家嫂

營業中

休息中

出名食雞煲海鮮火鍋既家嫂，原來平時都有午市套餐，仲要有小菜、小食同米線㗎！我揀咗金銀蒜澳洲帶子蒸飯同酸菜魚米線套餐，份量都唔兒戲😱有被震撼到，餐牌仲話可以無限添加任飯同湯，但我成碟都食唔晒，食到好飽。金銀蒜澳洲帶子蒸飯呢個套餐好豐富，有燉湯、生果同青菜，金銀蒜澳洲帶子蒸飯好好味，入哂味，澳洲帶子份量多，飽滿又柔嫩～入面仲有啲粉絲，同飯一齊食，豐富咗口感，好煙靭彈牙🩷推介！酸菜魚米線起碼兩至三人份量，超大碗，都只係$55😱😱勁抵食！不過佢係用左龍脷柳魚肉，仲有幾塊鴨血，一人真係食唔哂。小食我地叫左松露蝦多士、家嫂陳醋小籠包、街邊醬炒蜆同紅糖糍粑，款款各有特色。松露蝦多士香脆鬆化，雖然係炸，但我食落又唔會覺得好油膩喎。家嫂陳醋小籠包呢個造型好可愛，唧完甜醋後自動流落小籠包內，味道ok，但如果有汁會更好味🤤街邊醬炒蜆呢個豉椒汁唔錯，炒蜆沾上濃郁既鹹香豉椒醬汁，令人食指大動。紅糖糍粑呢個係我最鍾意，係流心咖，紅糖唔會太甜，糍粑煙韌，外脆內軟，真心正！食咗咁多熱氣嘢，我點咗杯蘋果雪梨茶同話梅檸檬可樂，食飯前飲又開胃又解渴，食完飯飲又可消滯，兩杯都唔會太濃味，可樂味淡。

今次我又過左旺角做野，一跨區做野我地都會去搵下好野食，呢間家嫂本身做開火鍋既，我同事話佢地午市係唔同餐牌，食過幾正帶我黎食😆家嫂養生雞湯米（$55）呢個雞湯米係將個雲耳蒸雞放落個湯度，但雞件唔係蒸，係炒出黎既，雞件勁香，而個湯又好味，米粉又唔會好索湯，似係台式新竹粉，唔怕食慢少少索曬個湯會乾曬🍜漁香茄子豬爽肉飯（$62）呢個魚香茄子雖然就唔及大排檔用瓦煲裝咁有鑊氣，佢個調味就做得幾好，肉碎粒轉成豬爽肉片我覺得幾好，而最重要佢個餐係包埋碟菜，燉湯同白飯係無限添加，性價比即刻爆曬燈🍆🍚街邊醬炒蜆（$38）呢個炒蜆又係性價比之選，$38食到一碟小炒真係抵，碟炒蜆好惹味，d蜆又冇沙，好高質👏🏻涼伴爽脆魚皮（凍）（$28）呢個魚皮就似平時川味店食到既魚皮，質感爽滑，小小脆口🌶️沙薑豬手（$25）呢個沙薑豬手同我地平時食開既唔同，佢類似係川味風，加左d醋去調味，沙薑味唔太食得出，佢同預期係有唔同，但佢又整得幾好食喎🐷紅糖糍粑（$18）紅糖糍粑係即叫即炸，上碟時都好熱，口感好煙韌，最鐘意新鮮即整既野食👍🏻跟餐果茶（跟餐+$10）佢地跟餐有好多款唔同既水果茶，養生茶，可以按自己喜好去選擇🥤呢間餐廳個午市

#MC帶你去旺角.最新天氣開始轉涼，又係時候約埋一大班朋友火鍋打邊爐。➖✨ 家嫂.餐廳主打晚市無限時d海鮮火鍋放題，雞煲、新鮮刺身拼盤、蒸海鮮、海鮮拼盤，更設有自助飲品區；火鍋配料有30款以上，可以無限追加！➖🅰️ 環遊海鮮．火鍋放題｜$438.▶️ 小食｜任食▶️ 刺身▶️ 雞煲｜任食▶️ 打邊爐及海鮮船｜任食海鮮及火鍋配料▶️ 任飲所有飲品（包括酒精類飲品）➖🅱️ 無限時火鍋放題｜$298（週末及假期｜$328）.▶️ 小食｜任食▶️ 雞煲｜任食▶️ 蒸海鮮▶️ 打邊爐｜任食火鍋配料▶️ 任飲非酒精類飲品（每位+$20 可任飲酒精類飲品）➖➖➖➖➖➖➖➖➖➖➖➖➖➖➖🥢 滋味食評.晚市無限時任食任飲，最早可以五點半入座。未齊人可以先享用家嫂小食，冷盤熱食都有，可以無限追加；雞煲雞件偏細，骨多過肉，但罕有地有雞腎片；蒸海鮮略嫌簡單，每人只得兩款海鮮，但勝在味道不錯；火鍋湯底味道鮮甜，可以先飲湯後打邊爐；B餐一樣有海鮮拼盤；火鍋配料就正正常常；其中，溫室竹笙就有啲驚喜！原條竹笙！➖➖➖➖➖➖➖➖➖➖➖➖➖➖➖🥢 即叫即製小食｜無限添加.胡麻羅文芯生菜｜沙薑豬手｜經典沙律炸雲吞｜招牌炒蜆｜原汁原味煮什菇｜紅糖糍

#mochicouple_hk旺角搵食團今次跟住momchi去到旺角家嫂😉係一間主打粵菜同海鮮火鍋放題的餐廳，裝潢中式，氣氛典雅又舒服，非常適合朋友或家庭聚餐😝午時主菜選擇多元，好似梅菜扣肉、蒸魚、滑蛋蝦仁、金銀蒜帶子蒸飯等，充滿「媽媽味道」⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣滑蛋粟米脆皮魚柳飯($62)呢個滑蛋粟米脆皮魚柳飯係家嫂人氣之選！脆皮魚柳炸得金黃酥脆，外脆內嫩，魚肉唔鬆散！配上滑到漏嘅滑蛋同粟米忌廉汁，口感豐富🤤 重點係珍珠米飯+燉湯無限refill，真係冇得輸～但粟米汁稍鹹，建議拌飯一齊食會更夾，啱晒打工仔填飽個肚！🍚2️⃣上湯蝦球燴伊麵($78)Wow～成碗超有份量！蝦球平均每粒都飽滿彈牙，輕咬即爆汁～上湯用蝦殼熬製成金黃色，懶人福音直接掛住啲伊麵，每條麵都吸哂湯精華！加埋爽口青蔬、涼拌前菜，真係Lunch時間enjoy個靚飯好選擇。鹹味偏重，但好重海鮮香～海鮮控必試！🐟🌊3️⃣蜜汁雞中翼($28)無得輸嘅小食之王～蜜汁雞翼燒到外皮帶焦香，一入口就feel到蜜味由皮滲到入肉！佢唔會過甜，帶少少鹹香～肉質嫩滑！4️⃣家嫂陳醋小籠包(

本身係做火鍋放題，而家仲有埋超抵食嘅飯麵餐。海鮮、刺身用料超靚！🔸御前三品丼飯（配燉湯/時蔬/水果）$78三文魚/赤蝦粒/海膽/三文魚子見到隔籬枱嘅刺身拼盤好正所以即刻嗌。刺身份量好多，唔係用邊角料。海膽同三文魚子都係用靚料。海膽好甜又冇明礬味。三文魚子鹹鮮得嚟完全唔腥。🔸金銀蒜澳洲帶子蒸飯（配燉湯/菜/水果） $78蒜味超濃郁。帶子又大粒又鮮甜，份量都遠超想像。蒸飯吸收晒啲精華，食落去都幾鮮甜喎。🔸蜜汁雞中翼（3隻）$28蜜味香濃，最誇張係個脆皮，有嗰種脆焦糖嘅感覺。🔸家鄉陳醋小籠包 $28勁多汁嘅小籠包！黑醋直接擠落小籠包好得意。🔸香辣魷魚 $28經典車仔麵餸。爽脆嘅水魷加埋甜辣醬汁超惹味。🔸松露醬蝦多士（3件）$28蝦多士勁多蝦膠，香口鮮甜。🔸鮮榨紅肉火龍果汁 $10🔸星加坡鹹檸七梳打 $10

星期天約了朋友到旺角行街，行街前要先去醫肚。進入「家嫂」，環境寬敞、設計舒適的餐廳，十分適合家庭聚會和朋友小聚。😋是日選擇：1️⃣上海蝦球燴伊麵🔸燉湯/青蔬/涼菜🍽蝦球鮮嫩，湯底的味道醇厚。2️⃣香煎油甘魚鮫🔸燉湯/青蔬/白飯外脆內嫩，魚肉新鮮，啖啖肉。3️⃣家嫂陳醋小籠包🍽按一下心心，陳醋滲透到小籠包裡，既方便又有心思。4️⃣香辣魷魚🍽魷魚彈牙，辣味適中。5️⃣紅糖糍粑🍽外脆內軟，甜度剛好。6️⃣薑汁撞水牛奶🍽滑滑的，溫暖又舒心的感覺。7️⃣星加坡鹹檸七梳打🍽清新解膩，讓人清爽。8️⃣鮮榨紅肉火龍果汁🍽色彩鮮豔，淡淡的味道。

這間火鍋店出名湯底高質今次試了他們 $298 的套餐17:00-19:00時段更有額外的八五折整體感覺湯底高質海鮮新鮮，但其他食物質素一般，但性價比尚高！無限添加的食材，包括即叫即制的小食，蝦多士，小籠包及紅糖糍粑都很好吃，但椒鹽白飯魚就很失色，太過硬身～火鍋配料中的水果粟米非常清甜，其餘肉類及手打丸類就非常普通雞煲很好吃，但店員沒有煮熟就送上了😅另外飲品方面無糖茶及水也沽清他們的招牌養生果茶，實在太甜太多糖水了..一次性的食材包括時令蒸海鮮今天是蒜蓉水晶粉蒸扇貝及勝瓜魷魚調味很好，非常惹味及火鍋海鮮配料，有龍躉，花蟹，蜆，大蝦及鮑魚，全部都很新鮮！

本身以為朋友帶我去旺角家嫂打邊爐， 原來午市都有套餐揀，可以叫餸食飯，好似返屋企食飯咁親切！午市套餐會有主菜、配菜、湯同白飯！ 金銀蒜澳洲帶子蒸飯，飯粒吸晒帶子鮮味同蒜香，銀蒜帶微微甜味！上湯蝦球燴伊麵，麵條掛住濃郁上湯，蝦球爽口彈牙！ 松露醬蝦多士外脆內香，蝦膠鮮甜彈牙！ 家鄉陳醋小籠包皮薄多汁，咬開湯汁混住陳醋香，街邊醬炒蜆鹹香惹味！ 鮮榨香芒菠蘿汁用新鮮芒果同菠蘿打成，果香超濃，飲落酸酸甜甜又解渴！ 洛神花百香果西柚茶就係洛神花嘅微酸配上百香果同西柚！

最近去咗旺角呢間 家嫂，真心覺得係臥虎藏龍！本身以為佢地淨係做火鍋，但佢哋啲Fusion菜做得好出色😋🐟 魚生海膽飯：賣相已經好吸引，啲魚生好新鮮，海膽份量都好足料，撈埋一齊食口感勁豐富，仲配埋湯、生果同前菜，超抵食！🍚 豆腐枝竹燒油甘魚鮫飯：油甘魚鮫燒得好香，肉質嫩滑，豆腐枝竹索晒汁，撈埋珍珠米飯食，真係食唔停口！🍗 蜜汁雞中翼：香甜嘅蜜汁滲入雞翼，外皮燒到少少脆，咬落啖啖肉汁，小朋友都一定鍾意！🥟 家鄉陳醋小籠包：小籠包皮薄餡靚，一啖咬開啲湯汁爆晒出嚟，點埋陳醋食，酸酸甜甜好開胃！🐚 街邊醬炒蜆：蜆肉好飽滿，用街邊風味嘅醬汁炒，辣辣地好惹味，送啤酒一流！飲品同甜品都唔馬虎！洛神花百香果西柚茶酸甜解渴，西瓜汁清甜，薑汁撞水牛奶勁香滑！💯 

家嫂(香港)地址: 香港旺角西洋菜南街74-84號旺角城市中心4樓晚市做hotpot 邊爐，而中午就有粉麵食，我同朋友簡單方便，就來到幫襯食lunch 啦小食叫了沙薑豬手，有骨膠原好有彈性！沙薑味好重招牌炒蜆，濃汁炒蜆小籠包熱辣辣吃，有醋好惹味多汁松露蝦多士炸香，雖然麵包會吸油食完口邊會有層油，但炸物好香口主食$68 魚生海膽飯，真係抵食，出面刺身飯邊做到呢個價！花膠雞飯，中式架，一片片花膠煮到好入味，呈膠質彈而有點張牙哦一律$20 夏天要了鴨屎香檸檬茶

之前食過兩次，隔咗幾個月冇食過，感覺差咗鰻魚同其他放題質素一樣，可接受蝦多士熱辣辣，係好食嘅，但我嫌佢太多沙律醬小籠包勁厚皮，一夾就爛啲白飯魚勁厚皮，啲魚同平時食嘅白飯魚唔同質感，總之係唔好食啦蜆味道係好嘅，但有好多蜆都唔開，有啲擔心個新鮮程車雞煲真係食過咁多間最差，啲色水都睇得出個味道唔掂，啲豬肉勁硬，雞腎過唒火超硬又靱揀咗B餐，蒸海鮮得嗰兩款，仲要啲魷魚勁辣真係唔係人人都食得辣架喎⋯⋯冇得揀直接上俾你個海鮮拼盤裏面，最伏係一舊冰狀態嘅蠔，勁腥呢啲蠔放去俾人任食就算啦⋯⋯呢個拼盤得一次性，係咪放好啲嘅食材呀？呢個四人份嘅海鮮拼盤真係好鬼鼠囉牛肉質素都可接受嘅，但四人份嚟講都係少咗啲囉任食嘅嘢，牛肉雖然份量少，但都比較厚有牛味，算唔錯！估唔到最普通嘅貢丸同牛肉係用超難食嚟形容！唔爽，咬落去死實實鴨血就好食！有咬口唔係一咬就散冇雪糕，得雪條，其實都幾少家三四百蚊個人頭，咁都慳飲品款式都係少今次食，真係覺得差咗好多呢個價錢真係唔值

今天生日中午嚟旺角店食火锅放题、食材丰富＇（呀豐）服务员态度殷勤、好少香港服务员有这样的服务好贴心舒服、佢只系喺这个店做了两星期真心做好自己的工作，非常感恩遇到佢

星期六下午，同媽媽、老公路過「家嫂」，比佢啲相片吸引下就入咗去幫襯。本來十幾年無再寫過食評，但以佢呢個價錢，呢個食物質素，實在令我感到今時今日香港嘅飲食業點解會越做越差…. 我以「有色無味」為題，係名乎其實！ 點心外貌還好，但點了5 樣點心，無一「有味」 🤧 而5 樣點心，承為$308！ 當然而家飲餐茶三百蚊都唔算得啲乜，但以呢個只食「環境」而收呢個價錢，下次就免了！可能一早根本係我哋錯，眼見大多數人都係打邊爐，而我哋選擇飲茶，根本就唔係「家嫂」主打！

因為餐廳冇意見書可以寫，所以上OpenRice讚揚一下2025/5/26晚市嘅員工😊今晚遲收工成9pm先入席，有位男員工好helpful好照顧我哋，幫我哋盡快安排食物希望爭取時間俾我哋食多啲嘢，提我哋嗌多啲以免截單後唔夠食，錯咗湯底即刻幫我哋換，出面收晒蒜又幫我哋入廚房拎，仲主動叫廚房整糖水俾我哋。除咗佢，其他員工都係非常友善，走嚟問我哋夠唔夠食呀，唔夠可以叫佢幫手拎 (當時已過 930pm 截單時間)，真係好有人情味。去到最後我哋真係食到過咗鐘，又話唔緊要，食埋佢先，冇趕我哋走。今晚真係食得好開心，員工好有禮貌，服務態度超好，盡力滿足客人要求，非常值得表揚！祝咁多位升職加人工哈哈😄

走價格比較高，但係精緻豐富嘅火鍋任食放題路線。👌🏼前菜：一來先比張紙你剔前菜。菜名精緻，選擇頗多，presentation 亦都唔錯。有皮蛋、黑松露多士、沙薑豬腳等，整體味道正常，符合預期。👌🏼 飲品：有唔同款式，例如紅棗杞子茶、雪梨蘋果茶等等，選擇頗多，味道正常。❌雞煲：唔掂，未見過咁多水嘅雞煲，濕立立，味道亦都唔夠椒麻味。雞件都切得好碎，比較嚡，好多骨。整體唔okay，唔推介。👌🏼魚生船賣相好架勢。味道符合預期。👌🏼 打邊爐：食完魚生送上另一盤同樣架勢、睇落好大堆頭嘅海鮮材料。材料豐富，打卡一流。味道方面，整體無論係湯底或者係材料都正正常常，味道唔係驚喜亦都唔伏。淨係d 海鮮都會食到好飽，份量十足。