家後2.0

營業中

休息中

一向都好鍾意食餃子！成日都會搵下香港邊到有正既餃子店！呢間有分店又多正評，我地放工搭過嚟幫襯！嚟到好多人，好快就安排到坐位比我地，但就要搭枱。煎餃煎得乾身香脆，唔會有油淋淋嘅感覺。特別推薦洋蔥🧅豬肉餃，裡面包滿紫洋蔥，好香好多汁！湯餃韮菜餃大大隻餡料好足，而且碗湯一啲都唔hea，幾好飲。另外呢到蛋糕都好出名！仲要係呢排好hit既開心果味！口感軟滑，勁濃開心果味！超級好食🥹！呢到除左餃子之外仲有客飯，會為左洋蔥餃同蛋糕再返嚟食！😆

今日嚟到深水埗嘅家後2.0，本店喺附近，但老闆做到踢晒腳，而家開埋新店，聽講佢哋啲餃子好正，就嚟試吓啦！首先講吓個洋蔥豬肉餃，個皮薄薄地，咬落去好彈牙，餡料就足料到爆！洋蔥嘅甜味同豬肉嘅鮮味完美結合，簡直係絕配！個湯底都好好飲，飲完暖笠笠咁，成個人都舒服晒。跟住再試咗個南乳豬手。 個豬手炆到好淋，肉質又腍又滑，一啲都唔韌。個南乳汁好入味，鹹甜適中，食到停唔口！最後，梗係要試吓佢哋嘅芝士蛋糕啦，有限定口味Rum酒提子。個蛋糕好滑，芝士味濃郁，口感又豐富。整體嚟講，家後2.0嘅食物質素真係唔錯，價錢又唔算貴。 如果想食吓地道嘅港式小食，呢度絕對係一個好選擇！

一直好想試「家後2.0 」，網上面見好多人話佢哋好受歡迎，要排隊先有得食，所以今日趁早放工，決定嚟一試🫶🏻♦️手工餃子套餐（煎）♦️小籠包豬肉餃（煎）x4 +是日新款餃子-麻辣白菜（煎）x4 +加配（中式）是日住家鹹飯＋冷盤小食（涼拌菠菜）＋熱烏龍茶🌟小籠包豬肉餃-本人最鍾意係小籠包豬肉餃，真係必食❤️佢真係俾到我小籠包嘅感覺，而且係暫時我喺其他地方食唔到嘅味道👅大推！♦️手工餃子套餐（灼）♦️韭菜豬肉餃（灼）x4 +雲耳椰菜豬肉餃（灼）x4♦️小食-紅燒豬手♦️ x4隻🌟紅燒豬手-每件豬手都幾大件，而且佢煮得好腍，又好入味，充滿膠質，真係好正，都係必食！♦️凍豆漿（支裝）♦️♦️開心果巴斯克蛋糕♦️🌟 開心果巴斯克蛋糕-有睇OpenRice食評嘅人，都知家後/家後2.0除左餃子🥟出名，佢嘅巴斯克蛋糕🍰都十分之出名，有啲人甚至乎係為咗佢而去。我今次一試之後終於明白原因，佢巴斯克蛋糕嗰種嘅軟滑香濃，真係比外面好多賣蛋糕嘅專門店更加好食🤤真係無得輸！一直好想試「家後2.0 」，網上面見好多人話佢哋好受歡迎，要排隊先有得食，所以今日趁早放工，決定嚟一試🫶🏻另外，佢哋嘅辣菜脯都好出色，建議大家搭配餃子一齊食，就Ve

期待咗呢間嘅蛋糕好耐！今日終於約到frd食😙🫶🏻！🌟煎餃雙拼 - 洋蔥豬肉拼麻辣豬肉（是日新款）無論係洋蔥豬肉定係麻辣豬肉，咬落都係爆汁！！外皮煎得超香脆，令人食唔停口啊🥰🌟灼餃雙拼 - 菠菜豬肉拼雲耳椰菜豬肉 今日灼餃跟嘅湯係冬瓜薏米湯，完全唔係飲完會口渴嘅味精湯，超有媽媽的味道！灼餃方面外皮超滑又薄身，同埋超多餡！好中意個菠菜豬肉，咬落好有口感～同豬肉嘅比例match得好好😙🌟豆漿豆漿重豆味唔太甜，都幾好飲🫶🏻🌟原味芝士蛋糕 呢個芝士蛋糕性價比真係好高🙏🏽🥺！$30！仲要堂食有得食！巴斯克做到外焦內軟，食落軟綿重芝士味，又唔會過份流心，唔怪之得咁快賣晒！

知道响附近開咗間新店，於是約埋同樣鍾意食餃子嘅朋友去新店試下。新店裝潢好有cafe feel，牆身掛上大量油畫，環境整潔又舒適。手工餃子套餐 $46.- 韭菜豬肉及洋蔥豬肉煎餃餃子煎到金黃色，十分香口鬆脆，餡料飽滿又多汁，菜肉比例適中，韭菜又嫩又鮮香，洋蔥味道清甜，勁好食🥰。咖哩牛筋腩飯 $48.-牛筋腩份量多，煮得軟腍入味，港式咖哩黃薑味偏重，味道香辣濃郁，餸飯一流。麻辣雞中翼 $30.-雞中翼煮得入味，麻辣汁香辣帶麻，雞翼肉質嫩滑，越食越有辣勁🤩。原味芝士蛋糕 $30.-蛋糕質感幼滑，芝士味濃厚，好食程度同cafe 店有得比，真係有驚喜😃！美式咖啡 $25.-咖啡味道香醇，配芝士蛋糕，好正😋。凍豆漿1支 $12.-豆味香濃，冰涼解渴，食煎餃子一流😋。食物價錢親民又無加一服務費，服務細心，係值得一間支持嘅小店。

今日無意之中經過，見到一間裝修文青小店，以為係Cafe，點知原來係餃子店，仲有芝士蛋糕食，我叫了外買，買了一份煎洋蔥豬肉餃，一份油菜同一件招牌芝士蛋糕，同埋時日限定芒果蛋糕，返到屋企開嚟食，仲係好好味，真心係好食，冇買廣告成份，純粹個人感受，加上店員服務好好，看見一間小店也能做到這樣的服務和食物質素，真係買少見少，希望喺香港可以多啲呢類型嘅舖頭，尼間鋪一定會回頭再光顧😊

聽聞深水埗有間餃子店好出名，嚟到梗係要食佢嘅餃子啦！今次選擇咗香口嘅煎餃，half half 嘅叫法就可以試到好多唔同嘅味。今次試咗小籠包豬肉餃、韭菜餃、芫荽豬肉餃同埋芹菜豬肉餃。煎餃真係冇得頂，煎得好香脆，同埋餡料都食得出好新鮮😋難怪呢間咁出名啦!肚餓的話仲可以加$20變做一個餐，有埋日式彈牙烏冬同前菜🍜除咗有餃子之外，更出名嘅係佢嘅cheesecake。每日cheesecake都係限量供應，味道都好多特色，今次試咗抹茶cheesecake🍰超級出色!!! 配埋咖啡最甜品好特色🤤

深水埗這間餃子店便宜抵食，所以就算平日晚上都已經人頭湧湧，需要輪候位置。看過餐牌，見到餃子相當抵食，多款不同的手工餃子，可以煎或可以灼，如果雙拼都只是加$2，咁就啱晒想試多種口味的食客。灼餃八隻都只是$40，煎餃八隻就是$42 ，十分抵吃。仲可以跟套餐，我們點了一款日式套餐，配上了是日湯麵、是日靚湯、前菜烏龍茶。相當抵食。是日的湯麵是紫菜湯烏冬，紫菜惹味配上了滑溜溜的烏冬十分滿足，大大碗相當足料超抵吃。是日靚湯有海底椰湯，清甜滋潤，很有住家的感覺。前菜有筍片，清爽美味。烏龍茶清清的，能夠一解食物的油分和味道。灼餃子方面，我們點了雙拼，雲耳椰菜豬肉餃和菠菜豬肉餃，看到餃子相當脹卜卜，皮薄多餡，一咬下去餡子都湧出來，兩款餃子都相當好吃，不但餡料多及豐富，而且仍能保持餃子中的湯汁，令餃子一咬下相當Juicy….煎餃子方面選了洋蔥豬肉餃，金黃色脆卜卜的外皮，一咬下湯汁一湧而出，十分美味。煎餃更為香脆，而且更為惹味，所以也是一個不錯的選擇。另外我們還單點了一碗豬骨湯上海麵，濃濃的豬骨湯配上了夠份量的上海麵，十分飽肚。小食還點了一款沙薑雞翼，沙薑味濃，雞翼炆得相當腍身及入味，相當惹味，超正。餐廳食

家後係深水埗區已經頗有名氣，而家開埋家後2.0添，一於試吓!-紅燒豬手煮得好淋👍 我食豬手就係鍾意啲煮得夠淋既，又夠入味，一碗有4-5隻，2-3人share都ok～-灼韮菜豬肉餃（套餐加配是日住家鹹飯&冷盤小食&烏龍茶）可以再多啲韮菜味😛 餃子餡料都幾足&新鮮. 冷盤小食係凍菠菜，ok既. 烏龍茶正常發揮.-煎菠菜豬肉餃煎到個golden brown出嚟啵🤩 外脆內軟、食唔停口👍 -日式住家飯團加咗牛蒡同蘑菇仔去整，有嚼勁有啲濕潤又夠味～-熱豆漿鑑於食完煎餃有啲熱氣，決定養生吓先🤣 豆味都幾濃架😙-原味巴斯克蛋糕呢度既巴斯克蛋糕7pm左右就賣晒，超受歡迎🤣 建議大家一嚟到可以留定一件先，有唔少客人都係咁做😏講返件蛋糕先，原味好有蛋香味，texture亦都厚實得嚟有鬆軟既感覺，中間仲有少少流心感，總結係果然名不虛傳😋

家後2.0📍深水埗汝州街131號地舖家後開左2.0分店啦…因為好耐冇食餃子，所以今日特登同朋友黎到深水埗家後2.0食餃子同巴斯克芝士蛋糕啦🍰今晚收工時間大約七點半到餐廳，門口已經排滿曬人，見到每個人都會走入店舖問仲有冇巴斯克蛋糕，而得到嘅答案竟然就係已經賣曬啦🥲🥲店員重提醒我地如果想食巴斯克芝士蛋糕就要七點前入座啦😢我哋今次叫咗三款餃子😍🥟＊是日新款煎餃（ 京蔥豬肉煎餃）＊韭菜豬肉煎餃＊菠菜豬肉灼餃餃子每份有8隻，煎餃煎到金黃色，好香脆，皮薄餡靚，咬開嘅時候有好多肉汁湧出嚟😆😆湯餃會連一碗是日燉湯，今晚嘅係海底椰湯，好有家的味道😍如果大食d嘅朋友驚8隻餃子唔夠食嘅，重可以轉為套餐，套餐有兩款可以選擇（日式或中式），日式既係是日住家麵類（烏冬） + 冷盤小食 + 熱烏龍茶，中式就係一碗鹹肉飯+冷盤小食+熱烏龍茶，今次同朋友兩款都有試曬，烏冬湯底係昆布鰹魚湯，烏冬非常彈牙，好好食🤩鹹肉飯雖然細細碗但食曬都好飽肚😆總括黎講，食物食落都有種家嘅味道😍😍😍餃子好食，性價比高，我下次一定一定會再黎家後2.0，早d黎食巴斯克芝士蛋糕🫣餐廳推薦指數：9/10

本來想去家後食，點知休息，就嚟2.0試下。排隊等咗20分鐘叫咗韭菜豬肉煎餃同洋蔥豬肉煎餃，餃子款式多選擇👍🏻但小食得幾款，仲要售罄餃子煎得一邊，係幾脆，不過另一邊係油浸！呀仔話我整嘅仲好食😓埋單同收銀講聲話好油😅油到有D頂住頂住想嘔佢話：係呀！有D人係食唔到咁油。咁講法即係佢地最出名係油浸餃子？？？

以自家制手工餃子做賣點，個人覺得煎餃比較香口美味，湯餃配的湯是冬瓜湯，消暑解渴，豆漿都濃豆漿味，最不能錯過的就是芝士蛋糕，見隔離枱叫走了最後一件，正失望之際，店員話到正店取一個過來，開心返。

家後2.0由佢舊鋪食到佢2.0既新鋪。絕對值得支持嘅小店。老闆健談友善。今日放假又心思思去咗食。餐廳特色用每日燉湯配餃子吃。蟲草花元貝湯鮮甜有益夠哂火喉。叫咗三款餃菠菜豬肉餃灼雲耳椰菜豬肉餃灼小籠包豬肉餃煎小籠包豬肉餃煎餃子煎到金黃色皮薄香脆小籠包豬肉餡比例剛好豬肉鮮味可口。菠菜豬肉餃灼特色餃子原來菠菜釀餃都咁好食。健康又有益。雲耳椰菜豬肉餃食落口感爽脆清甜餃子size 適中放湯食又有另一番風味。餐廳還有自家制既芝士蛋糕每日限量供應今日我哋晏咗只賣剩原味。芝士蛋糕鬆軟幼滑好味。

#ftf_深水埗餃子出色都算 甜品更勝一籌手工餃子套餐（灼） $42⭐️⭐️⭐️⭐️⭐️灼餃雙拼叫咗芫荽豬肉同埋菠菜豬肉，健康得來又超鮮甜，好少何我係鍾意灼多過煎，可能本身餃子調味出色，所以我呢度覺得灼餃已經好能夠滿足我嘅味蕾！手工餃子套餐（煎） $46 x2⭐️⭐️⭐️⭐️⭐️煎餃雙拼叫咗韭菜豬肉餃、雲耳椰菜豬肉餃、洋蔥豬肉餃同小籠包豬肉餃，全部都外脆內爆汁，全部都皮薄餡靚，放耐個皮都唔會淋，唔點汁食都食到材料本身嘅鮮香味，點完醋更加提鮮。個人嚟講，四種口味最鍾意洋蔥豬肉餃，韭菜豬肉、通椰菜豬肉平實得來都好出色，反而小籠包就唔算太有驚喜，味道同口感就比較單調，真係餃子型嘅小籠包咁樣。豬骨湯上海麵 $16⭐️⭐️⭐️⭐️味道就普通豬骨湯，但勝在上海麵夠韌性，口感彈牙，我鍾意！抹茶巴斯克蛋糕 $35⭐️⭐️⭐️⭐️⭐️呢個價位係等於出邊Cafe Double價錢嘅水準，抹茶味香濃，口感Creamy，唔太膩滯，又唔會太甜！🍴 家後2.0 (深水埗)📍 深水埗汝州街131號地舖回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

約左餃子控朋友特登黎深水埗試家後，揀新舖試諗住環境好啲🤣，事實都係唔錯，乾淨夠光猛～6點幾黎到都坐滿大半😮，同埋好彩order定蛋糕，叫得黎已經差唔多無🤫餃子有灼/煎揀，仲有飯同小食，飲品有日系少少既茶，選擇豐富😚🔅原味芝士蛋糕 ($30)巴斯克蛋糕係呢間名物😂，果然名不虛傳😍，口感好滑，芝士味🧀香得黎食落唔會好膩💕🔅開心果芝士蛋糕 ($35)見到綠色以為開心果味唔會好濃，估唔到食落勁香！好濃開心果味😍，中間仲有少少流心，大推💯🔅煎餃套餐 ($44+ 雙拼$2)同朋友都叫左雙拼餃，每隻口味各4粒～🥟餃子包得唔算好結實好大粒，油左啲啲，不過皮唔算厚，煎得香脆得黎唔𠝹口☺️🔸是日新款餃麻辣白菜餃幾好味！少少麻，唔會好辣，但辣得黎幾香🌶️🔸小籠包豬肉餃見咁特別所以叫左，超級爆汁😍，食嗰時要小心啲😆🔸雲耳椰菜豬肉餃有雲耳同椰菜食落口感爽脆🔸韭菜豬肉餃韭菜朋友話一般～🔅日本Sangaria烏龍茶500ml(深) ($10)💬餃子ok，未到特別驚喜，但巴斯克真係好食😂，不過建議早少少黎～食完7點幾已經排長龍🙈