：西瓜汁和奇異果汁，沒什麼特別，不過價錢是蠻便宜的！總結：以這個價錢吃到這麼多，真的是超值啦！尤其是瑞典肉丸，真的是物超所值！一定會再試

行完IKEA，好攰就搵地方坐。由於不久之前先食完MADO ice cream，仲好飽，所以只係買了個蕃茄濃湯。只係$8就有一大碗。估唔到又好好味喎！內裡有好多茄肉，個湯底帶點creamy, 味道又不會太酸，很好喝，又抵喝！下次黎開都要再飲呢！

跟媽媽和妹妹去了IKEA看看傢私到肚子餓時便在IKEA的餐廳吃lunch~~下午2時人流還非常多,也要等位呢等到位後便去了買食物~~是半自助形式凍餅類,果汁,批和撻類,沙律那些都在廚櫃內挑選後便拿去付錢但肉丸,意粉,飲品便要order了((但也很方便,因為付錢的地方就是落order的地方))我們三人便吃了這些東西~~那杯朱古力是跟set的,簡單得很只給一包三花的朱古力粉,然後自己出去加水的-瑞典肉丸這是大獲好評的瑞典肉丸~~一場來到當然要試試吧聽聞是牛肉mix豬肉的,但感覺上牛肉的比例較多配上茄汁,酸咪咪的很好吃^^而那薯片....就是薯片嘛-肉醬意粉意粉不錯~~但肉醬卻難吃得很...味道很怪-杏仁餅黑白朱古力的layer~~最上面的那層有些笠笠,很有咬口..卜卜脆雖然甜了點,但仍可接受

以前o係沙田食，肉丸係可以選配薯仔或薯條的呢間就冇得選，只係得幾片薯片！雖然出奇地竦味薯片好夾肉丸的蕃茄汁，但係份量又太少…肉丸保持水準，內裏唔會乾，不過咸臉係俾佢份量咁少的薯片！唔會再食！(因為唔鍾意齋食肉)座位少，搵唔到位轉外賣，收銀妹妹好nice咁俾外賣盒同膠袋我，讚~~~

6月尾往宜家逛,想幫襯這裏著名肉丸,點知冇肉丸供應,唯有order這裏的午餐,要了茄汁海鮮意粉+汽水套餐($26)--->D意粉ok,但係D海鮮唔新鮮,魚肉粗"鞋",魷魚不弹牙冇味,最惨D茄汁味唔似茄汁味,好難吃!不過抵讚是汽水任飲!小食咖喱牛肉批麻麻--->個批用好甜的曲奇餅之類做批皮,太厚及太膩了,D餡冇乜牛肉,不過咖喱味頗香。下次都係食番佢地D 肉丸 or Hot dog 好過

今天到了九龍灣看<街頭超人>，電影中的主角都喜歡食肉丸，睇完戲便立即去德福 IKEA 外賣街知巷聞的肉丸回家品嚐十粒肉丸配上蕃茄醬及薯片($19)由於是外賣關係，薯片已焗淋了，不提也罷! 幸好主角肉丸口感沒受影響，價錢便宜不一定代表質素差，加上出色的蕃茄醬，令人回味，真的想學電影主角大讚一句 "Good Job，Nice Meatball!!!"

2008年5月9日，Ikea去九龍灣買枱，順便又嚟食下好耐無食嘅肉丸。但似乎無咗燒牛肉同好味道嘅薯仔喎。另一半再多買了白汁雞皇意粉及一個磨菇派加咖啡。肉丸仍然好味道，但薯片代薯仔，有D可惜。白汁雞皇意粉一般，不用再試。那個磨菇派很失敗，很乾硬，一次也太多。