影片
港鐵筲箕灣站 B3 出口, 步行約6分鐘
繼續閱讀
電話號碼
96874788
營業時間
今日營業
18:00 - 00:00
星期一至日
18:00 - 00:00
*最後落單時間：23:30
以上資料只供參考, 請與餐廳確認詳情
回娘家食完飯，細妹話附近開左間超好味嘅店，所以就帶我去食返轉。這間店就由下午五點開始，主打台式，唔想食凍嘅仲可以有季節限定暖笠笠系列，另外仲有啲台灣炸物小食添。店內嘅可以選黑糖或者蔗糖，而且甜度亦也可以依自己口味選擇微糖、半糖、少糖和正常糖，實在太貼心了，啱晒我依啲又要為食得嚟又怕食得太甜嘅人…哈哈哈。店姨姨仲話佢地嘅豆腐花、麻糬、布丁同埋綠茶凍都係佢地自家制，係佢地店中皇牌。我就嚟一個麻糬Go Go 糕自選三款配料，揀左配上小芋圓、布丁、綠茶凍加個榴槤雪糕再配上黑糖半糖。麻糬真係冇得頂，佢口感超級Q彈有嚼口，而且非常好滑身，仲有濃郁嘅糯米香味。小芋圓煙煙韌韌，布丁口感絲滑，綠茶凍茶味清甜同時亦相當滑身，再配上榴槤雪糕，真係口感超豐富，令我一食難忘。細妹就來一客仙草傳說嘅自選三款配料，揀左配上小芋圓、布丁同埋蘆薈，配上蔗糖半糖。蔗糖相對地比較清甜，幾樣嘢加埋唔會好甜，加埋滑嘟嘟嘅仙草，超級煙韌既小芋圓同埋新鮮爽有咬口嘅蘆薈粒，細妹話超正。最後我就嚟多支店主姨姨極力推介嘅佢地自家制嘅香水檸檬鴨屎香， 鴨屎香嘅茶底好香綠茶香味，飲落亦有回甘味。酸甜嘅香水檸檬味道，再加有百香果嘅酸甜，飲落絲絲酸甜，清爽度十足。
繼續閱讀
最近天氣開始乾燥，經過一間門面非常敞亮又有特色的台式甜品店，給我很大的驚喜。店鋪主打台式芋圓、手工豆腐花、麻糬等甜品，另外還有些台灣炸物小食。這裡的甜品可以選黑糖/蔗糖，而且甜度也可以根據自己的口味，選擇微糖、半糖、少糖和正常糖，這個實在太友好和貼心，追求健康，又想食甜品的朋友們一定要要來試試。❣️麻糬Go Go 糕：麻糬、小芋圓、布丁、綠豆+綠茶雪糕- 黑糖半糖小芋圓軟糯Q彈顏色又靚，布丁蛋香口感絲滑，綠豆又粉又棉，麻糬Q Q軟糯，所有材料混搭攪拌，配上綠茶雪糕，口感豐富，味道富有層次。❣️豆花年華：鮮芋頭 、珍珠、紫米店鋪自制豆花做底，鋪上一層厚厚的紫米珍珠及香甜粉滑的鮮芋頭塊，我們要了黑糖 /半糖，豆花感覺很raw, 黃豆味很出，紫米和珍珠，煙韌香糯很到位，半糖的甜度真系好窩心，超愛🩷❣️椒鹽拼盤-鹽酥雞、椒鹽魷魚酥、炸甜不辣 和黃金地瓜條台式風味甜不辣，炸魚年糕條，口味好特別；鹽酥雞外酥內嫩；椒鹽魷魚須，酥香鮮味。
繼續閱讀
見到好多人都話呢間甜品嘅芋圓超好食，今日特登過嚟一試，老闆娘推介左每日限量出品嘅幾款甜品，決定試一試埋個開心果露自選麻糬（雪糕），真係重點推介⭐️⭐️⭐️⭐️⭐️因為我覺得係三款甜品裏面最好食嘅一款，我哋揀咗豆腐味雪糕，裏面仲有綠茶凍，布丁，九份芋圓，加小小椰汁，佢哋個麻糬好特別，有個種軟腍腍又帶點Q彈嘅感覺，會有少少咬感，但又唔會黐到令你咬得唔舒服，最主要係成個甜品唔會好甜，食晒都唔會覺得漏椰汁桃膠芋圓鮮奶甜品椰汁加鮮奶濃郁而不膩，佢哋嘅桃膠口感Q彈，好細緻，唔會好似其他舖頭咁大大嚿，又好難咬，另外最好食嘅係芋圓，嚼勁十足，口感又綿，難怪咁多人推介！開心果露難怪老闆娘推介我哋食呢個每日限定甜品，因為佢哋磨到開心果好軟綿綿，應該真係全人手工製作，食落去完全係開心果嘅味道🤣🤣無添加，同埋份量都大份，好足料，最重要係佢哋每一份甜品都可以再額外加一啲配料，所以建議大家都可以加芋圓😋😝
繼續閱讀
某日晚上想食甜品，打開外賣app搵到呢間台式甜品店，叫咗個「黑糖燒仙草.桃膠.芋圓.椰果」。以為會好甜實際一啲都唔甜，啱晒我👍🏻燒仙草滑捋捋，下火最適合。桃膠有啲碎，不過份量夠多。芋圓好煙韌。椰果有咬口。今晚即刻encor再食過！
繼續閱讀
今晚住筲箕灣的朋友帶我到她家附近的「家家芋芋」吃台式甜品。這裡主打自家製台式小食及甜品，甜品分不同系列，包括豆花年華、仙草傳說、鮮奶系列、養生系列，麻糬Go Go糕、暖笠笠系列，綿綿冰及刨冰。小食方面，有鹽酥雞、地瓜條、台灣腸、椒鹽花枝丸，單骨雞翼及魷魚等。麻糬GoGo糕麻糬配鮮芋頭、紫米、九份芋圓和朱古力雪糕。加配$8花生湯丸。麻糬的外皮黏稠且煙韌，咬下去彈性十足，十分好味。鮮芋頭與紫米不太甜，充滿口感層次，咬落煙煙韌韌。九份芋圓則口感Q彈，配合花生湯丸的香脆柔軟，讓整體的口感變得豐富有趣。而朱古力雪糕則濃郁而充滿巧克力風味，甜而不膩，與麻糬是絕配。豆花年華豆花配芒果雪糕，芝麻湯丸及麻糬。底層的豆花滑嫩細膩，入口即化，搭配湯丸的煙靭口感，又滑又軟，煙煙韌韌，充滿口感衝擊。芒果雪糕清新不太甜，爽口順滑，還有出名的麻糬，實在是非常好的甜品。蜜味台灣腸台灣腸烤得外皮香脆，充滿蜜糖香。做得非常出色的台灣小食。椒鹽花枝丸椒鹽花枝丸外酥內嫩，椒鹽的香氣撲鼻，花枝的鮮嫩與椒鹽的鹹香互相平衡，讓我們吃得舔舔脷。這裡的台式甜品與小食不僅種類繁多，口味獨特，還能帶給我們多層次的味覺享受。店鋪的甜品還可以選黑糖或蔗糖，而且甜度也可以根據自己的口味，選擇微糖、半糖、少糖和正常糖，實在太友好和貼心。最近還有新產品：情意綿綿冰和點只冰冰，有：芒果、草莓、抹茶等選擇，再自選三款配料。都非常特別呢。
繼續閱讀