家常麵

營業中

休息中

朋友好鍾意食上海菜度，呢個weekend同朋友去咗黃大仙呢間小店食lunch。打開餐牌，見到有啲地道嘅上海菜，價錢好抵。見到啲嘢食咁抵食，我哋點咗好多嘢。首先有呢個胡麻將冷麵，好開胃。小食點做呢個手拍青瓜，又辣又脆，好食。呢個美味燻魚超高質，佢嘅糖醋醬整得好好，酸酸甜甜咁，而且啲魚肉亦都好嫩滑，唔會好乾。去食上海菜當然要點餃子啦，我哋點咗灼白菜豬肉餃，皮薄餡靚。點埋呢個自家製嘅辣醬好match。仲有呢個炸韭菜豬肉餃都好正。呢度嘅花茶都唔錯。

之前幾次經過見到晚市時間都幾多人坐，老闆娘馬太好有禮貌同熱情介紹餐廳招牌菜，講到原來之前喺觀塘樓上鋪開，好多食客都話好好食叫佢轉開地舖，於是就搬過嚟試吓，咁我哋啲街坊有口福啦👍簡單叫咗兩個主菜同小食加飲品，主角擔當一定係招牌擔擔麵同埋胡麻將拌麵，擔擔面花生醬味非常濃郁，我個人好喜歡，搭配埋榨菜肉碎同香葱，成個湯底味道好豐富，正宗陽春面嘅口感煙靭，拌麵汁有材料青瓜和火腿絲，加埋佢哋自家製辣醬，真心大力推介，佢哋個自家製辣醬真係好好味，望落去都好足料，鍾意食辣嘅朋友都可以買罐返去試吓，就算自己用嚟煮麵都好好味，辣得來唔會好傷喉👍招牌蒸餃子同紅油抄手都必須一提，呢兩樣都係我見好多食客會點嘅菜式，你見到佢哋全部都係自己包，扭個花紋都特別有心思，呢個就係我鍾意食小店嘅原因，餡料有蘿蔔馬蹄豬肉等，至於紅油抄手大大粒，皮薄餡靚既豬肉菜餡，連埋辣椒油一啖食落去， 10分Juicy，由樓上舖搬到落地舖，果然有點實力👍👍🥟🥟

今日食左個豐富既上海美食，有香炸雞翼擔擔面，灼餃子，麻辣土豆絲，麻辣拌餃子，招牌雞飯，陳皮山楂洛神花茶同埋薄荷檸檬茉莉花茶😋😋香炸雞翼出邊係脆入邊好多汁，成隻雞亦都脹卜卜好有肉地，仲有個擔擔面好濃香花生醬汁👍🏻灼餃子有韭菜餃同白菜豬肉餃，餃子皮簿，皮包住啲餡好多汁，全部都係人手包👍🏻仲有招牌雞，唔同一般口水雞，因為係用佢獨家秘製招牌辣醬去做，上邊最後嗰張圖就是了，可以整埋佢個辣醬$28，佢嗰張唔會太過辣啱啱好，好香辣椒味，我都忍唔住買咗個🤗👍🏻雞肉好鬆身唔會好硬身，時間煮得啱啱好👍🏻😋麻辣土豆絲和麻辣餃子，土豆絲爽身好入味👍🏻麻辣餃子非常好食，都是人手包的，餡料多汁，值得一讚👍🏻佢嗰度仲有花茶飲，茉莉花茶好重茉莉香味，放咗好多粒茉莉花入去，仲有洛神花茶又健康又好飲，係女人恩物❤️❤️

當日因為工作關係經過黃大仙，早餐同中午飯都未食，留意到這家餐廳裝修唔錯。菜肉雲吞擔擔麵是令我最印象深刻就是他們的雲吞，嫩口而且大大件，對女生很有飽肚的感覺。且亦有一種溫馨的感覺😊😊整個感覺唔錯。麵質very good,跟上海麵差唔多。花生醬拌餃子這款餃子很特別...這種上海菜 在香港還沒有見過，真的非常有風味。而且淡淡芝麻香令人垂涎三尺。😊😃豬扒菜飯。因為當日沒有食早餐所以非常肚餓叫了這三個菜式真係唔錯。豬扒絕對是大份量。我自己覺得最好飲當然是他們自己自製的山楂洛神花茶。

疫情肆虐好多酒樓都捱唔住對於小本經營的食店就更應該要支持朋友說這間家常麵的手作餃子好好食此店本身位於觀塘某工廈的最近才搬到黃大仙的街巷趁著拜太歲當日順道前來幫襯新店招牌設計簡簡單單但好醒目離遠都可以一眼見到店內空間不算很大但座位舒適寬闊先來一份口水雞份量算比較多，雞肉亦夠滑嫩不過最令人回味的是淋在上面的辣醬咸咸地又帶少少麻辣香味至於燻魚倒是比較驚喜因為向來食開的炸魚都比較乾身鞋口但此店的燻魚卻炸得外脆內嫩魚肉肉質嫩滑，入口仲食到湯汁咁，感覺juice招牌菜式餃子就一定要食由店員人手親自每天製造，真正賣完就無今次試了白菜豬肉同韭菜豬肉餃個人喜好就偏愛白菜，因為咬落好爽口皮好薄，饀好多，細食的話可能食5,6隻已感覺飽肚除了湯餃，還有蒸餃子，同樣人手製造但造型就不大一樣，呈柳葉型偏狹小雖然入口沒有湯餃般多汁但蘸花生醬食原來又是另一種滋味食飽後飲返杯健康花茶杯內材料很多所以味道很濃薄荷檸檬茉莉花菜夠清新醒神陳皮山楂洛神花茶酸酸甜甜亦很滋潤