影片
港鐵屯門站 A 出口, 步行約5分鐘
繼續閱讀
電話號碼
24642000
付款方式
以上資料只供參考, 請與餐廳確認詳情
屯門嘅工業區，呢一邊都算係出名，哈哈哈誤打誤撞入到嚟呢間，雖然午市時間冇佢最吸引嘅煲類食品，不過都可以有一啲港式嘅早餐，對於本地香港人嚟講，都係一個幾貼心嘅選擇。牛肉份量超級多，讚
繼續閱讀
任食自家製雞煲同涼茶，兩姐妹親自打理，好有親切感啊，頂手大半年，味道唔差架，雞煲食完唔口渴，涼茶真材實料，冷氣夠，新轉手大家必定要試，另外有晚飯套餐，不過我哋今次試咗任食雞煲
繼續閱讀
突然同妺妹想食雞煲放題，就嚟試吓家廚嘅雞煲放題，雞煲味道適中，食材新鮮，脆肉鯇爽脆新鮮無泥味，水魷同鵝腸都好味，尤其小食嘅麻辣腎片，豬耳豬肚夠惹味亦唔會太辣，白雲鳳爪，豬手好入味，食到尾仲有甜品，我揀咗芒果布甸，仲配有新鮮芒果打蓉做個汁，好好味，妹妹揀咗羅漢果凍配紅豆蓉，口感清新，睇得出廚師用心製作，老闆都好親民，會問客人意見，同客人傾吓偈咁，雖然放題係120分鐘，但如果唔多人，老闆亦唔會摧促話夠鐘要離場埋單，整體感覺唔錯，食得非常飽，傾吓食吓不經不覺已經兩個幾鐘，都好愉快，下次會再幫襯👍😊
繼續閱讀
晚餐時段，食雞煲火鍋放題，環境衛生清潔，食物新鮮，火鍋料脆鯇骨腩爽脆鮮甜、水魷鵝腸彈牙，飲品除了一般汽水外仲有比較少見嘅自家製羅漢果茶同花茶，店員態度親切有禮，我點了一份普通的油麥菜，見廚房員工收到order即將油麥菜即洗即切出嚟，唔會好似大多食肆切好晾乾晒水搞到啲菜又黃又乾，就呢份誠意已覺得廚師對食材的執着與用心，用餐其間店員都會過嚟問吓食物質素同調味如何，有冇須要改善嘅地方，最後店員提供多款甜品選擇，我點咗芒果布甸同果漢果凍，芒果布甸好香甜配咗鮮芒果茸醬汁，好好味，另羅漢果凍配有淡奶紅豆，呢個特色甜品都係第一次食，好清潤同淡奶紅豆好夾，成餐飯我覺得餐廳好用心做，希望令食客滿意，我覺得值得再返去幫襯，努力加油，希望繼續保持食物質素😊😊
繼續閱讀
朋友返港就同佢去返工附近工廠區食雞煲，貪佢僻僻地唔太多人，呢個位唔係成日經過的話真係唔會留意有雞煲食，仲有羊腩煲同酸菜魚。好幾年前未叫家廚之前黎食過一次，果次係好好味所以先再返試，但有d失望，個味已經唔同左，個辣味冇左d甜味，不過工廠區晚市同呢個價其實都唔會有好大希望或驚喜，係突然想食雞煲可以止下隱，雞都滑既，點完師父即炒。鋪頭招呼好欣勤，剛開始招呼算周到既，拎左2碟話自家製既餐前小吃，跟手輕輕sale下d醬料咁囉，魚乾都幾乾，辣辣地。豬手可能雪櫃拎出黎冇耐有少少硬身，攤左陣食就ok好食。話就話飲品任飲，但個雪櫃非常細同冇幾多罐飲品可以拎，我拎第2罐可樂時都係得一罐仲要好似有刻意收埋咁，係d佢地堆自家製既醬料後面，個雪櫃咁迷你家用式都有d唔相信。食晒雞就點邊爐餸，豬牛賣相都非常一般，唔太吸引，醬汁冇放枱供應，要問先有，仲要只有豉油冇蔥冇辣椒冇蒜，我寧可加雞淨食雞煲，一分錢一分貨。朋友食左幾碟牛，到差唔多last order前諗落多碟牛，應該係闆娘，就話牛賣晒咁佢轉點羊，佢落完羊成煲野羶到我頂唔緊喇店職員都算nice既，有個小朋友打瀉左野佢地都冇鞋面仲關心小朋友有冇整親。招呼算幾好，但食物質素同供應滿足唔到客人，都唔會再返轉頭嚕。
繼續閱讀
您可能會有興趣的...