影片
付款方式
以上資料只供參考, 請與餐廳確認詳情
終於都放寬限聚令去到八人一台所以母親節就嚟咗呢度慶祝數數手指～對上一次咁齊人出街食飯已經係幾個月前嘅事啦！比較過餐牌之後，覺得呢個八人套餐都幾抵食。11度款式的菜。$2,488。全部都係老人家鍾意食嘅菜式。有魚翅、鮑魚、龍蝦、燒鵝同魚。菜式得體👍🏻極品燒鵝王半隻呢隻燒鵝真係冇得頂👍🏻上菜嘅時候仲係暖暖地個皮好脆，裏面嘅肉非常Juicy油脂感十足作為第一道菜已經令人留下深刻印象上湯焗西澳龍蝦伊麵底（二隻）龍蝦肉彈牙，伊麵略少。如果可以多啲伊麵就好啦！碧綠鮑螺片扣肉掌鵝掌唔夠淋。杞子真菌浸菜苗上湯食得出雞味同菇味，唔錯吖。陳皮蒸大連鮑魚呢度評語兩極老人家覺得唔錯，因為夠淋食到但小朋友唔鍾意陳皮味，有少少苦澀清蒸雙東星斑仔上菜嘅時候好有驚喜因為係兩條東星斑仔魚肉好滑，火候啱啱好紅燒海皇花膠翅材料好足，味道尚可。瑤柱蛋白炒飯炒飯夠乾身，瑤柱蛋白味足夠。敬母蟠桃可惜裏面冇蛋黃，如果有埋就好啦。精美糕點桂花糕同椰汁糕。唔會太甜。如果可以預每人都食到桂花糕同椰汁糕就完美喇。整體來講，呢度嘅食物質素有保證，分量十足。本人大推極品燒鵝王👍🏻👍🏻👍🏻👍🏻👍🏻
繼續閱讀
前兩日（8/13/2021）中午嚟開新蒲崗，朋友介紹這食店，便一試。食店位於二樓，地下賣外賣燒臘，十二點多嚟到，剛好有位，坐咗一陣，無人招呼，唯有叫侍應。這食店好多特價點心及套餐，客飯都只係$40，重平過茶餐廳，抵食。點了鹹菜豬肚，好夠味XO醬蘿蔔糕，醬料惹味，蘿蔔糕被醬汁包住，唔乾，正。虎皮尖椒，至愛，炒得夠味，略為多油咗D午市組合~一餸二點心$78，超抵食叉燒，好稔，夠味，有燶邊又多肉汁，好好味煎薄罉，厚咗D，唔脆鴦鴛燒賣
繼續閱讀
平時好少去新蒲崗，咁啱經過，見到這間酒家出面有個牌寫住有特價小菜，最平$38，果日係公眾假期，於是問吓係咪也有做特價小菜，佢話有，立即試吓佢，叫了胡椒豬肚雞煲、翠塘海皇豆腐及南乳蓮藕炆豬手，這些也是屬於$48的小菜，先上胡椒豬肚雞煲，老實講這個份量係比較少，不過$48算係咁，幾香胡椒味，豬肚也算淋，差唔多食晒這碟餸之後就上豬手，這個豬手份量也足，唔會過濃味，豬手啲毛也抆得好亁浄，煮得入味，最後上嘅就係豆腐，但這個豆腐真的等好耐，由落order到上枱差唔多成個鐘，期間我見其他枱的客人也有催餸，有啲等得太耐無等就埋單走了，雖然這個餸等得耐，但煮出來的賣相也很不錯，大大碟，又足料，有啲似食緊䶢嘅豆腐花，豆腐滑就唔係好滑，但也ok，整體而言，這個價錢堅抵，雖然飯同茶位要$15 一位，但拉上補下也是抵，服務也ok，會再幫襯.
繼續閱讀
星期日飲個早茶😋，唔記得幾多年無嚟過呢度飲茶，應該都轉咗手，地面有個檯枱不過無人招呼嘅，上幾級樓梯先到茶樓，檯唔多，都幾密，十幾張，有少少卡位。野食唔貴，星期日唔使30蚊就有孖寶，我地揀咗蝦餃併個粥，不過蝦餃就得3粒，其實蝦都幾大隻，不過個皮就少少爛，包得唔太好。其實點心味道可以嘅，都唔貴，叫咗六個點心（粥，蝦餃，牛肉球，腸粉，蘿蔔糕，燒賣）4個人茶位都係16x , 不過冷氣就滴水💧，埋單只收現金💸，整體環境服務麻麻😑，所以無乜一家大細嚟，多數都係老人家。
繼續閱讀
一心諗住飯店開咁耐，應該都可以呀，又有疫情關係，一定支持小店，點知食完先知，冇人幫襯，係有原因嘅。$15一個飯、一個茶芥，三個人連加一，已經差不多一百；一碟菠蘿咕嚕肉超過一半係肥豬肉，豬肉貴就比少啲，一係收貴啲，點解要比咁多肥豬肉，食咗都唔健康啦，唔怪得冇人食，冇下次。
繼續閱讀