客家好棧 (東環商場)

營業中

休息中

在客家好盞点了梅菜酱烤肉，十分考耐性，在客人不多的情況下，整枱其它菜色都已經上完食完了，等了50分鐘才上，建議不要点这道菜。（請注意此餐廳的蒸爐並非家中的蒸爐）。

食完埋單先知，佢地餐牌 例牌份量既菜色好多都係外賣自取有5折優惠，抵食好多!!! 如果係開附近想加送呢間都可以一試。惠州梅菜扣肉 😀 鹹鮮味都有，扣肉肥而唔算膩，不過肉質唔夠軟爛，湯汁亦唔係好黏稠，但送飯都唔差。鎮店酸湯水煮魚片🥲 最失望係呢碟，魚片份量小同好薄身，酸湯味道唔太突出，得辣字，配菜份量多，但就唔抵食了。金牌鹽焗雞 ❤ 半隻 好食，黎到係出煙，雖然得半隻，但4個人share都岩岩好，雞夠香嫩有肉地唔油膩，另上沙薑醬，幾惹味。欖角肉末四季豆 😀 鹹香味濃，醬汁較多，份量有D小，四季豆都幾爽脆桂花瑤柱炒粉絲 😀 最細份，但最好味! 不過食到底就有D油膩。晚市優惠推介A清蒸龍躉仔🥲 味道較腥，魚肉厚實。一般~海味什菜煲 🥲 有粉絲 蝦乾 瑤柱 冬菇等配料蔬菜，湯比食材多，唔算抵食。但食起黎唔會好咸。

從未試過去一間酒樓係完全無服務可言，每張檯旁放置咗水壺，要自己煲水⋯洗碗筷等咗好耐，忍唔住要職員比兩壺滾水直接搞掂！.由落單到食得七七八八，接近一個鐘有多，我哋叫嘅煲仔飯都仲未送到，唯有叫職員取消。說時遲，那時快，職員先話：「整好架啦，整好架啦⋯⋯」準備拎比我哋⋯當我哋話唔要時，職員啲態度仲差到不得了⋯.稻香集團真係不得了⋯應該唔會再幫襯！！！雖然附近無咩選擇，但都唔應該做到咁啦！😵‍💫😵‍💫

該餐廳總體來講，菜品算可以，環境跟一般茶餐廳差不多，地方細，檯與檯之間狹逼，今次去幫襯的時候，被安排在門口處的卡位，可能係對正風口位，感覺涼風吹正自己的頭殼頂，非常唔舒服⋯ 沖茶的煲水機壞左，成了擺設，茶位費俾得冤枉⋯ 沙薑雞偏鹹，其他菜算OK。一個198元的套餐夠普通兩、三個人的份量⋯白飯另計，19元一個，量小，偏貴⋯ 今次用餐的時候，遇到一個講野大大聲、滿口髒話的食客，非常影響餐廳的整體環境⋯⋯不過餐廳的工作人員好像見怪不怪，習以為常⋯⋯

星期六見有周咁多人，所以就再次光顧呢間客家好棧。嚟呢間食店既原因最主要太多數時候都唔洗等位。晚上7點左右，我嚟到呢間店好順利咁就入左去。呢間客家好棧都慣左係唔夠侍應，上點菜慢上菜慢，不過叫做唔洗等位。今晚就點左星期六三重奏，有客家咸雞半隻，豉汁蒸鉗魚，支竹浸時蔬，先講講客家咸雞，相當之嫩滑入味嚟到一定要點呢個餸菜，支竹浸時蔬尚算可以，至於豉汁蒸鉗魚雖然用咗豉汁但都係很重泥味，就算連豉汁一齊食依然蓋不到這種味道。呢度最出名的豬油撈飯，今次我就覺得比較失望可能人手不足的關係導致飯送上來都是凍的，最後我就點咗豆腐花，呢度嘅豆腐花係即是製作係相當之好味嫩滑加上豆味很濃每次嚟到都必點這個甜品作結尾。

📍客家好棧 (東環商場) (東涌)東涌迎康街6號東環商場1樓103-104號舖😋輕盈早餐孖寶 $26客家咸雞飯+咸水角拼春卷➡️招牌咸雞飯出色，唔會好咸，飯分開另上唔會整到d飯濕灑👍🏻 ➡️ 咸水角同春卷上碟入口都熱辣辣，仲好脆口，呢到d煎炸野同樣出色🤤😋煎釀三寶 $25➡️豆腐-豆腐煎到金黃色，好好食，表面仲脆卜卜➡️茄子-🍆釀到滿一滿，好食➡️紅椒-紅椒入口唔會辣到食唔到，小小辣加返d甜豉油剛剛好🤤😋點心拼盤 $30點心拼盤有蝦餃燒賣潮州粉果奶皇包各一件➡️又係全部都熱辣辣，全部都好食😋總結：全部食物都即叫即整，所以全部都唔會凍冰冰咁，食材新鮮，全部都好岩我胃口👍🏻👍🏻早市呢個價錢真係好抵食推薦指數：🌟🌟🌟🌟🌟（5🌟最高）

184220082022，我再次來到客家好棧，今次試下個新餐。由於今日是星期六，一入去我已經是最後一張枱，之後個d應該都要等一等。點左餐好快送上，先係避風塘炒蟹，賣相相當吸引，而且都足一隻蟹，蟹蓋有少少膏都ok，蟹肉夾上香辣炸蒜同辣椒，正霸王雞有半隻，都好入味而且嫰滑，連一般都比較鞋口既雞胸都做得不錯。濃雞湯腿蓉浸津白就比較失望，冇咩味之餘也沒有腿蓉味道，而且津白切絲好似沙律菜咁怪怪的。最後就係黃花魚，呢個係最值得大家叫，因為炸到好香脆，而魚肉也不會炸到冇晒水份，除咗中間條大骨外，基本上都可以連骨食（因人而異）

星期六晚上，一行三人就到達了位於東涌東環既客家好棧。一入去地方不大，大約得十幾至二十張枱，但星期六來計算人流好少，同埋都唔洗等。好快侍應都落力招呼，好明顯都開始中秋。入正題，我點左個晚市三重奏，星期六就有柚子蜜桃骨，古法蒸斑頭腩，碧綠炒蝦仁鳳片，另外用積分加20蚊換左個咸菜胡椒豬肚湯。胡椒豬肚湯由於是換分量就比較少，但味道不錯，胡椒味濃豬肚好淋美中不足是太少。柚子蜜桃骨酸甜適中，另外碧綠蝦仁鳳片，蝦仁都大而爽口，雞片其實可以細少少太大塊，蒸斑頭腩都好味過平時清蒸個款，充滿骨膠原，好好味呀！最後加埋個豬油拌飯，非常正！

農曆新年，到朋友的新居拜年，在他居所附近找個酒樓飲茶。新正頭初次見面，點了八個點心，要有個好意頭。發財蠔豉瘦肉粥算是意頭菜，加了髮菜的瘦肉粥，新年吃粥，意味豐衣足食。它黏稠度剛剛好，溫度夠高亦暖胃。桃膠馬蹄糕鮮黃色泛起陣陣油光，內裡馬蹄份量多，甜美可口。鮑魚點心拼盤一共四件點心，包括蒸鮑魚、蝦餃、墨魚丸及奶黃飽。鮑魚不算太堅韌，蝦餃皮薄蝦肉彈牙，墨魚丸爽滑。而奶黃飽造型可愛，不太捨得把它吃掉。奶黃飽另一款奶黃飽，是minion公仔的造型，但眼睛部分做得有點恐怖。無論如何，內裡流心做得不錯，熱辣辣的。糯米卷傳統酒樓的點心，現在已經很少見。剛剛蒸好的糯米卷外皮軟棉棉，糯米微甜，入口煙韌，夾雜花生，增加了口感。棉花雞大大隻冬菇在表面，雞肉軟滑，棉花吸收了雞肉的汁液精華。金錢肚煮得腍身，易咀嚼，相當入味，一吃難停。牛肉球一客四件，軟腍而彈牙，入口無渣。這裡有很多舊式傳統的點心，新鮮而熱辣辣的，有種懷舊的感覺。

東涌東附近應該得客家好棧呢間酒樓所以都幾受附近居民既歡迎今日一行3人就黎飲個早茶🍵🍽 輕盈早餐$28（皮蛋瘦肉粥+鯪魚牛肉球）皮蛋瘦肉粥好足料, 鯪魚球唔腥,幾彈牙牛肉球都唔錯🍽 輕盈早餐$28（梅菜肉餅飯+鹹水角）梅菜偏甜個種,肉餅打得稍為太爛,食落一pat野無口感, 鹹水角外脆內軟,餡既分量啱啱好,味道唔錯🍽 紅棗糕濃郁既紅棗味, 甜度剛剛好,個糕非常Q彈 ♥️大愛🍽 XO醬炒腸粉XO醬炒腸粉再加d韭菜花,非常惹味,只係油左少少👍🏻同一般酒樓比,佢價錢算少貴係今次叫左兩個早餐, 所以先比較化算但食物既質素都幾穩定同係有保證既值得一提既係每檯都有沖茶設備方便又衛生👍🏻♥️

個攞票機唔用架？攞完飛，但原來啲人係就咁行入去就得！咁做咩整部機比人攞飛？其實都唔係第一次架啦！一到午飯啲工人個個就咁行入去，咁住東涌啲居民攞飛你做咩呀？唔該檢討下啦！一係就執左佢！

今次安排左房，所以環境清靜。而且佢地係自己燒水自己斟茶，一檯部煲水機，唔使下下叫人來加水👍🏼👍🏼👍🏼 隨左送餐來都冇人來打擾了。食物略貴小小相比其他茶樓，味亮幾好。

今日晏晝又唔想煮飯所以就去咗附近嘅客家好棧叫外賣而家疫情嚴峻，好多餐廳都鼓勵 大家買外賣返去食， 所以有好多特價外賣可以選擇， 今次我哋嗌咗個 梅菜排骨飯 臘腸滑雞飯梅菜排骨醃得好入味 梅菜甜度適中， 同啲排骨好夾; 滑雞比起 預期嫩滑。 兩份外賣飯同埋餸菜嘅份量都好多，唔會話飯多餸少， 最緊要係個價錢夠抵食 ! ($29 & $38.8) 另外佢嗰個蟲草花圓肉燉雞湯都非常足料, 個湯飲落去唔太覺有味精,係呢個清涼嘅天氣下飲 好舒服 ! 😁

東涌是香港人週末郊遊行山熱點，下次入東涌，不妨試試東環樓下的客家好棧，出發前先同朋友來個悠閒早茶，因為食得飽飽，是為了走更遠的路。早市時段由9:00至12:00，如果要趕得上抵食孖寶，就需要趕在11:00前下單。$26孖寶可選一飯/粥 + 一點心，相當抵食！大力推薦孖寶餐的滑雞飯，雞雖然有點肥膩，但味道好，肉質嫩滑。套餐另配了流沙奶皇包，上菜時驚喜了，猜不到是minions 造型的可愛包點，小朋友必定喜歡。茶樓其他的點心都相當不錯，值得再來！

東涌係美食沙漠真係人所共知，呢間客家好棧可以話係屋民嘅飯堂！落樓就飲到茶其實都幾幸福大部份點心都好好食，仲有好多冇創意嘅點心！真係要俾讚☺️👍🏾，啲姐姐可能服務開飲旲茶嘅伯伯，所以都幾好心機！除左收銀個亞姐.....