家居坊 (已結業)

服務極差,上菜速度超慢,叫咗六個餐,等咗成八個字仲有兩個餐未到,個阿叔先同我哋講之前要既嘢賣晒,叫我哋改第樣,問佢改豬扒要幾耐,佢竟然話:你鍾意啦!真係啤一聲,到改咗嘢食,個阿叔又好神奇咁話之前叫既野有番,師傅宜家即刻整俾你,點知都要再等兩三個字,等既期間阿叔問駛唔駛再加d湯黎飲,我哋話唔駛,問佢有冇飲品送,佢就做咗快閃黨,走都走唔切,假到爆,成間嘢既服務質素真係每況愈下,食物質素又唔係好,咁樣做生意,呢間嘢應該好快會係中環消失,有得揀既話,我會俾十個喊面

該餐\廳的鮑參翅肚餐\包括:-1. 熱檸水或餐\湯2. 鮑參翅肚羹3. 蛋炒饭 4. 服务 5. 收费HKD48.00

時間：　８月２７日食晏人數：　２人消費：　９８元簡介：　四十多蚊一個set lunch，免加一、免貼士。[ 味道] 我叫左個海南雞飯，味道OK，係個醬怪怪地，平時有三種醬，呢度得薑蓉同埋泰式雞醬。[ 環境] 都幾迫o下，出入都要隔離枱 讓位。[ 服務] 侍應的態度冇問題，不過唔夠人，所以招呼唔切，冇斟茶，食物要等好耐。[ 衛生] 好唔乾淨，由一入門口開始，到我坐張枱 ，個地都係濕既，要好似溜冰咁行。[ 抵食] Set lunch 就OK抵食。

本來想食台灣野，路過這間樓上店，老公desp提議不妨試試。1點15分落order，老公desp的海南雞反1點35分先浦頭。賣相一般。明明叫油反就得白反，油菜得半碟。而我叫的沙律骨不見影縱。中環人食飯時間多數得1至2。到1點45分仲未有我就索性走路。做唔到咁多客就咪開咁大間，support唔夠，簡直不知所謂！仲有價錢一d都唔平，加埋一成五十幾蚊。下次一定唔會再幫襯。

Bad, Bad, Bad, are for their service.

每次行行人天橋都會望見依間嘢，所以終於有一次約一個同事食飯時就揀咗依度，貪佢夠近。或者我應該嚟依度睇食評先去，事關去食晏真係唔係好得。佢哋人流太多侍應太少，根本就做唔到嘢。食物方面都係好一般，我叫嘅海南雞飯完全唔似，更加唔值依個價；同事叫嘅麵都係一般貨色，而且等咗半個鐘先嚟到。雖然佢哋裝修算企理，但係擺位太過窄，一有人喺埋便要出入，全行人都要起身讓佢過，加上仲要係上樓，我覺得佢哋嘅走火安全好有問題。其實佢哋係有改善嘅空間，但我諗咗好耐最後都係覺得應該俾個喊樣佢以示警告。

之前試過家居坊的「鰻魚臘腸煲仔炒飯」，覺得個配搭很奇怪但卻很不錯，於是乎今次再接再厲，要了一客「北海道蟹子煙鴨胸炒飯」，亦是出奇的好味道。其實蟹子的重要性並不高，不過作為點綴的確十分漂亮的。鰻魚加上煙鴨胸，兩者夠香而不會搶走另一種食材的味道，幾配合。美中不足的就是自從加設了三樓之後，人手和廚房的速度好像未能好好配合，有必要改善呢，我同事點了咖哩雞飯足足苦等了半個小時才上桌，難怪他吃得一肚氣了。

晨早落大雨，一落車要快快手搵地方避左雨先，醒起這裡有間樓上舖，就來試一試。這裡以橙色為主調，燈光火猛，都算企理。有大電視在播早晨新聞，又有當日的報紙及最新的雜誌任睇，全店禁煙，單論環境是不錯的。在幾個早餐的選擇中，要了看起來比較健康的一個，有麥皮、鮮果及果醬牛角包的。麥皮未下糖，淡淡的，個人而言，一是吃鹹的，一是吃加練奶的，卻不喜歡要自己加糖的；生果是切粒的菠蘿及哈密瓜，晨早奉客的鮮果，是隔晚切定也不為過，但吃落味道不太新鮮，為一天的工作著想，吃了幾件就停手了；牛角包凍凍的，韌韌的，拿上手已不大想吃。果醬很隨意的全塗在包的中間，塗勻一點不行嗎？唉！說到尾，可能我是吃慣了勝香園。侍應服務以效率為主，也不錯的。埋單20蚊，我想下次再來吃早餐，也會是因為下雨。P.S. OK面純粹是給環境的

老實講, 係家居坊食早餐真係幾舒服, 人少野食黎得快, 質素ok, 價錢合理($16 火腿通粉餐, 熱飲, 10% off), 我絕對推薦但係一到lunch, 人流超多, 黎野勁慢, 走單, 黎錯野不在話下, 職員態度認真ma ma, 由其係o個個中年啊叔, 又懶又唔願做, 叫佢落單叫10次都無反應....其實間舖唔算大, 40個位左右, lunch 時大約有5個人幫手, 唔明點解亂成咁, 成班人完全無溝通, 希望佢會黎openrice 睇下啦.....講返野食, d咖哩真係唔錯, 由其咖哩魚, 紅飯, 誠意推介, 海南雞飯只係普通貨色, 最衰係d 雞太少, 成$4x 都咁慳皮?總括黎講, 想食下野hea 下, 家居坊算係唔錯選擇, 不過就千其唔好lunch 去, 無謂搞到自己唔開心~

我叫咖哩雞糙米飯幾好食, 佢咖哩都OK喎~又唔太辣又有咖哩味~~跟糙米飯幾好食又幾健康.service 都幾好, 令我覺得好舒服.....

我叫咗佢哋嘅西式早餐, 都幾好食又方便, 我叫火腿通粉跟煎蛋,Order完之後5分鐘就送到, 又勁快送到, 仲有九折, 折咗之後都係$ 16.2, 雖然平但又幾好食, 最重要係可以快d醫飽個肚, 最緊要就係可以係老細番之前食完.

已經係幾日前幫襯呢間，其實都並非第一次幫襯。返轉頭幫襯，並非因為佢好食，只係我地一行五六個人中環區要搵位食晏唔容易，而呢度係較易搵位之選。但係我地決定以後都唔會再來。同區來講，呢度食並唔算平。一個炒公仔麵就要成四十二蚊！食物質素過得去啦，只係稍為油，但係員工工作態度實在係０分！日我地六個人去食，落錯單不特只，阿大叔死同我地坳話張單落，只係print出來係咁，但係個價錢明明都唔！於是另一位小姐就幫我地check，原來真係落錯單，之但係張新單都係錯，今次係計多杯飲錢，又改過！好啦，終於有得食啦。但係又來錯晒，有又漏單。追單時候仲要話"唔好理呢邊住，執先！" 因為當時隔離食完要執，執完佢地可以快叫等緊位人入來做多轉生意。但係都唔使用噤語氣同我地講呀！？實在太過分啦！以後都唔會再幫襯呢間！

約左幾位新朋友出黎開飯試新菜, 又是港島區.本來諗住突然要改地點.行行下去到這裡.兜兜轉轉又竟然行到原先的這一間.可能是注定的, 大家不期然入去.位置都唔錯, 四人檯坐得幾舒服.要再一讚係service, 他們很nice.........

其實呢到個位置有d古怪，響商業大廈二樓，加上佢果名，實在令人容易誤會．言歸正傳，食物好麻麻：海南雞飯無特別（約＄５０），另外，其他咖哩豬/牛，配白飯／糙米飯，都麻麻地，除左個糙米飯令我覺得佢有ｄ心思o羅．不過，我同事試過食完之後腸胃炎一個星期，屙到佢得半條人命，真係時運低！